رواية عشق الفارس الفصل التاسع والثلاثون 39 - بقلم احلام تامر

عدى اليوم في فرح وسعادة للكل. ناصر ومديحة روحوا بيتهم وكذلك أياد وجودي. في منزل ناصر. ناصر لمديحة: اخيرا هشوف أحفادي الحمد لله. مديحة بفرحة: الطفل اللي هيجي ده أنا هربيه مع ريماس وهعلمه يقول تيتا. ناصر: ربنا يقومها بالسلامة يارب. مديحة مرددة الدعاء: اللهم آمين. ناصر: أنا هروح الشغل أظبط شوية حاجات وهاجي، عايزة أي حاجة أجيبها لك وأنا جاي. مديحة: تسلمي ربنا يخليك عايزة سلامتك. ناصر: طب سلامو عليكو.. مديحة:

وعليكم السلام.. في رعاية الله.. مشي ناصر وفضلت مديحة لوحدها. قامت صلت فرضها وقامت بجلب القرآن لتتلو من آيات الله وبدأت تقرأ بصوت عالي قائلة: بسم الله الرحمن الرحيم

(الم * ذلك الكتاب لا ريب فيه هدى للمتقين. الذين يؤمنون بالغيب ويقيمون الصلاة ومما رزقناهم ينفقون. والذين يؤمنون بما أنزل إليك وما أنزل من قبلك وبالآخرة هم يوقنون. أولئك على هدى من ربهم وأولئك هم المفلحون. إن الذين كفروا وسخطوا بآياتنا أولئك أصحاب النار هم فيها خالدون..) قاطع مديحة رنين جرس المنزل فصمتت وذهبت لفتح الباب وتفاجأت لما شافت... عند أياد وجودي روحوا بيتهم. أياد بفرحة:

نا فرحان أوي لريماس أخيرا هبقى خال وعم في نفس الوقت. جودي: ده أنت هتبقى ونعم الخال 😂 أياد: قصدك إيه يعني. جودي بضحك: أقصد الله يكون في عون فارس وريماس لو البيبي طلع زيك 😂😂 أياد بغضب مصطنع: لا والله طيب تعالي بقى والله لوريك. فضل يجري وراها لحد ما مسكها. جودي: آسفة والله خلاص يخرب بيتك قطعت نفسي 😂 أياد: هو أنا لسه عملت حاجة تعالي والله لوريكي. في فيلا الشرقاوي، انتصار وهي بتعمل فراخ وشوربة دخل خالد عليها في المطبخ.

خالد: بتعملي إيه كده. انتصار: ده أكل لريماس وأنا عمله الكل ده وهخليها تخلصه كله خليه يرمي عضمها. خالد: طب ما إحنا اتغدينا عندهم يعني زمانها شبعانة. انتصار: شبعانة إيه ده أنا هأكلها كل ده إجباري آه لازم أهتم بصحتها. خالد بضحك: اعملي اللي أنتِ فيه يا حبيبتي. انتصار أخدت الأكل وخرجت لبيت فارس خبطت. فتحت لها شيماء. انتصار: إزيك يا شيماء.. أمال فين ريماس. شيماء: الله يسلمك يا هانم.. ريماس هانم في البلكونة مع فارس بيه.

انتصار: ماشي.. بقولك إيه مش عايزة ريماس تعمل أي حاجة.. ولو اعترضت ولا حاجة ناديلي بس. شيماء بابتسامة: حاضر يا انتصار هانم. انتصار دخلت لريماس البلكونة. انتصار: عاملة إيه يا حبيبتي ♥ ريماس: الحمد لله. انتصار: طيب خدي عملتلك حبة شوربة وفراخ لازم تخلصيهم. فارس: أحم أحم على فكرة أنا قاعد. انتصار: منا عارفة إنك قاعد. فارس: والله والاهتمام ده ملو لريماس ليه بقى. انتصار:

هي حامل ومحتاجة تغذية وعناية أنت حامل عشان خاطري كلي حاجة بسيطة. ريماس محبتش تزعل انتصار وبدأت تاكل وحاسة إنها هترجع من كتر الأكل بس مش راضية تقول عشان حماتها متزعلش. ريماس: كفاية بقى الحمد لله. انتصار: طب خلاص كلي الدجاجة دي آخر حتة. ريماس مسكتها وبدأت تاكل فيها وفجأة حست إنها هتستفرغ قامت بسرعة جريت على الحمام وفضلت تستفرغ. فارس وانتصار جريوا وراها. فارس بقلق: حبيبتي أنتِ كويسة. ريماس أومأت بنعم وقامت بضعف. فارس:

تعالي أغسلك وشك.. وبالفعل غسل لها وشها وإيديها كويس ونشفهم لها بالفوطة. انتصار: عاملة إيه يا بنتي حاجة بتوجعك. ريماس بضعف: الحمد لله يا ماما أنا كويسة. انتصار: طب فيه حاجة عايزاني أعملها لك. ريماس: لا شكرا يا ماما تسلميلي. انتصار: ماشي يا حبيبتي هروح أشوف عمك خالد أصلي سايباه لوحده ولو احتاجتي أي حاجة رني عليا أو ابعتي ليا شيماء. ريماس: حاضر يا ماما. انتصار مشيت. فارس قرب من ريماس وحط إيده على خدها بحنان:

حبيبتي أنتِ كويسة. ريماس أومأت بنعم. فارس: لو فيكِ حاجة أو حاسة بأي ألم قولي نروح للدكتور. ريماس: لا يا حبيبي أنا كويسة والله. وأردفت: أنتِ أغلى حاجة حصلت في حياتي.. بجد والله أنا مقدرش أعيش من غيرك. ريماس: ولا أنا أقدر أعيش من غيرك أنت نبضي أنت قلبي أنت نفسي اللي بتنفسها. ريماس بابتسامة: لا خلاص هسكت أهو. فارس: طب يلا بقى لازم تنامي عشان تستريحي. ريماس: ماشي يلا بس هتنام في حضني. فارس:

ربنا يصبرني.. يلا ننام بس 😂 هه هنام بس. ريماس بضحك: خلاص ماشي فهمت إيه.. وذهبوا في سبات عميق. عند مديحة انصدمت لما فتحت الباب وشافت فوزية. فوزية: إيه شفتي عفريت ولا إيه يا مديحة. مديحة: عايزة إيه يا فوزية جاية ليه.. وبعدين ليكِ عين تيجي بعد اللي عملتيه في بنتي.. وأنا أمنتك عليها. فوزية: مفيش شكرا منا ربتهالك وكبرتهالك وجوزتها جوازة متحلمش بيها. مديحة:

عذبتيها وعاملتيها معاملة مرات الآب وأكتر.. ده كلو ليه. ها ليه شايلة كل الحقد اللي جواكِ ده ليا ليه. تعذبي بنت صغيرة كانت من غير ولا أم ولا أب ليه. فوزية بصوت عالي: عشان بكرهك.. أيوة بكرهك. أنتِ أحلى مني في كل حاجة في الشكل وفي الزوج وفي العيشة.. أنتِ أحلى مني.. أنا بكرهك. خدتِ الشخص اللي حبيته. مديحة:

سبتهولك.. مشيت وأطلقت بسببك أي مش فاكرة.. بس أنتِ محافظتيش عليه ولا على الأمانة بتاعته اللي هي ريماس لا ده أنتِ كنتِ بتعذبيها كل يوم وفي الآخر تبيعيها أنتِ إيه معندكيش رحمة.. يشيخك منك لله. فوزية صرخت في وشها: اخرسي.. اخرسي بقى أنا بكرهك وبكره صوتك. فوزية مسكت مديحة من رقبتها بتخنقها. ومديحة حست إن أعصابها سابت حاولت تفك نفسها من فوزية لكن قبضة فوزية كانت أقوى منها. مديحة كانت خلاص بتطلع في الروح و..