رواية عشق الفارس الفصل التاسع عشر 19 - بقلم احلام تامر

ريماس كانت مرمية على الأرض وتنزف بكثرة. جودي جريت عليها وفضلت تعيط وبصوت: "ريماس فوقي فوقي والنبي ريماس". جودي مش عارفة تتصرف، فضلت تصوت إن حد ييجي يساعدها بس مفيش حد في الشارع نهائي. جودي فضلت جمب ريماس تعيط. فارس كان ماشي بأقصى سرعة للعربية، ونظراً لإن الشركة قريبة من الفيلا فوصلوا بسرعة. فارس شاف ريماس مرمية على الأرض وفيه دم وجودي بتعيط، داس فرامل جامد ونرجل جري من العربية. فارس بغضب لجودي:

"انتي قاعدة كده ليه قومي." وشال ريماس وجرى بيها وحطها في عربيته وحطها ورا واتجه للمستشفى. أما إياد فجري على جودي اللي كانت لسه على الأرض بتبكي. "جودي قومي يا حبيبتي يلا نروحلهم." جودي بعياط: "مش مش قادرة أقف." إياد بحزن على حال حبيبته: "طب نا هشيلك أوديكي الفيلا ترتاحي." جودي: "لا.. لا نا عايزة أطمن على ريماس." إياد: "مش هينفع تيجي." "قولت لا وديني لها." إياد شالها ودخلها عربيته ورن على فارس.

فارس مردش أول مرة بس لما إياد رن تاني رد. إياد: "انت رايح أنهي مستشفى؟ فارس: "***" إياد: "هي عاملة إيه دلوقتي؟ فارس بانكسار: "زي ما هي مبتتحركش.. سلام دلوقتي." وبعد شوية وصل فارس المستشفى وكان شايل ريماس. دكتور جه بسرعة ونادي: "جهزوا العمليات فوراً." دخل الدكتور العمليات وريماس. وصل إياد وجودي. إياد: "فيه جديد؟ "فارس في العمليات." جودي قعدت تعيط وإياد قعد جمبها يطمنها إن جودي هتبقى كويسة. جودي بعياط:

"شفتُه وهو بيخبطها.. مقدرتش أساعدها.. كان بيخبطها عن قصد يا إياد." إياد: "شششش اهدي انتي بس وهي بإذن الله هقوم بالسلامة." رن تليفون فارس وكان ناصر. فارس بتعب: "الو ي عمي." ناصر: "أذيك ي بني عامل إيه؟ فارس بصوت حاول يخرجه طبيعي: "تمام." ناصر: "نا برن على ريماس مبتردش ليه.. أول يوم مترناش عليا إنهارده." وكمل بقلق: "هو فيه حاجة؟ فارس مكانش عارف يقول إيه بس مش هينفع يخبي عليه وقرر يعرفه.

"عمي نا هقولك بس متقلقش هتبقى بخير." ناصر بقلق: "فيه إيه يا فارس؟ فارس: "ريماس عملت حادثة واحنا دلوقتي في المستشفى." ناصر: "إيييه.. مستشفى إيه؟ فارس: "****" ناصر قفل السكة في وش فارس وقام جري متجهاً إلى المستشفى. عند فوزية: صلاح: "البت اتفرمت زمانها الوقتي عند رب كريم." فوزية متأكدة إنها ماتت: "أصل دي بسبع أرواح." صلاح: "بقولك اتفرمت مبتفهميش.. يلا قومي جهزي شنطتك عشان تروحي تواسي جوزك." فوزية بفرح:

"هقوم هقوم.. شاطر يواد ي صلاح أيوا كده حسسني إني عندي أخ سندي ليا." صلاح: "قصدك في مخططاتك الوسخة." فوزية: "بس دي كانت فكرتك." "ما علينا هاتي الهيروين." فوزية قامت جابته وادتهوله وفضلوا قاعدين مستنين خبر وفاة ريماس. في المستشفى الكل عرف وجه وناصر كان في حالة تصعب على العدو، فهي ابنته التي رآها لأول مرة بعد سنين ولان تذهب من بين يديه. كان يبكي لأول مرة يخاف على فقدان ابنته وخالد قاعد جمبه بيحاول يطمنه.

إياد قاعد جمب جودي وجودي نايمة على كتفه بتعب. قام إياد يروح يجيب عصير للكل. فارس كان قاعد على الأرض وحاطط راسه بين إيديه، حط الزنب عليه هو اللي خلاها تخرج من الشركة معيطة. "نا السبب.. نا السبب" وفضل يكررها بصوت منخفض. بعد كام ساعة خرج الدكتور: "عايزين نقل دم فوراً، احنا عطيناها دم من بنك الدم اللي عندنا بس للأسف خلص وهي فقدت دم كتير." فارس: "فصيلة دمها إيه؟ الدكتور:

"O سلبي ودي للأسف متاخدش إلا من O سلبي لكن تدي كل أنواع الفصائل." ناصر: "نا أبوها واكيد هي زيي." الدكتور: "روح مع الممرضة تحللك الأول." ناصر راح مع الممرضة بس للأسف مش متوافق مع بنته ففصيلة دمه كانت AB. فارس: "نا هروح أدور في كل بنوك الدم." في الوقت ده أم إياد رنت تطمن عليه. إياد: "الو ي ماما." "إيه ي بني انت فين ومال صوتك؟ إياد: "مفيش نا في المستشفى." مديحة بقلق: "ليه ي حبيبي مالك؟ إياد:

"مفيش يا ماما بس فاكرة البنت اللي جبتها عندنا البيت؟ مديحة: "مالها؟ إياد: "دي تبقى مرات فارس وعملت حادثة واحنا في المستشفى." مديحة عيطت: "يقلب أمها دي بنت غلبانة وملهاش حد.. انتو في مستشفى إيه أنا جاية." إياد: "ملهوش لزوم ي أمي عيلة فارس هنا." مديحة بإصرار: "لا لازم أطمن عليها ي بني نا زي أمها برضو بدل ما تحس إنها لوحدها." إياد مكنش فايق يجادل مع أمه: "تمام ي أمي سلام."

ورجع بالعصير عند العيلة ولقاهم متوترين والكل بيعيط. إياد: "فيه إيه؟ فارس: "كويس إنك جيت، خليك معاهم على ما أدور على دم لريماس." إياد: "مش في بنك دم هنا؟ فارس: "خلص ي إياد هروح أشوف بنك دم تاني وكل اللي هنا." إياد: "طب خليك معاهم ونا هدور.. هي فصيلة دمها إيه." فارس: "للأسف O سلبي." إياد: "أنا AB مش هينفع.. لحظة لحظة نا أمي نفصيلة الفصيلة O سلبي." ناصر واكنه طوق نجاة بجد: "ي بني انت متأكد؟ إياد:

"أه والله ماما كانت تعبانة وحللنالها قبل كده واتذمر إن ما نفعش فصيلة دمها O سلبي." "لحظة هي أصلاً جاية تطمن على ريماس هرن عليها استعجلها." ومسك تليفونه يرن على أمه. إياد: "الو ي ماما انتي فين؟ مديحة: "قربت من المستشفى اهو." "ماما حاولي بسرعة عشان محتاجين منك دم." مديحة: "مني نا ليه؟ إياد: "ريماس عايزة نقل دم وانتي الوحيدة اللي متوافقة معاها." مديحة: "طيب حاضر ما وصلت اهو انزل قابلني عشان مش هعرف أوصلكو." إياد:

"تمام سلام." ونزل جري يقابل أمه. ناصر: "الف حمد وشكر ليك ي رب.. ي رب رجعها ليا ي رب.. ي رب مليش غيرها." خالد: "اهدي والله بإذن الله هتقوم بس اهدي لازم تبقى متماسك عشان ريماس لما تفوق متشوفكش بالوضع ده." ناصر: "مش هقدر أخسرها هي كمان مش هقدر.. خسرت ابني زمان مش هقدر أخسرها." خالد: "والله ده اختبار من ربنا عشان يشوف صبرك وإيمانك بيه لازم تصبر وتدعي ليها." ناصر: "ي رب.. ي رب." إياد وصل وفارس راح ناحيتها:

"مش عارف أشكرك إزاي ي طنط." مديحة: "هيب ي بني متقولش كده دي زي بنتي." ناصر كان كديها ضهره ولسه هيلف لها عشان يشكرها. ناصر بصدمة: "مديحة."