رواية عوضي الفصل الحادي والعشرون 21 - بقلم دنيا فادي

ريم ودموعها نازلة زي الريح وتحاول تنفي الي شافته: لا لا أي الهبل ده. مريم: هو قالي إنكم اتطلقتوا عشان ماليكمش نصيب. ملك: عرف يضحك عليكي! مريم باستغراب: اومال اتطلقتوا ليه؟ ملك: بسبب ريم. مريم: ريم! ملك: أيوه. مريم بعدم فهم: إزاي أنا مش فاهمة قصدك. ملك بتمثيل: لعب بعقلي عشان يقع في حبها وخلاني أطلقه عشان يتجوزها وتخلف منه. وتكمل بذل: وأهي في الآخر طلعت مبتخلفش.

مريم بحزن على ريم: بس دي مش تصرفات أدهم. أدهم لو بيحبك مكنش اتخلى عنك، أنا عارفااه كويس. إنتي يمكن فاهمة غلط بس. ملك بدموع: أنا عارفة إن محدش هيصدقني، بس إنتي قوليلي لو دي مش تصرفات أدهم ولو أنا وأدهم ملناش نصيب نكمل مع بعض زي ما قالك، لي طلقني وأنا حامل، لي مستحملش عشان ابنه حتى! مريم: متعاطيش، وأنا بتأسف ليكي بالنيابة عن أدهم. ملك: هو أنا وحشة عشان يسيبني؟ مريم بابتسامة: لا إنتي قمر. أدهم هو اللي ميستهلكيش صدقيني.

10:00PM بالليل. مريم بعصبية: أي اللي آخرك كده يا أدهم؟ كنت عايزة أتكلم مع... مريم وتلاحظ سما وتكمل بقلق: سما! مالك؟ وأي الشاش اللي على راسك ده؟ سما بتساؤل: دي أختنا. أدهم بملل: ااه. مريم وبتسحب أدهم بعيد: إنت قولتلها؟ أدهم: سما فقدت الذاكرة بعد ما قولتلها. مريم: أي! إزاي ده حصل وإمتى؟ أدهم: النهاردة الصبح. جدو صحي. مريم: آه، لسه طالع أوضته. بس قولي إزاي حصل كده. أدهم: طيب خليكي معاها، أنا طالعله.

مريم: مقولتش أي اللي حصل يا أدهم؟ أوف بقى. سامر بحزن: لا حول ولا قوة إلا بالله. أدهم: زي ما اتفقنا يا جدو، مش هنجيب سيرة عن كل اللي حصل ده وهنتعامل معاها عادي. سامر: ماشي يا أدهم. روح إنت لريم عشان من الصبح في أوضتها. أدهم بقلق: ليه مالها؟ أدهم: ريم افتحي الباب. أدهم: يا ريم افتحي، أنا تعبان. أدهم بقلق: يا ريم إنتي كويسة، يابنتي مبترديش لي؟ أدهم بيحاول يزق في الباب لحد ما اتفتح بعد محاولات كتيرة. أدهم بصدمة: رييم!

بيلاقيها مرمية على الأرض. أدهم بخوف عليها يشيلها ويحطها على السرير. أدهم ويفوق فيها: ريم أي اللي حصل؟ ردي عليا. ريم بتفوق على صوته. أدهم: أي اللي مقعدك في الأوضة من الصبح؟ أكيد مأكلتيش حاجة. طبعًا عشان كده أغمي عليكي. ريم: خايفة عليا. أدهم: كنت هموت عليكي. ويكمل بابتسامة: وبعدين لو مخفتش عليكي هخاف على مين؟ ريم بدموع: على ابنك. أنا عرفت كل حاجة يا أدهم. عرفت قد إيه أنا كنت غبية عشان صدقت واحد كداب.

أدهم بتوتر: ريم بصي أنا كنت هقولك ب... ريم بزعيق: هتقول! إمتى وبعد أي؟ أدهم: كنت مستني الوقت المناسب. ريم بسخرية: مستني أي؟ أنهي وقت مناسب ده؟ وتكمل بعياط: إنت ضحكت عليا يا أدهم. أدهم وبيمسك إيديها: افهميني بس. ريم وتبعد عنه وتكمل بزعيق: متلمسنيش! أنا مش مسامحاك على اللي إنت عملته ده. إنت بجد كسرتني و وجعتني يا أدهم. أدهم: رييم إنتي مش فاهمة حاجة وهفهمك. بس اللي متأكد منه إن أنا بحبك إنتي والله.

ريم: مهو ده اللي هيجنني! إزاي بتحبني وتخبي عليا حاجة زي دي؟ لييي مقولتليش إنك كنت متجوز قبلي؟ لييييي مقولتليش إن ملك هي اللي كانت مراتك؟ ريم وبتفتكر كلام ملك: أنا لما سألتها عن جوزها قالتلي إنه موجود. هي قصدها عليك. ريم بانهيار: أنا مش فاهمة حاجة. لييي هي هناا ولييي قالتليي كدههه؟ أدهم بهدوء وياخدها في حضنه: شششش اهدي، وأنا هفهمك والله. 10 minutes later. ريم بدموع: بس هي بتحبك. أدهم: وأنا مبحبش غيرك.

ريم: ما إنت ممكن تكون بتكدب عليا تاني. أدهم بيمسك إيديها ويحطها على قلبه: صدقي قلبي. ريم بعياط: بس أنا برضو مش مسامحاك يا أدهم. ريم: أنا هنام عشان مش قادرة أبص في وشك. أدهم بيخرج ويسيبها. أدهم بزعيق: هو أنا مش قولت ريم متعرفش حاجة! ملك: أي في أي؟ ماهي معرفتش حاجة. أدهم: اومال الورق اللي بخصوص قضية الخلع وقع في إيديها إزاي! إنتي إزاي دخلتيه البيت أصلاً! أنا عارف كويس إنك كنتي قصدها. ملك متنسيش نفسك.

ويكمل بعصبية: أنا لولا ابني كنت زماني قت'لك. ملك: مكنش قصدي! الهانم بتاعتك كانت بتفتش في أوضتي بدل ما تحاسبني. اسألها أي اللي دخلها أوضتي. أدهم: الورق دخل البيت إزاي؟ ملك: كان معايا. أدهم: ومعاكي لي؟ ملك: إنت بدل ما تروح تسألها كانت بتفتش في أوضتي لي؟ بتضيع وقتك في كام سؤال ملهمش لازمة. أدهم: أوضتك! إنتي فاكرة نفسك هتعيشي هناا للأبد؟ لا انسى. ويبصلها باستحق'ار: بجد مشوفتش في قر'فك. سما: دي إنتي أكيد.

مريم بضحك: أيوا. مفتقدة طفولتنا أوي بجد. سما: ومين أدهم؟ مريم بحزن: بابا. الله يرحمه. سما بشعور غريب ودمعة تنزل من عينيها: ربنا يرحمه. أنا تعبانة عايزة أرتاح. مريم: حاضر. بس هتنامي في أوضتي النهاردة. سما: لي؟ هو أنا مليش أوضة؟ مريم بتوتر: لا ليكي. بس إنتي هتقعدي معايا. مش هسيبك تقعدي لوحدك وإنتي بالحالة دي. 8:00AM الصبح. أدهم: برضو مش هتكلميني؟ ريم: أدهم هو إنت كدبت عليا في حاجة عادية!

إنت كدبت عليا في موضوع كبير مينفعش فيه الكدب. أدهم: طيب، هو أنا مش فهمتك الموضوع. ويقرب ليها بحب. ريم: ابعددد عني. وتلمح ملك وهي جايه ليهم. أدهم: ماشي هبعد. ريم بتسرع: لا قرببب.