رواية عوده الفهد الفصل الأول 1 - بقلم جوري محمد

فهد. الصغير صورة طبق الأصل من فهد الكبير، يحب البنات، وبالرغم من كده شديد جدًا مع إخواته ومامته. في كلية الشرطة. جاسر الصغير شخصيته هادئة، يحب الدفاع عن الحق، وأخذ كثيرًا من شخصية مهره، حتى دراسته حقوق. كريم عقل دبلوماسي، يعني شخصية زي جاسر، يحب الأعمال الحرة. جوري بنت عنيدة، تحب الموسيقى وكتبت الشعر. عائشة واخذة من طبع مهره كثيرًا، وتهتم بالكمبيوتر، وتحب دائمًا اكتشاف كل جديد.

عائلة سهر أخت مهره، يوسف صاحب جاسر وجوزها. عندها ماجدة ضابط شرطة. وعادل صديق كريم ونفس الشخصية الدبلوماسية. أخو جاسر كريم ومرام، عندهم توفيق وسراج، مش مشاركين جدًا معنا في الرواية لأنهم في الخارج. واياد وزياد بردك في الخارج. نبدأ بقى حكايتنا. جاسر: صباح الخير على نور الحياة بتاعي. مهره: صباح الجمال يا قمر. وهنا سمع صوت فهد وجاسر وكريم. جاسر: ده إحنا لسه على الصبح.

مهره: النهاردة أول يوم في الإجازة، يعني هنستلم من ده كل يوم. جاسر: أنا عارف، هو كله من الولد فهد ده. مهره: أنت على طول مضطهده. جاسر: أنت مش واخد بالك، هو قلب كله فهد، ما يختلفش عنه إلا في الشكل ده، حتى جسمه شبه. مهره: أقول بقى كده، أنت غيران من الولد؟ شوية العضلات اللي عنده. ضابط شرطة يا عم. جاسر: لا، هو اللي فيهم الولد البرنس كريم. شياكة وأناقة، حلو، طالع لابوه. مهره: لا يا بابا، اللي فيهم جسور، ولد عسل، طالع لأمه.

جاسر: بالنسبة لأمه، أنت مش شايفة إنك بقالك كتير كده مش بتدلعى جاسر حبيبك. مهره: خلينا ننزل للعيال اللي هياكلوا بعض تحت دول. جاسر: ماشي يا أختي، يلا. جاسر: هدوء لو سمحتم علشان نعرف نتكلم. كريم: اتفضل أنت يا عاقل، نتكلم. جاسر: بص يا بابا، الأستاذ فهد بيعاكس أخت صاحب جاسر، والبنت متضايقة منه جدًا. فهد: على النعمة ما حصل، أنا مالي، هي اللي بتتصل بي على طول وكل شوية، والنبي يا فهد، يا فهد، ده أنا قربت أغير اسمي عشانها.

جاسر: الكبير، على إيه ده؟ أنت جحش. فهد الصغير: يا بابا لو سمحت ما تقوليش الكلمة دي، ده أنا كلها كام سنة وأتخرج وأبقى ضابط. مهره: بس بقى، أنا هقولها كلمة واحدة، لو غلطت تاني يا فهد هضربك. فهد: أهدى يا عم الأسطى. مهره: ولي الشرف والله، لو ما لميتش نفسك واحترمتها هضربك يا فهد. فهد: وهون عليك يا جميل. كريم: أه، هيا كلها كلمتين حلوين. وهنا دخلت جوري: أنا من رأيي إن شخصية الولد فهد ده شخصية إنسان فريد.

عائشة: سكوت، أنت إيش فهمك؟ على النعمة لا حصل فريد ولا فريدة. فهد: شفت، بسبب كلمة جحش، البنات خدوا على وبيجري وراء إخواته البنات. جاسر الصغير: أهدى بقى علشان بابا يقول لنا هو كان عايزنا في إيه. جاسر الكبير: أنتم دلوقتي في إجازة وأنتم كبرتم، لازم الواحد يعتمد عليكم، ولازم تتعلموا تشتغلوا في الشركة.

فهد: طيب، أنا بره اللعبة دي، أنا ضابط شرطة وما عنديش إجازات، هم يومين تلاتة وبرجع تاني الشغل، إنما كريم وجاسر معاك هما يا باشا. مهره: أنا هاخد جاسر معي، هو حقوق، يعني هيتعلم يمسك ملفات الشركة والقواضي والعقود والحاجات دي كلها. جاسر: حبيبتي أنت يا ماما، هتديني مرتب كام. كريم: خلاص يا باشا، وأنا في العلاقات العامة، بس ياريت تعمل حساب عادل معاية. جوري: وأنا هبقى رئيسة الشركة.

عائشة: وأنا، همسك السيستم الأمني بتاع الشركة، على النعمة هدخلكم نظام جديد ما حدش يعرف يخترقوا خالص. مهره: إلا أنت، أنا مضمنهاش دي، ممكن تبيع الشركة لنفسها واحنا ما نعرفش. عائشة: أنا كده يا ماما، ده أنا بريئة. مهره: بأمارة اللي عملتيه في الفيزا بتاعتي. عائشة: كنت بجرب البرنامج الجديد، أجربه على حد غريب وأعمل ليه مشكلة، جربته عليكِ وسحبت فلوس وجئت قلت لك. مهره: لا فعلاً جميل، وهشيله لك.

فهد: على فكرة، أنتِ تخلصي الثانوية العامة وتيجي تقدمي عندنا في الشرطة. عائشة: هو ده اللي أنا ناويه. بالضبط. مهره: أنت عارف يا فهد، أنت وعائشة، هوافق إن أنتم تخشوا الشرطة، وأنت طبعًا وافقت وماشي فيها علشان حاجتين. فهد: إيه هما ماما؟ مهره: أنا حسيت فيك بوادر حرامي، فخفت، فقلت تلعب دور الضابط أحسن. الكل قعد يضحك. جاسر: أنا قلت لك من أول، الولد ده نسخة طبق الأصل. فهد: حفظتها من عم فهد.

مهره: الله يرحمه، يا ريته كان معنا دلوقتي. جاسر: مهره. مهره: جاسر، أنا ما أقصدش حاجة، بس فعلًا كنت بحس إنه دايما بيكمل العيلة بتاعتنا. جاسر: الله يرحمه ويحسن إليه. وقعدوا كلهم يفطروا وهم بيضحكوا، وبعد كده كل واحد فيهم هيروح على المشوار بتاعه. ونبدأ من عند الأستاذ فهد اللي رايح النادي، وجوري وعائشة على الدرس. ونبدأ من عند فهد. ماجدة بنت خالته ومعه في الشرطة. ماجدة: يا فتاح يا عليم يا رزاق يا كريم.

فهد: أصبحنا وأصبح الملك لله. مروان صاحب فهد: أنا مش عارف أنت حاطط نقرك من نقرها، بصراحة. دي حتى قمر، أنا مش عارف هي دخلت الشرطة ليه. فهد: سمعني صوتك كده والكلام اللي كنت بتقوله تاني. مروان: خلاص يا باشا. وهنا جاءت نجلاء: وأنا أقول النادي منور ليه، أهلاً فهد. فهد: صباح الشوكولاتة اللبناني، إيه اللي ما شيك في الشمس دي، مش خايفه الشوكولاتة تسيح. نجلاء: دمك عسل، يقبرني جمالك وكلامك. كل ده تحت عيون ماجدة.

ماجدة: أول مرة أشوف ضابط وهايف. فهد: على فكرة سمعتك يا ماجدة، عادي، وأنت يعني فاكرني هاخاف منك. فهد: تلعبي ماتش كاراتيه. ماجدة: ألعب، حتى أحرك عضلاتي. فهد: ما فيش زعل. ماجدة: طبعًا ما فيش زعل، بس اللي يستحمل للآخر. ونسيبهم بقى علشان هيلعبوا الماتش سوا. والباقيين على الشركة.