رواية عندما يعشق العلماء الفصل الثاني عشر 12 - بقلم دينا عويس

سمر بغضب: بتقولوا إيه من ورايا؟ دينا بخوف: الله يخربيتك خضتيني ياشيخة، وبعدين مش بنقول حاجة، إيه هنقول إيه يعني؟ سمر: طب بطلي كلام إنتي وهي، ويالا جهزوا الكارنيهات عشان ندخل بيها الكلية، مش من أول يوم هنستهبل، فاهمين؟ دينا وصفاء: فاهمين فاهمين. صفاء بهمس لدينا: لا أنا خوفت أكتر من الأول، أنا خايفة عاااا يا مامي.

دينا بنفس الهمس: أنا مش عارفة هعمل إيه، ما تيجي نموتها النهاردة طيب، دي هترعبنا، عاااا يا إبراهيم يا ماما الحقوناااااااااااااااي. سمر ببصة غضب. دينا وصفاء: إحنا خلفك علطول، متقلقيش. سمر بنصر: ناس متجيش إلا بالعين الحمرا. -في كلية الطب البشري جامعة القاهرة. مي بصدمة: هو حضرتك مصمم تغلط فيا كل شوية ولا إيه؟ إيه إنتِ تاني دي؟ وبعدين هو إنت دكتور إيه؟ لا مش مصدقة. الشخص بعصبية: بقولك يا آنسة إنتي كلية إيه؟ وفرقة كام؟

مي: أنا كلية الطب البشري فرقة أولى. الشخص بجدية: وأنا بقى الدكتور اللي هيشرحلك في الكلية، فأحترمي نفسك واتكلمي بأسلوب كويس وعلى مكانك جنب صحابك، يالا. وإنتي يا آنسة اللي جنبها معاها برضو جنب صحابكوا. مي وهبه: حاضر. (مي بسبب أنها لا تحب التحدث مع الجنس الآخر فلا تريد أن تبطل في الحديث مع الدكتور لأنها هي المذنبة من الأول) هبه لمي: تعالي نقعد هنا. مي بتوهان: هاا ماشي ماشي.

الدكتور بجدية وصوت عالي: السلام عليكم ورحمة الله وبركاته. أنا الدكتور مروان محمود. بابا صاحب أكبر شركات المروان في مصر. المهم باذن الله هندرس مع بعض مادة علم التشريح.

وياااريت القواعد والنظام بتاعي ميتغيرش، يعني من المحاضرة التانية مفيش دخول لأي أحد من بعدي، مفيش كلام في المحاضرة، مفيش غياب كتير عشان أعمال السنة، بلاش حركات الروشنة، كل واحد في حاله، أللهم بلغت، محدش يخالف القواعد عشان هيشوف وش عمر ما حد شافه، مفهووووووووووووووم؟ جميع الطلاب: مفهوم يا دكتور.

الدكتور مروان: تمام، أنا هقول دلوقتي على النظام اللي هنمشي عليه طول فترة الدراسة وخصوصًا في الأيام دي، مرض كورونا غير العالم كلياً. الطلاب: تمام. مي لهبه: ممكن تدخلي شوية يا هبه مش عارفة أقعد. هبه تتحدث إلى الفتاة التي تجلس بجاورها: ممكن يا آنسة تدخلي شوية عشان نعرف نقعد كويس. الفتاة: لا رد. هبه لمي: مش بترد. مي للفتاة: بعد إذنك دقيقة بس، ممكن تدخلي شوية عشان نعرف نقعد كويس. الدكتور بعد ملاحظته

لمي وهي تتحدث إلى فتاة: إنتي تاني..... ياتري هيكون إيه عقاب مي.