رواية عشق احفاد الراوي الفصل الخامس 5 - بقلم سلمى حجازي

رحيم / أنا جاي معاكم. أما أشوف آخرتها. وصلت ورد إلى قسم الشرطة ومعها مالك ورحيم. ظلت تسأل عن صديقتها فريدة حتى دلها أحد الرجال على مكانها. ورد / فريدة... إيه اللي حصل؟ حد عملك حاجة؟ فريدة / لا. ورد / أومال إيه؟ اتسرقتي طيب؟ فريدة / أومال انطقي. رحيم / ما تخلصي يا آنسة، ورانا شغل. فريدة / مين الواد ده؟ رحيم / وااااد مين؟ ما تتلمي يابنت. فريدة / بت أما تبتكك! مين ده؟ مالك / بس يارحيم، مينفعش كده.

رحيم / مش سامع بتقول إيه؟ هقول إيه؟ ما إنتي سوابق. ورد / بسسسس.... التزم حدودك يا أستاذ رحيم. أنا صحابي محترمين. سوابق إيه اللي بتقول عليها؟ هي أكيد حصلها مشكلة فجت هنا تحلها... اتنيلي قولي في إيه. فريدة / بصي مبدئياً كده أنا مش غلطانة... بصي أنا... أنا كسرت عربية يوسف. ورد / إييييه؟ يخربيييتك. رحيم / الصلاة على النبي... يلا ياعم مالك نمشي من هنا، هي ناقصة. مالك / استنى بس رحيم... مين يوسف ده؟

ورد / دول مرتبطين أصلاً... إنتي ليه عملتي كده؟ فريدة / مبقاش خلاص... حيلة أمه بيقولي: أمي رفضتك. أنا اترفضضض أنا! رحيم / هي مالها مستغربة كده ليه؟ ده أمه داعياله. فريدة / أنا سامعة همسس كده. في حاجة يا أخ؟ رحيم / لا يستي، هو أنا حيلتي غير عربية واحدة أخاف عليها. مالك / طب خلاص، أنا هتصل بالمحامي بتاعي يجي ونحل الموضوع ده.

فريدة / لا متتعبش نفسك. هو يا التعويض يالحبس. فبالصلاة على النبي كده قدامنا أوبشن واحد طبعاً كلنا عارفينه. رحيم / الحبسسس! فريدة / بتتكه ع السين كده ليه يبابا؟ لسانك فيه حاجة؟ رحيم / يالا ياماالك نمشيي من هناا. مالك / طب هو طالب كام؟ فريدة / ٢٠ ألف. ورد / هبقى أبعتلك عيش وحلاوة يافريدة ياحبيبتي. خلي بالك من نفسك. مالك / لالا خلاص، أنا هسدد المبلغ. فين يوسف ده؟ ورد / لا طبعاً. مالك / لا ليه؟

ورد / كده متشكرين أوي. إحنا اللي مسؤولين عن الموضوع ده ومش عاوزين مساعدة. فريدة / إحنا مين؟ هتتحبسي مكاني ياحبيبتي؟ ماشي. ادفعهم وأول ما أخرج هسددهملك ع طول. ورد / فريييده! فريدة / اسكتي بقا. ما الراجل جدع أهو. مالك / خلاص، دي حاجة بسيطة. أنا هروح أخلص الموضوع وأجيلكم. ذهب مالك إلى الظابط ونهى تلك الموضوع بعد أن أعطى المبلغ ليوسف. مالك / خلاص تقدروا دلوقتي تروحوا.

فريدة / شكراً جداً جداً لحضرتك. بجد كلك ذوق. مش شبه ناااس. قالت فريدة كلماتها الأخيرة وهي تنظر لرحيم. مالك / العفو، دي حاجة بسيطة. فريدة / أنا حاسة إني شوفتك قبل كده... إيه ده؟ هو إنت اللي كنت متصور مع ورد والصورة نزلت؟ اخص عليك بقا كده تنشر إشاعات لبنات الناس وتعملهم مشاكل؟ ده إنت ودتها ورا الشمس. ورد / فرييده اسكتيي. مالك / ااا... هو في مشاكل حصلتلك بسببي؟

ورد / عن إذنكم. متشكره جداً ع وقفتكم معانا. وإن شاء الله الفلوس هنسددها ف أقرب وقت. شكراً جدا. قالت ورد جملتها تلك ثم رحلت ومعها فريدة دون أن تنظر لكي يرد مالك عليها. رحيم / مالك، إنت تجننت؟ بتدفع لهم المبلغ ده على أساس إيه؟ مالك / عادي يارحيم، مش أحسن ما تتحبس؟ شكلها بنت ناس يعني مش وش سجون. رحيم / بس لسانها أطول منها... دي كسرت عربية الراجل دي مجنونة. مالك / هههههه، البنات بقت متهورة. خاف ع نفسك.

رحيم / وأخاف على نفسي ليه؟ نظر له مالك بطرف عينيه ثم ابتسم ابتسامة خفيفة وقال: مالك / طب اركب اركب. ف منزل الفتيات. رنا / إيه اتأخرتوا كده ليه؟ بقالي كتير قاعدة لوحدي. ورد / كنت بجيب صاحبتك من القسم. رنا / احيه! قسم إيه؟ عملتي إيه؟ ورد / المجنونة راحت دغدغت عربية يوسف تحت بيته. رنا / جدعة يابت. فريدة / طبلتشيي. ورد / إنتو مجانين انتو الاتنين... دي كانت هتتحبس لولا الراجل دفع الفلوس وبقينا مديونين. وتقوللها جدعة؟

فريدة / سيبك من ده كله. إنتي جبتيهم معاكي إزاي أصلاً؟ ولا إيه اللي حصل؟ ورد / الشركة اللي روحت أقدم فيها النهاردة طلع هو المدير. وهو وصاحبه اللي كان جاي معاه. دهرنا. رنا / مين ده اللي بتتكلموا عليه؟ فريدة / الواد المز اللي كان معاها ف الصورة. رنا / اوعاا... طب احكي احكي حصل إيه. ورد / اتكلموا بس عدل الأول... أنا لما روحت... فريدة / امممممم... يعني هو عينك عشان محتاجة الشغل؟ رغم إنك رفضتي؟

وكمان دفع الفلوس عشان بس مساعدة مش أكتر. امممممم. ورد / أيواا طبعاً. وكمان لما عرف إني محتاجة الشغل زود المرتب الضعف. رنا / امممممم... يعني زودوا عشان محتاجاه؟ اممممممم. ورد / إنتو بتتكلموا كده ليه؟ أوعوا كده أنا خارجة. ضحكت الفتيات بشدة على طريقتها. رنا / خلاص تعالي تعالي. إحنا بنزر يستي. فريدة / تعالي. متبقيش قموصة بقا. ورد / طب بطلوا غلاسة. رنا / ماشي... صحيح أنا عملت حاجة النهاردة. ورد / عملتي إيه انتي كمان؟

ماهو يوم باين من أوله. رنا / روحت الجامعة النهاردة وحصل... ورد / وإنتي مستفادة إيه يعني لما تكلميه من أكاونت فيك؟ رنا / مش عارفة. فريدة / إيه شغل العيال ده يارنا؟ رنا / يا جماعة ما يمكن يحبني هو بس يديني فرصة. ورد / ي ماما، هو لو حبك هيحب الشخص اللي بيكلمه شات مش إنتي. رنا / ما الاتنيين واااحددد. فريدة / أيوا بس لما يجي يتقدملك بق وجواز وكده هيبقى شات برضو ولا إيه؟ هو أكيد أصلاً هيطلب إنه يشوفك.

رنا / هبقى أتصرف وقتها. فريدة / أنا عاوزة أشوف حمزة ده. ورد / أيوا وأنا كمان. رنا / ده أنا مش بشوفه غير ف الجامعة أصلاً. فريدة / بصي إنتي حرة. اعملي اللي انتى عاوزاه بس مترجعيش تعيطي. في منتصف الليل، أخذت رنا هاتفها وبدأت تتحدث مع حمزة عن طريق الإنترنت وقالت له إنها من محافظة أخرى وتسمي ريم. فحقا هي كذبت في كل شيء تقوله، ولكنه كان مقتنعاً لأن الحساب قديم وبه متابعين وتفاعل كثير، فلا أحد يشك أنه وهمي أبداً.

في صباح يوم جديد. ذهبت ورد إلى الشركة ولكنها تأخرت نصف ساعة بسبب استيقاظها متأخرة. مالك / يعنييي إيييي؟ راحت عليكي نوممة؟ إحنااا بنلعبب هنااا؟ ورد بخوف / غصب عني. أعمل إيه؟ ده أول يوم وأنا مش متعودة. مالك / وحضرتك هتتعودي إمتى ان شاء الله؟ ورد / يعني بتاع أسبوعين كده. مالك / إحنا هنهزرر. اتفضلي مخصوم منك نص يوم. ورد / من أولها كده؟ ده إيه ده؟ هووف. هخرج.

خرجت ورد من المكتب وهي تزفر وتدبدب في الأرض كالأطفال. فبعد خروجها ابتسم مالك على طريقتها التي تشبه الأطفال تماماً. كان رحيم سائق سيارته ومتجه إلى الشركة وكان يتحدث في الهاتف مع صديقه، ولكنه ضغط على الفرامل بسرعة عندما وجد فتاة تعبر الطريق بكل غباء وسرعة. ولكنه صدمها وسقطت الفتاة أرضاً. رحيم / حما*ارة! حما*اارة بتعدي الطرييق! فريدة / أنا حماره ياسوّاق الحمير! ااااه رجلااااي! رجلي راحت! وحياة أمي لأوديك في داهية! اهه!

رحيم / هووو إنتييي! أنا قلت الغباء وطولة اللسان دي عدت عليا قبل كده. حد يعدي الطريق كده؟ تستاهلي. فريدة / مش بتعرفوا تسوقوا بتركبوها لييي! والله لأوديك في داهية! اااااه! لوهلة استوعب رحيم أن الناس حولهم وهم لا ينتبهون لذلك، فتقدم إليها ثم حملها. فريدة / هااا؟ إنت بتعمل إييي؟ إزاي تلمسني ياقليل الأدب! رحيم / إحنا هنستعبط بقا. ما إنتي محاولتيش حتى تقومي عشان أشيلك. واهو أديني نفذتلك طلبك.

لكمته فريدة بيدها في كتفه بقوة. فريدة / إنت زبا*له! إزاي تفكر كده؟ أنا فعلا رجلي مش قادرة أحركها. ثم بدأت الدموع تنزل من عينيها، فأحس رحيم بالذنب فقال لها: رحيم / طيب خلاص متزعليش. أنا بهزر معاكي. اهدي. هوديكي للدكتور وهتبقي كويسة. وضعها رحيم في سيارته ثم انطلق إلى المستشفى. فقام الطبيب بفحصها فوجد كسراً في قدمها اليمنى، فقام بعمل اللازم وأخبر رحيم به. ثم رحل. فريدة / ااااه رجلييي! اااااه يااا رجلييي! ااا...

رحيم / بسسس بق! إيه؟ صدعتيني؟ المستشفى كلها اشتكت منك. فريدة / منك لله ياللي معرفش اسمك! منك لله! رحيم / اسمي رحيم. فريدة / منك لله ياللي معرفش رقمك! منك لله! رحيم / نعم؟! فريدة / احيه! اااااه رجليي! روحناااي! رحيم / هو أنا خاطفك ف إيه؟ اهدي شوية. ده إنتي مزعجة. هدفع المصاريف وأجيبلك الدوا وأغورك. ده إيه ده ياربي؟ فريدة / معرفش. شايف نفسك ع اس توكنش ياسر جلال وأنا مش واخدة بالي.

رحيم / ما شاء الله، حسك الفكاهي عالي أوي. ذهب رحيم لسداد مصاريف المستشفى واشترى لها الأدوية الذي طلبها الدكتور، ثم أخذها ورحل. رحيم / فين عنوانك عشان أوصلك؟ فريدة / ممكن تستني شوية؟ أتصل برنا عشان... عشان مافيش حد في البيت. رحيم / رنا دي تبقي أختك؟ فريدة / لا دي تبقي صاحبتي... أصل أنا وصحابي قاعدين مع بعض. رحيم / طب فين أهلك؟

فريدة / بابا وماما منفصلين وكل وكل واحد فيهم اتجوز. وأنا وحيدة معنديش أخوات. ف قاعدة مع صحابي. بقولك إيه؟ افصل شوية. هو أنا هحكيلك قصة حياتي؟ ده إيه ده؟ رحيم / إنتي ربنا خد من طولك وحط في لسانك. إنتي اللي بتتكلمي يابنتي. فريدة / طب اسكت اسكت. قامت فريدة بالاتصال برنا وعادت إلى المنزل. وقامت رنا بسندها حتى صعدت إلى المنزل. ثم انطلق رحيم إلى الشركة. كانت ورد تقوم بعملها حتى جاءها اتصال من أكرم، فأجابت بسرعة ولهفة.

ورد / أكرم إزييك؟ أكرم / ورد وحشتيني أوي. أنا جايلك. اخرجيلي. ورد بفرح / إنت ف القاهرة؟ أكرم / أيوا. ورد / طب هديك عنوان شركة أنا فيها دلوقتي. أنا ف أول مكتب ف الدور التاني ع إيدك اليمين. هبعتلك اللوكيشن. أكرم / إنتي اشتغلتي إمتى؟ ورد / لسه أول. يالا متتأخرش. أكرم / أكيد. بعد عدة دقائق وصل أكرم إلى الشركة وصعد إلى مكتب ورد. وعندما رآها ذهب إليها بسرعة ثم احتضنها بقوة وبادلته ورد الحضن أيضاً.

ورد / أكرم وحشتني أوي يحبيبي. مالك بعصبية / إيه المهزلة ديييي؟ ميين ده؟