رواية عشق ابيض واسود الفصل السابع عشر 17 - بقلم عائشة الكيلاني

نور بصت ليها بعدم تصديق وارتباك: بتهزري صح؟ التحليل متلخبطة، حمل كاذب أو بتجبري بخاطري. والدكتورة قطعت كلامها ببعض الحدة والثبات: أنا أعرفك علشان بجبر بخاطرك، مش أنا اللي بقول التحاليل اللي بتقول، ومفيش لخبطة لأن كل العلامات دي بتقول إنكِ حامل، وفي توأم كمان. نور بصت ليها بذهول وحدّة: إنتي بتقولي إيه؟ توأم إيه وزفت إيه؟ أكيد التحاليل دي ملعوب فيها، وبعدين عرفتي إزاي ومنين إنهم توأم يا دكتورة؟ الدكتورة بابتسامة:

عيب يا بنتي، أنا في المهنة دي من زمان وعارفة بقول إيه. إنتي بإذن الله حامل في توأم، لو مش مصدقاني بصي على نفسك. يلا يا ماما من هنا، ومتنسيش المتابعة، ويا ريت تاخدي الأدوية دي بانتظام. نور: مش هاخد زفت ومش جاية هنا تاني، أنا غلطانة إني جيت. الدكتورة بابتسامة وبرود: براحتك. نور بصت ليها بغيظ واتجهت لباب فتحته وخرجت. جنة قامت: الدكتورة قالتلك إيه؟ كله تمام مش كده؟ نور مالك إنتي كويسة؟ إيه الدموع دي؟ نور

مسحت دموعها بفرح وابتسامة: أنا كويسة، دي دموع فرح، أنا مبسوطة. جنة مسكت إيديها بفرح وابتسامة دموع: لااا بتهزري! مش قولتلك إن ربنا ها يعوضكم خير؟ شوفتي مفيش حاجة بعيدة عن ربنا. نور بتمسح دموعها: أنا معرفش إزاي، من رغم إن الدكتورة قالت إن مفيش أمل مهما عملت. أنا مش مصدقة نفسي، حاسة إني بحلم يا جنة. جنة حضنت نور وهي بتمسح دموعها بفرح: ألف مبروك يا روحي، هتبقي أحلى أم في الدنيا. نور بعدت عنها:

وإنتي هتبقي أحلى خالتو في الدنيا كلها. جنة: ها؟ نور: أنا مش هقول لياسين حاجة. ههه، هو فين ياسين أصلاً؟ خليها مفاجأة أحسن. جنة: تاني يا نور؟ نور: تاني وألف كمان. وبعدين كفاية رغي، إنتي مجوعتيش؟ أنا جوعت جداً. جنة باستغراب: إنتي مش ملاحظة إن بقالك فترة إنك بتاكلي كتير، وكمان مبقتيش تلبسي إكسسوارات، حتى الخاتم؟ إيه الحكاية؟ نور:

وصوابعي تحسيها ورمة علشان كده مش عارفة ألبس الخاتم. أنا مقلعتوش عياقة ولا زي ما دماغكم مصورة، أنا قلعته لأن صباعي ورم. يلا بقى. جنة بابتسامة: يلا. نور وجنة مشيوا من العيادة وركبوا العربية والسواق اتحرك. في النادي، جميلة بتبص لسيف وزوجته والدموع اتجمعت في عينيها بوجع وخوف. غيرة، وده أكيد. سيف فاق بعد زوجته عنه وضرب كف على وشها، صوته كان مسموع. سالي بدموع: سيف إنت... آآآآآآآآآآآآآآآآآآع! سيف كان ماسكها من شعرها:

اخرسي يا زبالة. أنا إيه ها؟ أنا فوقت. سيف بتاع زمان مات وشبع موت. جاية ليه يا سالي؟ علشان الفلوس؟ الفلوس خلصت، بقيت على الحديدية. جاية تخلصي على اللي باقي من عمري؟ ولا حبيب القلب سابك؟ قلتي أرجع لمغفل اللي كان بيحبني؟ سالي بوجع: آآآآآآآآآآآآآآآآآآع! سيف ضغط على شعرها أكتر بكره واحتقار: أنا مش عايزك ولا عايز أشوف وشك تاني، فاهمة؟ روحي للي سبتك عشانه يا خاينة. زقها على الأرض ومسك إيد جميلة قبلها بحب:

نسيت أعرفك، جميلة خطيبتي، شهرين وهتبقى مراتي. سلام، يلا يا جميلة. سالي بصتله بصدمة ودموع. جميلة بصت لسيف وسرحانة. سيف شدها: يلا. سالي: سيييييف! جميلة بصت وراها وافتكرت لم كانت بتترجى قاسم. سيف: أوعي تبصي وراكي، محدش يستاهل. خرجوا من النادي. سيف: مالك يا جميلة؟ جميلة بهدوء وثبات: هو إنت عايز مني إيه؟ ليه عملت كده؟ سيف: علشان تعرف إني نسيتها. جميلة ربعت إيديها: بتقوم تستخدمني علشان تذلها؟

قولت آه، دي مدلوقة عليك، فاعملها كوبري واعمل اللي عايزه، صح؟ قالتها ببعض الحدة ووجع: حتى إنت؟ ليه عملت كده؟ أشحال إنك جربت وجعي وشوفت معاناتي؟ ليه؟ ليه مصمم تكسرني؟ إنت مش بني آدم، إنت شيطان. أنا مش عايزة أشوفك تاني. سيف: جميلة اسمعني. جميلة: كفاية بقى. جميلة بعدت عنه وجريت على عربيتها واتحركت. سيف حط إيديه في شعره وضرب عربيته برجليها بعصبية: غبي، غبيييييييييييييييييييييييييييييييييييييييييييييييييييي.

بعد شوية، في الفيلا، نور رجعت نزلت من العربية والجزمة في إيديها، ومشيت كام خطوة وخبطت على الباب. الشغالة فتحت ودخلت بهدوء. آسر كان قاعد بيشرب قهوة: حمد الله على السلامة. نور اتجهت له وقعدت على الكرسي: الله يسلمك يا عمي. آسر عينيه وقعت على الجزمة اللي في إيديها: بتعملي إيه في إيدك؟ نور: آه، دي... احم، رجلي وجعتني منها، فقولت بلاها جزم وكده كده في العربية، مين هيلاحظ إني من غير جزمة؟ آسر: اتأخرتي ليه؟

والدكتورة قالت إيه؟ نور بتردد: قالت إن حبة برد والقولون، حاجة بسيطة. وبعدين روحت أنا وجنة نتغدى. آسر ضيق عينيه بشك وعدم تصديق: متأكدة؟ نور: أيوه يا عمي، وأنا هكدب عليك ليه؟ سكتت شوية: هو مفيش أخبار عن ياسين؟ قافل تليفونه ومش في الشركة. هيكون راح فين؟ أنا مفيش مكان بيروحوه مدورتش فيه. حتى أصحابه ميعرفوش عنه حاجة. عمي، إنت عارف مكانه وبتضحك عليا صح؟ بتعقبني فمخبيه؟ آسر ساب إيديها:

يا بنتي، وأنا هخبيه ليه وأقلق أمو وأعاقبك بالطريقة دي إزاي؟ إنتي مالك يا نور؟ دماغك بتفكر إزاي؟ أنا والله العظيم ما أعرف مكانه ولا بيعمل إيه. زي ما هو ابني، إنتي بنتي. حتى لو كنت زعلان منك، وحتى لو قليلة أدب ولسانك طويل ومجنونة زي أبوكي، أنا ميهونش عليا حزن حد منكم. غلطتي وعرفتي غلطك واتعاقبتي عليه. نور: يعني حضرتك مش زعلان مني؟ آسر: مستحيل أزعل من بنتي مهما حصل. عارفة يا نور، أول إيد شالتك بعد الدكتورة كانت مين؟

نور بتركيز وابتسامة: مين يا عمي؟ آسر: أنا. كنتي صغيرة. أبوكي خاف يشيلك وأمي كمان كانت خايفة تشيلك لأنك صغيرة أوي. كنتي أول فرحة في العيلة، أخدتي الدلع كله، خصوصاً من هنا. نور بعفوية: معرفش ليه سمر كانت كل ما تتعصب أو تتقمص مني تصر إن تقص شعري. آسر: لمي نفسك يا ماما، عيب كده. اسمها تيته. وبعدين ما هو اتقص أصلاً. نور: لأنه وقع. آسر: قومي يا بت المجانين من قدامي، قومي.

نور قامت وهي ماسكة الجزمة وجريت على أوضتها. دخلت غرفة الملابس شافت هدومه وحاجاته. رفعت إيديها وبقت تمرر إيديها على حاجاته. دموعها نزلت بوجع واشتياق. ندم: أنا آسفة يا حبيبي، وحشتني أوي يا ياسين. في بيت ابتهال، ابتهال: وهي عاملة إيه دلوقتي؟ لبنى:

حقيقي، الاتنين مجننيني. معرفش مالهم. طب قولي نور متجوزة وعارفة سبب حزنها، لكن جميلة والله العظيم يا أمي مبقتش فاهمها. شوية تشغل أغاني وترقص، شوية تعيط وتكسر كل اللي في أوضتها، شوية تزغرط. بجد بقيت أخاف عليها، بس مش عارفة أساعدها إزاي. ابتهال بصت ليها: حاولي اتكلمي معاها، صحبيها يا لبنى. لبنى: جميلة على قد جنانها وعفويتها، إلا إنها كتومة. صعب جداً تعرفي بتفكر في إيه إلا لو قالت. هي البت مش مظبوطة يا أمي، هو ممكن في...

ابتهال: لا، الحكاية مش قاسم خالص. الحكاية أكبر من كل ده. بنتك بتحب تاني يا لبنى، وده باين عليها. بصي في عينيها وإنتي تفهمي. لبنى: نهار أسود! العدة لسه مخلصتش؟ تحب إزاي وهي لسه مطلقة مكملتش شهرين؟ دي مصيبة. ابتهال: والله ما في مصيبة غيرك. ما تعقلي شوية يا بنتي. الموضوع مش مستاهل كل ده. البت صغيرة، من حقها تحب. لبنى:

دي كلها في الناس يا أمي. جميلة طيبة جداً، أنا مش عايزة تعيش اللي عاشته مع قاسم اللي دمرها ومخلّيش فيها عقل. ابتهال: سيبك عليا الموضوع ده، أنا هعرف منها بس بطريقتي الخاصة. لبنى: ربنا يستر. عد يومين وكانوا سنين بالنسبة لنور. جميلة قفلت تليفونها وبطلت تخرج. جنة مشوشة، مش عارفة تعمل إيه في حياتها. بتحب سليم بس خايفة يسيبها زي ما سابها قبل كده. خايفة متطلعش حبه الوحيد زي ما هو بيقول. ضمت رجليها وغمضت عينيها. نورا:

وبعدين معاكي يا حبيبتي؟ مالك؟ جنة فتحت عيونها بهدوء: أمي، إيه رأيك في سليم؟ شايفاه إزاي؟ نورا: شايفاه محترم وطيب. أهم من ده، معندوش أم تنكد عليكي. وبالنسبة لأخته، فمش فاضية من همها. مع إن أمو الله يرحمها كانت سلطانة، ست الستات. بس هو الطيب كده بينداس عليه. عارفة كانت كل ما تشيلك تقول: "عروسة ابني". جنة باستغراب: دي عسولة خالص. نورا بابتسامة حزن:

فعلاً، بس الزمن مرحمهاش. يلا ربنا يرحمها ويصبر عيالها. جنة، هو إنتي بتحبي سليم؟ جنة بصت ليها بتوتر وارتباك. بالليل، نور خرجت من التواليت وقفت قدام المرايا بتجفف شعرها، كأنها في دنيا تانية. مش مركزة ولا سامعة غير صوت وجعها. رمشت عينيها بعدم تصديق وتمسح المرايا بإيديها: المرايا مش مظبوطة ولا أنا بحلم؟ ياسين قعد وراها: إيه؟ كنتي فاكرة إني مش راجع؟ نور لفت وشها اتجهت له بخطوات ثابتة. ياسين قام وقف قدامها:

أنا رجعت. كنتي عاملة إزاي؟ سمعت إنك بتدوري عليا زي المجنونة، مش عارفة إذا كنت عايش ولا مسجون ولا ميت. اهو ده كان نفسي إحساسي لما سافرتي ومعرفش حاجة عنك. بتوجع، مش كده؟ نور دموعها نزلت حضنته بفرح وقوة: أنا آسفة، أنا غلطت في حقك كتير، بس والله العظيم مكنتش أقصد. ولا العظيم معرفش عملت كدا إزاي، ولا أعرف حتى اللي جاه هنا. ياسين بعدها عنه، مسك الخاتم وقعدها على الكرسي وقعد قدامها على الأرض. مسح دموعها:

كفاية عياط يا نور. أنا عارف ومتأكد إنك متعرفيش حازم. بس كنتي عايزني أعمل إيه لما واحد بكل بجاحة وقلة أدب بيوصف مراتي؟ بيوصفك يا نور، إنتي مدركة؟ كنتي عايزني أتصرف إزاي؟ نور: إنت ضربتني. ياسين: شدت شعرك، معلقتش المشانق يعني. وبعدين ما، الهانم وتتصرف بالعقل وتلبس الخاتم، مكنش كل ده حصل. نور بصت له بتوتر وتهرب: هو إنت زعلان علشان سافرت من وراك، ولا علشان الزفت؟ ياسين:

الاتنين. واسمه، أوعي ييجي على لسانك. بصي يا نور، أنا عايز نفتح صفحة جديدة مع بعض من غير شغلك وجنانك ده. نور بابتسامة: موافقة. ياسين: إنتي حاسة بتتغيري ليه؟ هو فيه حد يدخل التواليت من غير شبشب؟ نور: والله أنا مش مستحملة ألبس شباشب ولا إكسسوارات، هو كده مجنونة بقى. ياسين: حتى لو ف، إنتي أحلى مجنونة. قبل راسها بحب. بصت في عيونه: وحشتني. ياسين حضنها: إنتي أكتر يا حبيبي.

نور كانت بتفكر، قلقانة، متلخبطة، فرحانة إن حب عمرها رجع، حتى لو كانوا يومين بالنسبة ليها كانهم سنين. بعد شوية نزلوا علشان يتناولوا الطعام مع أهلهم. على السفرة، لبنى: ويا ترى بقى الصايع كان فين؟ ياسين: كنت في اليخت، قولت أفصل يومين وأبعد عن الدوشة. جميلة: يبختك. ما خدتنيش معاك ليه؟ ياسين: بقول أفصل، مش أتصدع منك. آسر: المهم إننا نلم نفسنا. الكلام لجميع. ياسين بص لنور اللي ماسكة كوباية فيها ميه مخلل. بص لها باستغراب:

دا مشروب جديد بخصوص الدايت؟ لبنى: والله ما أنا عارفة إيه اللي صابك. ما كنتي عاقلة. جميلة بضحك: أوي الصراحة. نور: ولما أوريك علقة محترمة دلوقتي. جميلة: مش هتعرفي. صحيح، هي الدكتورة قالت إيه؟ لبنى: ياختي يا حبيبتي، سبيها في حالها. ما قولنا برد. ياسين بص لنور بقلق: برد؟ إنتي تعبانة؟ ومحدش يقولي؟ نور: مفيش حاجة يا حبيبي، شوية برد وراحوا لحالهم. جميلة: آه، بس في حاجة مخلياها مجنونة على جنانها.

جميلة حطت إيديها في جيب الجاكيت بتاعها وضمت إيديها: آآآآآآه من العند يا ولاد. جميلة رفعت إيديها قصاد عينيه: إن إن إن. آسر: إيه دا؟ لبنى: البت دي بتعمل إيه؟ جميلة بابتسامة: بتاع نور يا مامي. نور جابته وبعدين راحت لدكتورة وقالت إن نور الشاذلي وياسين الشاذلي هيبقا عندهم طفل قريباً. كدا يا نونو تبقي حامل ومتقوليش ليا؟ طب والله عيب في حقي أبقى عمتو من غير ما أعرف. ولولا البت جنة مكنتش عرفت من أصلو. ياسين بص لها:

الكلام ده صح؟ نور بصت له بتردد: صح. أنا حامل، وعارفة من يومين، ووووووو. يتبع الحلقة 17