رواية عريس لقطة الفصل السادس والعشرون 26 - بقلم حنين عادل

كنت واقفة في البلكونة. ماما: بت ادخلي. يووه يا ماما أنا واقفة مش بعمل حاجة. وبعدين المفروض بقا تعامليني كويس بقا عشان هاوحشك وتقعدي تعيطي إني هامشي وأسيبك وكده يعني. ماما: أنا دا أنا هاكسر وراكي. قلقل الشارع كله. بتموتي فيا. دخلت ماما وسابتني واقفة. كلمت فارس اطمنت عليه وبعدين وقفت شوية. يا عم أحمد يا بقال. عم أحمد: نعم يا بنتي. عندك سكر؟ عم أحمد: أيوه يا بنتي. طيب ربنا يشفيك.

عم أحمد: امتى بقي هنخلص من رخامتك دي ربنا يهديكي. قفوش أوي عم أحمد ده مش عارفة إيه اللي ضايقه يعني يمكن عشان مرة روحت قلتله عندك بيض أرانب ولا يمكن عشان مرة قلتله عندك بيبسي رد وقال أه قلتله يا بختك إحنا ماعندناش بس مش أسباب مقنعة للزعل برضو. أنا أدخل أسأل جوجل يمكن يعرف. مااااااااماااااا. ماما: تك مو وداني. عايزة إيه. باركيلي يا ماما باركيلي. ماما: إيه هتتجوزي؟

يا سلام ما انتي عارفة إني هتجوز كده كده. حاجة تانية أكبر. ماما: نجحتي في الكلية؟ يا سلام دا أنا لسه داخلة بقالي شهر لحقت. ماما: اومال إيه. تعبتيني يا بنت المجنونة. حاجة هتبسطك جدا. ماما: إيه؟ عرفت مين اللي قتل لؤلؤ. ماما: إيه بجد. لولولولولي أخيرا. وطلع مين؟ ما هي الصدمة بقا هنا يا ماما. ماما: مين أبوها أو أمها؟ لا مجدي. مجدي يا ماما.

ماما: لأاااااا. لأاااااا. كله إلا ميجو. طب ليه كده يا مجدي. دي انت أحسن واحد في المسلسل. أهدي بس يا ماما. ماما: أهدي إيه بعد اللي مجدي عمله ده وبتقوليلي أهدي. أخص عليك يا مجدي. لا أخص ألف أخص. دي آخرة العيش والملح. ما هي طلعت متفقة معاه على كده. طااااااااخ. ودني بتصفر. الله بتضربيني ليه طيب دلوقتي. ماما: لما هوا كده سيبتيني أعيط ليه يا بنت الموكوسة. عشان أضحك.

ماما: لا ونعم بتضحكي لما أمي تعيط. دا أنا بعيد الشر بقا ألف بعيد الشر ألف ألف بعيد الشر عني. لما أموت هتطلعيني بزفة بقا. لا متخافيش. هنحنطك. طااااااااخ. عيني مش شايفة بيها. طب بتضربيني ليه بقا. ماما: مش عارفة تقوليلي بعيد الشر عنك ربنا يطول في عمرك يا خلفة الندامة. ماما بعد إذنك ما اسمحلكيش تقولي على نفسك يا خلفة الندامة دي. ماما: 🤨🤨 لا أنا أمشي من قدامها أحسن عشان عارفة إيه اللي جاي بعد الحركة دي.

عاااااا. خلاص خلاص أسفة. ماتعضيش. ما تعضيش. عندك سنان من كتر ما بحسد فيهم هايقعوا. أه واللهي يا وليه جسمي هايعلم. راعي إني عروسة. يا بابي يا حاج الحقنييييييي. في الكلية. على الكافتيريا. سيف: صبح صبح يا عم الحج. رنا: يا بني سبني في حالي. سيف بيطلع من وراه بوكيه ورد أحمر: ورد للورد. رنا: امشي يا سيف. سيف: انتي قلتي إيه؟ رنا: امشي يا سيف. سيف: أحلى سيف سمعتها في حياتي. رنا: أدائك أوفر أوي يا سيف.

سيف: سيف تاني لا. قلبي مش هيستحمل كده. أنا عايز إنعاش نفسي. اتكرش. رنا: اتكرش. سيف: وكمان بتضحكيلي. قلبي البيبي لا يحتمل. رنا: طيب خلصت. امشي بقا. سيف: أنا الفت ليكي أغنية جديدة بس هاقولها كده عشان ما جبتش العود والمايك بتاعي. حبيبك سيف على نياتوو. كل البنات اخواته. ده ما كانش كده بس انتي. غيرتي كل حياته. دلوقتي عايشها جد. وعيونه مش شايفة حد. ولو وحدة كلمته هيخليكي انتي. اللي تردي وتجيبي رقمها.

رنا: يعني دي مش بتاعت جنات وانت شوهتها؟ سيف: تؤتؤ. أنا اللي مألفها. رنا قامت تمشي كالعادة. سيف مسك أيدها وراح ملبسها خاتم. رنا: إيه ده؟ سيف: خاتم الخطوبة. عقبالنا كلنا. رنا: بس أنا مش موافقة. سيف: طب وافقي عشان خاطري. رنا: نعم. سيف: خدي فيا ثواب ووافقي. رنا قلعت الخاتم وسابته على التربيزة ومشت.

سيف: طب وربنا وربنا انتي الخسرانة بقا. بقا أنا سيف العدوي اترفض. ولا تشيل في نفسك يا واد يا سيف. انت قمرين. أه واللهي انت عسل وعضلات. طب تصدق بالله هيا خسرت كنز. يوه يا ماما كده عاملة ليا في كل حتة في جسمي. ساعة ماشي يا ماما. ماما: عشان تتعلمي الأدب. ما هي غلطتك برده. كنتي فين لـ 21 سنة. كنتي بتتفرجي على هندي ياختي. ماما: امشي من وشي يا بت لاما هافتحلك دماغك. امتى بقا تكبري وأرميكي في دار مسنين.

ماما: تعمليها. ما استبعدهاش. مين دي؟ أنا بحبك حب. دا أنا ما أعرفش أعيش من غيرك يا حبيبتي. انتي صحيح بتعصبيني وتخليني أشد في شعري بس ما قدرش أبعد عنك. ماما: دا أنا اللي بعصبك برده. امشي من وشششششييييييي. مشيت. يا سلام. هوا أنا عملت إيه لكل ده يعني. المهم دخلت أوضتي مسكت اللابتوب وعملت حبة اتصالات واشتغلت شغل المخابرات شوية لحد ما عرفت المكان اللي بيسهر فيه الست دلف.

دا أنا هاطلع عينهم. نيهاهاهاهاهاهاه. نيهاهاهاهاهاه. نيهاهاهاهاهاه. ماما: مصيبة إيه اللي بتحضريلها يا بنت قلبي. انت لما بتضحكي الضحكة دي قلبي مش بيبقى مطمن. اطمني يا ماما. كل خير يا حبيبتي. وأنا بعمل حاجة غير الخير. نيهاهاهاه. نيهاهاهاه. نيهاهاهاه. ماما: ربنا يستر. في أوضة فارس. ساااااااااااا. فارس: يا سيف حرام عليك بقالك ساعة بتعيط. سيف: سيف العدوي يترفض يا برو. مال وجمال وأعمال وروش وقمر واترفض. عااااااااا. فارس

بيمسك ودنه وسيف في حضنه: إيه يا سيف. بتحبها للدرجادي؟ سيف: أيوه. عااااااااا. فارس: خلاص يا سيف بقا. سيف: مش كفاية أنها بنت أم أحمد. يعني لو اتجوزتها هابقى برمي نفسي في الخطر وش. فارس: انشف يلا. مافيش راجل بيعيط. سيف: مجروووح يا برو. فارس: طب أقولك وتاخد بنصيحتي؟ سيف: قول. فارس: سيب البنت تحبك. حب البنت تسيبك. سيف: يعني أعمل إيه؟ فارس: يعني يا غبي تجاهلها بقا. وهيا لو بتحبك هيبان من نظراتها. من تعاملها هيبان.

سيف: يعني ده رأيك يا برو. فارس: أيوه. سيف: طيب اعملي ليمون بقا عشان أريح أعصابي. فارس: واللهي ما عندك دم. مش شايفني مدشدش قدامك وبقالك ساعة بتعيط زي العيل الصغير. وتنفس في الجبس يا مقرف. وانت جمبك المناديل ومستحمل قرفك. سيف: يا سلام. أنا كنت بعمل يع في الجبس؟ فارس: اومال ده إيه؟ سيف: يعني مكتوب عليها سيف مثلا. ما تعملش الحاجة وتلبسها فيا. عجااااايب. اااااااه. بتوقعني من على السرير ليه بس. ما شاء الله متدشدش وعصب أسد.

فارس: إزيك يا أم أحمد؟ وحشتيني. من دلوقتي اتعديت. سيف: شكلي اتعديت. مش قادر أنسى رنا ولا أمها يا بروو. عااااااااا. فارس: ييييه. هنعيده تاني. جهزت شنطتي اللي هاحتاجها لعملية الانتقام دي. لبست جاكت جلد وبنطلون جلد وربطت شعري ديل حصان ولبست نضارة سودا. والنبي قمر. نزلت من البيت روحت المكان اللي الدلف بيسهروا فيه. كنا المغرب. كانوا بيسهروا في شقة كده بس مش بيجوا إلا متأخر.

طلعت الشقة مقفولة. حاولت أفتحها زي الهنود بالدبوس الأسود بتاع الشعر. مانفعش. اومال كانوا بيضحكوا علينا يعني. كنت عاملة حسابي وجايبة سكينة. قعدت أعمل زي ما بيعملوا في الأفلام لحد ما فتحت. دخلت وقفلت الباب. اللي عرفته كمان أنهم عايشين هنا وبينزلوا العصر وبيجي بقيت صاحبهم يسهروا بالليل ويمشوا. لكن الأربعة الأساسيين عايشين هنا.

دخلت على الحمام. جمب الصابونة مليتها مسامير وحطيت في الشامبو كلور وخل بلح من الحامي ده. وجبت الدش حطيت فيه مسحوق أحمر زي الدم عشان لما يستحموا لزوم الرعب. بوظت الحنفيات تمهيداً للي جاي. حطيت قدام التلاجة والحمام زيت لزوم الزحلقة. الويسكي اللي في الإزازة حطيت فيه حاجة تخليهم يهلوسوا. في أي حتة. أنتم عارفين الممنوعات بتتباع. اشتريت من الولا حمادة كيس هروين وحطيته في الدولاب عندهم. كانوا قربوا يجوا.

الباب صوته بيتفتح. رميت قنبلة مسيلة للدموع. أصل الولا حمادة ده عنده كل حاجة. الستة بقا بيكحوا ومش شايفين حاجة. عارفين بقا رذاذ الفلفل اللي البنات بتشيله معاها عشان تحمي نفسها. رشيته عليهم. قعدوا يصوتوا. كنت في نفس ذات الوقت مجهزة الشومة. نزلت على كل واحد شوية بغل. ما كانوش شايفين حاجة. دخلوا يجروا على المطبخ يغسلوا عينهم عشان يعرفوا يدافعوا عن نفسهم.

اتزحلقوا في الزيت واللي عرف يوصل الحنفية بايظة والمسامير اللي في الصابونة دخلت في إيده. ركزت على الأربعة اللي أعرفهم. ضرب. كانوا بيعيطوا زي العيال الصغيرة. وكل ده بعمل في صمت. الدلفة: انت مين وبتعمل كده ليه؟ كملت ضرب في كل واحد شوية. كان معايا جهاز بيكهرب. أن كهربت بيه الحصان مش هيستحمله وبيعمل شلل لمدة معينة. مشيت كهربتهم.

كانوا تقريبا اتشلوا. ضربت شوية كمان وهما مش حاسيين بحاجة. أنا عايزة كسر في دراعهم ورجلهم لحد ما هبطت. ببص عليهم لقيتهم نايمين على الأرض ومغمي عليهم. بس بقا كده كفاية. مش بحب أئذي حد. لسه هاطلع من الباب لقيت صوت على السلم. طلعت أجري أستخبى وسمعت الباب بيتفتح. إيه ده؟ دلفة سابعة؟ لا كده كتير بقا.