رواية عشق الحمزة الفصل التاسع عشر 19 - بقلم فاتن جمال

حمزه .. المهم تاخد بالك من نفسك وتعملي اللي قولنا عليه. شروق .. حاضر. حمزه .. طب بقولك إيه، متيجي أقولك حاجة قبل ما تنزلي. شروق ضحكت وقالت .. حمزه بطل رخامة. حمزه قرب منها وقال .. دانا بعشق الرخامة دي. عند أدهم، من الصبح وهي بتلبس وتغير علشان أدهم جاي ياخدها. أدهم تحت البيت وبيرن على ليان. ليان .. الفون بيرن. ليان .. ده اللي كنت خايفة منه إنه يجي وأنا لسه ما لبستش. وقالت لنفسها .. ليان اهدي. وقالت .. الو.

أدهم .. صباح الجمال. ليان ابتسمت وقالت .. صباح النور. أدهم .. هو في نور أكتر من كده؟ ليان ضحكت وقالت .. اممم، ثواني ونازلة. أدهم .. هنفطر مع بعض الأول. ليان بحماس .. ثواني وأكون عندك. أدهم .. تمام. بعد وقت قصير نزلت وهي لابسة جيبة سمرة وجميز كشمير وطرحة، وشكلها حلو. أدهم نزل فتح باب العربية. أدهم .. إيه الجمال ده. ليان .. شكراً. أدهم ضحك وقال .. لا، مش عايز أسمع كلمة شكراً دي. ليان .. طيب أقول إيه؟

أدهم .. قولي وحشتني. ليان ابتسمت وبصت من الشباك. أدهم .. تحبي تفطري فين؟ ليان .. امبارح أنت أكلتني على ذوقك، ممكن الفطار يبقى على ذوقي أنا. أدهم .. طبعاً. بعد وقت وصلوا مكان شعبي في وسط البلد بيعمل فول وطعمية وبطاطس محمرة. أدهم استغرب إنها بتحب الأماكن الشعبي وقال .. أنتي بتحبي أكل الشارع؟ ليان ابتسمت وقالت .. أنا أكتر مكان بحب أفطر فيه هنا عند عمو سعيد بتاع الفول. أدهم ابتسم على طريقتها اللي تخطف القلب وقال .. بحبك.

ليان ابتسمت وقالت .. تحب نقعد جوه ولا في الشارع؟ أدهم .. مكان تحبي. ليان .. الله يا عم سعيد على طعم الفول والطعمية. أدهم قاعد يتابع حركاتها. عم سعيد .. بالهنا يا بنتي. ليان .. أدهم يلا كُل. أدهم بدأ ياكل. ليان .. الله، الأكل كان يجنن. أدهم .. فعلاً كان جميل، بس كدا لازم أروح الجيم. ليان .. ليه؟ أنت جسمك جميل. أدهم .. أنتي بتعاكسي بقا؟ ليان .. مش قصدي، أنا قصدي إنك مش محتاج جيم. أدهم ضحك وقال .. طيب اهدي، بطلي توتر.

ليان ضحكت وقالت .. طيب ممكن توصلني على الشغل عشان اتأخرت. أدهم .. من عيني. بعد وقت أدهم وصل ليان الشغل وراح للبيت عشان يجهز. في مستشفى الجيشرامي .. رامي .. دكتورة ليان. ليان .. نعم يا دكتور رامي. رامي .. أنتي ليا. ليان .. أنا قولتلك قبل كده إني مخطوبة. رامي .. وأنا هقتله. ليان بخوف .. أنت بتقول إيه؟ رامي .. أنتي سمعتي أنا قولت إيه. ليان .. سيبته ومشيت وهي الدموع في عينيها. ورنت على أدهم. أدهم .. لحقت وحشتك.

ليان بدموع .. أنت كويس؟ أدهم حس إنها بتعيط وخايفة وقال .. ليان، أنتي كويسة؟ ليان بدموع .. أيوه كويسة، بس أنا كنت قلقانة عليك. أدهم حس إنها شافت رامي وقال .. أنا كويس، متخافيش، محدش يقدر يعملي حاجة، لا رامي ولا غيره. ليان استغربت وقالت .. أنت عرفت منين؟ لسه هتكمل كلامها أدهم قال .. إنه هو اللي قالك هقتله؟ ليان .. أيوه. أدهم .. حبيبتي، متشغليش بالك بحاجة وخدي بالك من نفسك كويس، وخليكي عارفة إني جنبك في أي وقت، متخافيش.

ليان ابتسمت وقالت .. حاضر يا حبيبي. أدهم .. الله على كلمة حبيبي منك يا روح حبيبك. ليان ابتسمت وقالت .. طيب ممكن أقفل. أدهم .. ماشي يا روحي. أدهم قال .. شكلك بتلعب بعمرك معايا يا رامي. ولسه هيدخل أوضته لقى حمزه. أدهم .. حمزه عايزك. حمزه .. في إيه؟ أدهم حكى كل اللي حصل لحمزه وحمزه قال .. استنى عليا، فاضل تكه واحدة. أدهم .. عرفت رعد شغال مع مين؟

حمزه .. بعد ما هديت قالت لي اللي حصل في المستشفى وإزاي رعد عرف اللي حصل وهو مع مراد، اتأكدت إنه شغال مع شريف. أدهم بعصبية .. هو عمك ده إيه؟ حمزه .. سيبه يلعب مع الخسران. عند مراد. يا جدي ياله عايز ألبس. جد مراد .. عايز إيه؟ ماتدخل تلبس، هو حد ماسكك. مراد .. أنت اللي ماسكني. جد مراد .. ماسكك فين؟ مراد .. خد العلاج وأنا أروح ألبس، لسه عايز أروح أجيب ورد.

جدته مراد .. روح يا حبيبي البس وشوف هتعمل إيه، وأنا هدي لجدك العلاج. مراد .. أنتي أعظم تيته. جد مراد بهزار .. وأنا إيه يا مراد باشا. مراد .. أنت الخير والبركة يا حج. في قصر الهادي. هدي .. كنتي فين يا شروق؟ قلقتيني عليكي. شروق .. أنا كنت عايزة أفضل لوحدي شوية، أنا جيت عشانك، إنما أنا مليش مكان هنا. هدي الأم كانت سامعة كلامها وقالت .. حبيبتي، أنتي حفيدة العيلة والأم يا حبيبتي اللي ربت، مش اللي جابت ونسيت.

شروق ابتسمت وقالت .. شكراً لحضرتك، بس حتى دي كمان طلعت غلط. هدي الأم .. قصدك إيه؟ شروق .. قصدي شريف باشا، كل اللي كان همه إنه ينتقم لحبيبته، إنما أنا مليش لازمة عنده، يبقى إيه لازمتها أكون من العيلة. دخلت مي اللي كانت سامعة كلامها وقالت .. بس أنتي بنتي، أنا اللي ربيتك وأنا اللي سهرت بيكي وأنتِ تعبانة، كنت جنبك وهفضل جنبك باقي العمر. شروق فضلت ساكتة. مي قربت منها وقالت .. مش هتيجي في حضن ماما؟

شروق من غير ما تحس حضنت مي، ومي قالت ليها .. وحشتيني يا حبيبة ماما. هدي الأم .. ربنا يحميكو لبعض. شروق وهي حاضنة مي بصت على الباب لقت حمزه واقف بيبتسم ليها. هدي .. يلا بقى عايزة ألبس، وأنتي يا شروق يلا عشان تلبسي. هدي الأم .. يلا يا مي، نسيب البنات. حمزه .. ماما. هدي الأم .. حبيبي تعال. شروق عملت نفسها متعصبة وقالت .. أنت ليك عين تيجي هنا. الكل استغرب. مي .. في إيه يا شروق؟

شروق .. ماما، حمزه باشا هو اللي كان خاطفنا وهو اللي كان هيموتك. مي .. شروق، أنتي أكيد غلطانة. شروق .. خلينا نعدي اليوم وأنا هثبت لكم إنه هو اللي عمل كدا. هدي الأم .. لا يا حبيبتي، أنتي غلطانة. هدي .. ماما، شروق وحمزه يحلو مشاكلهم الخاصة مع بعض، سيبيهم. حمزه .. قال شروق، أنا مستحيل أعمل كدا. شروق .. مش عايزة أسمع صوتك. هدي الأم .. طيب يلا بينا، يلا يا حمزه. كلهم خرجوا وشروق فضلت تلبس هدي. بعد وقت هدي كانت خلصت.

شروق .. هروح ألبس وأجي. هدي .. تمام. شروق دخلت الأوضة بتاعته، ولسه بتخلع هدومها لقت حمزه قاعد على السرير. شروق .. بتعمل إيه هنا؟ حمزه قام وقرب منها ومسكها من وسطها وقال .. جاي أشوف مراتي. شروق ضحكت وقالت .. ولو حد دخل علينا هتعمل إيه؟ حمزه .. متخافيش، محدش هيدخل. شروق حست إنها تعبانة وحمزه حس إنها مش قادرة تقف. حمزه .. شروق مالك؟ شروق .. مش عارفة، حاسة إني دايخة. حمزه .. خاف وقال .. أرن على الدكتور.

شروق .. لا يا حبيبي، أنا ممكن أكون تعبت عشان كنت بساعد هدي. حمزه .. طيب تعالي اقعدي. شروق قامت مرة واحدة ودخلت الحمام. حمزه قام وراها وقال .. شروق، أنتي كويسة؟ شروق كانت بترجع وقالت .. بكسوف. حمزه .. نعم يا حبيبتي. شروق .. حمزه، أنا... حمزه .. أوعي تقولي إنك حامل. شروق ضحكت وقالت .. اللي أنت كنت جاي عشانه مش هينفع يحصل. حمزه .. أنتي بتهزري صح؟ شروق .. تؤ تؤ. حمزه .. وأنا اللي كنت فاكرك هتقولي إنك حامل.

شروق ضحكت وقربت منه وقالت .. هو إحنا لحقنا؟ حمزه .. طيب شفتي ملحقناش، يعني مكنش ينفع إنها تيجي دلوقتي، على فكرة إحنا عرسان. شروق .. بكرة تتعوض يا حبيبي. حمزه باستسلام .. طيب. شروق .. قربت منه وبوست خده. حمزه .. طب مادام مفيش غير كدا، يبقى آخد بوسة حلوة من الشفايف الحلوين دول، وقرب منها وباسها. بعد وقت وصل مراد لقصر الهادي.

الكل كان قاعد، شروق اللي كانت لابسة فستان بيبي بلو، وهدي اللي كانت لابسة فستان رصاصي جميل عليها ولايق على بشرتها، وحمزه اللي لابس طقم كلاسيك، وأدهم اللي لابس بنطلون كلاسيك وقميص أسمر، والكل قاعد في الصالون. مراد .. شكلي حلو؟ جدته مراد .. ربنا يحميك، قمر يا حبيبي. مراد .. طيب يلا ندخل.