رواية عشق احفاد الجوهري الفصل السابع عشر 17 - بقلم اية المهدي

الجد: انت عملت ايه يا حاتم؟ حاتم: اخدت اغلي حاجة عندك. فلاش باك: حاتم: ملك يا حبيبتي، أنا متأكد من الخطوة دي. إحنا لازم نتجوز. عمي رافض وأخواتك كمان رافضين. ملك: أنا عارفة يا حاتم، بس أنا زعلانة إني هاعمل كده من ورا بابا. مكنتش متخيلة إني أتجوز من وراه. حاتم: عارف يا حبيبتي، بس لما يشوفك مبسوطة معايا أكيد هيغير نظرته ليا ويوافق. ملك: طيب هنعمل إيه؟ هنروح للمأذون دلوقتي؟ حاتم: آه طبعًا يا حبيبتي.

وأخذ حاتم ملك وذهب للمأذون وتم زواجهم. حاتم: مبروك يا حبيبتي. كان نفسي أعملك أحلى فرح، بس الظروف جت كده. ملك بحزن: لأ، متقولش كده. كفاية إنك معايا. أنا بس مضايقة وكان نفسي بابا وإخواتي يكونوا معايا وموافقين. حاتم: معلشي يا حبيبتي، بكرة يغيروا رأيهم. يلا بينا بقا لازم نتغدى ونحتفل بجوازنا. مبحبش حبيبة قلبي تكون مضايقة. ملك بحب: ربنا يخليك ليا يا حبيبي. حاتم بهزار: إحنا هنقضيها حب كده ولا إيه؟ أنا جوعت. إنتي مش جعانة؟

ملك: آه جوعت والله، يلا بينا. وذهبوا لتناول الطعام وهما فرحين. بعد مرور شهر على زواجهم: حاتم: ملك يا حبيبتي، إحنا لازم نقول لعمي كل حاجة. ملك بخوف: لأ يا حاتم. بابا لو عرف معرفش ردة فعله إيه. حاتم بعصبية: يعني إيه؟ هنفضل نتقابل كده كأننا حرامية؟ إنتي مراتي ومن حقي تكوني معايا. ملك بدموع: يا حاتم، أعمل إيه؟ أنا خايفة عصبية بابا تعمل حاجة هنندم عليها كلنا. حاتم: طيب، هنفضل كده لأمتى يا ملك؟

ملك: إنت مش كان وراك قضية شغال عليها وهتبقى مشغول فيها طول الوقت؟ حاتم: آه، دي قضية كبيرة ومعرفش هتاخد وقت قد إيه بالظبط. ملك: طيب خلاص، خلص قضيتك وأوعدك بعدها هنقول لبابا كل حاجة. حاتم: إنتي متأكدة من كلامك يا حبيبتي؟ أنا عايزك متخافيش من أي حد. أنا متأكد إنه عمي بيحبنا، لا يمكن يأذينا. ملك: عارفة إنه بابا بيحبنا، بس معرفش ليه رافضك. حاتم بحيرة: ولا أنا عارف ليه. ملك: طيب، أنا لازم أمشي دلوقتي. اتأخرت.

حاتم: طيب، هانزل أوصلك مع إني مشبعتش منك. ملك بهزار: جرى إيه يا حاتم؟ أنا تقريبًا باجيلك كل يوم. حاتم بضحك: يا حبيبتي، إنتي القلب كله. والواحد ميقدرش يعيش من غير قلبه. أنا لو طايل أحبسك هاحبسك، ومخليش حد يشوفك أبدًا. ملك مصطنعة الخوف: لأ كده أخاف منك يا حاتم. حاتم بحب: ملوكة حبيبتي، إنتي تخافي من الكل وأنا لأ. ملك: ربنا يخليك ليا يا رب. ملك بتذكر: حاتم، إنت هيكون معاك مين في المهمة دي؟ حاتم برفع حاجب: بتسألي ليه؟

ملك بغيرة: أيوة، يبقي البت الملزقة دي هتكون معاك صح؟ حاتم بتسلية: قصدك مين؟ مريم؟ آه والله معرفش، بس يا ريت تكون معانا. ده حتى دمها خفيف. ملك بغضب وغيرة: نعم يا حبيبي؟ بتقول إيه؟ هي مين دي اللي دمها خفيف؟ أروح أخطوبهالك أحسن؟ حاتم: لم الدور يا حاتم وخلي اليوم يعدي. حاتم: مالك بس يا حبيبتي؟ أنا قلت حاجة؟ أنا بس بعرفك إنها دمها خفيف مش أكتر. وبعدين أنا قلبي بيحب واحدة بس واسمها ملك.

ملك بخجل: خلاص بقا يا حاتم، أنا لازم أمشي. اتأخرت. حاتم: أيوة، الفراولة طلعت أهي. ملك: حاتم، أنا ماشية. حاتم: طيب استني يا بت أوصلك. مجنونة مجنونة بس بحبها. ذهبت ملك للقصر وكان والدها في انتظارها. الأب: ملك، اتأخرتي كده ليه يا بنتي؟ قلقتيني. ملك بتوتر: ابدا يا بابا، كنت مع صحابي والوقت خدنا. الأب: طيب يا حبيبتي، اطلعي ارتاحي. مر وقت طويل وجاء يوم مهمة حاتم. يحيي: بقولك إيه يا صاحبي، أنا قلقان من المهمة دي.

حاتم: قلقان؟ بذمتك ده شكل رائد رايح يقبض على تجار مخدرات؟ إنت نسيت إحنا مين ولا إيه؟ يحيي: لأ يا صاحبي، منستش. بس القلق شيء طبيعي. حاتم: متقلقش، إحنا قدها يا صاحبي. دخل المقدم محمد للمكتب. المقدم: إيه يا سيادة الرائد؟ مستعدين؟ إحنا حاطين أملنا كله فيكوا. إنتوا أحسن فريق عندي وأنا واثق فيكوا. الرائد حاتم ويحيي: تمام يا فندم، إحنا هنكون عند حسن ظن حضرتك. المقدم: تمام يا سيادة الرائد، بالتوفيق. على

الناحية الأخرى عند ملك: استيقظت ملك بأعياء شديد وكادت تستفرغ وذهبت للحمام سريعًا. ومضى وقت وخرجت ملك من الحمام. ملك بتعب: أنا مالي انهاردة كده؟ دخلت زوجة باسل لغرفة ملك ورأت علامات التعب على وجهها. زوجة باسل: مالك يا ملك يا حبيبتي؟ وشك اصفر كده. ملك بتعب: معرفش والله، بس معدتي وجعاني واستفرغت. زوجة باسل: طيب يا حبيبتي، هاعملك حاجة سخنة تهديكي، وبعدها هنروح للدكتورة نكشف عليكي. ملك بتعب شديد: حاضر.

وبعد مرور بعض الوقت، ذهبت ملك وزوجة باسل للطبيبة. الطبيبة: بقالك قد إيه حاسة بالوجع ده؟ ملك: انهاردة بس. الطبيبة لملك: إنتي متجوزة؟ ملك: ها، لأ. الطبيبة: حضرتك حامل في الشهر الأول. ملك بصدمة: إيه؟ حامل؟ أرجوكي يا دكتورة، متقوليش حاجة لمرات أخويا برة. قوليلاها شوية تعب عاديين. الطبيبة: طيب، اهدي. التوتر غلط عليكي. قوليلي إيه الحكاية، يمكن أقدر أساعدك. ملك: حاضر. قالت ملك كل شيء للطبيبة.

الطبيبة: يعني إنتي متجوزة وابن عمك كمان؟ طيب، كل اللي أقدر أقولهولك لازم أهلك يعرفوا، لأنه الحمل كمان كام شهر هيظهر عليكي. وكمان أنا ضد مبادئي إني أكذب، بس هساعدك. ملك بفرح: شكراً ليكي. وأنا هقول كل حاجة لبابا بس لما حاتم يرجع. ذهبت ملك هي وزوجة أخيها للقصر. ومر ثلاث شهور على ملك وهي تحاول أن تداري حملها عن الجميع، وحاتم مشغول بقضيته. حاتم: بقولك إيه يا صاحبي، أنا مشوفتش ملك من فترة. عايز أشوفها.

يحيي بغمزة: إيه يا بني؟ الحب بيعمل أكتر من كده. حاتم: آخرس يالا، دي مراتي. يحيي: طيب، خلاص روح. إحنا كده خلصنا. باقي أسبوع واحد ونقبض عليهم كلهم. إحنا اتعبنا قوي في الـ 3 شهور دول. مر وقت وذهب حاتم للقاء زوجته. ملك كانت تغني في غرفتها ولم تشعر بدخول حاتم لغرفتها. جاء حاتم واحتضن ملك من الخلف. كانت ستصرخ، ولكن حاتم هدأها. ملك: حرام عليك يا حاتم، خضتني. حاتم بضحك: معلشي يا حبيبتي، حبيت أعملك مفاجأة.

ملك بحب: وحشتني قوي يا حاتم. كل ده وقت ومتكلمنيش؟ حاتم بحب لزوجته الجميلة: معلشي يا حبيبتي، القضية كانت واخدة كل وقتي. إنما إيه الجمال ده كله؟ ملك بخجل: دي عيونك هي اللي جميلة. حاتم، عايزة أقولك خبر هيفرحك. حاتم: قولي يا حبيبتي. ملك: كمان 5 شهور هيكون عندنا بيبي. حاتم بصدمة وعدم استيعاب: بيبي؟ حاتم: إنتي حامل بجد؟ أنا هبقى أب؟ ملك: آه يا حبيبي، هتبقى أحلى أب في الدنيا. حاتم بفرح: أنا مبسوط. مبسوط قوي.

حاتم بجدية: ملك، إحنا لازم نقول لعمي كل حاجة. ملك بتوتر: أيوة يا حاتم، لازم. إنت مش عارف أنا بقيت خايفة إزاي؟ يعرفوا إني حامل. حاتم بحنية: خلاص يا حبيبتي، كله هيبقي بخير. على الناحية الأخرى عند العصابة: مجهول 1: هنعمل إيه يا باشا؟ الحكومة بتدور ورانا. مجهول 2: هنعمل اللي لازم يتعمل. هنخلص من حاتم الجوهري وصاحبه. مجهول 3: مين حاتم الجوهري ده؟ الغول؟ محدش يقدر عليه. مجهول 2 بضحكة شريرة: ومين قالك هنقتله؟

إحنا هنخلص على صاحبه، وبعدها نخلص على أعز حاجة عنده. مجهول 3: إنت قصدك إيه يا باشا؟ مجهول 2: إنتوا فاكريني ساكت؟ ما هو أنا عملت من زمان. أنا اللي قلت للجوهري بيه عن ابن أخوه إنه بيتاجر في المخدرات، وخللته يرفض عرض جوازه من بنته الوحيدة. حاتم مش استسلم وراح اتجوز ملك الجوهري من ورا الكل ومحدش يعرف حاجة. إيه رأيك لو ناخد روحه منه؟ مجهول 1: إنت قصدك مراته؟ مجهول 2: أمال!

دي أكتر حاجة هتدمره حرفيًا. وكمان مراته عجبتني، أصلها حلوة قوي. ظلوا يضحكون بهستيرية ويخططون لدمار حاتم الجوهري وصديقه.