رواية عوضي الفصل الثامن 8 - بقلم دنيا فادي

ريم بصريخ وبتحط ايدها علي وشها. ادهم بخضه: في إيه؟ ريم: خلص لبس وانزل جدو عايزك. ادهم برفع حاجب: وانتي مخبية وشك ليه؟ ريم بتشيل ايدها وبتغمض عيونها: ونبي انت مش مكسوف من نفسك، دا أنا اتكسفت. ادهم بيقرب ليها ويبوسها بخفة: لا مش مكسوف. ريم بإحراج وبصوت منخفض: أنت حيوان، على فكرة. ادهم: بتقولي إيه؟ مسمعتش. ريم: كلم جدو عايزك. مريم: ادهم خد. ادهم بينزل وبيقعد جمبها: قولي. مريم: أنا قررت أرجع اشتغل معاكم في الشركة.

ادهم: ومكانك لسه موجود يا أشطر محاسبة. مريم: اتفقنا، هبدأ من النهارده. ادهم: النهارده إجازة يا بنتي. مريم: يبقى بكرة. ادهم: موافق. أحد الخدام: حضرتك مين؟ سما بضحك: والله عيب السؤال ده، دول أهلي، وسّعي كده. منار: يا فندم مينفعش كده، استني. ادهم: في إيه؟ سما بتمثيل: مش عايزة تدخليّني يا ادهم. ادهم: عندها حق والله، أي اللي جايبك؟ مريم بتقوم تحضن سما: وحشتيني يا سمسم.

سما بفرحة: وأنتي كمان يا مريوم، بقولك إيه بقا مفيش سفر تاني؟ مريم بضحك: لا مفيش خلاص، حرمت. سما: أيوا كده، أنا أول ما عرفت إنك جيتي جيت على طول، واعملي حسابك أنا قاعدة معاكي اليوم كله النهاردة. ادهم بشك: وأنتي عرفتي منين؟ سما بتوتر: إيه أنا... مريم: أنا قولتلها إنك جاية. سما: بالظبط كده. ادهم: ماشي. وبيسيبهم وبيخرج للجنينة. سما: بحبك وإنتي بتلحقيني في الكلام.

مريم بضحك: يا بنتي مش قولتلك إني جاية الأسبوع ده، انتي نسيتي ولا إيه؟ سما: حصل. مريم وبتشدها من أيديها: جيتي في وقتك، تعالي بقا نعمل الأكل مع ريم. سما بعدم فهم: وأنتي لي هتعملي الأكل مع الخدم؟ مريم: يا بنتي خدام إيه؟ ريم مرات ادهم، انتي متعرفيش ولا إيه؟ سما: هي اسمها ريم، لا يا بنتي عرفت بس مكنتش أعرف اسمها. مريم: تعالي بس دي جميلة وهتحبيها أوي. ريم: إيدي اتلسعت، أنا بقول مدخلش المطبخ تاني.

سما بإستفزاز: مبتعرفيش تطبخي، بتعملي فيها ست بيت ليه؟ ريم وبتبص ل مريم: مين دي؟ مريم بحب: دي سما صاحبة عمري. مريم: ويلا يجماعة كل ده عشان فطار العيال، هيكلونا برا. ريم بضحك: خدي خرجي طب. سامر: تسلم إيديكو يا بنات. مريم: حبيبي يا جدو، بس ريم هي اللي عملت ده كله. ريم بضحك: كدابة، أنا وانتي عملنا مع بعض. سامر: ازيك يا سمسم؟ سما: تمام. علي: انتو هتاكلوا من غيري ولا إيه؟ علي: إيه سما، أي اللي جابك؟ ادهم: رزالة.

سما بضحكة مستفزة: بس يا ادهم بقا، بطل هزار، هزعل منك بجد. سما: جيت عشان مريوم حبيبتي. *** أحمد: مضطر أدور على شغل تاني. عمر: طب يا بني قولتلك كذا مرة تعالَ اشتغل في الشركة اللي أنا فيها، انت اللي مرضتش. أحمد: خلاص شوف وابقا قولي. عمر: وليه أشوف؟ من بكرة تيجي، هما محتاجين محاسبين ودي لعبتك أظن. أحمد: تمام. عمر: مالك يا أحمد؟ أحمد: مش عارف أنساها يا عمر. عمر: لازم تحاول تنسى، مش هتقضي حياتك حزن كدا.

أحمد: أنساها إزاي بس؟ عمر: انسا عشان ترتاح يا صاحبي. أحمد: أنا هروح البيت أنام، يمكن أرتاح. عمر: تمام، خدني في طريقك. *** ريم: هعمل أنا الشاي. ريم بتدخل المطبخ وسما بتدخل وراها. سما بإبتسامة: أساعدك؟ ريم بضحك: لا ابدأ، دا شاي مش محتاج يعني. سما: عارفة؟ ريم: اممم. سما: أنا وادهم نعرف بعض من واحنا صغيرين، وهو مبيسبنيش أبداً، وديماً خايف عليا،

وبتكمل بإستفزاز: وكان بيموت فيا، بس أنا اللي كنت مطنشاه، بجد بتمنى الأيام دي ترجع تاني. ريم بكدب: عنده حق، انتي تتحبي يا حبيبتي. ريم بتجيب المايه، وفي اللحظة دي سما استغلت إنها مديها ضهرها وبتحط ملح في الكوبايات وبتخرج من المطبخ. ريم: عملتلكو شاي مش هتشربو زيه أبداً، يمكن دا الحاجة الوحيدة اللي بعرف أظبطها. سما: متأكدة؟ ريم: طبعاً. ادهم: هو مفيش زيه فعلاً.. أييي القرف ده! سما: يععع بجد إيه ده!

ادهم: انتي غبية، حاطة ملح بدل السكر. ريم والدموع مالية عيونها: ..........