رواية عشق الفارس الفصل الثامن والثلاثون 38 - بقلم احلام تامر

عند فارس كانوا صحيوا قاعدين على الإفطار ومرة واحدة ريماس قامت بسرعة ودخلت الحمام. فارس قلق عليها أوي وراح لها بسرعة، دخل الحمام لقاها بتتقيأ، مسك على شعرها بحنية واردف بقلق: ـ مالك يا قلبي في إيه إيه تعبك؟ ريماس لسه هنتكلم بس رجعت تتقيأ تاني. خلصت ريماس وفارس سندها وغسل لها وشها. ريماس بتعب: ـ فارس... فارس عيونه: ـ مالك يا روحي فارس؟ ريماس: ـ أنا مش قادرة أقف على رجلي.

فارس شال ريماس واتجه بها نحو السرير ولكن حدثت المفاجأة.. عند ناصر ومديحة. ناصر بفرحة: ـ أنا فرحان أوي إن ولادي مبسوطين مع اللي اختاروهم. مديحة: ـ الحمد لله هما طيبين وربنا رزقهم بالطيبين اللي زيهم وربنا قال الطيبون للطيبات والخبيثون للخبيثات. والحمد لله ولادنا طيبين وخدو ولاد الحلال اللي زيهم. ناصر: ـ الحمد لله. وراح حضنها بحب: ـ وأنا طيب وأخدت بنت الحلال اللي زيي. مديحة بحب: ـ ربنا يخليك ليا يا رب.

عند فارس انصدم لما شاف ريماس مغمى عليها.. فارس خاف أوي عليها، فضل يصحيها لكن لا رد، شالها فارس بسرعة واتجه للخارج وكان يقود بسرعة جنونية، بعد وقت قليل وصل إلى المستشفى. فارس: ـ إنتم يا بهايم اللي عنده! خرج له الدكتور يقول: ـ اهدي يا فندم. فارس: ـ إنت لسه هترغي معايا وتقولي اهدي! فارس بعد ما دخلها أوضة الكشف ونزلها برفق على السرير، الدكتور جه يقرب منها عشان يكشف عليها. ضربو فارس بسرعة: ـ إنت بتعمل إيه يا حيوان!

ـ روح جيب دكتورة بسرعة! الدكتور بعد ما خرج. جلس فارس على الكرسي المقابل لريماس ومسك إيديها، الدكتورة خبطت ودخلت، الدكتورة توجهت لريماس وقامت بالكشف عليها ثم ابتسمت وقامت بإفاقة ريماس وتوجهت لمكتبها. فارس ساعد ريماس إنها تقوم. ريماس كانت بتقوم بضعف ووشها كان أصفر خالص.. فارس بقلق ظاهر للدكتورة: ـ ها يا دكتورة ريماس مالها. الدكتورة بابتسامة: ـ الموضوع مش مقلق للدرجة دي يا أستاذ فارس اطمن المدام ريماس حامل. ريماس:

ـ إيه؟ فارس حضن ريماس جامد وفضل يلف بيها من كتر فرحته: ـ أخيرا ريماس جواها حته مني أخيرا فيه بيبي هيجي ثمرة عشقنا لبعض. الدكتورة: ـ لو سمحت يا أستاذ فارس ده غلط عليها. فارس نزلها: ـ آسف آسف إنتي كويسة يا حبيبتي؟ ريماس: ـ اهدي يا حبيبي أنا كويسة. فارس بفرحة: ـ أنا أسعد واحد في الكون.. وبص على الدكتورة: ـ طب إيه الإرشادات عشان تقوم لنا بالسلامة؟ الدكتورة بابتسامة لفارس جعلت ريماس تشتعل منها غيرة على فارس. الدكتورة:

ـ أول حاجة الراحة التامة. فارس بمقاطعة: ـ هأريحها خالص مش هقومها من على السرير. ريماس بانزعاج: ـ ماشي يا دكتورة حاجة تانية مطلوبة؟ الدكتورة بتكبر لاحظته ريماس: ـ خدي الورقة دي فيها شوية أدوية وفيتامينات هتحتاجيها. ريماس أخدت الورقة من الدكتورة بسرعة وشدت فارس وخرجت. وقفها صوت الدكتورة وهي بتقول: ـ أستاذ فارس. نظر لها فارس بتساؤل. الدكتورة بابتسامة: ـ ده رقمي لو احتاجت أي حاجة بخصوص ريماس هانم. ريماس بغيظ:

ـ لا شكرا احنا أصلاً هنتابع مع دكتور العيلة سلام. وأخدت فارس ومشيت بغيظ. ريماس بغيرتها: ـ بعد كده أنا كشفي مع دكتور. فارس بغضب: ـ مع إيه يا ختي؟ ريماس: ـ مع دكتور يا فارس. فارس بغيرة: ـ ريماس اصطبحي وقولي يا صبح عايزة دكتور اللي يكشف عليكي.. ريماس: ـ لا تجيب دكتورة تفضل تتغزل فيك والإيه.. وقامت بتقليد الدكتورة واردفت: ـ أستاذ فارس ده رقمي لو احتاجت حاجة كده الإرف. فارس بإعجاب: ـ أفهم من كده إنك غيرانة عليا. ريماس:

ـ ومغيرانش ليه مش جوزي وحبيبي وأبو ابني.. نا لو مغيرانش عليك يبقى مش بحبك. أعجب فارس بردها وقال: ـ طب منا كمان هغير عليكي لو كشفتي عند دكتور. ريماس: ـ أه.. طب والحل؟ فارس بتفكير: ـ أمممم ممكن نروح عند دكتورة كبيرة في السن. ريماس: ـ إن كان كده ماشي. وذهبوا متجهين للمنزل لإخبار العائلة. في السيارة فارس: ـ ريماس. ريماس: ـ نعم يا حبيبي. فارس بجدية: ـ مش هشوفكيش بتتحركي من مكانك. ريماس: ـ إزاي يعني؟ فارس:

ـ عايزة تاكلي عايزة تشربي أنا هعملك اللي إنتي عايزاه. ريماس: ـ ده هيبقى ملل أوي. فارس: ـ مش غلط يا حبيبتي على ما الدكتورة بس تقول الحمل ثبت. ريماس: ـ طب احنا نروح نعزم الكل على الغدا ونقولهم الخبر ده إيه رأيك؟ فارس: ـ اللي إنتي تقولي عليه يا روحي فارس. في بيت فارس طلب أكل جاهز على قد الكل عيلته وعيلة ريماس وعزمهم على الغدا. الكل اتجمع في بيت فارس واتغدو. فارس قام وقف ومسك إيد ريماس بحب واردف:

ـ بابا.. ماما.. عمي ناصر وتانت مديحة احنا عزمناكم النهاردة عشان في خبر عايزينكم تعرفوه. انتصار حست إن فارس هيعلن إن ريماس حامل، حطت إيديها على قلبها بحرص ونظرت لفارس منتظرة منه إنه يكمل حديثه وتدعي ربها في سرها إنه يكون ما تشعر بيه صحيح. فارس وريماس في صوت واحد: ـ أنا حامل.. ريماس حامل. الكل فرح للخبر ده جداً وانتصار قامت بسرعة حضنت ريماس بفرحة: ـ يا حبيبتي ألف ألف مبروك يا حبيبتي. ريماس: ـ الله يبارك فيكي يا ماما.

مديحة وناصر وخالد قاموا يهنوا ريماس وفارس كذلك جودي وإياد. إياد: ـ أخيراً هبقى خال. فارس: ـ للأسف.. بس بعينك ده أنا مش هخليك تتعامل مع ابني خالص هو أنا هستنى إنك تخليه شبهك لا كفاية عندنا إياد واحد. إياد: ـ أنت تطول يبني ابنك يطلع شبهي وبعدين أنت نفسك قلت إياد واحد يعني أنا مفيش مني اتنين. فارس: ـ حصل.. والحمد لله إن مفيش منك اتنين كانت البلد خربت. إياد لخالد: ـ يرضيك كده يا عمي؟ خالد:

ـ والله يا إياد يبني بعد اللي ناصر حكاه لي يوم ما جالك وكنتو نايمين وأنا أخدت عنك فكرة إنك صايع. إياد لناصر: ـ كده يا بابا تكسفنا قدام الأجانب. ناصر: ـ يا شيخ أتنيل أنت فاضح نفسك بنفسك أصلاً. إياد: ـ متشكرين يا حاج كتر خيرك والله. فارس: ـ المهم بس أنا كنت هطلب منك طلب يا ماما. انتصار: ـ أؤمر يا ابني. فارس:

ـ معلش بس على ما الحمل ما يثبت هاخد شيماء تعمل طلبات ريماس عشان ريماس بتستريح مع شيماء ومش بتحب تدخل حد غريب البيت. انتصار: ـ من عيني وأنا هاجي كل يوم أطمن عليها وأفضل معاها. فارس: ـ تسلميلي يا أمي. فارس نظر لإياد: ـ إياد. إياد: ـ هاا. فارس: ـ عايزك تتابع الشغل الأسبوع ده بس بدالي لأني هفضل مع ريماس. إياد: ـ مفيش مشكلة بس بشرط. فارس: ـ أخلص.. عارفك واطي وبتحب الرشوة. إياد:

― عيب عليك أنا بس كنت هقول يوم ما جودي تحمل هاخد أنا كمان شهر إجازة. فارس: ـ بس أنا قلت لي أسبوع مش شهر. إياد: ـ سمعت على فكرة بس أنا بقى حابب شهر موافق ولا تسيب ريماس وترجع الشغل وبلا أسبوع بلا بتاع. فارس: ـ أه يا واطي ماشي ليك يوم و...