رواية عندما يعشق الاسد الفصل التاسع عشر 19 - بقلم ندى علي حبيب

فى سرايا الدمنهورى. نغم قامت ومش قادرة تفتح عينيها، صحت أخدت دوش ولبست ميني دريس أصفر وشبشب بيتي أصفر وعملت شعرها ضفيرة وخصلة نزلتها على وشها ونزلت وهي تموت تنام. نزلت لقت العيلة كلها متجمعة. نغم: صباح الخير. الكل: صباح النور. شاكر: إيه يا نغم يا بنتي مش بالعادة تتأخري في النومة كده. نغم بصت ليلى وضحكت بخبث: كنا في مهمة يا جدي. ميرا بغيظ: مهمة إيه دي. نغم: يخصك. ميرا بصت بغيظ وكملت أكل.

ونغم أعدت أكلتها وبصت على مكان أسد وزعلت إنه مش موجود معاها. فى شركة أسد في القاهرة. أسد قاعد على المكتب وراسه على طربيزة المكتب. دخل أدهم. أدهم ابتسم على منظره. أدهم: يا زعيم. أسد صحي بعصبية: عايز إيه يا أدهم. أدهم: هنمشي إمتى عوزين قبل بليل. أسد نده السكرتيرة. أسد: في لسه أي اجتماعات. السكرتيرة: لا يا باشا خلاص كده. أسد: تمام برا إنتي. أسد: أدهم أعد عايزك. أدهم: آمرني. أسد: جماعة الديلر بعتوا وعوزين صفقة.

أدهم: وإنت عايز إيه. أسد رجع لورا بتعب في راسه وفكر في نغم. أسد: أنا عايز أخلف يا أدهم وعايز قبل ما أخلف أبعد مش عايزه يعيش لوحده. أدهم: بس دول الديلر مش أي حد. أسد بغضب: وأنا أسد الدمنهوري مش أي حد. أدهم: طب والعمل. أسد: الصفقة كمان شهر وأنا بقى اللي هسلمهم بإيدي. أدهم: إزاي. أسد: هقولك في وقتها يلا نمشي علشان عايز أشحن. أدهم بضحك: يلا يا زعيم. فى الصعيد. نغم كانت في الجنينة رنت على أسد. أسد بغيظ: إيه يا نغم.

نغم: وحشتني. أسد: عارفة أنا راجع في الطريق والله لعلمك الأدب على أصوله. نغم بفرحة: بجد إنت راجع. أسد بخبث: ما تفرحيش يا روحي كده لأني هطلع اللي عملتيه فيا فيكي. نغم بخوف: سـسلام. أسد: سلام. نغم بخوف: يترا ممكن يعمل إيه فيا، ممكن ميخلينيش أنام، لالالا مستحيل، نغم اتقوي كده، إنتي هتخيبي، إنتي أقوى من كده، يلا اطلعي جهزي نفسك، جوزك جاي. نغم دخلت عرفت العيلة إن أسد وأدهم رجعوا.

زينب: يلا يا بنات شهلوا قبل ما الرجالة يوصلوا. نغم: يعني نعمل إيه يا مرات عمي، ما احنا هبطنا. زينب: أم إبراهيم معاكم اهو، يلا خلصوا. نغم: طيب أنا جوزي جاي يعني لازم أطلع ألبس كويس من أقور كوسة. زينب: مفيش طلوع غير لما تخلصوا، ويلا وأنا معاكم اهو. نغم اتغاطت والبنات ضحكوا. غادة: تعالي يا نغم خلصي تقوير وأنا هتابع الباقي. نغم: بجد شكراً. غادة بحب: إنتي زي أختي. نغم: أقولك أنا كنت مفكراكي بت ميعة زي ميرا كده.

البنات كلهم ضحكوا. غادة: مبحبش أضايق حد مني وإنتي زي أختي وبدأوا في الطبخ. في الليل وصل أسد. السواق بتاع أسد: يا باشا. أسد: ..... السواق: يا باشا. أسد صحي: وصلنا. السواق: أيوة بس حضرتك نمت. أسد في نفسه: وربنا لوريكي. أسد بضيق: تمام صف العربية. نزل لقى أدهم وراه ودخلوا وهما ميتين نوم. في السرايا. الجد وأسر وسالم منتظرين أسد وأدهم والعيلة كلها. شاكر: حمد الله على السلامة يا ولدي. أسد بتعب: الله يسلمك يا جدي.

شاكر: حمد على السلامة يا ولدي. أدهم بنوم: الله يسلم يا جدي، إمال فين قوضي. أسر: نعمم. أسد بيحاول يلطف الجو: عايز ينام وأنا عايز أنام أنا كمان. شاكر: لما تتعشوا. أسد: يا جدي اعذرني أنا واخد متجوز وبعيد عن مراتي بقالي أسبوع قدر دا لو سمحت. سالم: يا بني اتكسف. أسد بوقاحة: ليه مش مراتي ودا حقي. شاكر: اطلع يا أسد مرتك فوق. أسد: تمام تصبحوا على خير. أسر: الساعة 6 المغرب هتنام من دلوقتي.

أسد بص لأدهم: أنا مش مصدق إني وصلت فاسكت خالص يا أستاذ أسر. الكل ضحك وأسد طلع الجناح بتوعه.