رواية عوضي الفصل التاسع 9 - بقلم دنيا فادي

ريم والدموع في عيونها: لا واللهِ أنا متأكدة إن حاطة سكر. سامر: خلاص يابنتي تلاقيّك اتلغبطي، عادي محصلش حاجة. علي: أيوا يا ريم جدو عنده حق. سما: خلاص يا جماعة هروح أعملهولكم أنا. ريم بتطلع الأوضة قبل ما دموعها تنزل. مريم بتروح لأدهم: ماكنش ينفع تكلم ريم كده قدامنا يا أدهم، شكلها زعلت. أدهم: وأنا أعمل إيه! مريم باستغراب: تعمل إيه! مالك يا أدهم، انتوا متخانقين ولا حاجة؟

أدهم في ذهنه: طبعًا ما انتي مش عارفة حاجة وفاكرة إني بحبها زي ما الزفت قالك. مريم: أدهم! أدهم: حاضر يا مريم، هروح أصالِحها. ريم بتمسح دموعها وبتكلم نفسها: أنا هوريك يا أدهم عشان تبقى تزعقلي كويس. أدهم بيدخل الأوضة وبيسمع الكلمتين دول: والله! ريم: جاي تهزقني هنا كمان! أدهم وهو بيقرب ليها لحد ما وصلت للحيطة: آسف. ريم بتوتر وبتحاول تبعد. أدهم: انتي حكايتك إيه؟ ريم: حكاية إيه؟ أدهم: ليه لما ببص لعيونك بنسى كل حاجة كده؟

ريم: مش عارفة. أدهم بيقرب لشفايفها وبيقبّلها بخفة. وبيسمع صوت سما. سما: الشاي يا أدهم. أدهم بيبعد عن ريم بسرعة. سما بتروح وتشد أدهم: يالا تعالَ اقعد معانا تحت. ريم بغيظ: باردة. عدى الوقت لحد ما جه الليل. مريم بغمزة: مش هنفرح بيك بقا يا علي؟ علي: لا أنا بقا ابعدوا عني في الحوارات دي. مريم: يا سلام. علي: إن شاء الله من بعدك بقا. مريم بضحك: لا يا أخويا وأنا مالي. مريم: تليفونك بيرن يا سما. سما بترد. مجهول: .........

سما بصدمة: إيه! سما: طب أنا جايه. مريم: في إيه يا سما؟ سما: مفيش، شوية مشاكل. معلش أنا مضطرة أمشي. علي: طب استنى أوصلك. سما: لا لا خليك، سلام أنا بقا. سما: إززززززاي! مجهول: زي ما بقولك. سما: عايش إزاي دا أنا شايفة إنه ميت قدام عيني. مجهول: مش مهم، المهم إننا مبقاش لينا يد في حوار قتله. سما: عندك حق، بس في مشكلة. مجهول: إيه؟ سما: لو رجع وحكالهم هتروح في داهية. مجهول بضحك: وأنا أروح في داهية ليه وهما فاكرين إني ميت؟

سما: أيوا ما انت مش هتسيبني وقتها ليهم لوحدي. مجهول: متخافيش، طول ما أنا عايش محدش يقدر يقربلك. 8:00 AM الصبح. عمر: هتدخل تقدم عند أستاذة سما وهتتقبل حالا. أحمد: تمام، هي سما دي سالكة ولا بتاعة كلام كتير؟ عمر: لا سالكة، متخافش. أحمد: طيب. أحمد: انتي! سما: انت إيه اللي جابك هنا؟ أحمد: كنت جاي أقدم على شغل، بس لو أعرف إنك شغالة هنا ماكنتش جيت يا سمسم. سما بضحك: ضحكتني والله يا أحمد. أحمد بتريقة: واو، عرفتي اسمي.

سما: لا ده انت ظريف بقا. أحمد ببرود: طيب، ميشرفنيش إني اشتغل معاكي للأسف. سما بضحك: صدقني ولا أنا. وبتتشاور على الباب. أحمد بيفهم وبيمشي من قدامها. بعد مرور أسبوع. ومعاملة أدهم لريم زي ماهي، وريم حبت أدهم، وأدهم أعجب بيها، ولكن معترفوش لبعض. مريم: هو انتي عندك كام سنة يا ريم؟ ريم: هتم العشرين النهاردة. مريم بفرحة: بتهزري! كل سنة وانتي طيبة يا روحي، هنعمل حفلة. ريم: وانتي طيبة يمريوم.

علي نايم على الكنبة: كل سنة وانتي طيبة يا ريمو! آآآآآه! ريم: قولتلك متقوليش يا ريمو تاني. علي: رجلي مكسورة يا ريم. ريم بأسف: نسيت. أدهم: صباح الخير. مريم: إدا يا أدهم، انت ما روحتش الشغل؟ أدهم وهو بيبص لعلي وحاطط إيده في جيبه: مين اللي كان السبب بقا؟ علي: الله! هو كل اللي عنده مشكلة يسببها فيا أنا. أدهم: حد قالك تلعب كورة الساعة 3 الفجر؟ مريم: شششش، خلاص! ريم بضحك وبتبص لأدهم: ربنا يخليكوا لبعض.

مريم بابتسامة: ويخليكي لينا يا ريم يا حبيبتي. مريم: بقولك إيه، تعالي آخد رأيك في حاجة. ريم: ماشي. علي: أدهم. أدهم: عايز إيه؟ علي: النهاردة عيد ميلاد ريم. أدهم: بجد. علي: انت متعرفش ولا إيه؟ أدهم: وأنا أعرف منين يا غبي، وانت عارف الحوار كله. علي: طيب، هي هتم العشرين. أدهم: ماشى. علي بفضول: هتجيبلها إيه؟ أدهم: هتصرف. جت الساعة 10 والكل مع ريم بيحتفل معاها إلا أدهم. ريم: اومال فين أدهم؟ ريم: هو لسه مجاش؟ ريم بحزن: لأ.

سامر: كل سنة وانتي طيبة يا ريم يا بنتي. ريم بحب: وانت طيب يا جدو. خلصوا احتفال وأدهم كان لسه مجاش. 12:00 AM بليل. والكل كان نام ماعدا ريم، فضلت مستنياه. ريم لاقت أدهم داخل وماسك هدية في إيديه وإيده التانية تورته. ريم بحزن: انت ليه مكنتش موجود معانا؟ أدهم: قولت أحتفل معاكي أنا لوحدي، كل سنة وانتي طيبة. ريم بفرحة: وانت طيب. أدهم فتح التورته وحط شمعة لرقم العشرين عليها وولعها. ريم: الله، حلوة أوي. أدهم: يالا انفخي.

ريم: استنى، أتمنى أمنية. ريم بتغمض عينيها وبتتمنى أمنية وبتطفي الشمعة. أدهم: اتمنيتي إيه؟ ريم: اممم، مش عايز تسألني اتمنيت إيه؟ أدهم: اتمنيتي إيه؟ ريم: إننا نكون أصحاب، والصحاب بيبقى بينهم ثقة ومبيكدبوش على بعض، ومبيزعلوش من بعض مهما حصل. أدهم: ماشي يا ستي، وأنا موافق. أدهم بيديها الهدية: خدي الفستان ده، البسيه عشان هنتعشى بره. ريم بفرحة وبتحضنه: شكراً أوي. ريم بتنزل وهي لابسة فستان لونه أزرق وشعرها مفرود وميكب هادي.

أدهم سرحان في جمالها: أنا أول مرة أتخطف بالشكل ده. ريم: حلو؟ أدهم: أوي. عمر: ها، لقيت شغل؟ أحمد: لا لسه. عمر: أنا والله ما عارف إيه اللي مش عاجبك في الشركة اللي أنا فيها. أحمد: كل يا عمر وانت ساكت. عمر: بس المطعم ده شكله غالي أوي. أحمد: كلمة كمان وامشي يا عمر، أنا مش ناقصك. أدهم وريم وصلوا المكان. ريم بتقعد على كرسي وأدهم بيقعد قصدها. أدهم: مبسوطة؟ ريم بفرحة ونظرة بريئة: مبسوطة أوي، بجد. أحمد: ريم!!! أحمد

بتسرع وياخدها في حضنه: أنا آسف يا حبيبتي، مكنش لازم أسيبك لحد غيري، أنا فعلًا غلطت غلطة عمري. أدهم في صدمة.......