رواية عندما يعشق الجاسر الفصل العشرون 20 - بقلم ريم محمد

جاسر: محمد أنا رايح الأوتيل. محمد: ليه؟ إيه اللي حصل؟ مليكة: هجيب حاجات مليكة ومايا عشان مش هنخرج غير بكرة من المستشفى. فهنضطر نبات هنا النهارده وهنسافر بعد يومين لأن لازم تقعد يوم على الأقل وبعد كده تقدر تسافر. محمد: طيب هاجي معاك عشان أساعدك. في غرفة المستشفى: مايا: مليكة قولي الحقيقة، انتي بخير يا روحي ولا تعبانة؟ مليكة: أنا كويسة بس قلبي بينكسر. مايا: حبتيه؟

مليكة: مش عارف بس كل أما أبدأ أثق فيه يرجعني مليون خطوة لورا. أنا مش عارفة ليه بيعمل كده بجد، ليه كل مرة بيكسر قلبي؟ كل أما بحتاجه مش بلاقيه. أهم حاجة في الحب إنك تحسي بالأمان، ده أهم شعور وأنا معدتش بحسه مع جاسر. مايا: متقوليش كده يا مليكة، بجد انتي مهمة بالنسبة لجاسر.

مليكة: مايا لو سمحتي اقفلي الموضوع ده بجد لأني بجد مش قادرة خالص إني أستحمل الموضوع ده. كل ده بيضغط على أعصابي وموقف امبارح لسه في دماغي مخرجش منه. كل أما بفتكره بحس إني لسه واقفة يوم امبارح، بحس برعشة وخوف كأنهم هيخطفوني حالا. مايا: أنا مقدرة يا روحي وعارفة والله الموقف اللي اتعرضتيله مش سهل ومفيش حد يقدر يقاوم. انتي قاومتي مستسلمتيش أبداً وفضلتِ تحاربي. مليكة: أنا مش عارفة أنا حاسة إني تعبانة.

الممرضة: ده شعور طبيعي يا آنسة، انتي جسمك كله فيه كدمات، غير إن دراعك مكسور فلازم إنك تاخدي الدواء وبعد كده تنامي ولما تصحي تأكلي. بس المهم ترتاحي كويس عشان جسمك يستعيد عافيته كويس. مليكة: حاضر. مايا: طيب أنا هسيبك شوية عشان ترتاحي وتنامي تمام كويس، ماشي يا حبيبتي. مليكة: ماشي يا روحي. بعد ساعة: جاسر: مايا انتي قاعدة بره لوحدك ليه؟ مش قاعدة مع مليكة ليه؟

مايا: الممرضة قالت لمليكة إنها لازم تاخد الدواء وترتاح فأنا سبتها وطلعت بره لغاية ما تيجي. جاسر: طيب يا روحي، روحي انتي مع محمد الأوتيل، اتفقنا. انتي كنتي تعبانة انتي كمان، ارتاحي شوية وأنا هقعد هنا مع مليكة هنا وأبقى تعالي بالليل. مايا: بس أنا مش عايزة أسيبها لوحدها وهي كده. جاسر: متخافيش، أنا موجود هنا معاها ومش هسيبها. مايا: هتكون معاها فعلاً؟

زي ما اغمى عليها في الشارع وأنا ماكنتش موجودة وبرضه كانت هتتخطف وانت برضه ماكنتش موجود يا جاسر؟ وسيبتها في أكتر وقت كانت محتاجالك فيه. محمد: مش وقت الكلام ده يا مايا، يلا عشان نمشي. مايا: يلا يا محمد. عن إذنك يا جاسر. جاسر: محمد خلي بالك منها. محمد: متخافش، في عنيا يا صاحبي. جاسر: حضرتك داخلة فين؟ الممرضة: ندخل الأكل للمريضة عشان تاكل لأنها لسه ما أكلتش. جاسر: طيب ممكن تديني الأكل؟ أنا هديهولها وهاكلها لو ينفع يعني.

الممرضة: آه اتفضل، وبعد ما تخلص رن الجرس. جاسر: تمام. في العربية: محمد: مايا مالك؟ شكلك زعلانة ليه؟ مايا: زعلانة من جاسر، لأنه بجد بيسيب مليكة في أكتر وقت هي محتاجاه. علطول بتوقع في المشاكل بسببه هو. محمد: بصي، متلوميش جاسر لأنك مش عارفة الحقيقة كاملة. عشان كده حاولي متحكميش عليه من دلوقتي. مايا: مش قادرة يا محمد، هي صعبانة عليا جداً. وانت لو شفت شكلها خايفة كأنها لسه امبارح. لسه في الحادثة مرعوبة كأنهم بيخطفوها.

محمد: ربنا معاها والحمد لله حماها ومخلاش يحصلها حاجة، وده أهم حاجة حصلت. مايا: معاك حق. لو كانت اتخطفت كنت حاسة إني هموت. في المستشفى: جاسر: مليكة قومي يلا عشان تأكلي. مليكة: أنا مش عايزة آكل منك حاجة لو سمحت، ممكن تبعد عني لأني بجد تعبت ومش قادرة أتحمل أي حاجة تأذيني أكتر من كده. جاسر: طيب بصي، مش عشان خاطري، عشان خاطر مامتك. كلي عشان صحتك وإحنا هنرجع بعد بكرة تقدري تروحي كليتك، يلا. مليكة: أنا مش عايزة آكل لو سمحت.

جاسر: بصي، انتي شكلك مش هتيجي غير بالغصب. مليكة: إزاي يعني؟ هتكتفيني ولا تربطي إيدي عشان آكل؟ أصل أنا عيلة صغيرة. جاسر خلي مليكة تتكلم وحط الأكل في بقها. جاسر: كلي وأعي ترجعي، فهمة؟ يلا كلي. لو مأكلتيش مش هتعرفي هعمل إيه في نص المستشفى. مليكة: ماشي يا جاسر، هعمل بس عشان أخلص منك. جاسر قعد ياكل مليكة وبعد كده اداها الدواء ونامت. جاسر: أنا آسف يا مليكة، عارف إن كل اللي حصلك ده بسببي. في مكان أول مرة نروح:

الزعيم: أنا عايزة أفهم إزاي معرفتوش تجيبوها؟ ممكن أعرف بعت أقوى رجالي ومحدش عرق يجيب حتة بت زي دي؟ شخص: يا زعيم، في رجالة هجموا علينا، إحنا منعرفهمش ولا نعرف دول رجالة مين. الزعيم: بس جاسر محلقش يبعت رجالي، يبقى مين؟ شخص: مش عارف يا زعيم، بس كانوا مسلحين وأول مرة نعرف أشكالهم، بس وعد هنجبهالك. الزعيم: انت فاكر إنك تخطفها بعد كده سهل؟

جاسر مش هيخليها لوحدها أبداً وبعد كده رجالي هيحوطوها أربعة وعشرين ساعة. بعد كده أنا كنت عايزها تبقى الكارت اللي هتضغط بيه على جاسر الدمنهوري. هي دي اللي كانت هتسلمني رقبته. لازم نخطط كويس إننا نخطفها، ده شيء أساسي. لازم نتأكد من كل حاجة. شخص: أكيد يا زعيم، لازم نعمل كده ونوعدك إننا هنجبهالك رقعة تحت رجلك تتوسلك ونخلي جاسر ينحني ليك ويبقى تحت رجلك يا زعيم. الزعيم: أتمنى ده يحصل.

كارمن: الو، كل حاجة اتنفذت، أنا دلوقتي في مصر. مجهول: الفلوس هتتحول على البنك. كارمن: يبقى كده اتفقنا. مجهول: آه اتفقنا، وهتبقى معايا عشان نكمل باقي الخطة كويس أوي، سلام. كارمن: كده خلصت أول جزء وخدت الفلوس، لازم أخلص الخطة التانية كمان وأسمع تعليمات الشخص التاني كمان، لأن ده اللي هيوصلني لجاسر أكيد.