رواية عشق الفهد الفصل الثامن والثلاثون 38 - بقلم منة احمد

سواق الأتوبيس وقف بسبب إن عربية وقفت قدامه. عشق كانت سرحانة وماخدتش بالها إن الأتوبيس وقف. حد نزل من العربية وطلع الأتوبيس. عشق فاقت وبصت على اللي طلع واتصدمت. عشق: فهد. فهد لمحمد: ازيك. محمد: الحمد لله، أهلاً. إيه سبب الزيارة؟ فهد: هو أنا مقلتلكش. محمد: لأ للأسف. فهد: أصلي جي معاكو. محمد: وده ليه؟ فهد: أصلي مش هسيب أختي لوحدها تروح. عشق لنفسها: جي عشان أخته مش عشانك يا غبية. محمد: اتزفت شيل العربية واقعد في أي كرسي.

فهد أمر الحارس إنه يبعد العربية. ميرنا: يلا ياسطا سوق بينا. أسيل بغني: على الكورنيش. منة: ناكل مانجا ونشرب سفندي. أسيل: إيه ياختي انتي دمرتي الأغنية. فهد راح قعد جنب عشق. عشق ببرود: اتفضل قوم من هنا، الكراسي كتير. فهد ببرود: لأ. عشق بصتله بغيظ وبصت من الشباك. فهد مسك إيدها. عشق اتخضت واتعصبت. عشق وهي بتجز على سنانها: سيب إيدي. فهد مسك إيدها جامد: لأ.

عشق حاولت تسحب إيدها من إيده ومعرفتش بسبب قوته، وهي بالنسبة له ولا الهوا. عشق تجاهلته وبصت من الشباك. ميرنا: متشغلووو حااااجة. أسيل: استني يا بت هشغل. أسيل شغلت أغاني. ميرنا: اخووووواتتتتييي. عشق نامت وكانت ساندة راسها على زجاج العربية. فهد عدلها وحط دماغها على صدره وحضنها وغمض عينه هو كمان. وطفوا الأغاني والهدوء عم الأتوبيس. أسيل نامت على كتف أسر. أسر بص لها وابتسم ومسك إيدها. عند سيف وفريدة.

سيف: قمر قاعد جنبي يا ناس. فريدة بخجل: بس بقا. سيف: يلهوي على الفرولة. فريدة بصتله بغضب وغيظ وخجل ومسكت كتفه وحطت دماغها عليه وغضت عينيها. وسيف بص لها وابتسم ومسك إيدها. عند محمد وعفاف. محمد: أمال إيه الحلوة دي. عفاف: لسه زي ما أنت يا راجل بكاش. محمد: أنا محصلش، ده انتي العسل كله. ما تجيبي بوسة مشبك. عفاف ضحكت ضحكة رنانة. ميرنا كانت قاعدة وراهم. ميرنا: اوووووعاااا. قامت وقفت وسندت ضهرها على كرسي عفاف وبصت لهم.

ميرنا: بتقولها إيه هه هه. محمد: وانتي مالك يا بت انتي. ميرنا: بتخبي عليا بردو يا حمو. محمد بجرأة: بقولها هاتي بوسة مشبك. عفاف اتخضت من جرأته وخجلت وضربته في كتفه. ميرنا: يلللهوووي وكمان بتقولها في وشي، أخس عليك يا حمو، مكنش العشم، بتخوني يلهههوووتي، أودي عيالك فين يا خاين يا مفتري. محمد: اسرحي بيهم في الإشارات. ميرنا: فكرة، اهو نجيب فلوس بيكسبوا ياما، صح. مروة كانت عمالة تضحك عليهم. مروة: دا انتي لسانك أطول منك.

ميرنا: آه واللهي يا رورو، مش عارفة ألمّه من طوله. مازن من جنبهم من الصف التاني: تحبي أقصّهولك. ميرنا: ما هو مش بيتقص. مازن: ليه بس كده، زعلتيني. أميمة نامت ودماغها على زجاج الشباك. مازن بص عليها لقها نايمة كده. فا عدل دماغها على كتفه وبص لها وابتسم وقال: شكلي وقعت. ميرنا بهمس لنفسها: يعني عليا أنا هنا الوحيدة اللي سنجل. وافتكرت مالك وابتسمت. ميرنا لنفسها: إيه اللي أنا بعمله ده، لأ لأ، ده دكتوري مش أكتر، صح.

عند زين ومنه. زين: مش هتنامي يا بت ولا إيه. منه: بفكر، وانت يا حس. زين: مين حس ده يا بت؟ اللي تكوني بتلعبي بديلك من ورايا. منه: معنديش ديل. زين: اممممم مش مصدقك، حاسس إنك بتكذبي. منه بصدمة: يكنش البني آدم بقى له ديل وأنا معرفش. زين بتفكير: ممكن. منه: طب ابحث أنت كده وشوف الدنيا، أكون أنا نمت شوية. ونامت على كتفه. وبعد مرور ساعات وصلوا. عشق فاقت بنوم. عشق بنوم: وصلنا. فهد: آه يا قلبي.

عشق غمضت عينيها ومسكت في هدوم فهد واتمسحت فيه زي القطط. فهد ضحك عليها وعلى طفولتها. عشق فاقت وبصت بصدمة، لقت نفسها في حضن فهد واتصدمت، قامت بسرعة زقته وبعدت عنه. فهد: فيه إيه يا بت؟ كنتي هتقعيني. عشق بصتله ببرود وتجاهلته. والبنات كانوا كلهم قاموا معاد ميرنا اللي كانت نايمة من شوية. مروة حاولت تصحّيها معرفتش. سيف: سيبها يا خالتي، أنا هشيلها، هي كل مرة كده وأنا اللي على طول بتدبس في شيلها.

كلهم نزلوا وسيف شال ميرنا ونزل بيها. وفي حد كان واقف وشافهم وبص على ميرنا وسيف بغيره وغضب. زين: مش كنا رحنا الشاليه بتاعنا. محمد: ما البنات عايزين يغيروا السنة دي وبيقولوا الفندق ده حلو وعجبهم. عشق: آه، ده فيه بول وحفلات كل يوم وحاجات تحفة. محمد: البنات في سويت، وزين ومازن في أوضة، وسيف وأسر في أوضة. أنا وفوفه في أوضة، ومروة في أوضة. وبص لفهد وقال: أنت حاجز أوضة. فهد: آه. سيف: اشمعنى هما سويت.

عشق: عشان إحنا كتير، إحنا 6 بنات، وبعدين أنت مالك. زين لمازن بدلع: هتنام معايا في الأوضة يا ميزو يا حبيبي. مازن بقرف: آه ياخويا. زين: وهتنانمني في حضنك يا بيبي، وحشني حضنك أوي يا راجل. مازن بقرف: مالك ياض؟ لأ ونبي مش ناقصه قرف، روحي يا ست انتي من هنا. زين بشهقة حاول يعملها زي الستات: يلهوي، عايز ترميني أنا وعيالك، أروح بيهم فين يااامفتري. مازن: اشحتي بيهم في السيدة زينب.

زين: بعد ما أخد اللي هو عايزه، رمني، أهي أهي أهي يا مفتري. عشق: معلش يا شابااا. أسيل: شفتي ابنك عمل إيه في البنية يا ماما. ميرنا: اخص اخص. مازن: يابن لـ 🐶، تعالي بقا أوريك الافتري على أصوله. زين طلع يجري وجري وراه مازن. مازن: مش هسيبك. محمد: بس ياض أنت وهو بقا. فريدة لمحمد: سيبك منهم يا خطيبي، هاتلي شوكولاتة. محمد: من عنيا يا قلبي. سيف بص لها بغيره: هو أنا كيس جوافة.

فريدة: أنت أدري، ممكن تكون مانجا وأنا بعشق المانجا. عشق: وأنااا. سيف بص لميرنا اللي شيلها ومتعلقة في رقبته. سيف: البت نايمة زي الميتين. عفاف: ما نامتش غير نص ساعة، خدها طلعها فوق يا سيف في الأوضة. عشق: وأنا عايزة أنام. أسيل: وأنا. منه: إحنا نطلع ننام ولما نصحى ننزل. البنات راحوا يناموا، وكذلك الباقي. (هما يناموا وأنا هنا بكتب، يعني عليااا، اعععع) انقض النهار وجه الليل. ميرنا صحت ولقت البنات نايمين.

ميرنا بهمس: هسيبهم نايمين وأنزل أقعد شوية لوحدي تحت على البحر، أحلى حاجة إن الأوتيل ده البحر قدامه. ميرنا مشت براحة وراحت أخدت فستان نص كم طويل يصل بعد ركبتها لونه بينك وفيه ورود بيضة ودخلت الحمام. وبعد شوية خرجت ولبست شوز أبيض وسرحت شعرها وسبته مفرود ونزلت. ميرنا بخوف: مـ مش هركب أسانسير، هنزل على السلم. ميرنا نزلت على السلم جري.

وهي نازلة خبطت في حد وميرنا غمضت عينيها وحست بوجع في دماغها وكانت هتقع بس مسكها من وسطها قبل ما تقع. ميرنا فتحت عينيها وبصت بصدمة. ميرنا بصدمة: مالك. ميرنا شافت الوضع اللي هما فيه وفاقدت وبعدت عنه. ميرنا: قصدي دكتور مالك.. شكراً جداً. مالك: العفو على إيه. ميرنا: أخبارك إيه يا راجل. مالك: الحمد لله، وانتي عاملة إيه. ميرنا: ميت فل وعشرة... بتعمل إيه هنا. مالك كان هيرد بس قاطعه صوت بنت من وراه. البنت بدلع: مالك حبيبي.

كانت لابسة فستان يظهر جسمها أكتر من ما يخفيه. ميرنا بصت لها بقرف. البنت راحت حضنت مالك. وبعد كده بصت لميرنا. البنت: أوبس، ماخدتش بالي، مين دي يا بيبي. ميرنا: أنا ميرنا الأسيوطي، أستاذ مالك بيكون الدكتور بتاعي في الكلية. البنت بدلع: لا انا صافي خطيبتو مالك بسرعه: لسه هتبقي خطيبتي ميرنا حست ان قلبها اتكسر ميت حته وعيونها دمعت. ميرنا بصت لمالك بدموع. ميرنا بدموع حاولت تداريها: بجد مبروك، الف مبروك.

صافي بدلع: الله يبارك فيكي، انتي طبعًا هتيجي الخطوبة. ميرنا بوجع ودموع داريتهم: آهاه، آه. إن شاء الله أكيد. آآآ أستأذن أنا بقى. ميرنا مشت بتوهان وحررت دموعها. ميرنا خرجت بره الفندق وهي دموعها بتنزل لوحدها. ميرنا حست بوجع كبير في دماغها وصداع. ميرنا بوجع: ااااااااه دماغي. ميرنا مسكت دماغها بوجع. عند مالك. مالك لصافي: استنيني هنا، هعمل مكالمة وجاي. صافي: اوكي يا بيبي. مالك مشي وخرج من الفندق.

ميرنا في الوقت ده مستحملتش الوجع واغمي عليها. مالك شافها وجري بسرعه عليها بخوف. وسيف كان خارج في الوقت ده من الفندق وشافها. سيف: ميررررررنااااااااا. سيف جري بسرعه عليها. سيف مسك وشها. سيف: ميرنا قومي، مالك يا قلبي. مالك كان هيشلها بس سيف كان أسرع منه وشالها ومشي بسرعه دخل بيها الفندق ومالك دخل وراه بخوف. سيف طلع بيها بسرعه على السويت بتاعهم ومالك كان وراه. سيف: خبط بسرعه. مالك خبط. وعشق فتحت بنوم. عشق بنوم: إيه؟

في إيه؟ عشق بصت بصدمة. عشق بخضة: ميرنا مالها في إيه؟ سيف بعد عشق ودخل بسرعه ودخل الأوضة. عشق دخلت وراه هي ومالك. وبقيت البنات كانوا صحوا. فريدة وأسيل ومنه وأميمة شافوا سيف شايل ميرنا وفاقدة الوعي اتخضوا. منه: إيه؟ في إيه؟ مالها؟ فريدة: ميرنا مالها يا سيف؟ سيف حطها على السرير. سيف: فوقوها لحد ما أجيب أسر. سيف جري بسرعه على الأوضة بتاعتهم اللي في نفس الدور. سيف خبط عشان مكنش معاه المفتاح. أسر فتحله. أسر: في إيه؟

سيف: تعالى بسرعه، ميرنا مغمي عليها. أسر وسيف جرو على أوضة ميرنا. أسر دخل. عشق خلت ميرنا تشم برفان قوي خلاها تفوق. ميرنا مسكت دماغها بتعب: ااااه. سيف بلهفة: ميرنا انتي كويسة؟ ميرنا ببعض التعب وبحزن بعد ما افتكرت اللي حصل: آه. منه حضنتها: إيه اللي حصل معاكي يا قلبي؟ مالك؟ ميرنا: مش عارفه، بس حسيت بوجع كبير أوي في دماغي وصداع ومقدرتش استحمل الوجع، فا محستش بنفسي. أسر: طب ممكن أكشف عليكي؟ البنات بعدوا عنها.

أسر كشف عليها. أسر: الوجع ده حسيتي بيه قبل كده؟ ميرنا بتذكر: آه، يوم ما كنا في المول ولما عشق كانت في المستشفى حسيت بوجع في قلبي ودماغي. ولما بفكر كتير بحس بصداع رهيب ووجع مش زي الصداع العادي. أسر بشك: طب محتاجين شوية أشعات على المخ وإنها تاكل كويس ومتتعرضش لضغط لحد ما نشوف الأشعات. وهكتبلك على دوا لو حسيتي بوجع تاخديه. وقوليلي. ميرنا: أشعات ودوا إيه يا راجل، ما أنا زي الفل أهو.

سيف تجاهل كلامها وقال: اكتبلي أي حاجة وهما أول لما نرجع هنعملهم. أسر: ماشي. مالك لميرنا: ألف سلامة عليكي. ميرنا ببرود: الله يسلمك. عشق: طب يلاااا بقى، بيتك بيتك يااالا يا بابا منك ليه. أسر بصدمة: انتي بتطردينا؟ عشق: محصلش، مين قال كده؟ أنا أعمل كده؟ محصلش. بص هي حاجة زي كده. أسر: طب أروح أنا بقى بدل ما تطردينا بجد. سيف: أنا بقول كده برضه. سيف وأسر خرجوا بره الأوضة. ميرنا: أناااا جعانة.

منه: وأنا كمان، عصافير بطني بتهوهو. عشق: يالا بينا نغير هدومنا وننزل. البنات غيروا هدومهم ونزلوا. عشق كانت لابسة فستان أزرق مثل عيونها بنص كم طويل يصل بعد ركبتها وعملت شعرها ضفيرة على جنبها. ومنه كانت لابسة فستان أبيض فيه فراشات صفرا ورفعت شعرها ذيل حصان. وأسيل لبست فستان روز وطرحة بيضة. وفريدة لبست فستان بنفسجي وسابت شعرها مفرود. وأميمة لبست فستان برتقالي ورفعت شعرها كحكة عشوائيا. ونزلوا ياكلوا.

والشباب نزلوا، كان كل واحد لابس شورت وتيشيرت مع اختلاف الألوان. ومحمد وعفاف ومروة هما كمان نزلوا. واتجمعوا تحت. وراحوا ياكلوا. وعشق اتجاهلت فهد خالص وده كان مضايقه. وخلصوا أكل وقعدوا على البحر. عشق: المنظر تحفة. أسيل: جدًا. منه: عايزة أنزل. عشق: خليكي، بكرة ننزل مع بعض كلنا. فريدة قامت وراحت تتمشى، حطت رجلها في مية البحر. وسيف راح وراها. سيف رش عليها مية. فريدة اتخضت: اععععع. سيف ضحك.

فريدة بصتله بغيظ ورشت عليه مية بإيديها. وضحكت. وفضلوا يرشوا مية على بعض ويضحكوا. وفريدة جرت وسيف جري وراها. فريدة شافت بياع آيس كريم. فريدة: سيييييييف. سيف بخوف عليها: إيه؟ مالك؟ رجلك وجعتك؟ في حاجة؟ مالك؟ وفضل يتفحصها. فريدة بضحكة: اهدي، مفيش حاجة. أنا بس عايزة آيس كريم. سيف بغيظ: بقا الصويت ده عشان آيس كريم؟ فريدة: أيون.. وأكملت ببراءة وطفولة: هتجبلي صح؟ سيف بضحكة على طفولتها: آه. فريدة نطت بفرح: هاااااااا يالااا.

سيف ضحك عليها. سيف للبياع: اتنين آيس كريم. فريدة: شوكولاتة. سيف للبياع: شوكولاتة. البياع: اتفضل. سيف عطاله الفلوس. البياع: الباقي. سيف: خليه عشانك. البياع: ربنا يخليهالك يا رب ويسعدكم. سيف: يا رب. وأخد فريدة ومشي. فريدة: طعمها جميل أوي. واتمشوا. ميرنا قامت قعدت لوحدها وطلعت مفكرة وقلم. وكتبت. ونزل دمعة من عيونها. حد قعد جنبها بس هي محسيتش. هو: مالك؟ قاعدة لوحدك ليه؟ ميرنا اتخضت: مالك؟ قصدي دكتور مالك، خضتني يا راجل.

مالك: ممكن تقوليلي مالك عادي؟ إحنا مش في الكلية. ميرنا: خلاص. مالك: قاعدة لوحدك لي بقى؟ ميرنا: عادي. مالك: إيه رأيك نكون صحاب؟ ميرنا: بشرط. مالك باستغراب: إيه هو؟ ميرنا: مش هوافق غير بشوكولاتة. مالك بضحكة: انت تأمر يا عسل. ميرنا: طب روح خطيبتك تيجي تقول إني بشقطك منها ولا حاجة. مالك بضحكة: لا صافي في حفلة، وعادي انتي صدقتي. ميرنا: مرحتيش معاها لي؟ مالك: فضولية انتي. ميرنا: جدًا جدًا.

مالك: مفيش، بحبش أروح الأماكن اللي بتروحها، مش بستريح كده، متشغليش بالك.... وبعدين إيه "أشقطك" دي؟ ميرنا: يعني آخدك منها. مالك: لي؟ هو أنا كيس شيبسي؟ ميرنا: انت أدرى. مالك: لسانك طويل يا بت. ميرنا: عارفة. مالك بضحكة: يا واد يا عارف انت. ميرنا سرحت في ضحكته. مالك: عارف إني حلو. ميرنا: مغرور، واخد قلم في نفسك. مالك: لا مش غرور، ثقة بالنفس، وأنا كده فعلاً. ميرنا: ماشي يا عم الواثق.

ميرنا: تعرف أول لما شفتك قولت عليك إيه؟ مالك قطعها قبل ما تقول. مالك: آه، متخلف وأعمى. ميرنا بضحكة: آه، كنت مفكراك تلاجة بس طلعت غير كده. مالك بصدمة: تلاجة؟ ميرنا: آه، من كتر برودك. مالك: لا أنا في الشغل كده، مش برحم وكله جد. ميرنا: آه. مالك: طب تعرفي قلت عليكي إيه؟ ميرنا: إيه؟ مالك: طفلة. ميرنا: وطلعت كده. مالك: بامتياز. ميرنا: يا ظريف... طب أنا همشي عشان أرحلهم بقى عشان اتأخرت عليهم.

وقامت وقفت وقالت: ما تيجي تسلم عليهم. مالك: لا مرة تانية، أنا هروح أنام عشان فاصل خالص. ميرنا: طب متنساش تحط نفسك على الشحن. وضحكت. ميرنا: شربات صح؟ مالك: امشي يا بت. ميرنا: مش عاجبك؟ طلقني. ومشت وسابته. ومالك ضحك عليها. وفضل واقف لحد ما وصلت مكان ما كانوا قاعدين وطلع أوضته. ميرنا رجعتلهم وسيف وفريدة كانوا هناك. عشق: كنتي فين يا بت؟ ميرنا: كنت بتمشي عادي. عفاف: طب يالا كلو على فوووق.

وعفاف ومحمد خلو البنات تطلع السويت عشان الوقت كان اتأخر عشان يناموا. وكلهم طلعوا يناموا. الصبح طلع. داعبت الشمس وجه عشق. عشق صحت بنشاط وحماس لليوم وخرجت البلكونة. عشق اتنفست الهوا بمتعة. عشق سمعت صوت حد بيخبط على الباب وطلعت فتحت الباب تشوف مين وو.