رواية عشق الجاسر الفصل الثاني 2 - بقلم رقية عبدالرحمن

بعد ما خرج آدم من الأوضاع نزل تحت في الجنينة وكان جاسر بيراقبوا. ثم نزل وقعد جنبه. جاسر: مالك اتشاكلت تاني مع مراتك؟ آدم: الشرقاوي السبب في كل حاجة. جاسر: ما انت عارف إنه مش هيسيبك في حالك غير لما تجيب حفيد ليه. آدم: ده مستحيل طبعاً. طيب انت مش هتتجوز؟ جاسر: بيضحكني بكلامك والله. آدم: لا، مانت لازم تتعالج. مش هتبقى كده على طول. محدش بيلمسك ولا انت بتلمس حد.

جاسر: سيبك مني. المهم روّق كده وروح صالح مراتك بدل ما انت مخليها تعيط صبح وليل. آدم: اطلع انت نام وأنا هروّق وأدخل على طول. جاسر: ماشي. ربنا يهدي أحوالك يا رب. وطلع جاسر نام. ............................................. صباح جمعة جديد. يستيقظ جاسر على صوت مايا. مايا: جاسر اصحى بقى. جاسر: انتي إيه دخلك أوضتي؟ مايا: هما قالوا لي اطلعي صحيه، وبعدين هو أنا حد غريب؟ دا أنا بنت خالتك. جاسر: تمام، انزلي وأنا هلبس وأجي.

أخد شاور بارد ولبس تيشرت أبيض وبنطلون جينز أبيض ونزل. كان في قمة الجمال. الشرقاوي: أهلاً بآخر من يصحى وآخر من ينام. جاسر: أعمل إيه بس الشغل. صفاء: معلش اتأخرت. الشرقاوي: ولا يهمك. فين بنت اختك؟ صفاء: تعالي يا بنتي. وجات عشق وهي في قمة الجمال والإحراج. جاسر يتفحصها بشدة من تحت لفوق. جاسر: اسمك إيه؟ عشق بتوتر: ع... عشق. الكل بص لها بصدمة. هل هي فعلاً اسمها عشق؟ جاسر مصدوم جداً. كان فاكر إن مفيش حد اسمه عشق غير معشوقته.

جاسر: اسمك جميل جداً يا عشق. الشرقاوي: نورتي يا بنتي. خديها جوه يا صفاء. كانت مايا تنظر لها بغضب شديد وغيره، لأنها فعلاً أحلى منها، وغاضبة لأن جاسر بيبص عليها كتير. .................... صفاء: يا بختك. ده كل اللي هنا يتمنوا يكونوا مكانك. بصي بقا، في هنا واحدة اسمها شيماء. تجنبيها خالص لأنها كانت نفسها تبقى مكانك. عشق: اسكتي يا خالتي. ده بتمنا الأرض تتشق وتبلعني دلوقتي. صفاء: ده انتي اللي فافي خالص.

عشق: مين اللي كان بيكلمني برا ده؟ صفاء: ده جاسر بيه. حفيد الشرقاوي. بارد في طبعه ومش بيهزر غير فين وفين. وعنده أخوات. آدم ده شغال ظابط شرطة في المخابرات ومتجوز. وعنده سيف. ده في طب ومش بييجي غير كل جمعة. يعني هييجي النهارده. وأبوه وأمه شغالين ممثلين مشهورين أحمد ونجلاء. هبقى أوريهم لكِ في Tv. عشق: إيه العيلة الملغبطة دي؟ صفاء: بصي بقا، انتي هتباتي هنا في القصر. غيرنا إحنا بنروح البيت. عشق: ليه؟

صفاء: لأنك هتبقي تبع جاسر بيه. لما ييجي بالليل جهزي له العشاء. وصبح تطلعي جهزي له بدلته والحمام بتاعه. ولو طلب منك أي حاجة اعمليها. واتجنبي لمسه خالص لأنه بيعاني من فقد المس ومش عارفة السبب. تمام؟ عشق: تمام. ربنا معايا. صفاء: خدي الهدوم دي، البسيها وأنا هروح أشوف شغلي. عشق: ماشي يا خالتي. ..... الشرقاوي: إيه رأيك فيها يا جاسر؟ جاسر: أي حاجة يا جدي. مايا: ما تيجي نخرج شوية يا جاسر. جاسر: ............

سيف: سلامووووو. إزيكم يا جماعة. مش محتاج حد يقول لي إن القصر وحش من غيري 😂. آدم: إيه الثقة دي يا جدع. متخافش، محدش فاكر أصلاً إنك جاي النهارده. سيف: اسكت بقا خليني أحط التاتش بتاعي كامل. لا لازم تبوظوا كل مرة. الكل: 😂😂😂 الشرقاوي: تعال يا حبيبي، قولي عامل إيه في دراستك. سيف: هو ده الكلام. حبيبي انت يا شرقاوي. جاسر: أهلاً بالباشا. سيف بتوتر: احم. جاسر حبيبي عامل إيه كده؟ جاسر: تمام. بس مقلتش لي كنت...

سيف: احمممم. إيه يا جاسر يا قمر؟ راعي إن الكل قاعد. جاسر: تصدق صح. سيف: واو. بس مين الصاروخ اللي هناك دي؟ الشرقاوي حدفه بالمخدة ثم قال: احترم نفسك يا سيف شوية. دي تبقى عشق. هتبقى مساعدة لجاسر لأنه بييجي متأخر والكل بيمشي ومافيش حد هيعمل له أكل. سيف: آه آه. قولت لي. طيب ينفع أروح أعاكسها وأجي. معاكسة واحدة بريئة والله. علشان خاطري. الشرقاوي: سيففففف. سيف: أنا بقول فين الأوضة بتاعتي من ساعتها ومحدش راضي يتكلم.

ثم جرى يبحث عن الأوضة بتاعته قبل ما جده يتهور ويعمل منه بطاطس محمرة. ده كان تفكير سيف وهو بيهرب😂😂. مايا بدلع: أنا ماشية يا جاسر. هقابلك بكرة في الشركة. باي. آدم: البت واقعة واقعة يا جاسر 😂😉. جاسر: آدم. انت أكتر واحد عارف إني بعاملها زي أختي بالظبط، وهي عارفة كده. بس مش عارف ليه التصرفات دي. آدم: معلش. إحنا علينا الاستحمال لأنها بنت خالتنا. جاسر: عندك حق يبني والله. ... عند عشق.

واحدة من الخدم: أنا بكره اليوم اللي بتيجي فيه البت دي. عشق: ليه؟ بتعمل إيه؟ ... : يا بنتي بتيجي هنا بتعاملنا وحش أوي ومحدش بيطيق وجودها. بتحاول دايماً تقرب من جاسر بيه وهو بيبعد. عشق: تبقى مين دي؟ ... : بنت خالته وشريكته ليه في الشركة بتاعته. دا، انتي هتشوفي مواهب هنا. كل واحد ليه شخصية مختلفة. عشق: أما نشوف. شيماء: بتتكلموا في إيه؟ محدش رد عليها وراحوا يشوفوا شغلهم. .. في المساء.. جاسر: عشق، عاوزك...