رواية عشق الفارس الفصل الثلاثون 30 - بقلم احلام تامر

فارس وريماس كانوا بيقضوا أجمل وقت مع بعض.. خالد اتجه إلى القسم لمقابلة ناصر ومتابعة التطورات بخصوص اللي حاول يقتل ناصر. وآخر حاجة في البارت اللي فات خالد كان بيكلم ناصر ومشي وهاني اتجه لعمل مكالمة ما.. **** عند انتصار عملت أكل كتير كأنه وليمة وطلعته عند فارس وخبطت. فارس مين؟ انتصار بفرحة أنا يا عريس جيبالكوا الغدا.. 😂 ريماس بإحراج نهار أسود اتفضحنا. فارس اتفضحتي إيه يا هبلة أنا جوزك. ريماس بإحراج شديد

برضو أنا مكسوفة أوي زمانهم بيقولوا إيه. فارس ضحك. ريماس بطل تقل دم وقوم افتح الباب. فارس قام فتح الباب وأخد الأكل من أمه. انتصار بفرحة مبروك يا حبيبي. فارس بضحك الله يبارك فيكي بس على إيه. انتصار يا واد يا أهبل ده أنا أمك. فارس ضحك ماشي يا ست الكل تسلم إيدك على الأكل. انتصار يلا أسيبكوا بقى. وغمزت له ومشيت. فارس أخد الأكل ودخل حطه على الترابيزة. ريماس هما فهموا إيه؟ فارس بضحك

كل خير يا حبيبتي والله 😂 يلا ناخد دوش وناكل ولا مش عايزة؟ ريماس بسرعة لا ده أنا هموت من الجوع. وقامت أخدت شاور وخرجت وبدأت تاكل وسط ذهول فارس. فارس طب استنيني طب. ريماس معلش يا فروسه والله جعانة. فارس في سره هو مش المفروض تبقي مكسوفة تاكلي قدامي ولا بيتهيألي.. على الله حكايتي.. وذهب أخد دش سريع اتجه إلى ريماس وفضل يبصلها شوية. ريماس إيه متاكل؟ فارس المفروض إنك تاكليني. ريماس لا أنا مش فضيالك 😂 فارس

أنا والله جعان برضو بس مش هآكل إلا من إيدك تسدق صعبت عليا. فارس يلا آكليني. ريماس لا طبعًا. فارس يا لهوي متجوز إيه هولاكو. ريماس بتحذير مصطنع فارس. فارس عيونوا. ريماس كل. فارس مش وآكل هه. ريماس بضحك خلاص تعالى هآكلك. وبدأوا ياكلوا في جو رومانسي. **** في المستشفى. مديحة كانت قاعدة هي وإياد وجودي. جودي حضرتك عاملة إيه دلوقتي يا طنط؟ مديحة الحمد لله يا حبيبتي.. ما شاء الله يا إياد يا بني عروستك زي الفل. إياد بحسرة

عروستي إيه أحنا لسه عملنا حاجة ولا حتة اتخطبنّا. مديحة معلش يا حبيبي تعبي اللي مأثر عليكوا بس أنتوا ممكن تتفقوا أنت وباباك وتنخطّبوا وأحضر أنا الفرح بقى. إياد لسه هيتكلم بس جودي سبقته. جودي لا طبعًا يا طنط مفيش أي حاجة هتم إلا ما حضرتك تقومي بسلامة وده رأيي أنا وإياد. مديحة بدأت تدمع ربنا يسعدكوا ويفرحكوا يا رب يا حبايبي. إياد يااااارب عشان أنا مش عارف إيه النكد اللي هيحصل بعدين ويعطل الجوازة دي. مديحة

ربنا ما يجيبش نكد إيه يا إياد تفاؤلوا بالخير تجدوه. ***** عند ناصر وخالد كانوا في القسم. ناصر بزعيق إيه يعني جاله تسمم إيه اللي بيدخلوا الأكل حمير. أحد الضباط ي فندم هو الوحيد اللي جاله تسمم وكل المساجين كويسين.. ناصر آه يعني قصدك تقول إنّو حد مخطط لكده. الضابط بالظبط يا فندم. ناصر بغضب أنتوا أغبياء مبتفهموش والسم دخل العنبر إزاي أصلاً ده اسمه قلة شغل واستهتار.. خالد

ناصر اهدى الواد مماتش لسه تعالى نروحله في المستشفى ونفضل متابعين معاه وكده كده هيكون فيّن حرس قدام الباب ومش هيسمحوا إلا بدخول الدكاترة والممرضين بس. ناصر مسح على وشه بغضب ثم ذهب إلى خارج السجن.. خالد ولاد ال** دول عرفوا منين يوصلوا له. ناصر أكيد حد بلّغهم أكيد في جاسوس في القسم.. خالد شكل أيام الشقاوة هترجع يا ناصر.. ناصر هترجع هترجع يا خالد ورحمة أمي ما هرحم حد اهدى بس وبإذن الله نمسك اللي ورا كل ده. ناصر

الواد ده لازم يخرج من السجن. خالد إيه؟ ناصر زي ما بقولك الواد ده يتعالج ويخرج.. يهرب بقى ممكن نبعت حد له على أساس إنّو من المافيا وجاي يهرّبو.. خالد ناوي على إيه يا وحش. ناصر كل خير.. تعالى بس وهحكيلك. خالد على فين؟ ناصر تعالى عندي البيت. خالد متخلّيها عندي أحسن في الفيلا اهو ناكل لقمة مع بعض ونشرب حاجة سوا بدل ما نروح عندك تخلّيني أنا اللي أعمل الأكل زي ما كنا في روسيا.. ناصر بضحك

بدل ما تشكرني إنّي علّمتك تطبخ بس يلا نقول إيه ناس ناكرة للجميل. خالد يلا يا أخويا. ****** مجهول على التليفون أغبياء.. مشغّل معايا شوية أغبياء ازاي ميموتش.. ازاي... ربع ساعة وترنّ عليا تبلّغني إنّو مات.. لازم يموت فاهميني ده لو صحي هنتكشّف.. وقفّل السماعة في وشه.. وانتَ كمان يا ناصر يا دسوقي لازم تحصله وبعدك خالد أنا مش هستنى تدعّبسوا ورايا بالمعلومات اللي معاكوا.. ***** عند فارس وريماس خلصوا أكل وانبسطوا. ريماس

يا ننزل بقى أنا زهقت عايزة أشم هواء. فارس بضحك لحقتي تزهّقي مني هو أنا القمر ده يتزهّق منّو.. الله يرحم البنات برّه كانوا بيشوفوني يتجنّنوا عليّا. ريماس بغيرة ومروحتش ليّه لبنات برّه يا خويا. فارس عشان لقيت القمر بتاعي واخد قلبي. ريماس أممم ومين بقى القمر دي. فارس قرّب منها بنتي وحبيبتي وشريكة عمري وكل ما ليّا. ريماس بتوهّن يخربيت كلامك السكّر ده بتجيبّو منين. فارس بمزح على حالها من عند بتاع التموين 😂 ريماس

نينينينينينيني ظريفة. فارس طب يلا ننزل نشوفهم بيعملوا إيه. ريماس يلا.. وجّزوا واتجهوا إلى الأسفل. كان هاني يجري مكالمة وهو يقول بعصبية مش عايز أي تقصير أقسم بالله أدفنكوا بالحياة إنّهو الموضوع وخلّصوا وأنا متابع معاكوا. فارس ازيك يا عمي. هاني بقى هادي خالص وابتسم ازيك يا فارس يا بني ازيك يا بنتي. ريماس وفارس الحمد لله. فارس أمال كنت بتزعق ليه في حاجة ولا إيه؟ هاني

إيه.. لا لا أصل دي مشكلة في الشغل وكنت بتابع معاهم.. وأنتَ عارف أنا نزلت مصر عشان جودي. فارس تمام يا عمي لو عوزت أي حاجة أنا موجود ممكن أسافر وأتابع أنا الشغل لحد ما الصعب يخلّص وأرجع تاني. هاني لا لا يا حبيبي أنا ظبّطت أموري تسلم. فارس طيب أنا وريماس هنّدخل نقعد في الريسبشن تعالى معانا. هاني طيب روحوا أنتوا وأنا جاي وراكم. وصل خالد وناصر في الوقت ده وسلموا على هاني. هاني إيه عملتوا إيه مع المجرم؟ خالد

للأسف هو اتسمّم ودخل المستشفى. هاني إيه ازاي.. طب وهو عامل إيه دلوقتي؟ ناصر وضعّو مستقر وأول ما يفوق هنحقّق معاه بنفسنا. هاني وناويين تعملوا إيه معاه؟ خالد كل خير تعالى بس نقعد ونتكلم عشان نعرف الخطة اللي هتوقّعّو هو واللي وراه. هاني بفضول ليه هتعملوا إيه معاه؟ خالد هن....