رواية عشق الحمزة الفصل الثالث عشر 13 - بقلم فاتن جمال

شريف سابهم ومسك التليفون وقال: الو. المجهول: أيوه يا باشا، هو خارج دلوقتي، عايزه ميت. حمزه خرج بره القصر، لسه بيفتح العربية، صوت ضرب نار. هدي الأم بصوت عالي: حمزه! حمزه! محمد وهدي ومي جريوا على برا علشان يشوفوا فيه إيه، لقوا حمزه ماسك مسدس وضرب واحد بالنار. حمزه جري على شريف وقال بصوت قوي: أنت النهارده خليت بيني وبينك عداوة. شريف بعصبية: أنت بتقول إيه؟

حمزه: أنا عارف إنك عايز تموتني، بس متخافش، عارف كل حاجة أنت بتعملها. محمد: حمزه، أنت بتقول إيه؟ ده عمك. حمزه: بابا، عمي كان عايز يموتني، نسي إن ابن أخوه. حمزه قرب من شريف وقال بصوت قوي وبصوت واطي: أنا عارف إنك السبب في حاجات كتير أوي، وعارف إنك بتنتقم مننا علشان الراقصة، بس من النهارده أنت مش عمي، وشروق ليا وبتعتي. مي بصوت عالي: كفاية بقى يا شريف، كفاية، ناقص إيه تاني تعمله فينا؟

الهادي الكبير: شريف، مش عايز أشوف وشك قدامي. محمد: روح يا حمزه، شوف شروق. حمزه ركب العربية، ومحمد نادى على الحرس ياخدوا الجثة من قدام القصر. عند أدهم في الجيش. أدهم: كنت متأكد إن الدكتور رامي ده ورا حاجة. خالد: المهم، هتعمل إيه معاه؟ أدهم: أولاً، مش عارف إزاي أقولها إن حياتها في خطر، وكمان... لسه أدهم هيكمل كلامه، تليفونه رن. أدهم: الو. أدهم قام مرة واحدة وقال: أنت بتقول إيه؟ امتى ده حصل؟

المجهول: من ساعة يا فندم، وطلب مني إني أبلغ حضرتك الأول. أدهم: أنا جاي حالا، محدش يعرف حاجة، أنت سمعت؟ خالد: فيه إيه يا أدهم؟ أدهم: القائد توفيق انضرب بالنار وحالته خطيرة، وطلب يشوفني. خالد: امتى وإزاي؟ أدهم: ألعب بقى على المكشوف مع ولاد الـ***. خالد: طب هتعمل إيه؟ أدهم كان بيجهز نفسه وقال: لازم أروح أشوفه، وأنت خلي عينك على ليان لحد ما أرجع. في بيت العمدة. إيمان: عماد الباشا عامل إيه؟

عماد: إيمان هانم، بنفسها بتسأل على الباشا. إيمان: ده جوزي، وأكيد هكون خايفة عليه، وعايزة أطمن، وأنت مانع عني إني أشوفه. عماد بسخرية: أنت مجنونة؟ إزاي عايزاني آمن ليكي، وإنتي عايشة مع ناس قتلوا ابنك؟ إيمان: مش أنت اللي ضربت مراد بالنار؟ عماد باستغراب. وإيمان كملت كلامها: أنت ملكش دخل في موضوع مراد، علشان أنا عارفة إنك ملحقتش تنفذ خطتك، وحد تاني سبقك.

وكملت كلامها وقالت: متستغربش إني عارفة كل ده، أنا عارفة وفاهمة كويس كل حاجة. عماد: وجاية تقوليلي ليه؟ إيمان: علشان تعرفي إني بحب أبوك من زمان، ومراد ابني، بس مبحبوش قد الباشا. مراد اتظلم لما جبته. عماد: وإنتي عايزة تقنعيني بكده، صح؟ إيمان بعصبية: أنت فاكر نفسك مين علشان أقنعك؟ عماد: أنا عماد العمدة اللي الدنيا كلها تقف على رجل عشانّه، وحمزه وعائلته المحترمين نهايتهم على إيدي. إيمان بسخرية: وهدي هتقتلها هي كمان؟

عماد استغراب وقال: هدي مين؟ إيمان: هدي أخت حمزه، اللي أنت هتموت عليها. عماد: قصدك اللي أبويا وجوزك في نفس الوقت كان هيموت على أمها؟ إيمان بعصبية: الباشا بيحبني أنا، أنت سمعت؟ عماد: بقولك إيه، سيبك من ده كله، إنتي عايزة إيه؟ إيمان: نفس اللي أنت عايزه، عائلة الهادي تنتهي. عماد: يبقى خليكي في حالك واتفرجي بس. عند مراد في المستشفى. الحرس: يا مراد بيه، مينفعش تخرج. مراد: ملكش دعوة. الحرس: يا فندم، حمزه باشا هيزعل مني.

مراد: لا متخافش، بس مينفعش أسيبه لوحده. مراد كان ماشي في المستشفى، لقى هدي جاية عليه. هدي: مراد! وحضنت مراد، ومراد بدلها نفس الحضن. مراد: هدي، إيه اللي جابك؟ هدي: جيت أشوفك وأطمن عليك، وحشتني أوي. مراد: وإنتي كمان وحشتيني أوي. الحرس: هدي هانم، الباشا عايز يخرج، لو سمحتي اقنعيه إن الخروج مينفعش علشانه. هدي بقلق: مراد، ممكن ندخل الأوضة ترتاح؟ مراد: مقدرش أسيب حمزه دلوقتي. هدي: متخافش، حمزه كويس، وهو راح لشروق.

مراد: يعني لقى شروق؟ هدي بابتسامة وقالت: هو خطف شروق. مراد ضحك وقال: وأنا اللي بقول راحت على صاحبي. هدي: بس مين قالك؟ مراد: رعد. هدي بصت لرعد الحارس واستغربت إنه عرف اللي حصل وهو هنا، وكمان قال لمراد رغم تحذير حمزه ليه إن مراد ما يعرفش أي حاجة ممكن تضايقه. مراد قال: إيه سرحتي في إيه؟ هدي: ها، ولا حاجة، بس كنت بفكر فيكم. مراد ابتسم وقال: بحبك. هدي انكسفت وقالت: طيب، ممكن ندخل الأوضة ترتاح شوية؟ مراد: تمام.

رعد: الو يا فندم، أنا عرفت حاجات كتير أوي. في مستشفى الجيش. أدهم: دكتور توفيق باشا عامل إيه؟ الدكتور: حالته الصحية وحشة خالص، كلها ساعات. أدهم: لا حول ولا قوة إلا بالله. طيب ممكن أشوفه؟ الدكتور: بس يا ريت متتكلمش معاه كتير. أدهم: تمام. أدهم دخل الأوضة، وتوفيق باشا كان كل جسمه متوصل بأجهزة. توفيق شاور لأدهم يقعد وقال: أدهم، أنا بوصيك على بنتي، هي ملهاش حد غيرك دلوقتي، حافظ عليها، هي طيبة.

أدهم بزعل: متقلقش على ليان، دي دكتورة ممتازة. توفيق: أدهم، أنا مش عايز بنتي تتجوز ظابط، علشان ميجرالهاش زي مامتها، أنا بسبب شغلي مراتي ماتت، وخايف بنتي يحصل معاها كده، فاوعدني إن محدش يقرب منها، ومتتجوزش ظابط. أدهم: أنا أوعدك إن محدش يقرب منها ولا يلمس شعراية منها، بس أنا عايز أتجوّزها. توفيق بتعب: أنا عارف إنك مش عايز حد يتكلم عليها، بس أنا مش عايز بنتي تبقى عبء على حد، وأنت ليك حياتك، وبكرة تحب، ساعتها بنتي هتتدمر.

أدهم: لا يا فندم، أنا فعلاً عايز أتجوّز ليان، أنا بحبها. أدهم كان فاكر إنه بيكذب على توفيق لما قال إنه بيحب ليان، بس هو ما يعرفش إن اللي اتكلم قلبه مش لسانه. توفيق: مش عايز ليان تعرف إني موت، لحد ما تعرف هتقولها إزاي إنك بتحبها علشان متحسش إنك بتشف عليها. لسه هيكمل كلامه، الجهاز صفر. أدهم بقلق: توفيق باشا، رد عليا، دكتور! الدكتور: البقاء لله. أدهم: إيه لا! وقعد مرة واحدة على الكرسي واتنهد. عند حمزه.

حمزه قاعد في شقة، وشروق نايمة على سرير في أوضة. حمزه: الو يا ماما، متخافيش، هي كويسة، بس مش عايز حد يعرف حاجة خالص. هدي: طيب يا حبيبي، خد بالك من نفسك. حمزه: حاضر. شروق بتعب: أنا فين؟ حمزه قام راح ليها وقال: أنت مع حبيبك. شروق بدموع: لو سمحت، سيبني أمشي. حمزه: شروق، اسمعي اللي هقوله كويس، أنا بحبك ومش فارق معايا إنتي بنت مين فيهم، وإن شاء الله تكون بنت العفريت، فأنا بردو بحبك. وقولتلك وبقولك، إنتي عشق الحمزه.

شروق بدموع: أنت كنت عارف كل حاجة؟ حمزه: علشان الموضوع مش في دماغي، أنا اللي في دماغي إنك ليا وهتكوني ليا. سمعتي؟ وبعدين إنتي بعد الجواز هتكوني على اسمي، ومحدش يقدر يبعدك عني. شروق ابتسمت. حمزه: أيوه كدا، اضحكي، وحشتني ضحكتك. وبعدين اليومين اللي فاتوا دول كلهم كانوا مشاكل ووجع راس، وأنا بقى قررت نكتب الكتاب النهارده ونقضي شهر العسل. شروق: طب...

حمزه قطع كلامها وقال: إنتي بتعتي، ومحدش يقدر يبعدك عني. وممكن بقى تقومي تلبسي الفستان اللي مش حلو غير وإنتي لابساه، علشان دقيقة وهعمل حاجات متنفعش قبل كتب الكتاب. شروق بكسوف: ماهو، ماهو بردو مش هتنفع حتى بعد كتب الكتاب. حمزه قام وقف وقال: ليه يعني؟ شروق: علشان مينفعش أقولك. حمزه: لا، قولي، إني فاهم غلط. شروق بضحك: لا، فاهم صح. حمزه: أمّال ليه باين عليكي الكذب؟ شروق: ها، أصلاً أصلاً...

حمزه عقد حواجبه وقال: شروق، قومي البسي، أحسن لك. شروق: حمزه، بطل رخامة. حمزه: وإنتي بطلي كذب بقى. أنا هموت علشان أكون في حضنك وإنتي بتقولي أعذار. شروق لسه هتتكلم، حمزه قام باسها من خدها وقال: مش عايز أسمع حاجة، روحي جهزي نفسك. بعد وقت قصير. شروق طلعت لابسة فستان كشمير، شكله يجنن عليها. حمزه شافها، فضل ساكت وسرحان فيها. شروق بكسوف: حمزه. حمزه قرب من شروق وقال: حمزه إيه بس، دانا خلاص... شروق بضحكة: طب يلا ننزل أحسن.

حمزه مسك إيديها وقال: يلا يا روح. نزلوا وركبوا العربية. بعد وقت وصلوا للماذون. الماذون: أهلاً حمزه باشا. حمزه: أهلاً بحضرتك، ممكن تبدأ في الإجراءات. الماذون: طبعاً يا باشا. شروق بكسوف. الماذون سأل شروق: إنتي موافقة؟ شروق مسكت إيد حمزه وقالت: موافقة. حمزه قال: وأنا أوعدك تكوني مليكة على عرشي، ومحدش يقدر يجي عليكي طول ما أنا عايش. شروق ابتسمت وقالت: بحبك. حمزه باس إيدها وقال: وأنا بعشقك، يا عشق الحمزه. بعد وقت.

الماذون قال: بارك الله لكم وبارك عليكم وجمع بينكما في خير.