رواية عشق احفاد الجوهري الفصل الثاني عشر 12 - بقلم اية المهدي

صباح يوم جديد في قصر عائلة الجوهري. كان الجميع على طاولة الإفطار. الجد: أسيل، مليكة فين، ما نزلتش ليه؟ أسيل: نازلة يا جدو، ورايا. الجد: طيب، سليم، انهاردة اجتماع مجلس الإدارة للأعضاء. سليم: صح يا جدي، حضرتك طبعاً هتكون موجود وكل الأعضاء. الجد: والله يا بني، انتوا بقيتوا مكاني خلاص، بقا جدك عجز. رؤى: مين ده اللي عجز؟ ده انت لو ما كنتش جدي كنت اتجوزتك، ده انت أحلى من بابا. الجد بضحك: يا بت يا بكاشة.

عز: أول مرة تقولي حاجة صح يا بت يا رؤى. الجد: خلاص يا أولاد، انتوا دايماً زي الأطفال كده. الجد: شهاب، ابنك مالك ماله فين؟ شهاب: انت عارف يا بابا إنه مالك ما بيحبش ينزل. الجد: ابعت حد ينزله، مالك هيفطر معانا من هنا ورايح، مينفعش كده. شهاب: حاضر يا بابا. نزلت حور للأسفل. الجد: تعالي يا حبيبتي هنا جنبي. حور: حاضر. ذهبت حور بجوار جدها. آمال: كلي يا حبيبتي علشان شكلك مش عاجبني.

حور في سرها: والله الست دي طيبة وحنينة وشكلها بتحب بنتها قوي. باسل وقصي: مليكة، مليكة، سرحتي في إيه يا حبيبتي؟ حور: أبداً أبداً. نزل مالك للأسفل بمساعدة خدم القصر. الجد: تعال يا مالك يا حبيبي، اقعد جنبي. سحب الخدم الكرسي المتحرك لجانب كرسي الجد. الجد: مالك بقا يا حبيبي، مبتنزلش تاكل معانا ليه؟ إن شاء الله هتتحسن يا حبيبي، أنا هسفرك تتعالج بره، بس لازم نفسيتك تتحسن، لازم تأكل وتتكلم مع إخواتك وتضحك.

مالك: ............. حور بهمس: إيه الواد القمر ده تعبان؟ ما هو الحلو ما بيكملش. الجد: مليكة، عايزة أعرفك، ده مالك ابن عمك وليد، أخو أسيل وسفيان. حور بمرح: بجد؟ ده ابن عمي إيه القمر ده. الجميع باستغراب من طريقة كلام مليكة، ولكن افتكروا كلام أسيل عن طريقة تغير مليكة. حور: أهلاً يا عسل، تقبل نكون صحاب؟ مالك: ......... حور: أنا عايزة نكون صحاب، بس ده أنا حتى بنت عمك.

عز بمرح: يا واد يا مالك، وافق، ده مزة العيلة، مليكة الجوهري. سيف بغضب: عز، احترم نفسك، إيه مزة دي. حور بهمس: أهو وربنا الواد ده مسهوك قوي. حور: ما فيهاش حاجة، بيهزر، وإيه يعني؟ سيف: مليكة، انتي عمرك ما حبيتي هزار عز أبداً. حور: بجد؟ طيب أنا مش فاكرة، بس هو دمه خفيف وأنا ما عنديش مانع يهزر. حسام: واد يا عز، متأكد إن دي أختك؟ دي كانت بتتعصب لو هزرت معاها كده.

عز بمرح: تصدق مش مصدق، بس خلاص، شكلنا كده هنبقى حلوين مع بعضينا. عز بمرح: تسلمي يا أختي، والله حبيبة أخوكي يا لوكة. حور بمرح: والله انت اللي قمر. سيف لسراج: سراج، أختك مكانتش بتطيق حد يدلعها. هو فقدان الذاكرة ده مطول؟ أحسن كده، لما ترجع ليها الذاكرة هتكون اتحولت وبقت شخصية تانية بفضل أخوك المصون عز. سراج بضحك: والله ما عارف، بس عز مش مضمون، كل شيء وارد. سيف بغيظ: طيب بطل ضحك بقا، علشان على أخري.

سليم: طيب، عن إذنكم بقا، ورانا شغل كتير في الشركة انهاردة، يلا يا سيف انت وسراج. حور في سرها: إيه البني آدم ده غريب، حاسة إني شايفة إنسان آلي. الجد: ربنا معاكوا يا أولاد. ذهب سليم وسيف وسراج للشركة. وذهب قصي وباسل ووليد للفرع الآخر لشركات الجوهري. حور بمرح: أنت اسمك مالك؟ اسمك حلو يا مالك. مالك: ............... حور: الله يا بني، مش تتكسف مني، إحنا هنبقى صحاب.

حور: طب تصدق يا واد يا قمر انت، أنا مش فاكرة حاجة ومكنتش عايزة أكلم حد، بس شكلي كده حبيتك لله في لله. مالك باستغراب من طريقة كلام مليكة. حور: لاء، ما تبصش بعينك الحلوة دي يا جدع. حور: انت عارف، أنا دلوقتي شخصية جديدة، يعني حابة أعرف كل حاجة هنا. وفضلت حور تتكلم مع مالك، وكان الجد يراقب ذلك ومالك يستمع لها باهتمام. الجد: أنا حاسس إن مليكة هتكون سبب إنه مالك يتجاوب معاها.

شهاب: أنا كده برضو يا بابا، مالك أول مرة يسمع بتركيز لحد. الجد: خير إن شاء الله.