رواية عشق القاسي الفصل الرابع عشر 14 - بقلم ياسمين سمير

تسمع روعة طرقات خفيفة على الباب. روعة: أكيد نسى الفون. ثم تذهب إلى الباب. روعة: نسيت... ثم تنصدم. روعة: سامر. سامر: ازيك يا روعة. روعة، وهى تتذكر أنها لم ترتدى النقاب. روعة: يالهووى. ثم تذهب إلى الداخل فوراً ترتدى نقابها. روعة: كده أنا شلت ذنب، بس أنا ما كنتش أعرف أنه بره، مفكراه قاسم. هو ممكن يكون لسه واقف. تذهب إلى الباب لترى سامر في انتظارها وتنظر إلى الأرض.

روعة: أنا آسفة، كنت مفكراك قاسم، عشان كده يعنى فتحت من غير النقاب. سامر: ولا يهمك، أنا زي قاسم. روعة: زيه إزاي يعني؟ سامر: احم، أقصد يعني زي أخوكي. روعة: آه. سامر: أنا كنت جاي عشان... روعة: سمعاك، كمل. سامر لا يعرف ما يقوله. سامر: لا خلاص، مافيش دا. كنت جاي لـ قاسم بس شكله مش هنا. روعة: آه، قاسم نزل. سامر: آه، ماشي. هنزله بقى. عن إذنك. روعة: اتفضل. ثم ينزل سامر إلى الأسفل ويفكر. سامر: سكت ليه؟

ليه ما قلتلهاش إنك حبيتها؟ ليه؟ هووووف. تنزل روعة لترى قاسم وسامر في انتظارها. قاسم: جاهزة؟ روعة: آه. قاسم: فكر في كلامي يا سامر. يلا، أنا ماشي. سامر: حاضر. يستقلان السيارة. روعة: هو سامر عايز إيه؟ قاسم باستغراب: غريبة، بتسألي ليه؟ روعة: أصل جه سأل عليك. قاسم، وهو يوقف السيارة. قاسم: جه فين؟ روعة بخوف: الأوضة. قاسم: نننعععم! روعة: اهدى يا قاسم، أنا كنت لابسة النقاب. قاسم: وهو ييجي ليه أصلاً؟ إنتي فتحتي له.

روعة: أنا معرفش إنه هو، والله كنت مفكراه إنت. قاسم: وهو قالك إيه؟ روعة: ما فيش، جه سأل عليك، وقولتله إنك تحت، وهو نزل على طول، والله. قاسم: أنا ليا تصرف تاني معاه. روعة: تصرف إيه؟ قاسم: وده يهمك؟ روعة: أنا معرفش إنه... معرفكش، والله دي أول مرة. قاسم: وهتكون آخر مرة. روعة: بس وحياة ابننا متعملش حاجة، هو ما كانش قصده. قاسم ينظر إلى بطنها. قاسم: ابننا دا اللي مصبرني على الحياة. روعة: وأنا. يقبل يديها.

قاسم: إنتي ملكتي قلبي من أول نظرة. روعة: يعني وعد مش هتعمله حاجة؟ قاسم: اممم، أفكر. روعة: بليز بقى. قاسم: خلاص، مش هعمل حاجة. روعة: طب يلا بقى نلحق المعاد. قاسم، وهو ما زال يمسك يديها. قاسم:يلا. يصلان المشفى. ثم تفحص الدكتورة روعة. قاسم: طمنيني يا دكتورة. الدكتورة: البيبي كويس جداً، والمدام كويس جداً برضه. قاسم: الحمد لله يارب. روعة: الحمد لله. الدكتورة: أنا هكتبلك على حقن عشان الجنين، وإنتي جسمك ضعيف.

روعة بخوف: لا لا، حقن لا، أنا بخاف. قاسم، وهو يمسك يديها. قاسم: اهدى يا روعة، متخافيش. روعة: متخليهاش تكتبلي حقن، بخاف والله. الدكتورة: طب اهدى، ده خطر على البيبي، متخافيش، فيه بنج دلوقتي، ممكن تاخدي بنج. قاسم: طب هو لازم حقن؟ الدكتورة: أيوه، عشان البيبي. وياريت تهتمي بالأكل. قاسم: من عنيا. يخرجان من المشفى ويذهب قاسم لجلب العلاج لروعة، ثم يذهبان إلى القصر. سانية: طمنيني يا بتي.

روعة: البيبي تمام، وأنا تمام، وكل حاجة تمام. سانية: الحمد لله، ربنا يكملك على خير يارب. يجلس سامر بالقرب منهم ولا يعرف ماذا يفعل. سامر: أنا هسافر بكرة. قاسم: كويس. سانية: اخص عليك يا قاسم، ده لسه جاي النهارده. قاسم: يروح يشوف كليته ومستقبله. سامر، وهو ينظر إلى قاسم. سامر: آه فعلاً، لازم أشوفه. قاسم: امممم، كويس. فاطمة: اقعد شوية يا سامر.

سامر: معلش يا فاطمة، أنا كنت بكلم أصحابي من شوية وقالوا إن لازم أرجع عشان المحاضرات وكده. روعة: ربنا معاك. ينظر إليها قاسم بغضب. سامر، وهو ينظر إليها بحب. سامر: ربنا يخليكي. قاسم: اممم. ثم يذهب إلى روعة. قاسم: اطلعي إنتي ارتاحي، وأنا خارج هشوف الأرض وأخلص كذا مشوار كده وأيجي. روعة: الأرض. الله، أجي معاك. قاسم: إنتي لازم ترتاحي. روعة: ممكن بليل؟ قاسم، وبدأ صوته يعلى قليلاً. قاسم: لما أجي يا روعة، اطلعي يلا.

تنظر إلى الجميع الذين كانوا ينظرون إليها. ثم تذهب بحزن. سانية: ليه كده يا ابني؟ زعلت البنية. قاسم: أمي... دي مراتي، وأنا هنا الكلمة بتاعتي اللي تمشي. ثم يتابع وهو ينظر إلى سامر. قاسم: فاهمين؟ يفهم سامر ما يريد. سامر في سره: ممكن تكون روعة قالتله؟ لا لا، دي مستحيل تقوله. بس من ساعة ما جه من بره وهو متغير... أكيد قالتله. يأتي المساء. يذهب إلى غرفة روعة. روعة باستغراب: قاسم. قاسم: إيه مالك مستغربة كده ليه؟

روعة: أصل النهاردة يوم فاطمة. قاسم، وهو يجلس على السرير. قاسم: لا، من هنا وجاي هننام هنا. روعة، وهي تتقفز في الهواء. روعة: بجد؟ يجري عليها قاسم. يضع يديه على بطنها المنتفخة قليلاً. قاسم: براحة براحة. روعة، وهي تحضن قاسم. روعة: عايزة أروح الأرض. قاسم، وهو يقبلها. قاسم: البسي يلا. يذهبان. ويجلسان. روعة: الله، الجو حلو أوي يا قاسم. قاسم، وهو يقبلها من خدها. قاسم: مش أحلى منك. روعة، وهي تضع رأسها على صدره.

روعة: أنا بعيش أحلى أيام حياتي. قاسم: عشان أنا معاكي. روعة: أيوه، وكمان عشان فيه عيلة بتحبني، وماما سانية، والبيبي. تعرف إن نفسي أكون أم أوي. قاسم: والكلية؟ تسكت روعة قليلاً ثم تخرج من حضنه. روعة: أنا اخترتك إنت وابني والعيلة. قاسم بفرح: بجد؟ روعة: بجد. يكملان سهرتهم في أحضان بعض. تمر الشهور وبطن روعة ترتفع أكثر ويزداد التعب عليها. قاسم: روعة، ياروعة. تخرج روعة من الحمام. روعة: فيه إيه يا قاسم؟

يذهب إليها ويمسك يديها ثم يجلسها على السرير بحرص. قاسم: هنسافر. روعة بفرح: بجد يا قاسم؟ قاسم: أيوه بجد، وهنسافر دلوقتي كمان. أنا اتصلت بالدكتورة وقالت مافيش تعب عليكي. روعة: أقوم أجهز الهدوم. قاسم: أجهزها أنا. متتعبيش نفسك. أنا هدومي في إسكندرية وهجهز هدومك إنتي بس. روعة: طب أقوم معاك. قاسم: لا، ارتاحي إنتي بس. يقوم بتجهيز الهدوم ثم ينزلان ليودعا العائلة. سانية: طب سيب روعة هنا.

قاسم: عشان تغير جو، ده مفيد جداً للطفل يا أمي. سانية بدموع: خلي بالك منها. قاسم، وهو يقبلها. قاسم: حاضر. ثم يذهب إلى فاطمة. قاسم: حسابك لما أرجع. فاطمة بخوف: فيه إيه؟ قاسم: إنتي عارفة. ثم يذهب ويتركها. يخرجان بره القصر. قاسم، وهو ماسك يد روعة. قاسم: تحبي نقف نستريح شوية؟ روعة: ليه؟ إحنا لسه طالعين من القصر بقالنا نص ساعة بس. قاسم: عشان البيبي. روعة: بتخاف عليه أوي. قاسم: مش أكتر منك. ثم يقبل يديها. يكملان الطريق.

بعد وقت طويل. روعة: هنروح الفيلا صح؟ قاسم: بتاعتي. روعة: بس عايزة بتاعت عمتي. قاسم: دي عايزة تتروق لسه. روعة: عشان خاطري بليز، وحشتني أوي. قاسم: حاضر يا ستي، كل طلباتك أوامر. يذهبان إلى الفيلا ثم تخرج روعة مفتاحها. روعة بابتسامة: قول السلام عليكم واقرأ قرآن قبل ما تدخل. قاسم باستغراب: هيا مسكونة؟ روعة: ههههههه، لا، بس عشان عمتي تعرف إننا جينا. قاسم: عمتك؟ روعة: متستغربش، ولا تستغرب لما تدخل.

تدخل الفيلا ثم يقوم قاسم بجلب كرسي لها ويقوم بتنظيفه. قاسم: استريحي على دا. روعة: سلم على عمتي. قاسم، وهو ينظر حوليه. قاسم: عمتك؟ روعة: ههههه، متخافش، أنا بس اللي بحس بيها. قاسم: روعة، إنتي اتجننتي. روعة: طب بص وراك كده. قاسم، وهو ينظر خلفه ينصدم. ......