رواية عشق احفاد الجوهري الفصل الحادي عشر 11 - بقلم اية المهدي

حور: إيههههه الجد: أه يا حبيبتي، مكتوب كتابك. أسيف: هو في إيه؟ مالك يا مليكة؟ يا حبيبتي، انتي مصدومة ليه؟ هو في إيه يا جدي؟ أنا مش فاهم حاجة. الجد: يا بني، مليكة عملت حادثة صغيرة كده في المعرض وهي فاقدة الذاكرة. سيف بصدمة وغضب: مين اللي عملت حادثة؟ إزاي ما نعرفش بحاجة زي دي؟ أسيل إزاي تخبي علينا حاجة زي دي؟ أسيل بتوتر: هو بصراحة محبتش تقلقوا وخصوصاً جدي. سيف بعصبية: ده اللي هو إزاي؟ المفروض كنا نعرف.

الجد بحزم: سيف، انت إزاي تعلي صوتك وإحنا موجودين؟ سيف: أنا آسف يا جدي، سامحني. أنا قلقان على مليكة ومصدوم. الجد: اتفضلوا كلكوا على الغداء، ومليكة هنعرفها عليكوا واحد واحد. ذهب الجميع على سفرة الغداء. الجد: مليكة، تعالي هنا يا حبيبتي جمبي علشان أعرفك على أهلك. ذهبت حور بتوتر.

الجد: بصي يا حبيبتي، ده باباكِ، ودي مامتك اسمها أمال، وده أخوكي الكبير سراج، ودي سها مراته، ودي بنتهم ملك، وده أخوكي مراد، وده أدهم وعز أخوكي الصغير. عرف الجد مليكة على الجميع. الجد: كده عرفتي عيلتك كلها. ده بقا سيف جوزك وابن عمك، وإنتوا بتحبوا بعض. حور في نفسها: إيه العيلة الغريبة دي؟ لأ وكمان جوزوني؟ كان مالي أنا ومال ده كله؟ كان زماني بتخانق أنا وأخواتي. وكمان اللي اسمه سليم ده مخيف. إيه العيلة دي؟

أمال والدة مليكة: مبتاكليش ليه يا بنتي؟ حور بهمس: طب دي أنادي لها ماما ولا إيه بقا؟ بس الكلمة مش راضية تخرج، والله. أمال: بتقولي حاجة يا حبيبتي؟ حور: لأ أبداً، أنا شبعت بس مش أكتر. سيف: شبعتي إيه؟ انتي أكلتي حاجة؟ حور بهمس: يا دي النيلة، هاتعامل إزاي مع البني آدم ده؟ قال جوزي قال. حور: لأ الحمد لله، أكلت. عز بمرح: لأ، كملي أكلك علشان نعرف نتعامل مع بعضينا. أصل ناوي آخدك نشوف الخيل، انتي بتحبي الخيل على فكرة.

حور: خيل؟ هو أنا كنت بركب خيل؟ حسام بمرح: طبعاً، وكنتي بتسابقي سيف كمان. حور بهمس: وكمان خيل؟ ده أنا آخري العجلة، ودول بيقولوا خيل. ربنا يسامحك يا أسيل، بس. حور: آه طبعاً، بس هو مش فاكرة إني كنت بركب خيل؟ عز: لأ يا باشا، سيبلي نفسك خالص، وأنا أقولك اللي كنتي بتحبيه. سيف بهمس لسراج: أنا خايف من أخوك، هيجنن مليكة معاه، أنا عارف. فخليه يبعد عنها أحسن. أقتله.

سراج بضحك: متخافش، ده هيعلمها كله. مليكة هتتحول لوحدة تانية خالص مع عز وحسام. سيف بضيق: بتضحك على إيه يا بني؟ هي مش أختك؟ إنت عايزها تتهبل زي أخوك؟ سراج بضحك: ما هي مراتك برضه، اتصرف انت. سيف: لأ يا عز، أنا هابقى أخرج أنا ومليكة وأوديها مزرعة الخيل. حور مرة واحدة: لأ. الجد: لأ إيه يا بنتي؟ أسيل لإنقاذ الموقف: لأ، هي قصدها يا جدو نروح كلنا، مش كده يا مليكة؟ حور: آه، آه. نروح كلنا. الجد: طيب، حلو. نروح كلنا.

الجميع: إن شاء الله. الجد: مالك يا سليم؟ متكلمتش من ساعة ما دخلت. سليم: أبداً يا جدي، هاقول إيه. الجد: مسلمتش على مليكة يعني؟ سليم: آه، كنت هاسلم عليها. حمد الله على السلامة يا مليكة. حور بخوف منه: الله يسلمك. سليم بغموض: إن شاء الله ترجعلك الذاكرة. حور بتوتر: آه، إن شاء الله. حور في سرها: إيه الراجل ده؟ حاسة هياكلني. بقا ده سليم؟ المفروض يسموه وحش، خفاش، ديناصور، أي حاجة كده. قصي: طيب يا سليم، أخبار الشركة إيه؟

سليم: الوضع تمام يا عمي، والشركة كويسة. سراج: يا بابا، طول ما سليم موجود، كله تمام. على الناحية الأخرى. في لندن. المجهول: أنا لازم أرجع مصر. الشخص: ترجع لمين بس؟ انت جيت هنا من 23 سنة، يعني حياتك كلها هنا. هترجع لمين؟ انت ناسي إنت خسرت إيه هناك؟

المجهول: صح، خسرت أغلى حاجة ليا. بس عيلة الجوهري اكتشفت إنهم مالهمش ذنب. ده كله كان نصيب، ومحدش بياخد أكتر من نصيبه. وكمان لأني ارتكبت غلطة ولازم أصلحها. معرفش هيسامحوني عليها ولا لأ، بس لازم أصلح غلطتي وأكفر عن ذنبي. الشخص: وأنا معاك يا صاحبي في أي حاجة. تحب نحجز التذاكر إمتى؟ المجهول: كمان أسبوعين، لما نخلص كل الصفقات اللي معانا. الشخص: تمام، أنا رايح الشركة بقا.