رواية عشق الفارس الفصل الثالث عشر 13 - بقلم احلام تامر

ريماس: لحظة نا هاجي معاكو. فارس بخبث: ليه ي حبيبتي مش أنتي هتفضلي مع أبوكي أفضل إنك تفضلي معاه. ريماس اتضايقت جدا معقولة هو مش عايزها.. معقولة عايز يفضل مع اللي اسمها جودي دي. ريماس بحزن: تمام هفضل مع بابا. فارس اتضايق جدا هو بس كان عايز يجر شكلها مش أكتر: مش عايزك تفهمي غلط نا بقول عشان بس أنتي قولتي إن عمي وأحشك. ريماس بضيق: نا مفهمتش غلط ولا حاجة عادي عن إذنكو.. وذهبت لي غرفتها.. مشي فارس وأمه وأبوه.

خالد: ردك عليها مكنش لطيف خالص البنت وشها جاب ألوان. انتصار: باباك معاه حق ي فارس البنت أصلا اتضايقت أول ما سمعت عن جودي أكيد غارت. فارس: خلاص بقى ي جماعة هبقى أروح أجيبها بكرة. وصل فارس أهله الفيلا ورجع عشان يجيب جودي من المطار. انتصار وجوزها كانوا تعبانين أوي فطلعوا ناموا. أما ريماس فكانت هتولع ازاي يقعد مع واحدة في نفس المكان لوحدهم نا هطق حاسة إني جوايا نار والله لربك ي فارس والله لربك.. قاطعها استقبال

رسالة فتحتها كانت من فارس: حسيتي بالحرقة اللي نا حستها لما قعدتي عند إياد ولا لسه.. لو لسه محستيهاش يبقى كده جوازنا ملهوش لازمة يبقى نا كده بضيع وقت فارجوكي قولي إحساسك إيه عشان مفضلش أجري ورا حاجة مش هتحصل. ريماس فضلت تقرا في الرسالة أكتر من مرة مش مستوعبة قال كده ليه هي اه غارت من جودي بس أكيد مش هتروح تقول إنها غارت منها.. جالها رسالة تاني: كل ده بتفكري إيه مش عارفة أنتي حاسة بإيه. برضو ريماس مرضتش عليه.

راح فارس رن عليها فون (فارس كان واقف في المطار مستني جودي لأنها لسه موصلتش) ريماس ردت: الو. فارس: هسألك سؤال وياريت تجاوبيني. ريماس قلبها انقبض أوي وقررت إنها تجاوبه وتنسي خجلها.. خلاص هتعترف له. ريماس: أحم أنا. فارس كان هذا صوت فتاة. بعّد فارس تليفونه عن أذنه واتجه ناحية تلك الفتاة: جودي وحشتيني ي بنت الإيه.. هو جو بره بيحلو كده ولا إيه. جودي بصوت رقيق: ميرسي ي فروستي أنت عامل إيه والله وحشتيني بجد. ريماس كانت سامعة

الكلام ده وكانت هتولع: فروستيها.. ماشي والله لوريك ي فارس الكلب. فارس: هتقعدي هنا أد إيه أصدميني وقولي دايما.. جودي بضحك: دايما يا سيدي. فارس بفرح: أشطة دي هتخرب وهنرجع أيام زمان ي برنسيسة. جودي: ياه لسه فاكر الاسم ده. فارس: طبعا مش نا اللي سميتك بيه. جودي: أنت الوحيد اللي كنت بتقولي برنسيسة ده. فارس نسي ريماس أصلا وريماس كانت هتعيط من الغيرة أكيد من طريقة كلامه معاها بيحبها لا ومسميها برنسيسة كمان 😒 وراحت قفلت الخط.

فارس: طب يلا تعالي نروح أكيد أنتي تعبانة. جودي: جعانة ن.. قاطعها فارس: نوم صح هتقولي جعانة نوم. جودي: برافووو عليك لسه حافظني. فارس: ي بنتي الكل كان عارف إنك زي حيوان الكسلان موراكيش إلا الأكل. جودي ضربته: بطل يلا أحسنلك. فارس: طب يلا ي أختي تعالي أروحك.. وركبوا متجهين للفيلا.. فارس: طبعا عارفة أوضتك. جودي: أكيد.. يلا Good night. فارس: happy dreams. وكل واحد راح على أوضته.. فارس أول

ما دخل الأوضة افتكر ريماس: يا نهار أزرق.. ده نا نسيت إني كنت بكلمها خالص وطلع فونه لقى إن المكالمة انتهت عرف إن ريماس اتضايقت راح رن عليها بس ريماس قفلت رن تاني وبرضو كنسلت عليه. فارس اتضايق جدا. وراح رن على إياد. إياد: أخيرا افتكرت إني ليك كلب تعبره. فارس: كويس إنك عارف نفسك. إياد: بلاش برودك ده. فارس: الله مش أنت اللي بتقول. إياد بملل: عايز إيه أخلص.

فارس: أنت بتتكلم كده ليه.. تسدق إني غلطان كنت هقولك على خبر يفرحك. إياد: قول ي خويا قول. فارس بخبث: حب الطفولة رجع ي بروو. إياد بغباء: تقصد إيه. فارس: بطل غباء بقى شوية.. أقصد جودي ج.. قاطعه صوت إياد المتلهف: أحلف.. أقسم بالله.. لا أنت شكلك بتلعب بيا. فارس: أنت فاكرني زيك ي واطي. إياد بحزن: كنت عايز مصلحتك ع فكرة.. كنت عايز أخليك تعرف قيمتها الأول. فارس: كتر خيرك ي خويا المهم عايزك في خدمة.

إياد: هاا نا قولت والله إن المكالمة دي وراها مصلحة. فارس: بص الوضع بيني نا وريماس متوتر شوية ف عايزك تساعدني في شوية حاجات هطلبها منك. إياد: تمم قول. بدا فارس يقص عليه مخططته... إياد: ي بن اللعبة ده هتخليها تقول حقي برقبتي وتيجي لحد عندك تقولك شبيك لوبيك ريماس بين إيديك. فارس: عرفت هتعمل إيه والله لو الخطة دي باظت بسببك ما هتعرف تقرب من جودي نا بعرفك أهو. إياد: وليه الطيب أحسن أنت تحسن علاقتك بريماس ونا بجودي.

فارس قفل السكة في وشه. ................ ريماس كانت قاعدة في البلكونة بتعيط ع حظها دخل عليها ناصر: مش قولتلك روحي معاه شوفتي دماغك عمالة تجيب وتودي ازاي.. زمانك بتقولي ي ترى بيعملوا إيه.. يترى بهزروا في إيه.. صح. ريماس كانت محروجة منه جدا هو أه أبوها بس هي لسه متعودتش عليه. ناصر: اعملي حسابك بكرة هتروحي بيتك عادي وكل فترة كده تعاليلي ونا هجيلك ي حبيبتي. ريماس قامت حضنته: نا مفتقداك أوي ي بابا.

ناصر: حقك عليا ي بنتي عارف إنك اتعذبتي كتير بس صدقيني محدش هيقرب منك تاني.. ................ تاني يوم صباحا في فيلا الشرقاوي. الكل جالس على الإفطار. خالد لجودي: والله ليكي وحشة ي بنتي. جودي: نا أول ما عرفت إنك عايش خجزت أول طيارة على طول. خالد استغرب: لحق فارس يقولك ازاي ده كان مشغول جدا. فارس بخبث: لا مهو مش نا اللي عرفتها. جودي بخجل: بصراحة أحم.. إياد اللي قالي. خالد: أه قولي كده. انتصار: صحيح مش فارس اتجوز.

جودي: أه عرفت برضو. خالد: إياد ده كا شاء الله عليه رادار 😂. الكل ضحك وسمعوا صوت جاي من وراهم. شم ريحة إنكو جايبين سيرتي. فارس: ي بني والله لو كنا جبنا في سيرتك ربع جنيه مكوناش هنلقيه زيك كده.. إيه بتيجي ع الريحة.. إياد مردش عليه كان كل اللي بيعمله بيبص بحب لمعشوقته. خالد: نا بقول تقعد تفطر معانا ي إياد. جودي: تعالى ي إياد إفطر معانا. إياد متناسي الموجودين: عيون إياد.. وراح إياد..

قاطعه فارس: حيلك حيلك فيه إيه معندكش إيه سينس.. مش بتشوف ولا أنت معندكش بربع جنيه كسوف. إياد: حرام عليك بقالي سنين مش وشفتها. جودي بإحراج: طب نا هقعد في الجنينة برّا. إياد بسرعة: ونا كمان. الكل بصله بضحك. إياد مبرر غباءه: أصل نا بحب جو الجنينة الصبح جدا. فارس بتريقه: وعلشان كده جيت تشم هوا في الجنينة بتاعتنا. انتصار: خلاص بقى

ي فارس وبصت لجودي وإياد: يلا ي حبايبي روحوا الجنينة شوية يمكن ربنا يسهل وتيجوا تقولوا نتجوز بقى. جودي مشيت وراح معاها إياد.. ووراهم فارس. إياد: إيه يلا أنت لازق كده ليه. فارس: هتكلم معاكو وأمشي.. جودي نا عايزك في خدمة. جودي: اتفضلي. فارس: بصي هو المختصر إني نا وريماس بينا مشاكل وعايزك تساعديني نرجع وكده لا كمان تعترف بحبها. جودي: طب أعمل إيه طيب. فارس: حبيبتي. جودي: إيه مش فاهمة.

فارس: اعملي إنك حب الطفولة وإنك لسه بتحبيني وعايزة تاخديني منها وانتقام والكلام ده. إياد بضحك: شكلو بيقرا روايات بنات كتير. جودي: أنت بتهزر صح. فارس: نا عارف ريماس مش هتيجي إلا بكده. جودي: معنديش مانع بس أنت متأكد إن ممكن ميحصلش مشاكل ويجيب نتيجة عكسية. فارس: ربنا يستر بقى.. إنهارده هرن على عمي ناصر ييجوا يتغدوا معانا وأنتي بقى وشطارتك عايزك تخليها تولع فيا من كتر الغيرة. جودي: لا ده أنت مجنون والله.

فارس: عارف عارف... أسيبكو بقى تشاو. وفعلا فارس خلى باباه يرن على ناصر ييجوا يتغدوا معاهم وناصر وافق طبعا. أما ريماس فكانت بتنقي أفضل لبس عندها وحطت ميكب وذهبت مع والدها. أما عند جودي كانت تحاول إنها تدخل نفسها في الشخصية اللي يريدها فارس فهي حقا ممثلة بارعة وعندما تمثل دور ما حقا تتقنه وتجعل من أمامها يصدقها حتماً..

وصلت ريماس وباباها واستقبلهم خالد وانصدمت ريماس لما شافت جودي واقفة في ركن مع فارس وبتحاول تقبله وفارس هادئ تماما كأنه مرحب بها..