رواية عشق احفاد الجوهري الفصل الثامن 8 - بقلم اية المهدي

بعد مرور ٣ أيام، تعرفت حور على شخصيات الجميع. أسيل: كده يا حور عرفتي الكل، وبكرة هنرجع القصر. انتي فاقدة الذاكرة ومش فاكرة أي حاجة علشان محدش يشك. ودي سماعة هتفضل معاكي علشان لو اتحطتي في موقف كده ولا كده هأقولك واكون معاكي. متخافيش. حور: تمام يا أسيل، فهمت كل حاجة. بس ممكن نطمن على أهلي في المستشفى؟ أسيل: طبعًا يا حور، هنطمن عليهم وكمان على مليكة. حور بفرح: إن شاء الله هتكون كويسة وتقوم بالسلامة.

أسيل: طيب يلا بينا نجهز الشنط علشان هنتحرك بدري. حور: طيب يلا. على الناحية الأخرى: في قصر عائلة الجوهري: في غرفة سليم: يتذكر جميع ذكرياته مع زوجته نادين. فلاش باك: نادين: يا سليم بقولك عايزة أخرج، انت جايبني هنا تحبسني. سليم: يا حبيبتي، احنا هنا في شهر العسل. مفيهاش حاجة لو قعدنا مع بعض شوية. دول هما يومين اللي قعدناهم، لحقتي تزهقي مني. نادين بحب: لاء طبعًا يا حبيبي، بس زهقت من القعدة. بس خلاص لو هتزعل مش عايزة أخرج.

سليم: لاء يا حبيبتي، قومي اجهزي وهنخرج نتفسح دلوقتي. أنا مرضاش على زعلك. نادين بفرح: بجد يا سليم، هنخرج. سليم بحب: بجد يا حبيبتي. روحي اجهزي بقا، أحسن أرجع في كلامي. نادين: لاء، أنا خمس دقايق وتلاقيني خلصت. انتهى الفلاش باك: سليم: وحشتيني قوي يا نادين. أنا مش عارف أعيش من غيرك. كلهم بيقولوا كمل حياتك، هي راحت بس أنا عارف إنك معايا على طول. في الأسفل: كان الجميع على طاولة الإفطار. الجد: سليم فين يا سيف؟

سيف: بيجهز وجاي يا جدي. الجد: سفيان، مش ناوي تسيبك من مشروعك ده وتنزل الشركة مع ولاد عمك؟ سفيان: يا جدي، أنا حابب يكون ليا مشروع خاص بيا وأعمله بمجهودي. حابب أبني نفسي من الصفر. الجد: طيب وانت يا مراد، برضو مصمم زي سفيان؟ هتفضل معاه. مراد: طبعًا يا جدي، سفيان بيتكلم صح. خلينا نبدأ من الصفر ونعمل بمجهودنا. أدهم: من غير ما تتكلم يا جدي، أنا ماليش علاقة بالمشاريع ولا الشركات. أنا ضابط.

الجد: أنا أساسًا مكنتش موافق إنك تدخل كلية الشرطة. أدهم: ليه يا جدي؟ ده أنا مبسوط كوني ظابط وبحاول أنضف البلد من المجرمين. الجد: ربنا يوفقكوا يا ولاد. الجد: سراج، ملك فين؟ مش شوفتها من امبارح. ممكن تبعت الدادة تجيبها، وحشتني. سراج: حاضر يا جدي، أنا هاطلع أجيبها. رؤى: إيه يا جدو، وأنا مش وحشتك ولا الحب كله لملك؟ يعني أنا زعلانة. الجد بضحك: لاء ابدًا. أنا مش يرضيني زعل حفيدتي الجميلة. تعالي هنا. ذهبت رؤى لجانب جدها.

رؤى: نعم يا جدو. الجد: قوليلي بقا، عايزة إيه. رؤى: فاهمني يا جدو، يا شقي انت. الجد بغضب مصطنع: بنت إيه شقي دي؟ أنا جدك. متقعديش كتير مع أخوكي. حسام: أنا معرفش، انتوا ظالمني كده دايمًا يا جدو. أنا مالي، هو أنا قلت ليها تقعدي وتتعلمي. عز الدين: معلش يا عم بورعي، متزعلش نفسك. حسام: يرضيك يا حاج عماد اللي بيحصل. عز: ابدًا ابدًا، لازم نعمل تحليل DNA. أنا متأكد يا بني، الناس دول لاقونا صدقة وخدونا يعطفوا علينا.

حسام: تعتقد كده؟ أنا حاسس برضه، دي مش معاملة أهل يا بني. الجميع بذهول. الجد: امشي يا فاشل منك ليه، يلا كل واحد على جامعته. عز وحسام: استنى بس يا حاج، احنا بنتناقش. باسل بضحك: يلا يا أهبل منك ليه برة. حسام وعز: احنا لسه في أول الحوار، استنوا. سليم: حسام، عز على الجامعة حالا. حسام وعز بهمس: بيطلع منين ده؟ احنا نمشي أحسن ما نتعلق، يا بني ده ممكن ياكلنا. سليم بغضب: بتقولوا إيه؟ أنا مش قلت كل واحد على جامعته يلا.

ركض عز وحسام للخارج بخوف من غضب سليم. الجميع: محدش غيرك يا سليم بيخوفهم. الجد: ها يا رؤى، المجانين مشيوا. انتي عايزة إيه. رؤى: عايزة ننزل أنا وزهرة ننزل نجيب هدايا لأسيل ومليكة، جايين بكرة. الجد بفرح: أه والله وحشوني. رؤى بفرح: يعني ننزل يا جدو؟ انت موافق. الجد: طبعًا يا حبيبتي، بس الحراس هيكونوا معاكوا، وملك هتروح معاكوا. رؤى: حبيبي يا جدو، طبعًا احنا تحت أمر ملك هانم. الجد بضحك: أه يا بكاشة منك، بتاعة مصلحتك وبس.

رؤى: طبعًا، ربنا يخليك للجمهور يا جدو. الجد: طيب يلا روحي جهزي نفسك انتي وزهرة، وأنا هاكلم الحرس اللي هيكونوا معاكوا. رؤى: هوا، وأكون جاهزة. يلا يا زهرة. نزل سراج لأسفل ومعه ابنته. الجد: أهلاً أهلاً، حبيبة جدو، وحشتيني. ملك بفرح هزت رأسها. الجد: تحبي تروحي تتفسحي مع زهرة ورؤى. ملك بفرح هزت رأسها. الجد: حبيبة جدها تأمر. بسسها. زوجة سراج: لاء، ملك مش هتروح مع حد. سراج بغضب: سها، انتي إزاي تتكلمي مع جدي كده.

سها: دي بنتي وأنا اللي أقول تعمل إيه وتروح فين. سراج بغضب: دلوقتي بقت بنتك يا هانم؟ مش كنتي بتقولي أنا مكنتش عايزة أخلف وانت السبب. سها: أيوة، بس خلاص خلفتها، يبقي من حقي أقول أي حاجة تخصها. الجد بغضب: ملك دي حفيدتي وأنا اللي أحدد إيه يناسبها وإيه لاء. أحسن أحلف ألغي الكريدت كارد بتاعتك ومافيش حفلات، مافيش خروج، وتقعدي تهتمي ببنتك. سها بخوف: أنا مش قصدي، أنا بس خايفة عليها.

الجد بسخرية: لاء، متخافيش. أنا أعرف مصلحة حفيدتي كويس وأخاف عليها. الجد: ملك حبيبتي، روحي الدادة تلبسك. ملك: هزت رأسها بحزن. الجد: من هنا ورايح يا سها، لو جيتي جمب ملك، انتي حرة. مش هقولك إيه هيحصل، انتي عارفة طبعًا. سها بخوف وتوتر: أه طبعًا. كان الجميع غير مبالين بسها. سليم: يلا بينا يا سيف انت وسراج، اتأخرنا. الجد: سليم، تعالي مكتبي، عايزاك. سليم: حاضر. ذهب سليم والجد لغرفة المكتب. سليم: خير يا جدي.

الجد: كل خير يا بني، بس هو حصلت مشكلة كده امبارح. سليم: مشكلة إيه يا جدي. الجد: ......... يا ترى رد فعل سليم بعد اللي حصل امبارح إيه؟ بقلم / آية المهدي