رواية عندما يعشق الصخر الفصل الخامس 5 - بقلم نور محمد

في الخارج هبطت دموع تالين وهي تتذكر ما حدث معها. منه حتى وجدت من يجذبها من يدها. عند تالين في الغرفة المجاورة. تالين: في إيه؟ سيبي إيدي ياهانم بتوجعيني أوي. ألفت: دا أنا هحول فيكي كمان يابت. كنتي بتعملي إيه في غرفة صخر ابني الوقت ده كله؟ تالين: كنت بأخد ليه القهوة بس ياهانم والله. ألفت: عليا أنا بقى الكلام ده؟ أنا فاهمة حركات الخدمات كويس أوي. تالين: قصدك إيه ياهانم؟ والله ده اللي حصل، حتى روحي اسأليه لو مش مصدقة.

ألفت: أنا فاهمة الحركات دي، وأكيد هيقف في صفك عشان انتي بقيتي عشيقته. تالين: لو سمحتي يا ألفت هانم، أنا مش اسمحلك إنك تتهميني كده أبداً، عشان أنا مش كده. ألفت: انتي بتردي عليا كمان يابت؟ تمام، أنا هفرجك دلوقتي مين هي ألفت المسعود. عند صخر. طلع من القصر كله وتوجه لمكان تاني، مكانه المفضل. صخر: انتي فين يا سوسو يا عسل؟ سعاد: أنا هنا يا صخر يابني، تعال. صخر: وحشتيني يا سوسو والله، ووحشني الكلام معاكي أوي.

سعاد: بس بقى ياواد يابكاش. انت كنت هنا امبارح واكلت معايا كمان. صخر: والله نفسي أفضل معاكي هنا على طول ومأسيبكيش أبداً يا سوسو يا قمر انت. سعاد: بس بقى ياولد بتكسفني كده أوي. صخر: من حق الجميل يدلع يا سوسو مش كده؟ سعاد: هتفضل كده تكسفني كتير؟ وبعدين أكيد يا حبيبي في حاجة حصلت معاك، مش كده؟ أنا حافظاك يا صخر. صخر: على طول فهوماني من نظرة عيوني يا سوسو انت. سعاد: أكيد يا حبيبي. ها، إيه حصل؟ احكيلي أنا سُمعاك يا صخر.

صخر: أقولك إيه يا سوسو والا إيه؟ بابا ومازن اللي لحد دلوقتي فاكرين إني السبب، وهم ميعرفوش الحقيقة كاملة، وأنا بحاول أجمع الدليل لحد دلوقتي. والا البنت الوحيدة اللي قلبي حبها بس، هي بقت بتكرهني وعايزة تسيبني النهار ده قبل بكرة كمان. وأنا تعبان يا سوسو أوي، والله مفيش غيرك انتي بس بيفهمني. سعاد: أنا عارفة يا حبيبي كل اللي بتمر بيه. بس انت ليه عملت فيها كده من الأول يا صخر؟ وخلتها تكرهك يابني.

صخر: غصب عني يا سوسو والله. أنا حبتها بجد من أول ما شفتها وكنت عايز أتقدم أجوزها، بس عرفت إن أبوها مريض وهي مش حتوافق تسيبه أبداً. وكمان رجوع عيلتي في الوقت ده زاد الموضوع سوء، عشان هم مش حيوافقوا عليها لأنها كانت بتشتغل في كباريه، وأنا مش عارف أعمل إيه دلوقتي. سعاد: اهدي ياحبيبي وكل حاجة حتتحل إن شاء الله. حاول معاها تاني وفهمها الكلام ده، وأكيد هي حتسامحك لو بتحبك كمان يا صخر.

صخر: وأنا مش حيأس ليسة يا سوسو، بس ادعيلي انتي إن الأمور دي كلها تتحل وأنا أرتاح. سعاد: داعية ليك من قلبي يابني والله ودايماً. صخر: تمام، أنا حرجع بقى القصر عشان أحاول تاني. سلام يا سوسو يا عسل انت. سعاد: تمام يابني وخد بالك من نفسك يا صخر. صخر: كله على الله يا سوسو. سلام. عند ألفت وتالين. أخدها لغاية باب القصر وهي بتجرها من إيدها وتالين بتعيط. ألفت: تعالي يابت الكلب عاوزه تضحكي على ابني أنا؟ واتوقعيه فيكي؟

أنا هفرحك دلوقتي إزاي تفكري كده. تالين: والله ما عملت حاجة، أنا والله حتى اسأليه صخر بيه. ألفت: لا مش هسيبها يا كمال دي عاوزة تضحك على ابني وأنا فاهمة الحركات البنات دي كويس. مازن: ماما حرام عليكي سيبها دي بتعيط. هي عملت لكي إيه؟ ألفت: انت متتدخلش يامازن. أنا عارفة حتعامل مع الأشكال دي إزاي كويس أوي. تالين: والله يا كمال ومازن بيه أنا معملت حاجة. والله أنا مظلومة.

كمال: اهدي يابنتي أنا عارف إنك مش عملتي حاجة. سبيها يا ألفت بقولك. ألفت: دي بتضحك عليك يا كمال بدموع التماسيح دي بتاعتها. أنا عارفة إزاي حوقفها عند حدها. مازن: ماما كفاية كده. أنا واثق إنها مش ليها ذنب في حاجة. سبيها فوراً. ألفت: وكمان بتعلي صوتك عليا يامازن بسبب البنت دي؟ ماشي، أنا حعرف أوقفها عند حدها كويس.