رواية عشق الفهد الفصل العشرون 20 - بقلم شيماء عبد التواب

استيقظ فهد من النوم وهو متعب وحزين على فقدان حبيبته عشق. أمسك هاتفه واتصل بزياد. زياد: صباح الخير عامل ايه دلوقتى؟ فهد: تعبان من غيرها يا صاحبي. عرفت حاجة عن اللي خطفوها؟ زياد: مش هينفع في التليفون. هاجيلك الأوضة نتكلم. فهد: ماشي، تعالى. قفل فهد مع زياد وهو ينوي أن يقتلهم جميعًا. بعد وقت قصير، أتى زياد. فهد: في أخبار جديدة؟ زياد: امبارح بعت أرقام العربيات لواحد صاحبي هنا وقدر يحدد مكان العربيات. فهد بأمل وغضب: فين؟

زياد: في مصنع قديم من الناحية الشمالية للبلد. فهد بغضب: هقتلهم كلهم. ثم قام، ولكن منعه زياد. زياد: اهدى يا فهد. مينفعش نروح لوحدنا، أكيد في حراسة هناك. فهد: وأنا مش هستنى لحظة. زياد: أنا كلمت الظابط وهو جاي دلوقتي. هنروح كلنا بس اهدى أنت. فهد وهو يحاول أن يهدأ قليلاً: ماشي. زياد: متقلقش، إن شاء الله خير وهترجع بالسلامة. فهد: إن شاء الله. ثم رن هاتف فهد برقم غريب. زياد: مين؟ فهد: معرفش، رقم غريب. زياد: رد طيب.

أمسك فهد هاتفه ثم فتح الخط. فهد: ألو. جاسر: أهلاً فهد باشا. فهد: مين؟ جاسر بضحكة عالية: هههههههه، معقول نسيت صوتي. فهد وقد عرف من المتصل: جاسر. جاسر: برافو عليك. فهد: عايز إيه؟ جاسر بخبث: عايز كل أملاكك، شركاتك وفلوسك، كل حاجة عايزها. فهد بغضب: شكلك اتجننت ونسيت أنا أقدر أعمل فيك إيه. جاسر بهدوء: توء توء، أنت لعبتها مرة ودلوقتي الدور عليا. فهد بشك: قصدك إيه؟

جاسر: يعني تتنازل عن كل أملاكك، مراتك الحلوة هتكون بخير. مش هتسمع الكلام، هتيجي تلاقيها جثة. فهد بغضب: هو أنت! أقسم بالله لو لمست شعرة منها هقتلك يا جاسر. جاسر بابتسامة نصر: التهديد دلوقتي مش هينفعك يا فهد باشا. فكر كويس، وهتصل عليك بليل أسمع ردك. يلا سلام. ثم قفل الخط. فهد: جاسر هو اللي خطف مراتي. زياد: قولتلك يا فهد، لازم جاسر يعرف الحقيقة. كرهه ليك هيخليه يعمل حاجات غلط. فهد بتعب: عايزني أقوله إيه؟ ها؟

جاسر مستحيل يصدق حد. زياد بحزن على صديقه: خلاص اهدى. نلاقي مراتك الأول وبعدين نشوف موضوع جاسر. عند عشق. دخل جاسر الغرفة التي بها عشق. جاسر بسخرية: عاملة إيه دلوقتي؟ يارب تكون الخدمة عاجبة سيادتك. عشق بخوف مكتوم: أنت عايز إيه مني؟ جاسر: قولتلك مش عايز حاجة منك، عايز أنتقم من جوزك. عشق: فهد عملك إيه عشان تخطفني؟ جاسر: مش مهم تعرفي دلوقتي. عشق بتعب: لا عرفني. قام جاسر وقرب من أذنها: مش كل حاجة في الدنيا دي لازم نعرفها.

عشق بتعب أكثر: قصدك إيه؟ جاسر: شكلك تعبانة. كادت أن تتكلم عشق، ولكن أغمي عليها. أسرع جاسر إليها وفكها، ثم حاول إفاقتها، ولكنها لا تستجيب. جاسر لأحد الحرس: أنت يا زفت. دخل الحارس: نعم يا جاسر باشا. جاسر: اتصل على الدكتور بسرعة. الحارس: أوامرك. اتصل الحارس بالطبيب. بعد وقت، أتى الطبيب. جاسر: اتفضل يا دكتور، أهي. كشف الطبيب على عشق، وبعد وقت من فحصها. الطبيب لجاسر: إنها ضعيفة جداً، يجب عليها أن تأكل جيداً.

جاسر: ماذا بها؟ الطبيب: هذه أعراض عادية، إنها حامل في الشهر الأول، لذلك يجب أن تأكل جيداً وأن تهتم بها. جاسر: حسناً. ثم خرج جاسر مع الطبيب. جاسر: خد هذه النقود ولا تقول لأحد أنك رأيتني أو جئت إلى هنا. الطبيب بطمع: حسناً. أخذ الطبيب النقود ورحل. جاسر بابتسامة: مرات فهد حامل.