رواية عوضي الفصل الخامس 5 - بقلم دنيا فادي

ريم : اومال فين مامت ادهم؟ أنا مشوفتهاش. سامر بحزن : بنتي وجوزها اتوفوا وأدهم صغير. ريم : أنا آسفة، مكنش قصدي أفكّرك. سامر : عادي، ولا يهمك يابنتي. ريم : ربنا يرحمهم. بيقطعهم دخول شخص. سامر : أهلاً، ازيك يا حامد؟ حامد : أنا بخير، البت وحشتني بس قولت ما أطِل عليها حبة. ريم في تفكيرها : واحشتك. سامر : بيتك ومفتوحلَك في أي وقت. أسيبكوا أنا شوية. ... حامد وبيلقي نظرة على القصر : بقا حد يقول للعز دا لا.

ريم : عايز أي مني تاني؟ حامد : أنا جاي أقولك بس إن مش عايز أشوف وشك في بيتنا تاني مهما حصل، يعني تنسينا خالص. ريم : لي؟ حرام عليك، هتحرمني منك. حامد : شوفي مصلحتك واعتمدي على نفسك بقا وشيلي مسؤوليتك بنفسك. وإحنا هنعزل من البيت، يعني متتعبيش نفسك وتيجي. ويلقي نظرة أخرى إلى القصر ويقول: مع السلامة. بيسيبها ودموعها بتنزل زي الريح. ... سامر : انتي بتعيطي ياريم؟ ريم

بتمسح دموعها وبتبتسم ليه : لا لا، أبدًا. دا بس في حاجة دخلت في عيني. سامر : طب روحي يبنتي اغسلي وشك. ريم : حاضر. _سما : علي. علي : عايزه إيه؟ سما : إيه مالك بتبصلي كده ليه؟ علي : يا مسهل يارب. سما : خد بس استنى. علي : اممم. سما : هي مين دي اللي أخوك اتجوزها امبارح؟ علي : وانتي لحقتي عرفتي؟ سما : أيوا. اخلص. علي : ابعدي عن أدهم ياسما عشان هو خلاص بقا متجوز زي ما عرفتي، ولعلمك بيحبها وهي كمان بتحبه.

سما : متحورش عليا يا علي. علي : هحور ليه؟ سما بتساؤل : انت لسه بتحبني ياعلي؟ علي : للأسف معرفتش أكرهك ياسما، مقدرتش. سما : طب ممكن تستناني بعد الشغل ونروح مكان نتكلم فيه؟ علي : ماشي. _ريم مع نفسها : عندو حق، أنا لازم أشيل مسؤولية نفسي وأتقلم على الواقع اللي أنا عايشة فيه، اللي مهما حصل مش هيتغير وأقتنع بكدا. ... أحد الخدام : يافندم مش هينفع، سامر بيه محظّرني إنك متتعبيش نفسك. ريم : هيعرف منين؟

زينب : يافندم بلاش لوسمحت. ريم : أنا اسمي ريم، قوليلي يا ريم، بلاش يافندم دي، دا أنا زي بنتك برضو. زينب : تمام يفندم. ريم بضحك : الله! برضو! زينب بإبتسامة : تمام يا ريم. ريم : طب انتي بتعملي إيه بقا؟ زينب : هعمل مكرونة باللحمة وصانية بطاطس باللحمة للأستاذ أدهم عشان بيحبهم. ريم : طب ممكن أقف معاكي وإنتي بتعمليهم؟ زينب بضحك : تمام يابنتي. _أحمد : إيييه! اتجوزت؟ حامد : نصيبها.

أحمد بعصبية : بس انت عارف يا عمي إن بحبها من واحنا صغيرين، وقولتلك هتقدملها بس تخلص جامعة. حامد : وانت معاك إيه تتقدم بيه؟ البت خلاص اتجوزت واحد هيعيشها ملكها. أحمد : أكيد مبتحبوش، وانت اللي جوزتها غصب عنها. حامد : هيفيد بإيه خلاص الاسم اتجوزتا. أحمد في تفكيره : الله أعلم عايشة إزاي يا ريم، بس اللي متأكد منه إنك محتاجاني، وأنا مش هسيبك وهلاقيكي قريب. وأوعدك هنسيكي كل الوحش اللي شوفتيه في حياتك.

وكمل بشر : وصدقيني لو اللي أبوكي جوزهولك دا إذاكي في حاجة مش هرحمه وهندمه. _ريم : هييح، خلصنا. زينب : انتي يبنتي قولتي هتقفي معايا، بس ما شاء الله انتي اللي عملتي الأكل. ريم بضحك : دا فين دا! أنا ساعدتك بس، مبعرفش أطبخ أساسًا. زينب : طب روحي انتي ارتاحي على ما أستاذ أدهم يجي. ريم : حاضر. ... بتروح للأوضة عشان ترتاح، وحد بيشدها وبيكتم بوقها و.......