رواية عشق الحياة الفصل الثاني 2 - بقلم ميسون عبدالمجيد

سيف: أعرفكم حياة حبيبتي وهنتجوز قريب. حياة شهقت بصدمة. وديما وفريد في حالة من الزهول. سيف بيبرق لحياة وبيجز على سنانه من تحت لتحت عشان تفوق. سيف بابتسامة: أعرفك ي حياتي، دي بشمهندسة ديما العمري، أشطر فنانة في فرنسا ومصر والعالم كله. ديما ابتسمت ولسة مصدومة، وحياة كذلك. ديما بعدم فهم وغل: هي، هي إزاي خطيبتك؟ هي مش مضيفة؟ سيف بيقربها منه أكتر وبيلف إيده حوالين خصرها: أيوه فعلاً، حياة بخليها هي مضيفة طيارتي، ديما.

حياة مبتسمة وبتحاول تتكلم: أيوه، أيوه فعلاً يـ... وهمست في ودنه بتوتر: انت كان اسمك إيه؟ وبتحاول تبتسم. سيف بيحرك شفايفه: سيـ... ـف. حياة عاشت الدور: حبيبي، خش للمؤتمر بتاعك وأنا هستناك عشان سهرتنا طويلة زي ما اتفقنا. وحضنته. سيف اتصدم من تصالحها المفاجئ للموقف ده ودخل. ديما بصت لحياة بغل، وهي ابتسمت ببرود. ديما دخلت ورا سيف مع فريد. مراد بيقرب من حياة: هو إيه اللي أنا شوفته ده؟ حياة ببرود: نعم، في حاجة؟

انت إيه اللي جابك هنا؟ مراد: ده مكان شغلي. انتي إيه اللي وقعك على سيف الهلالي يابنت المحظوظة؟ حياة ببرود: عادي، الحب بقى. مراد ضحك بسخرية: حب؟ هههه، ماشي ماشي يـ توتة، سلام. حياة بغضب: اسمي يـ حياة على فكرة. معندوش دم ولا بيحس. بعد وقت. حياة خرجت من التوليت. فجأة لقيت حد بيسحبها ويشدها في ركن. حياة بصدمة ولسة هتصرخ. سيف حط إيده على بقها بسرعة. سيف: ششش، اهدي. حياة وشها بدأ يحمر وتعرق.

سيف افتكر إن عندها فوبيا، بعد عنها بسرعة. سيف: أنا آسف، نسيت. حياة أخدت نفسها وزقته جامد: انت إيه القرف اللي عملته برا ده؟ سيف بعصبية: وانتِ مش فاكرة اللي عملتيه امبارح؟ حياة: مش كدة، وتقربني منك كدة وتحرجني قدام الناس. ديما: سيـ... ـف. سيف بابتسامة: نعم يـ ديما. سيف: انت راجع مصر على طول مش كدة؟ سيف: آه فعلاً، طيارتي كمان ساعتين. ديما بابتسامة: تمام. وبتبص لديما بغل: عشان نتعرف على حياة خطيبتك، يلا يـ حبيبي.

ومسكت إيد فريد ومشيو. سيف: تعالي. ومسكها إيديها وخرجوا بسرعة. واتفاجؤ من كم الصحفيين اللي واقفين مستنينهم. : بشمهندس سيف الهلالي، تقول إيه على خبر ارتباطك؟ : حضرتك بتأكد الخبر؟ : مين هتبقى زوجتك المستقبلية واسمها إيه؟ وناس كتير وأسئلة أكتر. حياة حست الدنيا بتلف بيها، مقدرتش ووقعت، بس إيد سيف كانت أسرع، وشالها وطلع بيها، وكل الصحفيين أخدوا صور كتأكيد للخبر. سيف بيحاول يفوقها. حياة بتفتح عينيها: آآآه يـ راسي.

سيف بيمسك إيديها يشوف نبضها. سيف بقلق: انتي تمام؟ حياة قامت بغضب: انت تبعد عني. سيف بغيظ: انتِ بتبقي تعبانة، بتقومي تفطي زي الصرصار فجأة كدة ليه؟ حياة: أنا بكرهك، انت لعبت كل حياتي. سيف: زي كرهي ليكِ بالظبط يـ هانم. بعد مرور يومين في مصر. في إحدى شركات الأحذية العالمية. سيف قاعد فاتح اللاب توب وبيشتغل، بيلاقي حد بيقتحم مكتبه فجأة. حياة بزعيق: انت، انت اسمك إيه؟ انت شايف؟ اتفرج! شوف صورنا اللي تفضح!

شايف أنا منظري يبقى إيه قدام الناس؟ انت فضحتني! ده غير لو الصور دي وصلت لأهلي في الصعيد هيكون قتلي أقل حاجة، بس الحمد لله إنهم على قدهم وملهمش في مواقع التواصل. سيف بيبصلها وساكت. حياة بعصبية: إيه البرود ده؟ ما ترد. سيف بمنتهى البرود: اتفضلي تشربي إيه؟ حياة بتمسح على راسها بغيظ: لا إله إلا الله، انت متخيل المصيبة اللي حطتنا فيها؟ سيف بيقوم ويقف قدامها وقعد على إيد الكرسي. سيف

بابتسامة باردة ومستفزة: أولاً، المصيبة دي انتي اللي حطيتينا فيها لما شفتك أول مرة. ثانياً، أكيد شفت الصور والفضايح، وأنا رجل أعمال كبير، مظنش إن دي حاجة تليق بيا. ثالثاً، وده الأهم، خطوبتنا كمان يومين، جهزي نفسك. حياة مبتسمة بصدمة: لا والله، الف مبروك. سيف مبتسم: الله يبارك فيكي يـ خطيبتي. حياة بتزقه جامد، بيقع على الكرسي وسيف بصالها بصدمة. حياة: انت إيه الجنان اللي بتقوله ده هاااا؟ وأنا إيه؟ ماليش رأي؟

حيوانة بتوجه تعمل إيه؟ سيف بهمس: لا، متظلميش الحيوان. حياة بغضب: سمعني بتقول إيه؟ سيف قام وفضل يقرب منها لغاية ما زنقها في الحيطة. سيف بعينين حادة: انتِ شعنونة ليه؟ حياة بتوتر: هااا؟ سيف بحدة: فرحانة بعصبيتك وصوتك العالي ليه؟ متعرفيش تتفاهمي بهدوء؟ حياة بتحاول تستجمع قوتها: ابعد. سيف: ششش، صوتك ميعلاش، مش انتي كنتي عايزة كدة؟ أنا هخطبك. حياة بتوهان: تمام. سيف: لمدة ست شهور بس، مش سنة، وده لأن أنا كمان عايز منك غرض.

حياة: غرض إيه؟ سيف: ميخصكيش. هنتخطب لمدة ست شهور ونمثل قدام الكل إننا بنعشق بعض، بعدها نغور من حياة بعض. حياة بكره وغيظ: أنا هعد الست شهور دول بالدقيقة والثانية عشان أخلص منك، كان يوم أسود يوم ما شفتك. سيف بيبص لعينيها بتركيز ومبتسم ببرود. الباب فتح فجأة. ليلى بغضب: انتي هنا كمان!