رواية عشق الفهد الفصل الثامن عشر 18 - بقلم شيماء عبد التواب

عند فهد وعشق. فهد بمشاكسه: صباحيه مباركه يا عروسة. عشق بخجل: الله يبارك فيك. حاولت عشق أن تقوم ولكن منعها فهد. فهد: رايحة فين. عشق: هاخد شاور. فهد: اممممممم لا تعالى أقولك كلمة سر. كادت عشق أن تتكلم ولكن قبله فهد منعها. بعد وقت ليس بقصير. عشق: فهد. فهد: نعم يا عشقي. عشق: ليه دايماً بتقولي عشقي. فهد: عشان إنتي ملكي أنا. عشق: بحبك. فهد: وأنا كمان. ثم ناموا. في الصباح عند زياد.

استيقظ بكل نشاط وأخذ شاور وجهز نفسه ثم ذهب إلى بيت ياسمين. طرق الجرس. فتح سعيد له. سعيد: أهلاً يا ابني نورت، اتفضل ادخل. زياد: شكراً يا عمي. دخل زياد وجلس. سعيد: تشرب إيه يا ابني. زياد: ولا حاجة يا عمي، أنا عايز أتكلم معاك في موضوع وهمشي على طول عشان متأخر. سعيد: خير إن شاء الله. زياد: عايز أكتب كتابي في أسرع وقت عشان محدش يتكلم، وحضرتك عارف الناس وكلامها اللي مش بيخلص، وإن شاء الله لما فهد يرجع بالسلامة نعمل الفرح.

سعيد: كلامك صح، يلا على بركة الله. زياد: إيه رأيك لو نكتب الكتاب النهارده. سعيد: بالسرعة دي مش هلحق أجهز بنتي. زياد: الشقة عندي جاهزة من كل حاجة، ناقصها العروسة بس. سعيد: بس يا ابني دي العادات والتقاليد اللي اتربينا عليها. زياد: وأنا مش عايز غير بنتك، هي بالدنيا كلها بالنسبالي. سعيد: ماشي يا ابني، اللي تشوفه. زياد: تمام، هستأذن أنا دلوقتي، هخلص شغلي وأجيب المأذون والشهود وأجي. سعيد: ألف مبروك يا ابني.

زياد: الله يبارك فيك يا عمي. ثم ذهب زياد إلى الشركة عشان ينهي شغله. دخل سعيد غرفة ياسمين. سعيد: جهزي نفسك يا بنتي، زياد هيجيب المأذون ويكتب الكتاب النهارده. ياسمين بصدمة وفرحة: بجد. حضنها سعيد: ألف مبروك، عشت وشوفتك عروسة يا قلب أبوكي. ياسمين: الله يبارك فيك يا بابا ويحفظك ليا. في المساء. ذهب زياد ومعه اثنين من أصدقاؤه والمأذون إلى بيت ياسمين. وتم عقد قران زياد وياسمين. وذهب كل واحد إلى بيته. بعد أسبوع عند فهد وعشق.

عشق: فهد. فهد: قلب فهد. عشق: عايزة أخرج. فهد: عايزة تروحي فين. عشق: أي حتة نتفسح فيها. فهد: من عيوني. قبلته عشق من خده. عشق: بحبك أوي. فهد: وأنا بعشقك يا مجنونتي، يلا جهزي نفسك. قامت عشق ارتدت فستان باللون الوردي مع حجاب أبيض وكوتشي أبيض. عشق: أنا جاهزة. فهد: يلا بينا يا مجنونتي. خرجوا من الفندق وركبوا العربية. عشق: هنروح فين. فهد: امممممممم شوفي إنتي عايزة تروحي فين. عشق بحماس: الملاهي.

فهد: ماشي يا حبيبتي، إنتي تأمري. تحرك فهد إلى الملاهي، ولكن في الطريق لاحظ أن هناك عربيات تتبعه منذ تحركه من الفندق. أمسك فهد هاتفه. فهد: تعالولي على طريق **** بسرعة. عشق بقلق: في إيه. فهد: مفيش حاجة، خليكي هادية. وفي أقل من ثانية بدأ المسلحين في إطلاق النار على عربية فهد. عشق بخوف: إيه ده، مين دول. فهد: اهدي. عشق: أنا خايفة أوي. فهد: متخافيش طول ما أنا جنبك.

تت سيارة من الجانب الأيسر من سيارة فهد، وأخرى من الجانب الأيمن وحاصروا سيارة فهد. ثم أتت سيارة أمامه، فتوقف فهد وقفل العربية. فهد: إنتو مين. لم يجيبوا عليه وبدأوا في ضربه، كان فهد يتفادى ضربهم بمهارة عالية، ولكن الكثرة تغلب الشجاعة. وقع فهد أرضاً وهو ينزف الدماء. كانت عشق تصرخ وتترجى فيهم أن يتركوه. ذهب أحد المسلحين إلى عربية فهد وكسر الباب وأخذ عشق. عشق: سيبني، فهد قوم يا فهد، لا ما تموتش، ونبي خليك معايا.

أحد المسلحين: اخرسي خلاص، فهد مات. عشق بصراخ: لاااااا، فهد مات، متنمش، قوم ونبي. أحد المسلحين ضربها على رأسها وأخذوها معهم. بعد وقت قصير أتت حراس فهد. أحد الحراس: فهد بيه أهو. توقفت السيارات وذهبوا إلى فهد وأخذوه إلى المستشفى. وبعد وقت قام فهد وهو يصرخ في الجميع. أتت الممرضة وأعطته حقنة مهدئة ثم خرجت. بعد وقت فاق فهد. فهد لأحد الحراس: تعرفلي تبع مين الناس دي بسرعة. الحارس: أوامرك يا فهد بيه.

أمسك فهد هاتفه واتصل بزياد. زياد: أهلاً، أخيراً افتكرت إن عندك صاحب. فهد بحزن: عشق اتخطفت. زياد بصدمة: إيه اللي حصل. حكى له فهد كل اللي حصل. زياد: طب اهدى، أنا هاجيلك فوراً، وإن شاء الله هنلاقيها. قفل فهد مع زياد وهو حاسس إنه فقد روحه. نعم هو أحبها كثيراً. ظل يفكر من ممكن أن يكون المجرم الذي اختطف حبيبته حتى غالبه النوم. ماذا سيحدث ياترى؟ ومين المسلحين دول ومين اللي بعتهم يخطفوا عشق؟