رواية عشق القاسي الفصل الخامس عشر 15 - بقلم ياسمين سمير

روعه: متخافش، أنا بس اللي بحس بيها. قاسم: روعه، انتي اتجننتي؟ روعه: طب بص وراك كدا. ينظر خلفه لينصدم: ريم؟ روعه: أنا قولتلها تيجي. قاسم: قولتي لها إزاي؟ روعه: ما أنا ياحبيبي خطفت الفون وأنت بتنزل الشقة وكلمتها، قولتلها تيجي على هنا. قاسم: بتخطفي التليفون ياروعه؟ ريم: يا عم احمد ربنا إنها خطفت الفون بس. ينظر إليها قاسم لتخاف ريم. ريم: إحنا آسفين. قاسم: دراكولا؟ ريم: ههههه، أنت لسه فاكر، ده كان فيه حاجات تانية أصل...

تقاطعها روعه: احم، ريم مش وقته. ريم: آه صح، فعلاً أنا هطلع أكمل بقى. قاسم: ماخلتنيش أكمل لي؟ روعه: هتقول حاجات مينفعش تقولها. قاسم: طب فيه هنا أكل؟ روعه: لا، ممكن ننزل نشتري. قاسم: لا لا خليكي، أنا هجيب أكل وأجي. روعه: حاضر. يتركها ويذهب إلى السوبر ماركت لجلب الأشياء. تصعد روعه إلى ريم. ريم: تعالي اقعدي. تجلس روعه على السرير. روعه: ااه، الفيلا وحشتني أوي، كل حاجة في إسكندرية وحشتني.

ريم: متقوليله وتفضلوا قاعدين هنا على طول. روعه: مش هيوافق طبعاً، أهله والأرض، لا لا أنا مش موافقة أصلاً، هناك ماما ثانية. ريم: هو فيه أرض وزرع وكدا؟ روعه: أيوه، وشكلهم حلو أوي، ولا بالليل بقى الجو تحفة. ريم: أنتي حبيتي هناك ولا إيه؟ روعه: شكلي كدا ياريم، كنت مفتقدة أوي جو العيلة من بعد موت عمتي. ريم: والكلية ياروعه، الكلية اللي كان نفسك فيها؟ روعه وهي تنظر إلى بطنها: وابني.

ريم: المفروض كنتي ترفضي إن يكون فين بنكم أصل، انتي نسيتي هو اتجوزك إزاي؟ روعه: بس أنا فرحانة إني هكون أم. ريم: ياروعه... روعه: خلاص ياريم، أنا مبسوطة كدا. لو على الكلية، انتي فيها أهو، أنا وانتي واحد. تحضنها ريم: بحبك أوي. روعه: وأنا كمان أوي. تليفون ريم يتصل. تمسح دموعها وترد. ريم: الو، ازيك ياروان. روان: الحمد لله، وانتي عاملة إيه؟ ريم: الحمد لله. روان: أنتي فين؟ ريم وهي تنظر إلى روعه: عند روعه. روان بفرحة: بجد؟

جت إمتى؟ ريم: لسه جايه دلوقتي. روان: هي جنبك؟ ريم: آه. روان: خديها معاكي، إيه؟ روعه: إزيك ياروان. روان: روعه عاملة إيه، وحشتيني. روعه: الحمد لله، أنتي أكتر، فينك دلوقتي؟ روان: في البيت. روعه: ههههه، لا أقصد دخلتي إيه؟ روان: طب. روعه: صاحبتي بقى دكتورة. روان: صاحبتك بيطلع عينها، يلا الحمد لله... عايزة أشوفك. روعه: تعالي نعد سوا النهاردة أنا وانتي وريم. روان: خلاص اتفقنا، هاجيلك بليل. روعه: خلاص مستنياكي. يأتي قاسم.

قاسم: أنا هدخل أعمل الأكل. ريم: لا خليك، هعمله. قاسم: لا خليكي، ده حاجة خفيفة. روعه: خلاص ياريم، أنتي تعبتي النهارده، اقعدي ارتاحي شوية. يجهز قاسم ويبدأ بالأكل. على السفرة. روعه: روان جاية النهارده. قاسم: امم، تشرف. ريم بصوت واطي: مش مطمنة من مجيتها دي. ينظر قاسم إلى ريم. قاسم: بتقولي حاجة؟ ريم: اها، لا مفيش. قاسم وهو ينظر إلى روعه: هتاخدي الحقنة إزاي؟ روعه: روان أكيد بتعرف لما تيجي بقى. قاسم: وروان دي إيه؟

روعه: روان طب، وريم هندسة. قاسم: ربنا معاكم. ثم تنظر ريم إلى روعه: عقبالك ياروعه. تضع روعه يديها على بطنها: لا يستي، أنا عايزة ابني يشرف وكدا، أنا عملت إنجاز كبير. يمسك قاسم يديها ويقبلها. يأتي المساء ويجلس قاسم وروعه التي ارتدت نقابها وريم. روعه: اتأخرت صح؟ ريم: ده لسه الساعة ٨، زمانها جايه. ترن ترن. قاسم: أنا هفتح. يقوم بفتح البوابة. روان بارتباك: روعه موجودة؟ قاسم: آه. يأتي أحمد الذي كان يركن السيارة.

قاسم: أنت مين؟ روان: ده الدكتور أحمد، أخويا. قاسم وهو يتذكر تلك الرسالة (بحبك) أحمد وهو يصافحه: دكتور أحمد. قاسم: اتفضل. تقوم روان باحتضان روعه ومن بعدها ريم. أحمد: إزيك ياروعه. تنظر روعه إلى قاسم ثم تلتفت إلى أحمد: الحمد لله. أحمد وهو ينظر إلى بطنها المنتفخة: أنتي حامل؟ قاسم: اتفضل اقعد. يجلس أحمد بجوار قاسم. أما تجلس بجوار قاسم وبجوارها روان وريم. أحمد: دخلتي إيه بقى ياروعه؟ يرد قاسم: دخلتي حياتي ونورتها.

أحمد: أنا بكلمها. قاسم: وأنا جوزها. روان: احم، بقولك إيه ياروعه. روعه: نعم ي حبيبتي. روان: الدكتورة قالتلك أنتي في الشهر الكام؟ روعه: التامن، خلاص قربت. ثم تضع يديها على يد قاسم: وأجيب أحلى بيبي في الكون. قاسم وهو يقبل يديها: وتقومي بالسلامة ي حبيبتي. يقف أحمد في تلك اللحظة: أنا همشي. قاسم بصوت واطي: أحسن. روان: أنا لسه مشبعتش من روعه، اقعد شوية وحياتي. يجلس ثم تقوم ريم بتقديم المشروبات.

روعه: تعالي بقى ياروان عايزاكي. روان: في إيه؟ روعه: هاخد الحقن عشان اللي تعبني دا. روان: ههههه، تعالي ياروحي. ثم يذهبان إلى الداخل. قاسم: وأنت بقى دكتور إيه؟ أحمد: أطفال. قاسم: اممممم. أحمد: أنت متأكد إن روعه عايزاك؟ قاسم ببرود: متأكد ألف في المية. أحمد: بس هي مكنتش بتحبك ولا شافتكم قبل كدا. قاسم: صح، بس حبيتها وهي حبتني بعد الجواز. أحمد: مش فارق معاك إن كانت بتحب ولا لأ؟ قاسم: أنا عارف كل حاجة عن روعه.

أحمد: بس أنا متأكد إنها كانت بتحب قبل الجواز. قاسم: ام.و.ته وخاف على حياتك بعد كدا، عشان الرسالة اللي أنت بعتها مش هسكت عليها. أحمد بخوف من طريقة كلامه. في الداخل. روعه: الحقنة دي وحشة أوي. روان: أيوه عشان البيبي. ريم: قلبي خالتو، امتى يجي على الدنيا. روان: روعه، كنت عايزاكي في حاجة. روعه: قوللي. روان: طب هطلع أنا. روان: لا خليكي، مفيش حاجة سر بينا إحنا التلاتة، بصراحة ياروعه أحمد أخويا لسه عايزاك.

روعه: ياربي ياروان، افهمي أنا متجوزة وجوزي قاعد مع أخوكي، فاهمة يعني؟ وابن خلاص هيجي على الدنيا، أنتي ليه مش قادرة تفهمي؟ روان: قولتله كدا، قالي بس أقولك وخلاص، ده حتى جاي عشان يشوفك. ريم: خلاص ياروان، اقفلي على الموضوع. ينزلان لأسفل ويودعان روان وأحمد وريم اللي ذهبت معاهم. قاسم وهو يحضن روعه: مبسوطة؟ روعه: أوي أوي ياحبيبي. قاسم: طب تعالي بقى أحكيلك حكاية الفيلا دي. روعه: ههههههههههههه، دي فيلتي أنا. قاسم

يحملها ويصعدان للأعلى: ومالو، أنا وأنتي واحد، مالناش دعوة. في الصباح. قاسم: أنا لازم أروح المينا. روعه وهي مازالت على السرير تغطي نفسها: هتتأخر؟ قاسم وهو يقترب منها: لا، بس لازم أشوف الوضع هناك وأجي على طول. ثم يقبل روعه ويخرج. في المينا. قاسم لمصطفى (ذراعه اليمين) : إيه الوضع؟ مصطفى: اكتشفت إنهم بيدخلوا حاجات شمال. قاسم: إزاي يعني؟ مصطفى: أنت عارف. يتركه قاسم ويذهب إلى شركة مجدي. يدخل فوراً المكتب.

قاسم: إيه شغل اللي أنت بتعمله ده؟ مجدى: قاسم بيه، اتفضل، جيت إمتى؟ قاسم: أنا هحترمك عشان بنتك، والمرة دي مش هبلغ البوليس، بس برحمة أبويا ي مجدي لو سمعت حاجة تانية لتكون في الأرض مش في السجن. ثم يتركه ويذهب. يدخل رامي. رامي: هو ماله ده؟ يجلس مجدي على مكتبه: عرف كل حاجة. رامي: عرف إزاي؟ طب العمل؟ مجدى: مش عارف. بعد قليل. رامي: نخلص منه. مجدى: لا طبعاً.

رامي: ده الحل الوحيد، ومين هيعرف أصلاً إننا اللي زي دا لينا أعداء كتير. مجدى: بس يارامي. رامي: مفيش حاجة هتلمسنا. مجدى: اتفقنا. غافلين عن تلك الأذان التي تسمعهم. يجلس قاسم بغرفته. قاسم: بتقول إيه؟ الشخص: زي ما بقول كدا يابيه، بيتفقوا عشان يخلصوا عليك. قاسم: طب اقفل. قاسم: بقا عايز تخلص مني أنا ي مجدي؟ ده هيبقى آخر يوم في حياتك. روعه من الخارج تسمعه. روعه: يالهووووي يالهووووي.

تحس أنه هيخرج ثم تدخل إلى الغرفة الموجودة بالقرب منها. بعد ما تطمن إنه خرج تعزم أمرها على الخروج أيضاً. ياترى روعه رايحة فين؟