رواية عنيدة ولكن الفصل الثالث 3 - بقلم هند الحجار

أنا جاية تعبانة، ملكش دعوة بيا. قرب منها. ارجوك، والله العظيم أنا جاية تعبانة من الكلية، ارجوك لو سمحت سبني، والله تعبانة ومصدعة. نظر لها ولوجهها الذي يظهر عليه معالم التعب، ابتعد عنها دون أن يتكلم. طرق على الباب، فتحت له الدادة، دخل هو وهي. دخلا ووجدا مروان وكريمة يشاهدان التلفاز. تحدث كارم: روحت بدري من الشركة يعني؟ رد عليه مروان وهو يشاهد التلفاز: اه، خلصت شغلي وجيت.

جلس كارم بجانب أمه وانتبه لها هي ومروان، أنهما منتبهون للمسلسل. أمال فين منة ي ماما؟ ردت عليه وهي تشاهد التلفاز أيضًا: لسة ما جتش يا ابني. رمقه كارم متعجبًا: ده ليان جت وهي لسة ما جتش. انت يا ابني ركز معايا وسيبك من الفرجة دلوقتي. انتبه مروان له وهتف: نعم، عايز إيه؟ رمقه كارم بسخرية: أختك لسة ما جتش وحضرتك قاعد. انتبه مروان للتلفاز: زمانها جاية، هتروح فين يعني. قام ليتصل بها كارم وهو يتحدث: خلي المسلسل ينفعكم.

أما مروان وأمه كانا يشاهدان بتركيز، حتى جاءت لقطة رومانسية، أخذت كريمة جهاز التحكم وقامت بتغيير القناة. نظر لها مروان: ي ماما قلبتي ليه. انتبهت له: عيب، مش نتفرج على قلة أدب. وهو فين قلة الأدب ده، لسة هيحضنها. ي ماما هاتي المسلسل النبي. مش عيب أما أبقى أمك وتفرجيني على الحاجات دي. مش انتي اللي قاعدة تتفرجي معايا، حد قالك اتفرجي، قومي بقى من جنبي. أخذ جهاز التحكم منها وأتى بالقناة مرة أخرى، وجد الإعلان.

أخذت كريمة تضحك: كله بسببك، أهي الحتة راحت. ردت كريمة وهي تضحك على أفعال مروان الطفولية: أحسن، شفت ربنا. قام من جانبها وذهب لكارم وجده يحاول الاتصال بها. إيه، ردت عليك؟ دي قافلة فونها. ي ماما، ي ماما. جاءت كريمة على صوت كارم: إيه يا كارم، بتزعق لي؟ أزعق، ما لازم أزعق، تقدر تقوليلي الهانم بنتك فين، الساعة داخلة على تسعة ولسة ما جتش. رمقته كريمة بتعجب: أكيد في الجامعة واتأخرت، دلوقتي زمانها جاية.

لم تكمل جملتها ووجدوا طرقات على الباب، فتحت الباب دادة فاطمة. دخلت منة بخوف شديد. أهلاً أهلاً بالهانم. اقترب منها كارم: كنتي فين؟ ذهبت منة لتختبئ خلف مروان. يا أبيه، كان عندي محاضرات كتير وكنت بصور ورق من صحبتي. اطلعي من ورا مروان عشان أعرف أكلمك، هو مش هيحميكي مني. تحدث مروان: إيه يا كارم، براحة، ما قالتلك كانت في الجامعة، ما كلنا بنتأخر. رمقه كارم بغضب: بس إحنا ولاد مش بنات، اطلعي يا منة من ورا مروان.

تحركت منة من خلفه ووقفت بجانبه، أمسكت بيديه. أول وآخر مرة تتأخري، وإلا هيبقى ليا تصرف تاني، فاااااهمة. فزعت منة من صوته، شددت من مسكها لمروان وتحدثت: فاهمة. صعد كارم على الدرج ومنة حمدت ربها. تحدثت كريمة: أديكي شفتي أخوكي قلب الدنيا أهو، بعد كده متتأخريش. حاضر يا ماما. ذهبت أمها من أمامهما وبقيت هي ومروان. وجدت مروان أنه ينظر لها. إيه يا مروان، بتبصلي كده ليه. لبسك متبهدل وشكلك قلبي، مش مرتاح يا منة، كنتي فين.

تحدثت بخوف: كنت كنت في الجامعة، ما أنا قلتلك يا مروان، وانت عارف الطريق والزحمة وكده. امممم، ماشي، حاولي متتأخريش تاني، عشان غلط يا حبيبتي، واحدة في سنك تتأخر دلوقتي. نظرت منة باطمئنان: حاضر، مش هتتكرر تاني. ذهبت منة من أمامه. أما مروان بحث عن ليان بعينيه، لم يجدها. ذهب لغرفتها وكان متردد أن يطرق الباب أم لا.