رواية عشق ابيض واسود الفصل التاسع 9 - بقلم عائشة الكيلاني

اسر سابهم ومشي. بعد وقت، في شقة سمر. منى في التواليت وبتخبط على الباب بجنون: افتحوا الباب، حماتي أبوس ايدك افتحي الباب يا نورا. سمر كانت نايمة وصحيت على ريحة حريق وصويت منى. اتجهت برا جري وفتحت لمنى الباب، وسألتها: بسم الله الرحمن الرحيم، مالك يا بت بتصوتي ليه؟ وإيه ريحة الحريق دي؟ ده كإن حد بيولع، إيه اللي حصل؟ وبتصوتي ليه؟ منى بتتاخد نفسها بالعافية:

أنا كنت في التواليت، فجأة الباب والنور اتقفلوا عليا. إيه الريحة دي؟ منى افتكرت لبنى وقالت بصوت: لبنى! حماتي! الريحة دي جاية من شقة اسر، الشقة شكلها بتتحرق ولبنى فيها. سمر ضربت إيديها على وشها: يا لهوي يلهوي يلهووووي، البت في الشقة وحامل. هنا كانت لسه راجعة البيت، لكن وقفتهم وسألت: إيه يا جماعة؟ منى: لبنى بتموت يا هنا، البت بتولع. سماح ونورا واقفين جنب بعض ببرود: وإحنا مالنا يا منى؟

هي يعني من باقية أهلنا، أهو خلي البيت يخف شوية، لحسن الجو نار وإحنا مش ناقصين. سمر: إنتوا بتقولوا إيه؟ لازم ننقذها، لتموت ويحسبوها علينا. نادمة بت أخواتها. هنا ونورا وسماح راحوا قعدوا على الكنبة وفتحوا التلفزيون على الآخر. شهد خرجت من أوضتها بعد ما مثلت إنها نايمة علشان محدش يشك فيها. سمر راحت قعدت جنبهم: استغفر الله العظيم. على يا بنتي صوت البتاع ده.

منى بصتلهم برعب وذهول وجريت على فوق وهي بتحاول تتصل بـ اسر، لكن مش بيرد. اسر وصل البيت وطلع جري على ريحة النار: إيه الريحة دي؟ سمر: مش عارفة يا ابني، تلقي حد مولع في الشارع أو حد ناسي حاجة. منى بصراخ من فوق: اسررر! شقتك بتتحرق ولبنى جوا! اسر طالع جري على شقته. كانت منى واقفة بتحاول تفتح الباب لكن مش عارفة. اوعي! ابعدي يا منى.

منى بعدت. اسر حاول يفتح الباب بكتفه لحد ما الباب وقع. النار كانت حرفياً كلت كل حاجة في الشقة. كله كان بيتحرق. واقف لحظة مصدوم وعاجز. لما شاف النار قريبة من لبنى حب عمره. منى بصراخ: ااسر خد بالك! منى نزلت شقتها وطلعت وهي معاها جردل ميه وبطانية. اسر مفكرش، جري عليها وشالها من قلب النار وخرج من الشقة من غير ما يتكلم. نزل على تحت وهو شايلها. الكل اتجمع بتمثيل الخوف. سمر بتمثيل: يا حبيبتي يا بنتي، إيه اللي حصل يا اسر؟

وإيه مالها؟ شهد بتمثيل الخوف: اسر، هي مش بتتحرك ليه؟ لتكون ماتت. اسر بزعيق: اخرسوا كلكم! إياك أسمع نفس الكلام حد فيكم. منى اتصلي بـ المطافئ ييجوا يطفوا الحريق قبل ما يوصلكم. اسر قعد على الأرض وبدأ يفوق فيها. لبنى فتحت عيونها ببطء وقالت بهمس: اسر. اسر حضنها بدموع وهو بيحمد ربنا إنها بخير. مكنش فيه كلام، لكن الكل كان بيبصلها بغضب وغيظ. لبنى حضنت إيديه وغمضت عيونها بتعب. اسر شالها وقام، لكن قبل ما يخرج قال:

اللي عمل كده هيتحاسب. اسر نزل وراح المستشفى عشان يطمن عليها. بعد وقت، في المستشفى. في غرفة قسم الطوارئ. الدكتورة والممرضات عملوا اللازم ليها بعد ما ضمّدوا الجرح اللي في إيديها من الحريق. علّقوا محاليل ليها وعطوها مهدئ. الدكتورة: هي كويسة، مفيش داعي للقلق. بس إنت إيدك بتنزف ومش بعيد تكون حصلها حرق. اسر: أنا مش مهم، المهم هي. والجنين؟ الدكتورة:

الجنين بخير الحمد لله. أول ما تفوق تمامًا هنشيل الأكسجين لما نتأكد إنها بخير. إنت لازم نطهر الجرح ونلحق الموضوع ليقلب حرق. هي والله العظيم كويسة، بس لازم نطمن على الجرح بتاع حضرتك. الدكتورة ضمّت له الجروح اللي في إيديه وخرجت هي والممرضات. اسر قعد جانبها وبيمسح على شعرها بحنان. قبل راسها وقعد مكانه. في البيت. منى: بس أنا متأكدة إني حاطة المفاتيح هنا. وحماتي كانت نايمة ومحدش غيري كان موجود غيرك يا شهد.

شهد بصتلها ببرود: قصدك إيه يا منى؟ قصدك إني عملتها؟ طب يارب ما أفرح ولا يجي عليا نهار لو كنت عملتها. منى ببرود: معرفش، بس لو حقيقي يبقى أمين. وعمتنا اسر هيعرف، هيعرف. هو أصلًا شاكك. وبعدين مين في مصلحته إنها تموت غيرك؟ سماح بعصبية: منى اخرسي والزمي حدودك. منى: لما أصحاب العيب يعرفوا حدودهم، أبقى ألزم حدودي. وبرضو اسر ولبنى هيعرفوا. يلا يا نور. منى أخدت عيالها وطلعت شقتها. سمر تنهدت: اعملوا ما بدلكم يا بنات.

أما في المستشفى. لبنى فتحت عيونها ببطء، بتبص حواليها. وبعدين بصتله. كان مرجع راسه لورا ومغمض عينيه. شالت ماسك الأكسجين من على أنفها. كانت بتبصله بتعب وشفقة، وقالت بصوت ضعيف ومرهق: اسر. حطت إيديها اللي فيها المحاليل على إيديه، رغم إن إيديها وجعاها: اسر. اسر فتح عينيه بتعب، لكن فاق لما شاف إيديها على إيديه وبيتبصله. حط إيديه على إيديها وقرب منها بلهفة: حبيبتي، إنتي كويسة؟ حاسة بحاجة؟ لبنى بصوت واطي: أنا كويسة.

حطت إيديها على بط*نها بخوف: ابني حصله حاجة؟ ساكت ليه؟ اتكلم يا اسر، أجهضت وبداري عليا؟ ساكت ليه؟ اتكلم قول حاجة. قالتها بعصبية وجنون. اسر حط إيديه على إيديها: اهدّي يا روحي. ابننا كويس ومفيش حاجة حصلت. المهم إنكم بخير. روّقي علشان خاطري، ولا أقولك علشان خاطر ابننا. اهدي، مفيش داعي لعصبيتك. لبنى: أنا عايزة أروح يا اسر.

اسر سرح شوية بيفكر هيعمل إيه. الشقة اتحرقت بالعفش وكل حاجة. لكن فيه إحساس جواه بيقوله اخرج من البيت ده ومتترجعش تاني مهما حصل. لبنى بصتله: إنت كويس؟ اسر قبل راسها: كويس يا روح، طول ما إنتوا معايا. هنرجع بيتنا، بس هنستنى هنا لحد ما الدكتورة تسمح ليكي بالخروج. تاني يوم، اسر ولبنى خرجوا من المستشفى وراحوا فندق. قرر يعمل كده عشان نفسيتها. كان فندق على البحر. أما في بيت سمر. هنا بعصبية: شبكتييي مش موجودة يا ماما. شهد:

دوري كويس يا بنتي. هنا: أنا مش عمياء ولا فاقدة الذاكرة. هيكون راحت فين؟ قطة يعني دخلت الشقة ونطت في الدولاب وخدتها؟ سمر: يادي المصيبة، دهبي وشقا العمر مش موجود. دهبي يا ناسس. سماح: وأنا كمان فلوسي اللي شايلها في الدولاب مش موجودة. نورا: يعني إيه يا جدعان؟ أنا فلوس عماد مش موجودة؟ وإنتوا نفس الكلام. إنتي يا منى مش ضايع منك حاجة؟ ولا إنتي حالتك إيه علشان يضيع؟ شهد: إحنا نبلغ الشرطة وهي تتصرف. سمر:

إنتي كانت عينيكي على شبكة بنتي. منى بصدمة: إيه اللي بتقوليه ده يا حماتي؟ وعيني على حاجاتها ليه؟ ما تتهني بيهم. أنا مالي. شهد بصت لمنى: يبقى نطلع شقتك ونفتشها. وأهو جوزك يكون شاهد على مراته. منى بعصبية: لمي نفسك يا شهد وبطلي قلة أدب. ثم إنتي بتتكلمي ليه أصلًا؟ نورا: حلو. طالما خايفة ومتعصبة، يبقى إنتي اللي عملتيها. منى: إنتي بتشكي فيا يا نورا؟ إشحال إننا أصحاب. نورا:

والله مش أنا اللي ببص لحاجات غير. وكل واحد عارف نفسه. سمر طلعت شقة منى وفتحت الباب ودخلت أوضة منى. شاهين بعصبية: إيه اللي بيحصل؟ وإزاي حضرتك تدخلي هنا؟ ده تهجم غير مقبول بيه. وأنا بقولها تاني، أنا مش اسر. سمر: إنت مصيبتك إنّي يا ابن بطني. مصيبتك لا كانت على البال ولا الخاطر. يا ميلة بختك ويحسرتي عليك يا شاهين وعلى أيامك. شاهين: خلصتي؟

سمر وهي بتفتح الأدراج وبتدور فيهم، وبعدين فتحت الدولاب، رمت كل الهدوم على الأرض، لكن لقت حاجة وقعت. شاهين: إيه ده؟ سمر: اكيد عمل. استنى أشوف إيه. سمر فتحت الكيس الأسود ومسكت غوايشها ودهبها بصدمة: دي حاجاتي! إيه اللي جابهم هنا؟ وكمان شبكة أختك، وكمان فلوس مرات أخوك! بيعملوا إيه هنا؟ فلاش.

منى كانت في أوضة الأطفال نامت بعد ما عيالها ناموا. سمر وشهد دخلوا الشقة لأن سمر معاها المفاتيح. دخلوا أوضة سمر فتحوا الدولاب وحطوا الحاجة في وسط هدوم سمر وفي شنطة أو كيس أسود عشان يبانوا إنهم مسروقين وخرجوا بسرعة لأن شاهين كان قرب يجي. باك. منى كانت طالعة. وشاهين بيبصلها بصدمة وعدم فهم: مفيش حاجة يا حماتي. إنتي بتعملي إيه؟ ميصحش كده. سمر حطت الكيس قصاد عينيها: هو فعلاً مفيش حاجة. علّت صوتها:

بقى بعد ما لمّيتك من الشارع وجوّزتك ابني تعملي فيا كده يا بت الكلب؟ ما صحيح، ما إنتي منعرفلكيش لأ ولا أب، هتطلعي محترمة لمين؟ لخالتك اللي... منى رفعت صباعها: عندك. أنا أهلي أشرف منك ومن أهلك. على الأقل مش بترمي الناس بالباطل زيك. شاهين اتجه لمنى ضربها كف بكل قسوة وغضب: اخرررسي. منى حطت إيديها على خدها بصدمة: إنت بتضربني يا شاهين؟ شاهين مسكها من شعرها: وأكسر راسك! عايزني أشوفك بتغلطي في أمي وأسكت ليه؟

يا أختي، إشحال إن خالتك زبالة صحيح. هتطلع عينيكي مليانة لمين؟ منى: أنا والله العظيم ما عملت حااااجة. شاهين ضربها كف تاني وجرها من شعرها وخرج برا. نزل السلم وهو ماسك شعرها وبيشتمها، ومنى بتصوّت وتبكي وتحلف إنها بريئة، بس مين يصدق؟ شهد وكلهم سامعين الصويت وبصراحة فرحانين فيها. وصل لمدخل العمارة وزقها برا البيت: إنتي طالق يا منى، طالق! إياك أشوفك، وإياك إياك أشوفك بالصدفة. ولو قربتي من عيالي هقتلك يا حرمية.

منى قامت من على الأرض مسكت إيديه برجاء ودموع: شاهين أبوس إيدك صدقني، أنا والله العظيم ما عملت كده. طب أنا معرفش حد غيرك. شاهين نفض إيديه وزقها على الأرض وقفل الباب في وشها. منى قامت بتبص حواليها. كان الكل بيبص عليها، اللي ماشي واللي جاي واللي بيبص من البلكونة. لكن اتفاجأت بـ سمر اللي حدفت الزير عليها: يلا خلي البيت ينفض من أمثالك.

هنا وشهد بيزغرطوا من البلكونة بشماتة. نورا كانت بتبصلها بحزن، بتحس إن سرقتها وهددتها وخلاص مش هتطلق ولا هتطلع من بيتها بفضيحها، لا وكمان بالبس البيت. دموعها نزلت لكن مسحتها وخرجت من البلكونة بسرعة. طالعت عباية سوداء وجريت على البلكونة حدفت ليها العباية. منى بصت فوق، كانت نورا بتبصلها بمعنى البسيها. منى لبست العباية ومشيت وهي مش شايفة قدامها. حاسة إن الدنيا كلها بتتفرج عليها، وبالفعل ده اللي بيحصل. الدموع مذلة نازلة.

بالليل عند اسر ولبنى. لبنى بملل: فاضل قد إيه؟ اسر وهو ماسك إيديها: خلاص، سنة كمان ونبقى وصلنا. لبنى: لقبري! مانت أكيد هتموتني. اسر: بعد الشر عليكي يا حبيبتي. وصلنا. اسر شال الشريطة من على عينيها: ودلوقتي فتحي. لبنى فتحت عيونها وووو. يتبع.