رواية عشق أحفاد هواره الفصل الخامس 5 - بقلم دنيا السيد

استيقظت نور ليبدأ يوم جديد مليء بالأحداث الجديدة على كل أبطالنا. أخذت حمامها وارتدت بنطلون أسود رياضي وبدي كت أسود اللون وحذاء رياضي أبيض، وربطت شعرها على هيئة ذيل حصان، ولفت التيشرت الأسود حول خصرها. ذهبت لغرفة الجيم الخاصة بها ومارست الرياضة والتمرينات ما يقارب الساعتين، فاليوم هو يوم إجازتها من الشركة، تقضي نصفه في التمرين والباقي مع جدها وغرام. عندما انتهت، أخذت هاتفها وحدثت غرام. نور: انتي لسه نايمة؟

غرام: امال زيك، عايزاني أصحى من الساعة 7 ألعب رياضة؟ مش كفاية اللي بتعمليه فيا في الشركة، كمان يوم الإجازة مش عايزاني أنام؟ نور: من غير كلام كتير، ساعة وتكوني قدامي. غرام: الساعة كام يا نور؟ نور: 10، وحضرتك لسه نايمة. غرام باستهزاء: لأ، أخص عليا. صح، إزاي أفضل نايمة للساعة 10؟ إيه التسيب ده؟ انتي هتسكتي على التسيب ده؟ لو هتسكتي أنا مستحيل أسكت. نور ببرود: خلصت. عدي من وقتك 5 دقايق. غرام: عااااا باردة انتي...

ولم تكمل كلامها، وجدت نور أغلقت الخط في وجهها كالعادة. غرام: يخربيت البرود اللي انتي فيه. أما أقوم أنا. عارفة انتي عملي الأسود يا نور يا بنت أم نور. عند صقر في المنزل. استيقظ وأخذ حمامه وارتدى بنطلون رياضي أسود وتي شيرت باللون الأبيض وحذاء رياضي أسود، وذهب لغرفة التمرين. عندما انتهى، بدل ملابسه بخري بيتي أسود اللون ونزل للأسفل. وجد فهد وجده وحمزة ووليد ومازن، فاليوم هو يوم إجازة الجميع. صقر: صباح الخير.

الجميع: صباح النور. الجد: يلي يا صقر علشان هتيجي معايا. صقر: عندك يوسف؟ كاد أن يعترض، ولكنه تذكر ملاكه الصغير كما أسماها، فابتسم وقال: اللي تشوفه يا جدي. قال الجد بنبرة آمرة: اعملوا حسابكم هنرجع الصعيد كلياتنا بكرة. وبقول كلياتنا يعني محدش هيقعد هنا. ونظر لفهد. فتحدث فهد معترضاً: باستثنائي، لأن عندي شغل ومينفعش آخد إجازة.

الجد بحزم: وأنا قلت كلنا هنسافر، يعني كلنا. وانت عارف الشغل اللي مش هتعرف تاخد منه إجازة ده، أجدر أخليك متعتبوش تاني وتنزل الشركة مع أخوك وولاد عمك. فهد بصوت عالي: أنا مش هسيب شغلي، أنا مش صقر عشان تتحكم في حياتي ومستقبلي. انت جدي على عيني وراسي، لكن مش هسمحلك تدمر مستقبلي. وهم لكي يغادر. الجد بصوت مرتفع: فهددددد. فتوقف فهد مكانه ونظر لجده.

الجد: آخر مرة صوتك يعلي عليّ. لو نسيت الأدب أعلمهولك، وكلامي هو اللي هيمشي. لو باقي على شغلك، تكون في الصعيد بكرة وهتجد هناك أسبوعين. وده آخر كلام. يلا كمل طريقك، شوف كنت رايح فين. غادر فهد. ركب صقر سيارة وانطلق بسرعة شديدة من شدة غضبه. صقر: أظن كلامي واضح. ونظر لصقر وجد وجهه يكسوه معالم الحزن. فتنهد الجد بحزن وقال: يلا احنا ياصقر. صقر بعدما فاق من شروده على صوت جده: يلا يا جدي. في منزل نور.

على طاولة الطعام تجلس نور وجدها يتناولون الطعام بهدوء. نور: يلا علشان غرام، زمنها جاية وهنروح النادي وهنتغدا هناك. الجد: هو مش جدك حسين جاي النهارده؟ نور: مقلش، كل اللي قالوا إنهم جايين بس محددوش يوم. الجد: طيب، ما تكلمي صقر حفيده وتسأليه. أو أقولك، قومي بينا نروح لهم احنا. كادت أن تجيبه نور، ولكن قاطع حديثهم صوت يعرفه يوسف جيداً. حسين: مفيش داعي، اديني جيت لك أهو. يوسف بفرحة: حسين، جيت امتى؟

وقام إليه وعانقه بقوة، عناق تلاقي بعد 15 سنة. حسين: عامل إيه يا خويا؟ متتخيلش أنا وحشتني كيف. يوسف: انت اللي عامل إيه؟ معقول منعرفش حاجة عن بعض بقالنا 15 سنة، واحنا كنا أكتر من الأخوات. حسين بحزن: الدنيا ديما بتبعدنا عن حبايبنا. فجلس كلا من حسين ويوسف يتحدثون في أمر بعضهما البعض. صقر وهو مازال واقف مصدوماً من تلك الملاك الواقف أمامه. نور باستغراب من سكوته ونظراته لها: أهلاً بشمهندس صقر، اتفضل. فاق صقر من

شروده على صوتها وقال بحرج: احم، شكرًا. نور: عن إذن حضرتك ثواني. صقر: اتفضلي. فصعدت نور لتبديل ثيابها، فكانت ترتدي بنطلون بيتي واسع رصاصي اللون وفوقه بلوزة سوداء بدون أكمام سوداء. بعده مدة نزلت نور وهي ترتدي فستان باللون الأزرق بحمالات رفيعة يصل إلى ركبتيها، ضيق عند الصدر وينزل باتساع يشبه ذلك الفستان الذي كانت ترتديه عندما رآها صقر أول مرة. صقر بدون وعي: ملاك. نور: أفندم؟ صقر بسرعة

عندما علم ما تفوه به: احم، ابداً ولا حاجة. في تلك الأثناء دخلت غرام وهي تتأفف من صديقتها وتتحدث بصوت مرتفع. غرام: انتي فين يا كلب البحر انتي؟ حرام عليكي يا مفترية، هموت وأنام. نور بإحراج من صقر: غرام، اخرسي. فكادت غرام أن تكمل حديثها، ولكنها رأت صقر وجده، فقالت بحرج: غرام: إيه ده؟ فيه ضيف؟ أصل معلش مختش بالي. جد صقر: ولا يهمك، عندي من عينتك حفتين هبل زيك أكده. غرام: احم، إيه الاحراج ده. فضحتكوا كلها عليها.

فقال جد صقر: من مزعل الجميل؟ فقالت غرام باندفاع: يرده يا جدو، إن المفترية دي تصحيني الساعة 10 من النوم يوم إجازتي علشان خاطر أروح النادي أجري لعند معاد الغداء. فضحك الجميع عليها وقال الجد: لأ ياستي ميرضنيش. إيه رأيك، هخليكي تاخدي أسبوعين إجازة من الشغل وتيجي معايا الصعيد وهفسحك أحلى فسحة، ومنها تتعرفي على الهبل صحابك. فقالت غرام بفرحة: بجد؟ أشطا عليك يا جدو يا عسل انت. فقالت نور: حضرتك بتتكلم جد ولا بتهزر معاها؟

فقال الجد: لأ، بتكلم جد. فقالت نور: بس مش هينفع تاخدي إجازة المدة دي كلها. فقال الجد: لأ، مهي مش لوحدها، دا انتي ويوسف كمان هتيجوا معايا الصعيد الأسبوعين دول. فنظر كلا من صقر ونور بصدمة لما قاله الجد.