رواية عشق الفارس الفصل الخامس والعشرون 25 - بقلم احلام تامر

مديحة بعياط عشان أختي.. نا مرمتهاش لمرات أب.. نا أديتها لأختي. إياد انصدم: أختك!! مديحة ببكاء: اه فوزية تبقى أختي. إياد: طب ليه ليه أطلقتي من بابا لأني السبب بتاع إنك خايفة تخلي ولادك يتموا مش مبرر. مديحة بدأت تحكي لإياد. **فلاش باك** كنت عايشة أحلى أيام حياتي مع ناصر نا وهو متجوزين عن حب. كنت عايشة مع مرات أبويا لما أمي ماتت وبابا اتجوز عشان يبقى ليا أم لأني كنت صغيرة.

بابا اتجوز أم واحدة مطلقة ومعاها عيلين توأم فوزية وصلاح.. كنت دايما بعاملهم كويس واللي كان في إيدي مش ليا.. كانوا أخواتي بقى وماما ماجدة برضو عاملتني حلو أوي زي ولادها.. اتوفى بابا وبعدو اتوفيت ماما ماجدة كنت عندي 19 سنة وفوزية وصلاح كان عندهم 21 سنة. خلصت الثانوية وناصر جه اتقدم ليا كان أكبر مني بـ5 سنين. كان معجب بيا من صغري ونا كمان بس مكنتش بقول لأحد..

ف الأول فوزية كانت رافضة ناصر وفضلت تطلع فيه العبر بس معاملة وأخلاق ناصر وافقت عليه. صلاح وأخته كانوا معترضين وقالوا: لا أنتي أختنا ولا إحنا نعرفك.. طبعا بلغت ناصر وجه أخدني وبما إني بلغت كنت نا وكيلة نفسي وكتبنا الكتاب واتجوزنا. عشنا سنتين مع بعض كانوا أجمل سنتين في حياتي وبرضو في حياة ناصر وكنت أنت معانا كان عمرك سنتين وكنت حامل في ريماس.. جالي في يوم تليفون ورديت وكان صلاح قالي إن فوزية تعبانة جدا وعايزة تشوفني.

ناصر كان في مأمورية في اليوم ده روحت لفوزية كان فعلا شكلها تعبان ومركبة كانيولا. جريت عليها: مالك يا فوزية يا أختي مالك يا حبيبتي. فوزية: نا عايزة أقولك على حاجة يا مديحة ما بحب ناصر.. ششش متقاطعنيش نا كنت بحب ناصر من قبل ما تتجوزيه ولما اتقدملك أنتي فضلت إني أداري حبي ليه علشان سعادتك. كل ده ومديحة عاملة تبكي. كملت فوزية بتمثيل: نا عرفت إن عندي مرض وحش والدكتور قالي خلاص مفيشلش من عمري كتير.

مديحة ببكاء: إنتي بتقولي إيه أميد في حل ونا هخلي ناصر يوديكي لأحسن الدكاترة. فوزية بخبث: لا أنا خلاص عارفة إني مقداميش كتير بس هطلب منك طلب واعتبريه أول وآخر طلب أطلبه منك في حياتي واعرفي إن إجابتك هتفرحني مهما كانت. مديحة: عيوني ليكي يا أختي. فوزية: نا عايزة اتجوز ناصر. مديحة بصدمة: إنتي بتقولي إيه.

فوزية: نا عارفة إني هموت ونا بعشق ناصر ومرضتش أتكلم عشان تعيشي كي حياتك أرجوكي خليه يتجوزني قبل ما أموت أرجوك دي أمنيتي الأخيرة.. ردي جميل إني أمي اعتبرتك بنتها وربتك زيك زينا.. ردي جميل إني خبيت حبي لناصر عشان خاطر سعادتك. مديحة كانت متأثرة جدا بكلامها وعاملة تعيط. مديحة: طب طب أعمل إيه نا لو روحت قلت لناصر يتجوزك مش هيوافق. فوزية: مفيش غير حل واحد.. تطلبي منو الطلاق. مديحة بانكسار: الطلاق.

فوزية بمسكها: أنتي ممكن تقوليلو إنك مش هتقدري تعيشي مع واحد دايما بين الحياة والموت بسبب ظروف شغله.. وكملت بعياط مصطنع: أرجوكي توافقي دي الحاجة الوحيدة اللي هتفرحني قبل ما أموت. مديحة فوزية صعبت عليها أوي وقررت إنها تحقق لها آخر طلب في حياتها زي ما فوزية بتقول. بدأت أكره ناصر فيا واقوله إني مش هقدر أعيش مع واحد وهو في شغله نا حاطة إيدي على قلبي ي ترى هو عايش ولا إيه. فضلت ورا ناصر لحد ما طلقني.

وطبعا فوزية كانت قايمة بدور الحنونة وفضلت مع ناصر بحجة تواسيه في بعدي بس ناصر برضو ماتجوزهاش لحد ما جه في يوم سمعت إن ناصر اتجوز فوزية. حالتي المادية مكنتش حلوة كنت عايشة نا وأنت وبس فضلت أشتغل عشان أعرف أصرف عليك أنت وأختك بس للأسف مكنتش هقدر. وأول ما ولدت ريماس بعتها لعمك وهو أخدها واتولى بيها وبعد كده معرفتش إيه اللي حصل لريماس..

عرفت إن فوزية كانت بتكدب عليا وإنها مش تعبانة ولا حاجة في الوقت ده زاعوا خبر إن أبوك بقى من ضمن المافيا وإنه مات. بعد فترة اتحسنت حالتي المادية روحت لفوزية أطلب بنتي بس فوزية بصتلي بصة مفهمتهاش وقالت لي: لا أنا هخليها معايا تونسني زي بنتي واتحايلت عليا.. ونا برضو صدقتها وسبت ريماس ليها مهي برضو أختي 😒 وبس لحد هنا ونا معرفش حاجة عن بنتي وتعبي لخمني عن كل حاجة..

وكملت بدموع: بس والله والله مكانش قصدي إني أرمي بنتي أو إني أسيب جوزي نا كان نيتي أخلي أختي سعيدة بس مكنتش أتوقع منها إنها تكره بنتي وتعاملها وحش.. إياد عينو دمعت وحضن أمو: أنتي أحسن وأحن وأطيب أم في الدنيا.. حقك عليا إني فهمتك غلط نا آسف. ربتت مديحة على راس إياد وفضلت تعيط: بي بي أختك مش راضية تسمع مني.. أختك مش طايقة تبص في وشي حتى.

إياد: متقلقيش يا ست الكل نا هحل الموضوع ده يلا ننام الأول عشان نا جعان نوم وتجهزي نفسك لبكرة. مديحة بتساؤل: بكرة؟! ليه في إيه. إياد: مفاجأة يا دوحة ويلا بقى ننام ونا بصراحة مفتقد حنان الأم بقالي فترة وعايز أنام في حضنك. مديحة: ي واد يا قليل الأدب أنت كبرت. إياد بمرح: دماغك راحت فين يا دوحة نا ابنك والله. وذهبوا متجهين للنوم. ******** تاني يوم صحي أبطالنا من النوم طبعا ريماس مسافرتش بس فارس فاهم إنها سافرت..

صحيت ريماس من النوم بنشاط وقامت أخدت شاور وخرجت جهزت الفستان اللي هتروح بيه حفلة تكريم باباها.. خرجت لقت ناصر لسه نايم راحت جمبه. ريماس: بابي حبيبي.. بابا قوم يا كسلان. ناصر مكنش معاها خالص كان في دنيا تانية خالص. ريماس: يلا يا بابا بقى قوم نا ملانه لوحدي. ناصر: خلاص بقى يا حبيتي هقوم أهو. ريماس: لا مش هسيبك إلا لو قمت. ناصر بنوم: يا مديحة يا حبيبتي حرام عليكي والله سيبيني أنام شوية.

ريماس أول ما سمع اسم مديحة دموعها نزلت وقامت وخرجت بره الأوضة. ******* عند فارس على صوت المنبه بتاع تليفونو بيقفلو لقى صورة ريماس ميك الفون وكلمة أكنت ريماس قدامه. حبيتك لدرجة إني لازم أشوفك كل يوم حتى لو صورة ليي تعملي كده زنبي إيه لكل ده ليه ظلمتي حبي ليكي.. الوقتي أنتي في بلد ونا في بلد تانية خالص حاسس إني مش قادر أتنفس في المكان اللي أنتي مش فيه.. مش هقدر أطلع حبك من قلبي بس هحاول أتقلم يا عشقي أنتي.

وقام باس صورتها اللي في تليفونو.. قام فارس دخل الحمام وأخد شاور وخرج لبس بدلة أنيقة ولبس ساعة من أفخم الموديلات ورش برفيوم الخاص به وخرج متجهًا للشركة لبداية يوم جديد. ****** ف فيلا الشرقاوي. الكل متجمع في سفرة الفطار.. جت رسالة لجودي من إياد: حرام عليكو بقى عايز اتجوز. جودي عملت إيموشن ضحك وقالت: اصبر تاخد حاجة نظيفة 😂 إياد: حرام عليكي اصبر أكتر من كده منكو لله. جودي: أعمل إيه يعني.

إياد: لو أنتي جدعة قولي نا عايزة اتجوز إياد. نفسي أسمعها منك. جودي كتبت: بطل بقى يا يويو. إياد: طب وحياتي عندك سجلي ريكورد وقوليها فيه نا عايزة اتجوز إياد. جودي تناست إنها قاعدة مع الكل وقالت بصوت سمعوه الكل: نا عايزة اتجوز إياد. أبو جودي: بتقولي إيه يا جودي. جودي أخدت بالها من حيلة إياد وقالت في سرها: اه يا إياد الكلب والله لوريك. وبتوتر: لا أصل أحم... إيه.. إياد ككان. نهي بضحك: صحيح بقى عايزين نجوزهم فعلا.

جودي قامت بسرعة وسقت: بجد بجد والنبي أنتي أحلى أم في الدنيا. وراحت حضنت أمها. أبوها رفع حاجبه وبص لخالد وأنتصار: إيه الجيل ده.. ده نا ونا صغير والله كنت مكسوف أقول لأبويا عايز اتجوز.. لا حول ولا قوة إلا بالله. خالد: معلش بقى إحنا بقينا جيل قديم. وكملوا فطورهم في مرح وضحك طبعا فارس مكنش موجود. ****** ريماس كانت قاعدة ودموعها على خدها ليه أم تسيب بنتها.. وأسئلة كتير عاملة تدور في دماغها نفسها في إجابة بس مفيش..

قاذف شرودها جرس الباب عامل يرن بغباء واللي بيخبط بيخبط جامد. ريماس: طيب طيب إيه الناس الغلاصة دي. وراحت فتحت وكان إياد: عندي ليكي خبر هيبسطك وهيجاوبك على كل اللي في دماغك. ريماس بعدم فهم: تقصد إيه. دخل إياد: تعالي بس ونا أفهمك.. ناصر خرج من أوضته كان باين عليه الزعل بس حاول يداري. إياد: صباح الخير يا بابا. ناصر: صباح الفل يا بني. ريماس: صباح الخير يا حبيبي. ناصر: صباح النور يا قلب بابا.

إياد: إيه ده إيه ده إيه ده يعني أشمعني هييه نقولها يا قلب بابا ولا نا مليش إيه حاجة هو نا مش ابنك. ناصر: أنتوا الاتنين أغلى ما عندي وإن كانت هييه قلبي فأنت كبدي. إياد: حبيبي يا أبو الصحاب والله 😂 ريماس: أنت عارفة يعني إيه الكبد.. تعرف إن الكبد هو اللي بيشيل السموم اللي في الجسم.. يعمي أنت كلك سموم. وقامت مطلعة لسانها. إياد بص لأبوه بغضب مصطنع: شوفت بتعاند إزاي. ناصر بصوت واطي: عيلة وغلطت معلش.

ابتسم إياد وقال: إن كان كده ماشي 😂 ريماس بطفولية: لا والله يا أستاذ بابا على فكرة سمعتك. ناصر: نا قايم أتوضأ وأصلي نا مش هخلص منكو.. وسابهم ومشي.. إياد فضل يضحك ويهزر مع ريماس شوية قرر إنه يبلغ ريماس وناصر حقيقة فوزية واللي أمو حكته بس بعد الحفلة. جه معاد الحفلة وطبعا بما إن ريماس إيديها متجبسة ورجليها فلبست فستان طويل بكم بحيث يداري الجبس لونه أسود ووضعت القليل من الميك آب فكانت أيه من الجمال.

إياد لبس بدلة أنيقة باللون الرصاصي وكانت مزة أوي. ناصر لبس بدلة الجيش بتاعة شغله وكذلك خالد. ***** عند فارس لبس بدلة سودا ولبس ساعته ورش البيرفيوم. جودي لبست فستان سيلفر كانت ماشية مع بدلة إياد بدون علمها طبعا وكانت أيه من الجمال. رذهبوا متجهين للقاعة التي سيتم فيها التكريم.. ********* ف مكان أول مرة نذكره شخص يتحدث في الهاتف. مجهول: الو يا باشا.. الواد بتاعنا أكد لنا إن ناصر ده هو الجاسوس. ...

مجهول: نا بعت صورتو وقالي إن ده الظابط اللي عمل حاجة كبيرة لبلدو وقضى على المافيا وهيتم تكريمه.. وبعت له صورة قالي هو. ... مجهول: أخلص عليه هو بس ولا كل الموجودين. ....... مجهول: أوامرك يا باشا سلام.