رواية عشق الفارس الفصل الثالث والعشرون 23 - بقلم احلام تامر

فارس فضل يضرب في عبدالله "انت محرمتش من المرة الأولى يا واطي يا وسخ هه.. جاي لمراتي تاني ليه" وفضل بيضرب فيه. ريماس ببكاء "خلاص والنبي سيبو عشان خاطري." فارس مكانش مركز مع أي حاجة حواليه. جه إياد وجودي وإياد جري على فارس "فيه إيه" وحاول يبعد فارس بس للأسف معرفش. بص إياد لريماس لقاها بتعيط راح لها جري واخدها في حضنو "ششششش اهدي يروح قلبي." ريماس ببكاء "كان عايز يخطفني" وفضلت تعيط.

إياد بعد عنها وراح ناحية فارس وحاول يبعده تاني بس مفيش فايدة. قام إياد بكل قوته مسك إيد فارس وبغضب لفارس "ابعد بقى إيه، محدش بقى قادر عليك." فارس كان عمال ينهج من كتر الضرب "والله هسيبو، أنا غلطان لما سيبته سليم المرة اللي فاتت." عبدالله كان تعبان بس اتمالك وقال بكل برود "مش هتقدر تعملي حاجة عارف ليه.. عشان حبي لريماس مقويني عليك." فارس لسه هيقرب من عبدالله، إياد منعه "ابعد بقى إيه، كل حياتك عنف كل مرة تضرب حد."

فارس بغضب "انت مش سامعة بيقول إيه." إياد "أنا عايز مصلحتك يا غبي." فارس "انت اتجننت.. ده حاول يخطف ريماس اللي بتقول عليها أختك." إياد بمرح "أنا عارف.. وعشان انت تعبت من ضربو فأنا هكمل عليه بقى مش كل مرة انت اللي تضرب." فارس "خد راحتك يا برنس." إياد شال عبدالله زي الشوال وقال وهو خارج "أنا هفهمو براحة بس مش هنا في مكان هادي شوية." فارس "ورينا مهاراتك.. سلام." فارس راح ناحية ريماس وقعد قصادها ومسح دموعها "انتي كويسة."

أومأت ريماس بنعم. فارس قرب من ريماس أوي وراح حضنها وريماس كمان بادلته الحضن لأنها كانت فعلا محتاجة الحضن ده.. الحضن اللي بيحسسها بالأمان. جودي بغلاسة "أنا ممكن أخرج عشان فكرة." ريماس بعدت عن فارس بإحراج. فارس في سره "الله يحرقك يا جودي الكلب." ريماس بصت لجودي "ممكن تساعديني أنام على السرير." فارس برفع حاجب "كيس بطيخ واقف أنا.." وراح شال ريماس حطها على السرير. قعد فارس شوية معاها جودي برضو. فارس بص لريماس

"مش ناوية تفكي الحصار ده." ريماس "لا." فارس بحزن مصطنع "حرام عليكي ليه تعملي فيا كده ده أنا في بعدك جسد من غير روح." جودي كانت ماسكة نفسها بالعافية من الضحك لأنها هي وفارس كانو عاشقين للتمثيل واتمنت ريماس تدخل على التمثيلية دي. فارس "والله في بعدك بتعذب حرام عليكي يشيخة منك لله." ريماس "والله انت جاي تصالحني ولا تدعي عليا." فارس "مهو انتي بتخرجي الواحد عن شعورو." ريماس

"طب وفر محاولاتك الفاشلة دي مش هفكر أسامح إلا بعد كام يوم كده." فارس "هتفكري!! .. لا والله كتر خيرك تعبينك معانا.." ********* عند ناصر انصدم لما عرف إن صلاح هو السبب في حادثة بنتو ورفع دعوى محاولة شروع في القتل وتم القبض على صلاح. في غرفة التحقيقات اعترف صلاح إن فيه حد سَوَّطَه يعمل كده وبعد تعذيب اعترف إنها أخته فوزية. ناصر انصدم "فوزية إزاي.. طب ليه." خالد "اهدي يا ناصر احنا حاليا هنقبض عليها." ناصر

"عايزها تتحكم مش أقل من 3 سنين." خالد "بس دي... ناصر قاطعه "طليقة ي خالد طليقتي.. يعني خلاص مليش دعوة بيها وهي حاولت تقتل روحي مش بنتي ولازم تتعاقب." خالد "طيب روح انت لريماس اطمن عليها وأنا ههتم بالباقي.." ******** في المساء الكل كان متجمع ناصر وخالد وإياد وجودي وفارس وانتصار وأهل جودي. بعد السلامات وكده. ريماس "بابا أنا عايزة أخرج." ناصر "بس انتي لسه متحسنتيش." ريماس

"لا أنا كويسة الحمد لله بس أنا مبحبش قاعدة المستشفى دي." فارس "خلاص يا عمي نسيبها على راحتها ولو على التعب نجيبلها ممرضة تهتم بعلاجها ونوفر لها الازم." ريماس "لا مش هحتاج حاجة أنا بس أخرج من هنا وعايزة أقلع القرف ده" وكانت بتبص على الجبس. فارس "هبعت أجيب السواق يروحنا الأول وبعدين نشوف حكاية الجبس دي." ريماس "بس أنا مش هروح معاك." فارس كان متوقع إنها تعاند وتقول كده "ماشي يا حبيبتي عايزة تروحي فين." ريماس "بيت بابا."

فارس حاول يتمالك نفسه وقال بكل هدوء مصطنع "معنديش مشكلة عندنا وعند عمي واحد." ريماس استريحت إن خلاص كده هتعرف تسافر من غير ما حد يبقى عارف.. بس سمعت فارس بيقول "عمي هو فيه سرير زيادة عندكو." ريماس بتلقائية "نعااام.. لا معندناش." الكل بص لريماس باستغراب.. ريماس "بهزر على فكرة." بعد شوية الكل مشي ما عدا فارس وإياد وناصر. عملوا إذن خروج لريماس وبالفعل خرجت من المستشفى.

وصلوا بيت ناصر، فارس جه يشيل ريماس عشان يدخلها البيت. ريماس "لا أخويا اللي يشيلني." فارس "هو انتو كل شوية أخويا وأختي فيه إيه لحقتو تتعودو على بعض إزاي." إياد جه "الدم بيحن يا بابا.. ويع كده عشان أشيل أختيييي." فارس "الصبر يا رب هي جوازه باينة من أولها." إياد طلع بريماس.. ريماس بصوت منخفض "إيه الأخبار." إياد "أنا جهزت كل حاجة شنطتك وحاجاتي وكل حاجة فاضل بس موافقة بابا وأنا هعرف ماما برضو ونتكل على الله." ريماس

"أشطاا." إياد بحزن "مش ناوية تسمعي من ماما." ريماس "عايزة أروق كده وأفكر في كل حاجة اهدي بس وربنا يسهل." فارس جه "انتو بتتكلمو في إيه." إياد "وانت مالك أخ وأخته بيتكلمو بتتحشر ليه." فارس "أقسم بالله انت بتختبر صبري وكلو هيطلع على عينك." جودي رنت على فارس.. فارس قام يتكلم في البلكونة. جودي بعد الاطمئنان عليهم "الصحيح يا فارس انت هتسافر." فارس باستغراب "لا ليه." جودي "طب إياد هيسافر." فارس برضو "لا." جودي

"أصل إياد كان بيتكلم قدامي إنه حجز طيارة وحاجة زي كده بس مرضيش يقولي عشان الموضوع سر فقولت أعرف منك وانت عارف بقى الفضول بيعمل إيه." فارس "يخربيت الفضول اللي هيموتك في يوم ده." جودي "نينينينينينيني.. يللا سلام خدت أكتر من وقتك وقفلت السكة." فارس "هو في إيه الكل قالب معايا ليه." بس إيه موضوع الطيارة ده وليه إياد محكاش ليا.. أكيد فيه حاجة لازم أعرفها. ريماس كانت في أوضتها وخلت إياد ينادي على ناصر. ناصر جه

"خبر يا حبيبتي فيه إيه." ريماس "بابا أنا عايزة منك طلب." ناصر "عيوني." ريماس "أنا عايزة أسافر أغير جو.. أرجوك قبل ما تعترض اسمعني أنا بجد نفسيتي تعبانة عايزة أبعد شوية عن الكل وأفكر بهدوء." ناصر "أنا مستحيل أسيبك تخرجي لوحدك." ريماس "لا مش هكون لوحدي إياد جاي معانا." ناصر بحزن "وهتسيبيني لوحدي." ريماس "بابا عشان خاطري فهميني أنا فعلا محتاجة أغير جو." ناصر بحب "ماشي يا حبيبتي بس بشرط." ريماس "هاا." ناصر

"3 أو 4 أيام بالكتيرر." ريماس "حاضر." ناصر "ها هتروحي فين." ريماس "نيو يورك." ناصر "إييه مرة وحده." ريماس "عشان خاطري وافق والنبي." "وجودك مع أخوكي مطمني خلاص روحوا يا حبايبي." ريماس حضنت ناصر بحب "ربنا يخليك ليا يا أحسن بابا في الدنيا." غافلين عن تلك العيون التي تراقبهم بكل حزن وغضب وغيرة.