رواية عشق الفارس الفصل السابع والثلاثون 37 - بقلم احلام تامر

كل أبطالنا كانوا بيعيشوا أجمل أيام حياتهم. في الصباح عند إياد وجُودي. إياد كان نايم في سابع نومه، جُودي صحيت، قامت اتوضأت وصلّت وذهبت عند إياد وقامت بالنوم فوقه وبصوت عالي: "إيــااااد! إياد بخضه: "إيه في إيه؟ جُودي بضحك على منظره: "هههه هههه؟ يلا يا كسلان قوم! إياد: "إنتي بتصحيني ليه؟ جُودي بتفكير: "أمممم.. عشان أنا صحيت." إياد: "وأنا مالي ومالك، إنتي صحيتي أنا مال أمي.." جُودي بزعل مصطنع: "منا خوفت! إياد:

"وحياة أمك خوفتي من إيه بقى.. بتِ بقولك إيه سيبيني أنام أنا تعبان." جُودي: "طب ماشي نام، والله لوريك! وشدت الغطا عليها ونامت، وفعل إياد هكذا بضحك. في فيلا الشرقاوي. انتصار جهّزت الفطار وصحّت خالد، فطرو ونهي كمان فطرت معاهم وراح على شغله.. انتصار لنهي: "تيجي نروح لجُودي نغلّص عليهم شوية." نهي بحزن: "وحشتني أوي، بس هنروح لهم دلوقتي." انتصار: "وفيها إيه يلا، بس قومي اجهزي وأنا كمان أجهز ونطب عليهم؟؟

بالفعل جهّزوا واتجهوا للخارج متجهين لشقة إياد، فضلوا يخبّطوا لكن لا رد. رنّوا الجرس وبرضو مفيش رد، نهي خافت جداً، هي سمعت كتير عن حوادث ليلة الدخلة وإن فيه بنات بيجيلها نزيف، واللي تموت في الحمام واللي تتكهرب.. الخوف بدأ يدخل جواها ودموعها نزلت. انتصار بتوتر: "هما مش بيردوا ليه؟ نهي: "أنا خايفة ليكون حصلّهم حاجة! وطلعت. انتصار: "أهدي بس يا نهي! وطلعت فونها ورنّت على ناصر. انتصار: "الو، إزيك يا أبو إياد؟

ناصر باستغراب لاتصالها: "الحمد لله تمام." انتصار: "هو إنتو معاكم مفتاح لشقة إياد؟ ناصر: "أه، إياد أدّاني نسخة بس ليه؟ انتصار: "أنا عمّالين نرنّ الجرس ونخبّط ومفيش حد بيرد خالص، واحنا قلقنا عليهم." ناصر بتوتر: "طب طب سلام، أنا جاي حالا." أغلق ناصر مع انتصار. مديحة: "فيه إيه يا ناصر؟ ناصر: "انتصار ونهي راحوا يشوفوا الأولاد بس محدش بيرد عليهم، فكانوا بيسألوه على نسخة مفتاح." مديحة بقلق: "طب يلا نروح لهم بسرعة." ناصر:

"يلا البسي بسرعة.." وذهبوا متجهين لشقة إياد. فتح ناصر الباب وذهب مسرعاً لغرفة إياد وجُودي. ناصر: "إياد! إياد! إياد وجُودي كانوا في سابع نومه. ناصر بذعيق: "إيــااااد! إياد فتح: "إيه ده مين.. إنت بتعمل إيه؟ جُودي كانت صحيت وشدّت عليها البطانية بإحراج. إياد: "إيه ده إنتو دخلتو إزاي؟ ناصر: "من الباب يا ابن الكلب! إياد بص لجُودي: "أنا مش أكدّت عليكي تقفّلي الباب! ناصر: "ده كل اللي همّك؟ نهي قرّبت من بنتها وحضنّتها:

"حبيبتي إنتي كويسة؟ جُودي بإحراج: "أه يا ماما تمام." ناصر: "قوم فزّ البس وتعالّى لي برّه! خرج ناصر ووراه انتصار ونهي ومديحة. إياد لجُودي: "أنا مش منبّه عليكي تقفّلي الباب! جُودي: "والله قفلتّه! إياد: "أمال دخلوا إزاي دول؟ الله يكسفك! جُودي: "اسكت بقى أنا مكسوفة أوي منهم! إياد: "قومي يا ختي البسي، أما نشوفهم عايزين إيه دول ع الصبح! جُودي: "لا بالله أنا مش عاوزة أخرج لهم أنا مكسوفة أوي." إياد:

"طيّب خلاص خليكي وأنا هخرج أوزّعهم وأجيلك.. ؟ إياد لبس وخرج لهم. ناصر: "إيه يا أستاذ، شبعنا خبط عليكوا إيه ميتين مبتردوش! إياد: "إنتو دخلتوا إزاي؟ ناصر: "برضو بيقول فتحتوا الباب إزاي.. يا بني احنا زهقنا، رنّ عليكوا وإنتوا ولا هنا فأطريت أفتح الباب بالنسخة اللي إنت أدّتهالي! إياد افتكر إنّه عطّى لأبوه نسخة من مفتاح شقته فعلاً، ولعن نفسه: "نعيم الله والله ؟ ناصر: "المهم إنتوا بخير؟ إياد: "أه والله فل الفل وعشرة!

ناصر قرّب من إياد: "المهم عامل إيه يا عريس؟ إياد: "فل الفل والله! نهي: "خلّي بالك من جُودي يا إياد، دي أمانة في رقبتك! إياد: "جُودي دي روحي والله يا طنط، في عينيّا متقلقيش! انتصار بغمزة: "عايز حاجة يا عريس؟ إياد: "عايز أنام! مديحة: "لا ده إنت بتطردنا بقى! إياد: "والله أنا عريس جديد وإنتوا فاهمين بقى! انتصار لمديحة: "هو جايب قلّة الأدب دي منين؟ إياد: "مش هقولكوا عشان متروحوش تشتروا زيّي ؟ مديحة: "نا همشي أحسن هتنقط!

إياد راح اتأكّد إن الباب مقفول ودخل لجُودي. جُودي: "الله يكسفك يا شيخ، كسفتني أكتر ما أنا مكسوفة.." إياد: "مش أنا قولت يبقى فيه! جُودي: "نينينينينينيني بارد! عند فارس كانوا صحيوا قاعدين على الفطار، ومرّة واحدة ريماس قامت بسرعة ودخلت الحمام. فارس قلق عليها أوي وراح لها بسرعة، دخل الحمام لقاها بتتقيّأ، مسدّ على شعرها بحنيّة وأرّف بقلق: "مالك يا قلبي؟ في إيه إيه تعبك؟ ريماس: "لسه هنتكلم! بس رجعت تتقيّأ تاني.

خلّصت ريماس وفارس سندّها وغسّل لها وشها.. ريماس بتعب: "فارس! فارس: "عيونوا.. مالك يا روح فارس؟ ريماس: "أنا مش قادرة أقف على رجلي! فارس شال ريماس واتجّه بها نحو السرير، ولكن حدثت المفاجأة...