رواية عشق احفاد الجوهري الفصل العاشر 10 - بقلم اية المهدي

الجميع بصدمة: إيه ده؟ الجد: مليكة مالك يا حبيبتي؟ إيه اللي عمل فيكي كده ولابسة كده ليه؟ إيه اللي حصل يا أسيل؟ ما تتكلموا. أسيل بتوتر: يا جدي، أصل مليكة اتعرضت لحادثة في المعرض واتصابت، بس هي كويسة. الجد بنرفزة: مالك يا بنتي؟ هتفضلي تقولي "بس بس"؟ الجميع: ما تتكلمي يا أسيل. أسيل: أصل مليكة فقدت الذاكرة. الجميع بصدمة: إيه؟ أسيل بتوتر: والدكتور قال لازم منفكرهاش بحاجة، هي تفتكر لوحدها.

أمال بدموع: مليكة يا حبيبتي، انتي مش عارفاني؟ أنا مامتك يا حبيبتي، ودول عيلتك. حور بتوتر: أنا مش فاكرة حاجة. وأسيل قالتلي إنكم أهلي، بس أنا مش فاكرة. قصي بحزن: انتي مش فاكرة أي حد يا مليكة؟ طيب مش فاكرة عز أخوكي؟ انتوا قريبين من بعض قوي. أسيل: يا عمو، ممكن مليكة ترتاح، وأنا هاشرحلكوا حالتها حالا. أمال: تعالي يا حبيبتي، أطلعك أوضتك. حور بخوف قليلاً: هـ أنا؟ أسيل: روحي يا مليكة معاها، دي مامتك. حور: حاضر.

ذهبت حور مع والدة مليكة لغرفتها. الجد: قوليلي بقا يا أسيل، الحادثة حصلت إزاي؟ إزاي معرفش حاجة؟ ولا تقوليلي إننا كأننا مش موجودين عندك ولا إيه؟ أسيل: أبداً والله يا جدو، أنا كنت خايفة حضرتك تتعب لما تعرف، وكمان طنط أمال والكل. ومليكة أهي كويسة. الجد: هي كده كويسة؟ دي مش فاكرة حد. أسيل: يا جدو، الدكتور قال مؤقت، يعني في أي وقت هتفتكر، بس منظغطش عليها في حاجة ولا نحاول نفكرها، هي تفتكر لوحدها. الجميع: إن شاء الله.

أسيل: فين سفيان ومالك؟ يا جدو؟ وعز وحسام؟ الجد: عز وحسام في الجامعة، وكمان مالك في أوضته، وسفيان في المشروع بتاعه. أسيل: طيب يا جدو، أنا هاطلع أرتاح، وهننزل أنا ومليكة على الغداء. باسل: طيب يا بنتي، لو مليكة تعبانة، خليها ترتاح، مش لازم تنزل. الجد: أه يا حبيبتي، لو تعبانة، سبيها. أسيل: لأ يا جدو، هي كويسة، بس أنا عايزها تاخد علينا. وهنا دخل عز وحسام. عز: أسيل، انتي جيتي؟ ليكي وحشة يا بنت الأيه.

حسام: أه والله يا أسيل، وحشتينا يا عسل انتي. عز: أمال مليكة فين؟ وحشتني جداً، أنا رايح أشوفها. أسيل بتوتر: عز، لأ، مليكة بترتاح دلوقتي. عز باستغراب: مالها؟ تعبانة؟ فيها حاجة؟ أسيل: جدو هيفهمك، علشان أنا عايزة أرتاح. عز وحسام: هو في إيه؟ مالها مليكة؟ الجد: مليكة حصل لها حادثة وفقدت الذاكرة، وناسية الكل. عز وحسام بصدمة: إيه؟ فقدت الذاكرة؟

الجد: أيوة، ومش عايز حد يفكرها بحاجة ولا يضايقها، وهي دلوقتي بترتاح، وكمان ساعتين هتنزل علشان تتغدى معانا، مش عايز غلطة واحدة، مفهوم؟ عز بحزن على شقيقته: حاضر يا جدي. عز: جدو، هو سيف وسراج عرفوا؟ الجد: لأ، لما يرجعوا بالسلامة هنقولهم. حسام: أكيد هتكون كويسة يا عز، مليكة قوية. عز بحزن: إن شاء الله. الجد: روحوا ارتاحوا دلوقتي. ذهب الجميع لغرفهم. وجاء موعد الطعام، نزل الجميع. الجد: فين مليكة وأسيل يا أمال؟

أمال: جايين يا عمي، أنا لسه نازلة من عندهم. الجد: طيب، كلمت سليم وسيف وسراج، ميتاخروش على الغداء يا باسل. باسل: طبعاً يا بابا، وزمانهم جايين. دخل سليم وسيف وسراج. سليم: السلام عليكم. الجميع: وعليكم السلام. الجد: تعالوا يا ولاد علشان الغداء. الجميع: حاضر. جاءت أسيل ومليكة. قام سراج لاحتضان شقيقته: مليكة حبيبتي، انتي وصلتي امتى؟ بعدت حور عن سراج بخوف. سراج باستغراب: مليكة، مالك يا حبيبتي؟ انتي كويسة؟

حور: أه كويسة، بس انت مين؟ سراج بصدمة: نعم؟ الجد: اقعد يا سراج، وأنا أفهمك. الجد: مليكة، ده سراج أخوكي الكبير، وده سليم ابن عمك، وده سيف أخو سليم وجوزك. حور بصدمة: إيههههه؟ جوزي؟