رواية عشق القاسي الفصل السابع عشر 17 - بقلم صابرين علاء

امير مكنش مصدق اللي سمعه. الدكتور قاله: "حامل." امير قاله: "حامل في قد ايه؟ الدكتور قاله: "دا اول شهر وغالبا الام مبتكونش عارفه، بس هي صحتها كويسه. الف مبروك بعد إذنكم." الدكتور خرج برا واحسان خرجت معاه. امير قالها: "قومي البسي علشان هنمشي." ازهار قالتله: "انا مش رايحه معاك في حتة. انا بكرهك انت واخوك وبكرهكم كلكم. ابعدوا عني بقي، هاتعملو فيا ايه تاني؟ امير قالها بعصبية: "ازهار قومي معايا."

امير خد ازهار بالعافية ومن غير ما يكلم داده احسان ويودعها. اخد ازهار ومشيو سوا. في العربية مكنش عايز يتكلم. ومرة واحدة امير فرمل العربية وقالها: "ابن مين العيل دا؟ ازهار قالتله: "نعم؟ هايكون ابن مين يعني؟ مافيش حد لمسني غير اخوك احمد. واكيد انا حامل منه. انا بكرهكم كلكم يا عيلة الفرماوي. ربنا ينتقم منكم. حسبي الله ونعم الوكيل."

امير مسكها وقالها: "بلاش استعباط ياروح امك. اللي حصل بينك وبين اخويا بقاله اكتر من 3 شهور،،،،، والدكتور قال انك حامل في اول شهر. يبقي فهميني اللي في بطنك دا يبقي من مين،،،،، انطقي ابن مين دا." ازهار اتصدمت زيها زيه بالظبط. ومكنتش متوقعة انها ممكن تبقي حامل من حد تاني غيره. وكانت مفكرة ان الحمل دا من احمد. بس هو دلوقتي قالها ان بقالها اكتر من 3 شهور علي الحادثة اللي حصلت معاها في المزرعة. امال البيبي دا من مين؟

والحمل دا حصل ازاي؟ امير قالها: "انا عمري ما كنت اتصور انك تطلعي بالقذارة دي،،،،،،،،، كنت فاكرك بنت صغيرة ولسه بضفاير،،،، زهره لسه مفتحتش،،،،،،، انا اتصدمت فيكي صدمة وحشة اوي،،،، يارتني ماكنت." ازهار قالتله: "يارتني ماكنت ايه يا امير؟ امير قالها بيأس: "يارتني ماكنت حبيتك. بس انا مش هسيب طاري يا ازهار ولازم اعرف خونتيني مع مين. احنا هنرجع البيت عادي جدا. واللي جاي بتاعي انا."

ازهار وامير رجعو علي البيت ومن غير ولا كلمة. كل واحد منهم مشي في طريق. مروة قابلت ازهار وقالتلها: "بدي اشوفك اشوفك ياغايب عن عيني،،،،، ايه دا يابنتي طولتي علينا الغيبة." ازهار قالتلها: "مش فارقة." مروة قالت: "ايه الاحباط دا مالك يابنتي؟ ايه مالك ضاربة بوز فيل كدا؟ ازهار اترمت في حضن مروة وقالتلها: "مروة انا حامل." مروة قالت: "هههههه وانتي اكيد خايفة من المسؤلية مش كدا؟ طبعا عيلة هاتخلف عيال زيها."

ازهار قالتلها: "مروة انا وامير مش متجوزين زي ما انتي فاهمه،،،، انا وامير زوجين عالورق وبس." مروة قالت: "ازاي؟ امال البيبي دا من مين ودخل بطنك ازاي؟ ازهار قالتلها: "ماهو دا اللي مجنني. دا غير ان امير شاكك فيا وفاكر اني بخونه." مروة قالت: "ودا شئ طبيعي. احمدي ربنا انه مش خلص عليكي،،،،، واحد غيره كان فرغ مسدسه في نفوخك ومالكيش دية." ازهار بصتلها بصة تقصد بيها: "هو انتي بتهديني ولا بترعبيني اكتر؟

مروة قالت: "ما اقصدش اكيد يعني. بس انتي هاتعملي ايه دلوقتي؟ ازهار قالتلها: "لازم افهم ازاي حصل معايا كدا والولد دا ابن مين." مروة قالتلها: "وهتعرفي ازاي بقا ان شاء الله؟ أزهار اتنهدت وقالت: "معرفش،،،، معرفش. انا حاسة اني وحيدة." مروة قالتلها: "طب تعالي نتمشي في الجنينة شوية. انتي اكيد محتاجة تشمي هوا. تعالي." ازهار مشت مع مروة وكانت حاسة بيأس واحباط. مروة قالتلها: "طيب بقولك ايه؟

انا هاروح اعمل حاجة نشربها سوا علشان تحسن مودك شوية." ازهار هزت راسها وهي محبطة ومش فارق معاها. وبعدها بشوية ازهار فضلت تتمشي على طرف البسين (حمام السباحة) وفجأة مرة واحدة بصت في الماية. ولقيتها عمالة تعلى في عينيها. ومرة واحدة الدنيا لفت بيها. ولسه هاتقع. قام جه مرتضى ولحقها. مرتضى مسكها من اديها وبسرعة شدها لحضنه.

ازهار كانت دايخة ومش مركزة في اللي بيحصلها. بس هي حست ان في حد مسكها. وفكرت انها في حضن امير. علشان كدا لفت اديها حولين رقبته. كان واقف وشايفهم من بعيد امير. امير كان شايف ازهار وهي بتحضن مرتضى. وكمان مرتضى مقرب منها اوي. وبدأ يشك فيهم ان ممكن يكون في علاقة بينهم. مروة جت وكانت ماسكة العصير في اديها. واول ما شافت المنظر غصب عنها الصينية وقعت من اديها. وقالت: "لمرتضى: مالها ازهار؟ انتو ليه حاضنين بعض كدا؟

مرتضى نيمها على النجيله في الجنينة. وقال لمروة: "ازهار كانت هتقع في الماية. شكلها دايخة وتعبانة اوي. هي كويسة." مروة قالت: "هي كويسة متقلقش. هو بس يمكن علشان هي لسه في بداية الحمل." قالت كدا علشان حست ان مرتضى مهتم بيها. وحست في عينيه نظرة حنان واعجاب. ومش قادرة تفسرهم. مرتضى

كان أذكى منها وقالها: "بجد،،،، الف مبروك. واخيرا هانشوف بيبي من امير وازهار،،،،،، تعرفي انا نفسي اخلف عيال كتيييىرة وكلهم يبقوا حلوين وقمر زي ماممتهم." مروة اتكسفت وابتسمت ومشيت. ومرتضى ضحك وقال: "اكيد هاجيب ولاد كتيرة لما ازهار تكون مراتي." امير نزل تحت وهو غضبان جدا ومش شايف قدامه. مسك ايد ازهار ودخلها جوا بالعافية.

ازهار قالتله: "يادي النيلة السودا. كل شوية تجرني وراك زي المعزة. ها خير المرادي. ايه الكارثة اللي حصلت تاني يا سي امير؟ امير قالها: "انتي طالق." ازهار قالتله: "يااااه اخيرا. تصدق انا النهارده الفرحة مش سايعاني. اخيرا اتحررت من سجنك." امير قالها: "لا انتي غلطانة. انتي مش اتحررتي من سجني. لا انتي لسه هاتدخلي سجني بجد اللي انتي لسه متعرفيش عنه حاجة،،،،،،، اهلا بيكي في جحيمي يا ازهار." قالها كدا وسابها ومشي.

وازهار قعدت على السرير مكانها وفضلت تعيط. وتبكي على اللي بيحصلها من امير. وتقول: "هو ليه كدا؟ هو ليه قاسي عليا اوي كدا؟ هو ظلمني وموثقش فيا،،،،،،، هو ليه موقفش جمبي؟ ليه وقف ضدي؟ مش معايا،،،،، ليه شك فيا؟ يا امير،،،،،، ليه بعتني في اكتر وقت محتاجالك فيه،،،،،، امير انا بكرهك." ازهار وهي في عز ضعفها بصت في النتيجة. ورجعت سألت نفسها وقالت: "اي دا؟ هي النتيجة دي غلط ولا انا بيتهيألي؟

انا فاكرة اني شوفتها امبارح كانت لسه في نص الشهر،،،،،، حتى امير النهارده الصبح قال اني بقالي شهر كامل عند داده احسان وانا مقعدتش معاها الا اسبوعين بس،،،،،، اومال ازاي في اسبوعين من عمري محستش بيهم،،،،،،،،ياتري في ايه؟ امير راح الشركة وقعد مع احمد. وقعد معاه علشان يتفقوا على صفقة قبل ما يمضوا عليها. احمد قال وهو بيبص على اوراق الصفقة: "على فكرة يا امير الصفقة دي مش تمام." امير قاله: "وايش عرفك بقا يا فلوس؟

احمد قاله: "هم منين هايشتروا منتجات من عندنا وهايصدروها تاني لأماكن تانية؟ وبعدين مقر الشركة مش مضمون. دي لسه جديدة." امير قاله: "عادي يعني." احمد قاله: "لا مش عادي. الكلام دا اذا كانت حاجات تانية غير منتجات الألبان دي. جبن ولبن وعصاير مش تستحمل السفر الكتير. لا لا انا مش مرتاح للصفقة دي." احمد كان بيحاول يفهمه ان الموضوع فيه حاجة غلط. بس امير لا كان بيشوف ولا بيسمع. امير اتعصب اوي ورمى

الورق في وش احمد وقاله: "بقى اسمع اما اقولك اني مالك انت ومال الصفقات. انت من شهرين كنت عيل بتاع غمور وضايع. تعرف ايه انت عن الشغل وعن الصفقات اللي بنعملها؟ احسنلك ابعد عن الشغل. ولا اقولك روح تابع الشغل اللي في الإمارات احسن ما انت عامل فيها ناصح وانت مش فاهم حاجة اصلا. اقولك على حاجة؟ غور من وشي السعادي،،،،،،، يلا قوم." احمد كان هيخرج من القاعة. بس العملاء جم علشان يعقدو الصفقة.

امير مسك ايده وشاورله بعينيه علشان يقعد. وبدأت امير يتكلم معاهم في التفاصيل. وفجأة تلفونه رن. وكانت قمر. في الأول قفل في وشها. بعدين بعتتله مسج وقالتله: "امير اوعي تعقد الصفقة دي،،،،، امير دي مش مجرد صفقة عادية. دا ملعوب من نهال وهاني عايزين ياخدو منك اسهم الشركة. امير ارجوك اسمع مني. ولو مش مصدقني تقدر تقطع الورق اللي قدامك هتلاقي تحته ورق تاني."

نهال وهاني كانو قاعدين مع العملاء في قاعة المؤتمرات. ولما شافو امير وشه اتغير. لما بدأ يقرا الرسالة. قاموا بسرعة وكانوا هايمشوا من المكان. بس امير قام بسرعة ورفع عليهم سلاحه وقالهم: "استنوا عندكم. رايحين فين؟ انتو لو اتحركتو خطوة واحدة كمان هتلاقوا المسدس دا في دماغكم." احمد قال: "في ايه يا امير؟ ايه اللي حصل؟ امير قاله: "هانعرف دلوقتي يا احمد. متر فؤاد افحصلي الورق دا بسرعة وشوفلي اذا كان في تحته ورق تاني ولا لأ."

متر فؤاد فعلا فحص الورق وقاله: "فعلا يا امير الورق تحته طبقة تانية مكتوب فيها بيع اسهم الشركة كلها لهاني ومراته." احمد قال: "ايه دا! انا مش قادر اصدق عنيا. انتي يانهال تعملي كدا وتتفقي مع الواطي دا علينا؟ نهال وهاني وقفو مبهوتين ومصدومين. هاني قال: "امير متفهمناش غلط. احنا عايزين نحافظ على الاسهم. لان الفترة الاخيرة الشركة الاسهم كانت هتقع بسبب الفضيحة اللي حصلت." امير اتكلم بالانجليزي وقال

للعملاء اللي في القاعة: "go out." طلعوا برا كلهم. وامير مسك العقد وقالهم: "هو دا العقد اللي بعتوني عشانة،،،،، هو دا اللي خنتوا العيش والملح عشانه؟ طب هاني وكلنا عارفين انه واحد واطي وخمورجي وطماع. انما انتي يا نهال يا بنت عمي،،،،، انتي ازاي توافقي على حاجة زي كدا؟ انا مش قادر اصدق. بقي الضربة لما تيجي تيجي منكم انتو،،،،،،،، انا بعد كدا هثق في مين تاني؟ نهال حاولت تدافع

عن نفسها وقالت لامير: "لا يا امير انا ماليش دعوة. هو اللي قعد يفكر ويخطط ويدبر. مش كدا؟ هاني قالها: "نعم يا اختي! هو مين اللي قعد يخطط ويدبر؟ مين اللي راح جاب قمر واقنعها انها تخش البيت وتضحك على امير علشان ناخد منه كل اللي احنا عاوزينه؟ امير ضحك وقال: "ههههه حلوة اوي والله. المسرحية اللي انتوا عملينها عليا دي. فاكرني هصدق مش كدا؟

اللي متعرفوش بقا ان انتوا الاتنين ان قمر هي اللي قالتلي على خططتكم الوسخة. وفعلًا طلع عندها حق." هاني بص لنهال وقالها: "ادي مجبتك المقرفة." نهال قالت: "امير صدقنا يا امير. قمر دي كدابة. والولد مش ابنك. صدقني دي عايزة تاخد كل حاجة. قمر طماعة جدا. اسمع مني." السكرتيرة دخلت بسرعة وقالت: "امير بيه الشرطة برا." امير قالها: "دخلوهم بسرعة علشان يقبضوا على الخونة دول."

احمد قرب من امير وقاله: "شوفت بقا ان عندي حق. انا صحيح خبرتي في البزنس مش زيك. بس انا بردو على كيفك وبزنس مان اوي كمان." امير ابتسم وقاله: "ماشي يامان. بص بقا يا الفترة اللي جاية انا محتاجك اوي في البزنس هناك في الإمارات. لان اللي هناك مش سادين مع الاسف. ولازم حد منا يباشرهم ويكون معاهم لحظة بلحظة." احمد قاله: "خلاص ماشي اتفقنا. انا هاروح استلم الشغل هناك من بكرة لو حبيت." امير قاله: "ياخبر! لسه بكرة؟

انت لازم تحجز الطيارة النهارده وتروح على هناك فوراً." احمد ضحك وقاله: "ياعم ماشي ماهو انا اللي جبته لنفسي." امير روح الفيلا ودخل اوضة المكتب وحس بصداع شديد في راسه. قمر دخلت على امير في المكتب زي الحية وقالتله: "مالك ياحبيبي شكلك مزعوج؟ ايه رأيك تطلع معايا دلوقتي واعملك مساج في راسك؟ صدقني هيحسن من مزاجك جدا."

امير قالها: "انا متشكر جدا يا قمر بجد انتي انقذتيني من مصيبة كبيرة كانت هتخسر الشركة ملايين. بجد متشكر. ربنا يخليكي ليا ويخليلي ابننا." قمر قالتله: "ويخليك ليا يااارب ومتحرمش منك ابدا. خلاص خلينا نطلع فوق واعملك مساج زي زمان. فاكر؟ امير قالها: "لا،،،،، انا عندي شغل. بس انا محتاج مساج فعلا. ياريت تديني عشر دقايق من وقتك وتعمليلي مساج زي بتاع زمان."

قمر قالتله: "انت تؤمر يابيبيى،،،،،، امير،،،،، انا مش عاوزة حاجة في الدنيا دي تعكنن عليك مهما حصل." في اللحظة دي امير تلفون المكتب بتاع امير رن. امير قال: "ثواني." ورد على التلفون وقال: "الو؟ "اذا كنت فاكر انك هتنصب عليا في باقي فلوس العملية تبقي غلطان يا بيه. لازم تفهم اني اقدر اروح لامير الفرماوي. واقوله على حقيقة كل اللي حصل. وساعتها ماتلوم الا نفسك،،،،،، ومش بعيد امير الفرماوي يدفنك في ارضك."

امير اتصدم لما سمع الكلام دا. وفي نفس الوقت فرح جدا ان دليل براءة مراته ظهرت وانها مش خاينة ومعملتش حاجة حرام من وراه. امير قال: "هو مين دا اللي اتفق معاك يا ابن الكلب،،،،،،، انتو عملتوا ايه في مراتي؟ دا انا هاجي اولع فيكم كلكوا." الدكتور قفل في وشه. امير خد الرقم بسرعة وكلم حد من اصحابه. وقاله: "اسمع يابني تعرفلي الرقم دا فين مكانه بالظبط؟ يلا بسرعة."

وخرج امير من غرفة مكتبه. وكان كل همه انه يروح ويفهم كل حاجة من الراجل. امير خرج بسرعة بعربيته. لدرجة ان ازهار سمعت فرملة العربية وهي طالعة من البيت. ازهار قالت في نفسها: "في ايع ياترى امير خرج بسرعة كدا ليه؟ يوووه وانا مالي. هو مش طلقني. يبقي على رأي المثل المركب اللي تودي. ايوا بس دا حبيبي. لا حبيبك حبك برص،،،،،، هو انتي يامفعوصة انتي تعرفي تحبي؟ مرتضى فجأة دخل على ازهار الأوضة. اتخضت وقالت: "اي دا!

عيب اوي كدا. على فكرة انت قليل الذوق جدا." مرتضى قالها: "بسرعة يا ازهار مافيش وقت. امير حياته في خطر كبير ومحتاجلك اوي." ازهار قالتله: "ايه. انت بتقول ايه؟ وعرفت ازاي؟ مرتضى قالها: "في واحد كلمني دلوقتي وقالي ان امير عمل حادثة. ولازم نروحله المستشفى دلوقتي." ازهار رمت اللي في اديها وجريت معاه بسرعة.