رواية عوض المعتصم الفصل الثالث والعشرون 23 - بقلم رحمة أيمن

في المساء .. رحمه: معتصم معتصم: امم رحمه: ركز معايا دقيقه معتصم: مشغول، اتكلمي سمعك. رحمه بعصبية: معتصم بجد ركز معايا، عايزك في موضوع مهم. معتصم برفع عينيه وتركيز: امم، اتكلمي. رحمه بتوتر: لاء، خلاص غيرت رايي، ركز في الشغل تاني. معتصم: ههه، نعم يا رحمه. رحمه: كمان! معتصم: هتقولي ول... رحمه: هقول، هقول. احم، بكره عايزة اخرج. معتصم: ممنوع. رحمه: عشان خاطري، بكره فرح صحبتي في المستشفي ومينفعش، عزمتني. معتصم: صحبتك مين؟

رحمه: جيهان، دكتورة هناك، متعرفهاش. ممكن اروح بالله؟ معتصم: اامم، "يشير الي وجهه" وحدة هنا ووافقت. رحمه: دي رخامة كده. معتصم ببرود: خلاص مفيش روحة. "تقترب له وتقبله ثم تجري فيوقفها صوته" معتصم: ابقي جيبي بنت عمك معاكي. رحمه بستغراب: فاطمه؟ لي؟ معتصم: تصبحي علي خير. غامض غامض وزي القمر... هييح. طلعت فوق وبدأت اعزف. وبفكر انه انا كنت فين وبقيت فين!

احيانا العوض بيجيلك في الوقت والمكان المناسب وصح. عمري ما توقعت اني ممكن الاقي حد يكون سند يكون عوض ليا كده. ووقتها بصيت علي صورته وقولت: هو انا استاهل حد زيه كده فعلا. "يقوم بدخول ومعانقتها من الخلف بهدوء.." معتصم: حلو. رحمه: جشطهم. معتصم: كنت صغير شوية. رحمه: انت صح مبتصورش خالص، قولي الحقيقة، مسجل خطر؟ معتصم: طبعا، انا اتسجنت 3 مرات قبل كده. رحمه: ههه، لاء، طمنتيني. معتصم: "يحملها" يلا نام بقي، يلا.

رحمه: لاء، متش.... عااا، يبني بقي، ههه. _في الصباح .... رحمه: ارتاح يوم كمان. معتصم: انا لو سبت فهد شوية كمان هناك، هندمر. رحمه: ههه، بجد انت كويس. معتصم: اممم، هتروحي الشغل؟ رحمه: امم، واجيب هدية ليها انا وغزل. معتصم: تمام، خدي بالك كويس المرادي. رحمه: متقلقش، انا جامد جدا. معتصم ببتسامة: طيب، يلا اوصلك يا جاامد جدا. "تنظر له بغيظ ويغادرن" "في الشركة" فهد: عصوومي، حبيبي، وحشني. معتصم بقلق: فهد، انت كويس؟

فهد: اوماال، بس بقالي 3 تيام منمتش بس. معتصم: احنا هنستهبل، ده انا ماسك الشغل كلو من البيت، انت بتيجي توقع الاوراق وتشرف كده وتمشي. فهد: يعني ده سهل بنسبالك؟ ده انا كنت باجي كل يوم، انت متخيل. معتصم: لاء، كتر خيرك والله. فهد: يلا، خليها عليا. عايز حاجة؟ هروح انام بقي. معتصم: ........ فهد: اه صح، فرح عمر النهارده وجيه عزمني تاني، هتروح؟ معتصم: هشوف كده. فهد: انت بتهزر صح! هتفكر يعني؟ متاكد من الكلام ده!

معتصم: انت هتروح؟ فهد: طبعا، اما اروح أشقط كده كام بنت. معتصم: ..... فهد: انا هروح بقي س... معتصم: علي مكتبك يا فهد. فهد بصوت منخفض: يعني اشيل الشركة تلات أيام ول كلمة حلوة أصلا، ما انتو صحاب فالصو وناس معندهاش ضمير، اقسم بالله. معتصم: فهد، بطل تخربط في الكلام واطلع بره. "ينظر له بغضب ويغادر" _ترن ترن ترن فاطمه: الو. رحمه: فطوم، ابقي تعالي، هنروح فرح النهارده. فاطمه: فرح مين؟

رحمه: فرح جيهان صحبتي. معتصم تقريبا مش عايزني اروح لوحدي وكده. فاطمه: انا عايزة اخرج اصلا، هشوف كده واقولك. رحمه: تمام، هستناكي. .... فاطمه فاطمه: امم. رحمه: عملتي اي في موضوع امك؟ لسه شاكة؟ فاطمه: اه، مش عارفة اي اللي هيحصل، ربنا يستر. اتكلمي معاه يا رحمه عشان خاطري. رحمه: حاضر، والله هقوله. في المستشفي .... غزل: احوووم، فرحت برجوعك. رحمه: انا اكتر والله. غزل: هحاول اخلص بدري النهارده ونخرج نتغدى ونشوف كده اللبس.

رحمه: تمام، وانا كمان، علي تواصل. غزل: اوووك. بعد العمليات .... دكتور مروان: يعني بجد اعمل كده؟ هتكون حلوة. غزل: طبعااا، ورومانسية جدااا. دكتور مروان: بس مش حلوة يعني اني امسك المايك واطلب ايديها قدام الكل، هيكون محرج ليا وليها. غزل: لاء يا دكتور، دي بتحبككك جدا. انت بس حاول تلطف الجو كده وتقولها انك حبيتها من اول يوم شوفتها فيه وابدع كده، هتفرح جدا.

دكتور مروان: انا فعلا بحبها من اول يوم شوفتها فيه، وهفرح جدا لو وافقت. غزل: متقلقش، كلو في التمام. دكتور مروان: شكرا يا غزل علي ال فكرة الجميلة دي، هروح استعد انا بقي. غزل: تمام يا دكتور، باي. في شركة السوفتي.... امير ببتسامة: عرفت انه هيلاقيها، بس يخسارة معرفش يعمل حاجة الغبي. مصطفي: بس كده اسمك ممكن يجي. امير: متقلقش، صحبه اللي قلة يعمل كده يعني، احنا في السليم. مصطفي: طيب، صحبه ممكن يقول اسمك ويعترف؟

امير: ميعرفش يعمل كده، انا مخليه يختفي يومين، محدش هيعرف يلاقيه. ارتاح انت بس كده وتعالي نشوفهم وهما بيلغوا الشراكة العظيمة دي. مصطفي: ههه، مبسوط منك، ابني العبقري اللي رافع راسي. امير: لسه في كتير جي، انا هعرفه ازاي يعمل كده معايا وهرجع شركتك رقم واحد تاني. مصطفي: لو اقدرنا نعمل كده، ساعتها اقدر اعمل فيه زي ما عملت زمان، هو ورشيد، ههه، ومراته هرجعها ليك، ركعة، وده وعد مني. امير بسرحان: كلو جي، كلو جي، متخفش.

في فله النواري ... فاطمه: ماما، انا رايحة لرحمه زي ما قلتلك. شرين بقلق: فاطمه، انتي متاكده انه هشام قلك انه مع صحابه في شرم وقفل تليفونه؟ فاطمه: اه يا ماما. هكدب عليكي لي، هو جيه لم شنطة وملقاش حد غيري فقالي ومشي وقالي متخلهيش تقلق عليه. شرين: اكيد هيكون كويس، ابني بطل. المهم، هتعملي اي في موضوع العريس؟ فاطمه: يووه، عريس تاني! مش قفلنا الحوار ده؟

شرين: لاء، متقفلش، وبقولك اهو، قبطان وهيعيشك مرتاحة وهتسافري وتبعدي عني بقي وارتاح. فاطمه: لما ارجع نبقي نشوف الموضوع ده، تمام. شرين بغضب: متتاخريش عشان مضربكيش، فهمه؟ فاطمه: حاضر. في شركة معتصم .... معتصم ببتسامة: انت ورا الموضوع ده صح؟ فهد ببرائة: انا يبني، شكرا علي ثقتك الغالية. معتصم: فهد، انجز. فهد بغمزة: والله، اللي يجي عليا لازم اعرف مقامه، ول اي ههه. Flashback "فهد بجلوس علي المنضدة امام فتاة"

فهد: انتي وعد بنت اللوء حسن؟ وعد: حضرتك عرفني؟ فهد: لاء، بس صاحبي بيحكيلي عنك كتير وبقولي انه معجب بيكي جدا. وعد بضحكة: صحبك مين بقي؟ فهد: شهاب الجدواني، اكيد تعرفي، ده مشهور جدا في الأعمال، وكل ليلة يحكي عنك ويقولي انه شافك في عيد ميلاد صحبتك الاسبوع اللي فات. اووه، بيني، كترت كلام. وعد: هو ازاي عارف اني كنت في عيد ميلاد؟

فهد: بقلك معجب بيكي جدا. المهم، رقمه اهو، وبروح الكافيه ده. بس ممكن متقوليش ليه اني قلتلك حاجة عشان هو محروج منك. وعد: لاء، مش هقوله. فهد: تمام، عن اذنك. Back معتصم: ههه، وبعدين تتفق مع النادل يجيب اخره في الشرب ويروح بيتها وتصورهم وتبعت الصور لابوها يا فهد. فهد: بس اي رأيك، فكرة حلوة صح؟ معتصم: محبوس بقاله 3 تيام وبعذبه، وابوها حالف مهو خارج قبل شهر حتى، عمي مش عارف يخرجه.

فهد: هو اللي عينه زيغة، لقها كده يبعد، يكون عنده نظر، انما ديل الكلب مبيتعدلش، فخلي ياخد جزائه بقي. معتصم: يلهوي عليك لما تحط حد في دماغك. فهد: ده انا لسه هروحله بعد ما يطلع ورنه علقة محترمة. معتصم ببتسامة: ابقي قولي، اهو نتسلى شوية. فهد: ههه، ومالو، المهم، هتعمل اي في موضوع الود ده؟ معتصم: ود اي؟ فهد: هشام النواري، تفتكر هيحصل مشاكل؟ معتصم: لو فعلا حصل مشاكل، يبقي وصلوا للي هما عايزينه. فهد: قصدك اي؟

قصدك انه في حد ورا ده؟ معتصم: اممم، كان في عربية بترقبنا ورجالة اللي كان معاهم، مستحيل يكونوا صحابه لانهم مدربين فعلا مش شوية عيال وخلاص. فهد: شاكك في عائلة السوفتي؟ معتصم: مفيش حد هيتمنى ان العلاقة بينا وبين النواري تنتهي ويحصل مشاكل غيرهم. وهو عارف هشام من زمان اكيد عشان كان متجوز رحمه. فجبها من عنده عشان يطلع بره الحوار كله. فهد: امم، واذا حصل ده فعلا.

معتصم: اسماعيل النواري مبيهموش الكلام ده، بنسبة لي شركته اهم من اي حاجة في الدنيا حتى حفيده. بس معرفش اي اللي هيحصل. فهد: هتعمل اي مع زفت امير؟ معتصم: بقي بيغلط، بيغلط كتير وشوية وقت وهيعرف قيمته... قريب، قريب هيجي تحت رجلي. في المنزل ... في المساء رحمه: تفتكري الفستان حلو؟ فاطمه: تحفففه، يبنتي هينبهر. رحمه: خايفة ميعجبوش، وكمان الميكب، اول مرة احط ميكب من 3 سنين. فاطمه: والله يا بنتي جامد، اهدي، وترتيني.

"يدخل معتصم فيجد الباب مغلق" معتصم: رحممه. رحمه: احم، قومي افتحي بسرعة. "تذهب فاطمه للفتح ثم تنزل وتتركهم بمفردهم" معتصم: قفلة البا.... "ينظر لها بدهشة" رحمه بتوتر: ها، حلو، بص لو مش حلو قولي، ممكن اغيره، وجبته احمر عشان بحبه، متعيبش تمام، هو... معتصم: ششش. ههه، افصلي، خليني اتكلم. رحمه: مش حلو صح؟ معتصم: خلصتي.. ارد بقي. رحمه: ......

معتصم: انتي اجمل بنت انا شوفتها في حياتي. الاحمر حلو بيكي عشان انتي لبساه مش عشان بتحبيه. تعرفي انا بغير منه لانك بتحبيه اكتر مني؟ انا خايف عليكي مني، من نظرتي اللي مش بقدر اسيطر بيها على نفسي. انتي عملتي فيا اي ها، انتي حلوة كده لي، يخربيت عقلك. رحمه بتغميض عينيها: .... انا غلطانة اني قلتلك تتكلم، انت عايز تموتني صح؟ "يقوم بتقريب لها ومسك يدها الاثنين وتقبيلها وتقوم بعناقه" رحمه: انا كده مش همشي، فكرة.

معتصم: امم، فكرة حلوة، خلينا هنا. رحمه: دقيقة، انت جي؟ معتصم: واسيبك لوحدك كده؟ هتتخطفى تاني وهنعمل جو أكشن تاني ومش قادر. رحمه: ههه، مش قلقانة، فكرة معتصم هيلاقيني. معتصم: اكيد هيلاقيكي، لانه من غيرك ولا حاجة. رحمه: لاء، انا لازم امشي من هنا ضروري، لقع ومش هروح الفرح، وانا عايزة اكل جاتو. "تقوم برفع الفستان وتغادر بمرح ويقوم بضحك" في السيارة ...

بعدها نزل، بحتة بدلة دوبت اعصابي كلها، يعني احمر اي ونيلة اي، بالي انت لبسه ده، وبرفان ورافع شعره ولابس ساعة، لاء، كتير كده، كتييير... رحمه: خير. معتصم: نعم. رحمه: انت هتروح الفرح وانت قمر كده ازاي، يعني أراضي زمك ساعتين ونص فوق ب لبس، بس غير الميكب والطرحة وانت تقعد نص ساعة تنزل كده، مش مهم دي، انا اروح مع واحد احلى مني لي. معتصم: يا بت بطلي قمر بقي، هبسوك دلوقتي وانا مش مسؤول عن أفعالي.

رحمه بتوتر: معتصم، في ناس هنا، انت بتهزر. "تضع يدها على جبهتها بحراج" فاطمه: ههه، كملو كملو، مهو طلع المحن لذيذ اهو. رحمه: فطوم، هتزعلي. معتصم ببتسامة: اهلا يا فاطمه، منورة. فاطمه بضحكة: نورك معتصم بيه. محادثة واتس ... فهد: انا وصلت الفرح، لو جيت هستناك. معتصم: تمام، جي في الطريق.

وقفت العربيات هناك والحراس واقفين كلهم ونزلة، وهو وراح لافف ومطلعني وماسك ايدي ودخلنا وكأنه وزير الداخلية داخل. الناس سابت الفرح بالعريس والعروسة بالجاتووو ومصدومين انه معتصم اللي مبخرجش ولا بروح حفلات موجود هنا... دخلنا طبعا وسلمت على جيهان. وقعت تاني عشان مضربش وغزل عوضتها ورقصت هيا والحمد لله جيه وقت البوفيه، هيهي. فهد: هه، اخر حتة. فاطمه: الله، اخر حتة. "يمسكوها معاً وينظرون لبعض بصدمة"

فاطمه: لاء بقي، في حاجة غلط. فهد: انتي أكيد جاسوسة وبترقبيني، اعترفي. فاطمه: يعني يوم ما ارقبك، ارقبك انت يخويا. فهد: انتي تطولي يا بت، اهدي يا فهد، دي واحدة هبلة.. سيبي الفرخة. فاطمه: مستحيل، انا مسكتها الاول. فهد: والله لو مسبتيها لفضحك في المكان. فاطمه: مش هيهمني، دي ورك يعني، هاخده هاخده، متحلمش. فهد: فااطمه، حمات العروسة وراااكي. فاطمه بخضة ولف: ازي حضرتك ي.... اي! فهد: ههه، احسنن. "يقوم بأخذها والجري"

فاطمه بعصبية: فههههد، خد هنا. _رحمه: اللله، الطبق جيه لحد عندي ومتغلف، ومرحتش تحت الرجلان زي كل مرة. معتصم بضحكة: عشان تعرفي ان جوزك مش اي حد. رحمه: بقي يطلع بيشتغل عندك وانت مديره ومتقوليش، ما انا بقول جي ازاي كده من غير عزومة. معتصم: ده انا معزوم قبلك اساسا، وبعدين جيبلك الاكل لحد عندك ومدلعك، فحمدي ربك. رحمه: ده انت قمر اقسم بالله، هو باقي الجاتو واقوم احضنك دلوقتي. معتصم: يخربيت الجاتوو.

رحمه: ده بقي كان الواحد ياخد طبق ويعينه تحت، وبعدها يدخل المطبخ ودخل ورا وابدا ازعق وانا مختش وازاي تنسوني ويدوني طبق تاني واكل لاتنين بفرحة كده... واي اللي انا بقولو ده، معلش، احم. معتصم بضحك على طريقة حديثها: ههههه. رحمه: معتصم، هروح اسلم على الدكتور شهين واجي، مش هتأخر. معتصم: دقيقة، عايزة اسلم عليه، هقوم معاكي. رحمه: ما بلاش انت، ده بموت فيك. معتصم: سبحانه الله، شعور متبادل. رحمه: ههه.

"يذهبون لمنضدة الاطباء ويسلمون عليهم" معتصم بثقة: دكتور شهين، فرحت اني شوفتك هنا. شهين: معتصم بيه بنفسه هنا، غريبة. معتصم: ول غريبة ول حاجة، ده موظف عندي، جيت افرحه، وهرقيه كده زي ما عملت مع حضرتك. شهين: ول زومة اي حضرتك بعد اللي قلته. "ينظرون لبعضهم ويتوتر الجو" دكتور مروان: ازيك يا رحمه، اي الحلاوة دي. رحمه بتوتر ونظر لمعتصم: شكرا، كلك ذوق. معتصم بغضب: طيب، عن اذنكم. "يقوموا بالمغادرة"

غزل بتحدث في اذن جيهان: انا مكنتش اتوقع انه معتصم بيه بنفسه يجي، شكلها هتحلو اوي، ههه. جيهان: قصدك اي؟ غزل: ..... ، بس كده، تفتكري هيضربه؟ جيهان: نهااارك اسود، فرحي باظ، فرحي باظ! ............. معتصم بهمس: مين اللي واقف جنب الدكتور شهين ده؟ رحمه: دكتور مروان. معتصم: امم، وببصلك كده لي؟ رحمه: ببصلي انا! محصلش. معتصم: رحمه، هنستهبل، ده مشلش عينه من عليكي طول ما احنا كنا بنتكلم.

رحمه: لاء، هتلقي بس كان بيلطف الجو عشان اللي عملتوه هناك. معتصم: طيب، يلا نمشي. رحمه: نمشي اي، احنا لسه جاين، بالله مكلتش جاتو. "يبدأ الرقص ويجلسون بستمتاع وهدوء ثم ياخذ دكتور مروان المايك وتحدث"

دكتور مروان: احم، انا متوتر اوي، بس حد شجعني على ده، وانا فكرت كتير، بس اتشجعت وقولت اقلها، انا عايز اتقدم لواحدة قدامكم كلكو دلوقتي واعرفها اني بحبها من اول يوم شوفتها فيه، واني بجد مش هلقي زي برائتها وادبها، كفاءتها في شغلها، اكيد. جيهان بتوتر: غزل، وقفي، هنروح في داهية. غزل: مش عارفة بشوار لي مبجيش، احيه. والبنت دي هي اجمل وارق بنت في الكون، الدكتورة رحمه. تقبلي تتجوزيني؟

فهد باكل: هيهي، ربنا يرحمه، كان دكتور شاطر اوي اوي. فاطمه خضه: احييه. رحمه بنظر لمعتصم: !