رواية عشق احفاد الجوهري الفصل السادس 6 - بقلم اية المهدي

وقفنا المرة اللي فاتت علي اتصال وليد: وليد: الو أيوة يا رعد وليد بصدمة: إيه حصل إمتى ده طب أنا جاي حالا خرج وليد مسرعاً وقابل والده. الجد: إيه يا وليد يا بني مالك بتجري ليه؟ وليد: كارثة يا بابا حد ولع في مخازن البضاعة وأنا لازم أروح حالا. الجد بصدمة: إيه مخازن البضاعة مين؟ ليه مصلحة يعمل كده؟ وليد: معرفش يا بابا مين بس أكيد دول حد من أعدائنا في السوق وسليم لو عرف مش هيعديها بالساهل.

الجد: روح أنت وهابعتلك أخوك قصي وأنا هاتكلم مع سليم. وليد: طيب يا بابا. ذهب وليد بسيارته إلى مخازن البضاعة. على الناحية الأخرى: عند حور في المستشفى: تم إجراءات نقل مليكة. أسيل: كده تمام الإجراءات تمت كلها باقي أهل حور يعرفوا. أسيل: أميرة انتي اللي هتعملي الخطوة دي بما إنك صديقة حور وكنتي معاها واللي جوه العناية دي حور خليكي فاكرة. أميرة بتوتر: هو لازم أنا اللي أكلمهم.

أسيل: طبعاً أمال مين كان مع حور غيرك ارجوكي يا أميرة ساعديني. أميرة بخوف: حاضر هعمل كده. الجميع: تمام. ذهبت أميرة لتهاتف أهل حور. على الناحية الأخرى: في منزل عائلة حور: الأب: هي أختك اتأخرت كده ليه يا بنتي المفروض تكون رجعت من ٣ ساعات. سلمي بمرح: هتروح فين يعني يا حاج زمانها جاية تلاقيها نسيت نفسها وهي بتتكلم ما أنت عارف بنتك. الأب: طيب ورن هاتف المنزل. الأب: ردي يا بنتي شوفي مين اللي بيتصل. سلمي: حاضر يا بابا.

سلمي: الوو. أميرة: الو سلمي معاكي أميرة صاحبة حور. سلمي بخوف: ازيك يا أميرة خير حور فيها حاجة قوليلي. أميرة بتوتر: هو بصراحة يا سلمي هو يعني… سلمي: يا بنتي ما تتكلمي. أميرة: حور عملت حادثة وهي حالياً في العناية المركزة. سلمي بصدمة: إيه بتقولي إيه حور انتي اتجننتي لو مقلب من بتوع حور هازعل جامد هي جنبك صح اديهالي. أميرة بحزن: لاء يا سلمي مش مقلب حور عملت حادثة. سلمي بانهيار: بتقولي إيه طب مستشفى إيه واحنا هنيجي حالا.

أميرة: طيب هابعتلك العنوان في رسالة. سلمي: …… الأب: سلمي يا حبيبتي مين كان بيتصل. سلمي: …… الأب: يا بنتي مالك بقولك مين كان بيتصل. سلمي بدموع: حور يا بابا حور عملت حادثة وحالياً في العناية المركزة لازم نروح لها حالا. الأب بصدمة: بنتي في المستشفى اللهم إني أسألك رد القضاء ولكني أسألك اللطف فيه يلا يا بنتي نروح لأختك واتصلي بأخوكي. سلمي بدموع: يلا يا بابا. على الناحية الأخرى: في المستشفى:

أميرة: أنا بلغت أهل حور بس سلمي كانت مفكراه مقلب أنا مش متخيلة إني أكذب على حد ويكونوا أهل حور. أسيل: أنا آسفة يا أميرة إني حطيتك في موقف زي ده. أميرة: اللي حصل حصل المهم حور لازم تمشي وانتوا كمان وأنا هأفضل مع مليكة لحد ما أهل حور يوصلوا. حور بدموع: أنا خايفة قوي على بابا حاسة إني مش هقدر أكمل. أميرة بحزن: يا حبيبتي متخافيش لازم تمشي دلوقتي. الجميع: مع السلامة. بعد مرور ساعة: وصل أهل حور للمستشفى.

الأب بلهفة: فين حور يا بنتي. أميرة: اهدي يا عمو حور في العناية المركزة ودلوقتي الدكتور يشرح لينا الحالة. سلمي: طيب هو فين الدكتور في مكتبه نروحله. أميرة: هيجي حالا بس هدي أعصابكوا. سلمي بعصبية: أهدي إزاي حور عملت حادثة إزاي طول عمرها بتاخد بالها من الطريق. أميرة بتوتر: قضاء وقدر يا سلمي هتعترضي على قضاء الله. سلمي: مش بعترض بس بسألك بحكم كنتي معاها.

الأب: جري إيه يا بنتي احنا في أي ولا في أي دلوقتي الدكتور يطمنا على اختك وبعدين نتكلم. سلمي: حاضر يا بابا. وبعد مرور فترة وصل أحمد للمستشفى. أحمد: في إيه يا سلمي جبتيني على المستشفى ليه حد تعبان انت تعبان يا بابا. أحمد: امال حور فين. سلمي: حور يا أحمد حور عملت حادثة وفي العناية المركزة. أحمد بصدمة: إيه حور.