رواية عودة الملاك الفصل الرابع 4 - بقلم ميسون عبدالمجيد

ملاك بصدمة ووجع: ااااااه. وهو وقعت على الأرض. باسل بص لها بصدمة ممزوجة بخوف، خاصةً لما وقعت على الأرض وشعرها رجع لورا وبانت ملامحها. باسل بص لها شوية، فضل يتأمل ملامحها. بص لها وابتسم بغموض. بعدها طلع تليفونه واتصل بـ ياسين. ياسين كان لسه مخلص عملية وكان تعبان جداً. باسل بلا مبالاة، ولا كأنه عامل حاجة: ألو يا ياسو. ياسين بتعب: مين معايا؟ باسل بصدمة: مين معايا؟ نهار أسود! يعني صوتي ومش فكراه، ونسيتني؟

إنما الاسم مش ظاهر. ياسين بتعب وزهق: باسل، أنا لسه خارج من عملية ومش شايف قدامي. بس إيه دا؟ انت بتتكلم من مصر؟ باسل: آه، لسه جاي حالا. صح، بقولك... ياسين بقلق: إيه؟ باسل: أنا لقيت حرامية في أوضة أدهم. ياسين بصدمة: بتقول إيه؟ باسل بغباء: زي ما بقولك، أنا ضربتها وهي فاقدة الوعي. تعالي انت. ياسين: تمام، أنا جاي حالا. ياسين مشي بسرعة ونسي خالص إنه هو اللي بعت ملاك. ياسين بعد ما غير لبس العمليات ولبس لبسه، كان خارج بسرعة.

يحيى بقلق: في حاجة ولا إيه؟ ياسين بتوتر: باسل بيقول لقي حرامية في أوضة أدهم. يحيى بعدم فهم: باسل وحرامية؟ هو باسل رجع امتى من لندن؟ ياسين بلهفة: دلوقتي. أنا ماشي. يحيى قلع البالطو: استنى، هاجي معاك. ياسين وهو ماشي: عايز تمشي وتسيب الشغل بأي حجة؟ يحيى بص له وضحك: فهمني انت يا ابن اللذينة. بعد وقت. ملاك بتفتح عينيها بوجع وصداع: ااااااه يا راسي. ااااااه. وشافت قدامها باسل.

باسل بغضب: أهلاً بالحرامية. سيبت البيت كله وجاية تسرقي الأوضة دي بالذات؟ ملاك بتبص له وبتبص حواليها، بتحاول تفتكر هي فين وإيه اللي حصل. باسل بيبص لها بتركيز، ملامحها صورة من ياسين. دادة كريمة ومازن طلعوا. دادة كريمة بصدمة: إيه دا؟ انت عامل فيها كدة ليه؟ باسل يا ابني. باسل بغباء: دي واحدة حرامية يا دادة، كانت بتحاول تسرق أوضة أدهم وأنا لحقتها ومش هسيبها. دادة كريمة: حرامية إيه بس؟ دي تبقى الد...

مازن قاطعها: دادة، خدي. وسحبها بسرعة وخرجوا برة الأوضة. مازن بخبث: بس متقوليش هي مين. دادة كريمة بعدم فهم: ليه طيب؟ حرام البنت. مازن بخبث: استنى أما ياسين يجي ونشوف هيعمل إيه. دادة كريمة بصت له بعدم فهم. ملاك بدأت تفوق: إيه دا؟ أنا إيه اللي عمل فيا كدة؟ باسل بعصبية: انتِ حرامية وأنا مش هرحمك. ملاك بصدمة: حرامية مين يامتخلف انت؟ أنا أبقى د...

باسل بحدة: مسمعش صوت. استني عليا، ده أنا هفضحك. دخلة أوضة أخويا وبتفتشي في إيه؟ ملاك بنرفزة: يا بني افهم، أنا أبقى... باسل بصوت عالي: قلت مش عايز أسمع صوت. ياسين دخل: فيه إيه؟ باسل وحرامية مين؟ وأكمل بصدمة: دكتورة ملااااك! باسل قام بغضب: ياسين، إحنا لازم نتصرف معاها. دي حرامية. دي كانت قاعدة في أوضة أدهم وبتفتش في كل حاجة. بس لحظة، انت تعرف اسمها منين؟ ياسين قرب بغضب وبدأ يفك ملاك: مش هتبطل غباء أبداً.

ويحيى واقف حاطط إيده على بقه وبيضحك جامد ومداري وشه عشان ياسين لو شافه بيضحك وهو متعصب ممكن يقتله. ياسين بغيظ: متقلّب، تبقى مين؟ يحيى بيضحك وبيحاول يتكلم: دي الدكتورة النفسية اللي ماسكة حالة أدهم. باسل بص له بصدمة وإحراج. ملاك بغيظ: منك لله، انت إنسان متخلف. انت ضربتني بإيه؟ باسل بإحراج: بعصاية بس تقيلة شوية. ملاك بصدمة: كَمَاااااان؟ يمكن يكون جالي ارتجاج في المخ. منك لله. ياسين بيفكها وحاطت وشه في الأرض وبيضحك بهمس.

ملاك حست بحاجة نازلة على شعرها. بتحط إيديها. ملاك بصراخ وخوف: عااااا. داااام. داااامي. ياسين بص لها بخوف: إيه؟ يحيى، هات القطن والمطهر والحاجة بسرعة. يحيى مشي بسرعة. ياسين أول ما شاف دمها حس بحاجة جواه وجعته أوي، بس مهتمش. ملاك بوجع وخوف: عااااا. منك لله. روح والله وانت ماشي تتخبط في عمود ورقبتك تتكسر زي ما كسرت رأسي. عااااا. باسل واقف مكسوف. ياسين بصداع: شششش. خلاص، هلفلك راسك. ملاك بصت له بغيظ.

ملاك بغيظ: يقرّبلك إيه؟ المعاق ده. ياسين ببرود: أخويا. يحيى جاب الحاجة وياسين بدأ يعقملها الجرح ويلفها له. ملاك بوجع: ااااااه. براحة انت كمان. ياسين بضيق: خلاص، اتنيل. فرّجتني علينا الكمبوند كله بصوتك. ملاك بغيظ: منكم لله. منكم لله كلكم. أنا إيه اللي دخلني وسط العيلة دي؟ كان يوم أسود يوم ما شفتكم. يحيى واقف بيضحك وياسين باصص لها بغيظ وعمار بإحراج. ياسين بغيظ: متتنيل. اقفل بقك انت كمان شوية. شايف نكتي.

يحيى بيضحك: حاضر. ملاك بوجع: ااااااه. ياسين بزعيق: ما خلاص، قلنا. ملاك بصوت أعلى: متزعقش، لحسن والله اطلع على المركز وأبلغ فيكم. وانت هتشد معايا صح؟ وشاورت ليحيى. يحيى بابتسامة: برقبتي يا اسطى. ملاك بابتسامة: أصيل يا أبو رحاب. باسل بغيظ: ندل طول عمرك. ياسين بحدة: طب فكري كده، وأنا هدّفّنك مكانك. ملاك بزعيق: انت متنيل شايف نفسك على إيه؟ ولا عشان عنيك الزرقا وشعرك الأصفر؟ ده انت متجيش في جمالي شكة.

ياسين بنرفزة: انتِ واحدة حيوانة. ملاك بعصبية: وانت بني آدم برأس كلب. ياسين بنرفزة: وانت... سليم الجيار (الأب) بحدة: إيه؟ إيه؟ صوتكم جايب لغاية تحت. فيه إيه ومين دي؟ سكتت للحظة وبص لملاك بصدمة وفضل يتأمل ملامحها، وبيبص لها بتركيز وهي ولا واخدة بالها منه. يحيى: أنا هقولك يا بابا... وبدأ يحكيله. سليم بكسوف: إيه دا؟ إيه الجنان ده يا باسل؟ باسل بإحراج: منا مكنتش أعرف يا بابا. بس قلي حضرتك رجعت امتى من ألمانيا؟

سليم وهو باصص لعيني ملاك: لسه راجع حالا. إحنا آسفين يا بنتي. ملاك بضيق: لا عادي، ولا يهمكم. وأكملت بهمس: ربنا ياخدكم كلكم. ياسين سمعها وشد على راسها وهو بيلف الجرح. ملاك بغيظ: ااااااه. ما قلت تتنيل براحة. ياسين بص لها ببرود. ياسين خلص. ياسين بضيق: أهو يختي خلصت، وأتمنى تكون آخر مقابلة. ملاك بصت له بغيظ. ملاك بغيظ: من القلب للقلب، واللهم. ملاك خرجت وسابتهم وهي عمالة تشتم وتدعي عليهم كلهم. ملاك وصلت لباب الفيلا.

باسل بإحراج: احم، يا... ملاك بصت له. عمار: آسف على اللي عملته. ملاك بصت له بضيق ومردتش. باسل قرب منها بابتسامة: خلاص، ميبقاش قلبك أسود. بجد آسف. أنتي مش عارفة أوضة أدهم دي بالنسبالنا كلنا إيه. صحيح أدهم أكبر مني، بس أنا ديماً بعتبره أخويا الصغير. وأتمنى تقبلي أسفي. ملاك ابتسمت هادية: تمام، حصل خير. شكلك طيب وكيوت زي يحيى، مش زي أخوك السفاح اللي فوق دا والدبش التاني اللي في المستشفى.

ياسين كان نازل من على السلم وسمعها. ياسين بغيظ: واحنا مش عاجبين سيادتك ياهانم. ملاك لوت بقها بضيق. باسل بابتسامة: تحبي أوصلكم؟ ملاك: لا شكراً، هطلب أوبر. ياسين بضيق: لا ونبي استني. هنتحايل عليكي عشان أوصلك. ملاك قربت منه وحطت عينيها في عينيه. ملاك بغيظ: يا بني آدم برأس كلب، انت حد وجّه لك كلامي؟ ياسين بنرفزة: والله لو ملمتي لسانك وبطلتي الكلمة دي، لأكمل عليكي واجبلك نزيف داخلي. ملاك بصت له بغيظ وخرجت.

بعد وقت، ملاك وصلت بيتها البسيط الجميل اللي بترتاح فيه وسط عيلتها الجميلة. ملاك وهي بتقفل الباب: منكم لله يا ولاد الجيار. منكم لله. طب منظري وبريستيجي دلوقتي هيبقى إيه؟ سيف من وراها: يا حول الله. ده انتي عدتي ليفل الجنان. أكمل بصدمة وخوف: إيه اللي حصل؟ ملاك: اهدي طب. سيف بقلق: اخلصي إيه اللي فتح راسك كده؟ ملاك حاطة إيديها على راسها بوجع: الله يفضحك زي ما فضحني. روح، روح قول لبابا بالمرة. سيف بصت له برفعة حاجب.

ملاك بهدوء: طب لحظة، أغير وارتاح من الصداع وهنقعد وهحكيلك كل حاجة، تمام؟ سيف بضيق: أما نشوف. بليل، سيف وملاك واقفين في البلكونة والدنيا ضلمة وقاعدين على ضي القمر، وكل واحد ماسك فنجان قهوة. سيف بغضب: والمتخلف ده إزاي يعمل فيكي كده؟ أنا هوديه في ستين داهية. ملاك بهدوء: سيف، خلاص ارجوك. اقفل على الموضوع. محصلش حاجة. سيف بقلق: خلاص، سيبي المريض والمستشفى كله. ملاك: كلام إيه ده يا سيف؟ أنا ما صدقت خلاص بقيت...

سيف بص له ونفخ بضيق وفتح تليفونه. ملاك واقفة جنبه جت عينيها على فون سيف. ملاك: لحظة، لحظة. ارجع كده تاني. سيف بص لها بعدم فهم ورجع اللي كان جايبه. ملاك بعدم فهم: هي دي بعتاله إيه؟ سيف بخبث: إيه دا؟ تصدقي لسه شايفه. استنى أما أقبلها. ملاك مسكته من لياقة التيشرت: تقبل إيه يعني؟ سيف ضحك: متهدي يا شبح، مش كده؟ بعدين فيها إيه، صحبة أختي. ملاك بغيرة وغضب: ومن امتى وانت عندك بنات؟ سيف بيبتسم بمكر: من دلوقتي.

ملاك: اعملها بلوك. سيف بإحراج: لا، مش هينفع خلاص. هسيبه كده. ملاك بحدة: قلت اعمل بلوك. سيف بص لها بغيظ وعمل بلوك. ملاك بأمر: يلا روح. هات لنا شوية حاجات من السوبر ماركت. سيف ضربها في رأسها هزار: شغالة عندك أنا؟ ملاك بصت له وضحكت بحب. ::::::::::::::::::::::::::::::::::::::::::::::::::::::::::::::: في فيلا سليم الجيار. سليم في التليفون: يا كمال، ارجوك اتصرف. كمال: يا سليم، بقولك تحليل الـ DNA بياخد أقل حاجة يومين.

سليم بكسرة قلب: يا كمال، صدقني مش قادر أستحمل. أنا مصدقت أخده شعرها منها. ارجوك اتصرف. كمال بقله حيلة: حاضر يا سليم، حاضر. هحاول أجيب لك التحليل بكرة. سليم بفرحة: شكراً يا كمال، شكراً. تفتكر ممكن تكون بنتي؟ كمال باستغراب: حقيقي؟ هتبقى ولا الأفلام. بعد 25 سنة تلقاها كده.

سليم بحزن: أنا متأكد إنها هي. صورة من ورد، الله يرحمها. كل حاجة زي ما تكون هي. نفس حجمها وهي في سنها، نفس العينين الزرقا، نفس نظارة النظر اللي بتخليها أجمل، نفس الغمازتين، نفس الشعر الذهبي، نفس هزارها ولسانها، وكل حاجة. كمال اتنهد بحزن على صديقه. سليم بفرحة: ياااه، تخيل كده لما أتأكد إنها هي وأخدها في حضني كده وأقولها قد إيه بحبها وإني مشتاقلها العمر كله.

كمال بحزن: متتعشمش أوي كده يا سليم. أنت صديق عمري ولازم تعرف الحقيقة. إنك لما تتأكد إنها بنتك وتقولها، هترمي نفسها في حضنك دي عمرها ما شفتك من يوم ما اتخلقت. وانت مشلتهاش غير مرة لما رميتها في مقلب. وبالة وانت... سليم قاطعه بحزن وحدة: خلاص يا كمال، خلاص. أنا عارف كل ده. بس ارجوك متتأخرش بالنتيجة. سليم قفل معاه واتنهد بحزن.

عند ملاك، كانت نايمة في أوضتها وبصت للسقف. لا إرادياً جت صورة الست اللي شافتها في أوضة أدهم وعمالة تفكر إزاي شبهها بالشكل ده. مقدرتش توصل لحل، اتنهدت بقله حيلة ونامت. عدى الليل بظلامه على أبطالنا. _أشرقت شمس يوم جديد مليء بالأحداث. ملاك صحيت وأخدت شاور ولبست لبسها اللي كان عبارة عن بنطلون جينز عليه هيكول أبيض وجاكيت بينك وكوتشي أبيض. ملاك واقفة بتسرح شعرها قدام المرايا.

ملاك حاطة إيديها على راسها الملفوفة أثر ضربة باسل. ملاك بوجع: ااه منك لله يا ياسين. ملاك بصت لنفسها: هو أنا بدعي على ياسين ليه؟ وباسل اللي ضربني. يلا مش مهم. المهم إني بكره ياسين، يبقى أشتم عليه. فردت شعرها وفرقته نصين وشعرها الذهبي بان مع بشرتها البيضاء وعينيها الزرقاء الواسعة وغمزتينا. ولبست نظارة النظر الجميلة. ملاك خرجت. لقت الكل قاعد على السفرة بيفطر. ملاك بابتسامة: صباح الخير. الكل صباح النور.

عبير بصدمة وخوف: إيه اللي فتح راسك كده؟ ملاك ببرود: براحة طب يا بيرو، هقولك... وحكتلهم وهما اتضايقوا شكلاً. عبده بابتسامة: بس إيه القمر ده. ملاك بابتسامة: حبيبي. وقعدوا يفطروا. سيف: راحة المستشفى؟ ملاك وهي بتاكل: أيوه. سيف: تمام، هوصلك معايا. ملاك بفرحة: أخويا الجدع. سيف بص لها وضحك. عبده وهو بيشرب: يا سلام. مفيش من بعد كوباية الشاي بتاعتك يا عبير. عبير ابتسمت: ألف هنا يا حبيبي. عبده بحب: ربنا يخليكي ليا يا حبيبتي.

ملاك بتقوم: يلا يا بني، يلا. متخليناش نفصل روميو وجولييت دول. عبده بابتسامة: اللي غيران مننا يعمل زيه. ملاك بصت له بغيظ ووجهت كلامها لسيف: ومنه نعمل زيكم. وأكملت بدلع: يلا يا حياتي. سيف قرب منها: يلا يا روح قلبي. الاثنين ضحكوا ونزلوا. عبده ابتسم بحزن. سيف وملاك ركبوا العربية واتحركوا.

ملاك بصوت عالي: لااااااااااابس كَمَاااااااه. وانااااا مش ضامن جراااااااه. يااااما. مش ناااازل الشااارع. لاااابس اللاتااااكس. أنا ناااازل الغااابه. لاااابس قناااااع. لاااابس قناااااع. أصلي الجرسومه مبتقدرش. أنا بطل الكل. أنا بطل الماتش. ولا فتوات ولا بيخ ولا بخ. مش باعافية ومتشمرش. متجمعليش. أنا هنا في الجحر. مفيش مني برا. أنا جوا وبَااااسس. سيف طفى الأغنية بنرفزة. ملاك ببرود: طفيتها ليه؟

سيف بغيظ: صوتك النشاز والقرف اللي بتغنيه ده ميحصلش في عربيتي، فاهم؟ ملاك بغيظ: قال يعني عربية عمرو دياب؟ جتك نيلة. روح هات لي قهوة عشان أفوق يالا. سيف بهدوء: ملاك، شايفه البحر ده؟ ملاك بعدم فهم: أيوا، ماله؟ سيف بنرفزة: لو مانتنيلتيش اخرصتي لغاية ما أوصلك، هكمم نفسك وارميكي في البحر واريح البشرية كلها منك. ملاك بصت له بغيظ وعقدة حواجبها وسكتت. بعد وقت، سيف وصل ملاك المستشفى. ملاك نزلت وكانت هتدخل. سيف نزل: استني.

ملاك وقفت وسيف راح عند السوبر ماركت. بعد وقت قصير. سيف جه وجاب معاه كمية شوكولاتة كتير. سيف بابتسامة: خدي عشان عارفك بتدمنيها ولازم تاكلي طول الوقت. ملاك بفرحة: هو في أخ قمر كده؟ يلهوي. وحضنته جامد. سيف ابتسم بحب وباس راسها. في نفس الوقت، اللي كان ياسين نازل من العربية. ياسين شافها وبصلها بشمئزاز وبعض الغيرة اللي كان بيخفيها ودخل وكان جايب معاه مازن وهي ما أخدتش بالها منه ودخل.

ملاك وصلت مكتبها، قلعت الجاكيت ولبست البالطو على الهيكول وخرجت. ملاك راحت الأول الكافتيريا تبع المستشفى جابت اتنين قهوة وطلعت على أوضة أدهم. ملاك فتحت الباب على طول وأدهم بص لها. ملاك باستعباط: إيه دا؟ هي دي أوضتك؟ أدهم باصلها ورافع حاجبه. ملاك ببرود: اوف، سوري. سوري، اتلخبطت بين أوضتك انت والحالة القمر بتاعتي. ملاك قربت ببرود وفتحت شباك، وهو لسه محافظ على هدوئه. أدهم بص لها بنفس البرود ولا بيرد.

ملاك قربت منه: هييييي. انت سامعني ولا نايم؟ ولا انت مفتح عينك؟ ولا حكايتك إيه؟ صباح الخير طيب. أدهم بضيق: اطلعي برة. ملاك اتنفست ببرود وقعدت جنبه عالسرير: بص، أنا عادتي مش بسيب لحد غلطه وأي حد بيقلل مني بمسح بكرامته الأرض. ما عدا انت، بحب إنك تقلل مني وتهزقني. أدهم بص لها وابتسم بهدوء. ملاك بابتسامة: شايف شايف. والله لما بتبتسم بس بتبقى قمر. أحلى من دراكولا التاني ده. أدهم بعدم فهم: دراكولا مين؟

ملاك قلبت وشها: السفاح. أدهم بضيق: متتنيل. اتكلم عدل. تقصد مين؟ ملاك بضيق: خلاص، اخرس. لحسن ده موجود في كل مكان زي العفاريت. أدهم باصص لها بعدم فهم. ملاك بصت له وبتشرب في القهوة. أدهم بفضول وضيق: مال راسك؟ ملاك بغيظ: هو انت متعرفش تتكلم زي البني آدمين؟ لازم تتكلم وانت مكشر. أدهم بضيق: اطلعي برة. ملاك بغيظ: اقسم بالله لو قلت الكلمة دي تاني، هلفك قفا. أدهم بص لها بغضب. ملاك نفخت بضيق: كنت بتقول إيه؟

أدهم بضيق: مال راسك. ملاك بغيظ: يعني هيكون ماله؟ انتوا عيلة تشل. أخوك المعاق ضربني. أدهم بصدمة: مين؟ ياسين؟ ملاك شهقت: مييييين؟ هو ده يقدر يمس شعرة مني؟ لا. بص عشان نبقى سالكين مع بعض. السفاح ده ياسين، أما المعاق باسل. قالت كده في نفس الوقت اللي باسل كان بيفتح فيه الباب. باسل برفعة حاجب وغيظ: اممم، أنا سامع اسمي. ملاك بإحراج: لا يا اسطى، كنت بشكر فيك بجد. باسل برفعة حاجب: امممم، أنا بقول برضه. وجه كلامه لأدهم: حبيبي.

أدهم بابتسامة هادية: حبيبي. وحشتني. طولت الغيبة. المرااااادي. باسل قعد قدامه: آه والله على ما بنخلص. أدهم: عامل إيه في لندن؟ كله تمام؟ باسل: آه والله بنعافر. أدهم بحب: ربنا معاكم. ملاك بصت لهم وابتسمت بحب من طريقتهم ومعاملتهم لبعض. باسل قام: طب بص، هروح أشوف ياسين وأرجعلك. أدهم: ماشي يا حبيبي. باسل قرب من ملاك وسحب كوباية القهوة اللي ماسكاها. باسل وهو ماشي: والله شكراً جداً. مصدع ومحتاجة.

ملاك بصت له بغيظ وأدهم ابتسم. قعدوا ساكتين شوية. ملاك: تاخد قهوة؟ أدهم بص لها وبعدها بص للقهوة اللي في إيديها. أدهم دمعة نزلت منه. أدهم بحزن: كانت كل ما تلقيني بشربها تزعلني. لإن كنت بدمنها لدرجة إنها كانت بتخبي أكياس البن. هي ليه سبتني؟ هي ليه عملت فيا كدة؟ ليه تسيبني في العالم ده لوحدي؟ أنا بحبها. ليه تعمل فيا كده؟ ليه؟ أدهم مسح دموعه. ملاك بصت له بحزن شديد وعينيها اتملت دموع. ملاك

حطت إيديها على إيده بحنية: ممكن تهدي ونتكلم بهدوء. أدهم بهدوء حاد: لو سمحت، اطلعي برة. ملاك: طب... أدهم بحدة: لو سمحت. ملاك بصت له وحبت إنها تسيبه. هي فرحت على الأقل اتكلم. سابته وخرجت وهي بتفرك عينيها عشان دموعها متنزلش. ملاك كانت خارجة وعدية من قدام أوضة ياسين. مازن لمحها وياسين مكنش معاه، كان عنده مريض بيكشف عليه. مازن بفرحة وصوت عالي: ملاااااااااك. وجري عليها حضنها.

ملاك ابتسمت وشلته: وحشتني أوي أوي أوي من امبارح للنهرده. مازن حضنها: وانتِ أكتر. ملاك ابتسمت: بس قلي انت بتعمل إيه هنا؟ مازن بغرور: أمر ياسين إنه يجبني هنا ويخليني أكشف على المريض. ملاك ضحكت: تصدق؟ ياسين ده ميساهلش غير حد زيك يعلمه الأدب من أول وجديد. مازن ضحك. مازن افتكر وبص لها بحزن: أنا بابي وحشني أوي. نفسي أشوفه. بقالي كتير مشفتوش. ملاك بصت له بحزن ومش عارفة تعمل إيه.

ملاك جت لها فكرة: طب خلاص، أنا هوديك لمكان حلو أوي. مازن فرح. ملاك: بس بقولك إيه؟ بعد كده متقولش بابي اسمه بابا، ماشي؟ خليك راجل يالا. مازن ابتسم بعدم فهم. ملاك أخدته وراحت عند أوضة أدهم وحطت إيديها على آخر الباب ولسه هتفتح. ياسين بحدة وغضب: ملاااااااااك. :::::::::::::::::::::::::::::::::::::::::::::::::::::::: عند سليم في شركته. سليم قاعد في مكتبه في الفيلا ومتوتر جداً ورايح جاي وقلبه عمال يدق. الباب خبط.

في أقل من دقيقتين كان سليم فتح ودخل كمال. سليم بلهفة وارتباك: ها يا كمال، طلع إيه؟ كمال بيبصله ومش بيرد. سليم بيفقد أعصابه: يا كمال، طمني ارجوك قلي. كمال اتنفس بحزن: للأسف. سليم بص له وقعد على أقرب كرسي، وظهرت عليه معالم الحزن والكسرة. سليم: يعني إيه مش بنتي؟ مش معقول. كمال بوجه حزين: للأسف بنتك. التحليل طلع مطابق بنسبة 99.9%. ملاك تؤام ياسين يا سليم. سليم: .....