رواية عشق المالك الفصل الثاني عشر 12 - بقلم مروة موسى

ذهبَت نيرة مع الحارس إلى بيت والد عشق. طرقوا الباب. سامح: أيوا مين؟ الحارس: افتح، إحنا عاوزين هدوم لعشق بنت حضرتك. سامح يفتح: وهو الزبون اللي معاها مجبلهاش لبس ليه؟ وهي فين أصلاً؟ بقالها فترة طولت، ودا هيخليها تجيب فلوس أكتر. نيرة باستغراب: فهمني إزاي معلش. سامح: طبعاً هو انتي متعرفيش إن عشق بنتي بتشتغل في بار ليلي.

نيرة بصدمة وفرح وبخبث: منا عشان كدا جايه أقولك إن هي في بيت معتز ومتجوزة من مالك ابنه، وطبعاً انت تسمع عن أملاك معتز. كريمة بطمع: انتي تقصدي إنها في الطلعة دي هتجيب فلوس كتير غير أي مرة؟ نيرة: طبعاً. عشان كدا أنا جيت أعرفكوا إنها متجوزة مالك معتز، ولازم تروحوا ليها عشان تقسموا فلوس الطلعة دي. سامح أبو عشق: ليه؟ هي كانت ناوية تخبي علينا إنها هيبقي معاها فلوس تعيشنا عيشة مرتاحة؟

نيرة بخبث: أيوا.. كانت ناوية تخبي عنكوا وتاخد الفلوس ليها كلها. سامح: ي بنت الـ.... ي عشق كدا تستخسري في أبوكي اللي رباكي شوية فلوس. نيرة: لازم تروح تفضحها وسط أهل جوزها، وساعتها هتاخد فلوسك من عشق زي ما انت عاوز. ومش بس كدا، أنت هتاخد مني فلوس كمان على مرواحك لبيت معتز وتعرفهم إن بنتك شغالة في بار ليلي. كريمة: وانتي هتدفعي لينا ليه فلوس؟ نيرة بخبث كبير: حاسة إنكوا عاوزين ترتاحوا عيشة أحلى من دي.

عشان كدا اعتبروها مساعدة. سامح بطمع: طيب، إحنا موافقين. كل دا والحارس واقف بابتسامة شماتة فيهم. كريمة: فين العنوان بتاع البيت؟ نيرة بفرح: اهو. وذهبت بعد اتفاقها مع والد عشق بفضيحتها أمام العائلة. خرجت نيرة وهي تذهب للسيارة وتتحدث مع الحارس. نيرة بشر: لو كنت بشوف، عوزاك أعمى. لو كنت بتسمع، عوزاك أطرش عن اللي سمعته وشوفته جوا، فاهم؟ الحارس بطاعة واحترام: تحت أمرك ي نيرة هانم. وذهب إلى البيت.

وحاولت نيرة الدخول إلى الفيلا دون أن أحد يراها. الحارس خبط على غرفة مالك. مالك بابتسامة: شكراً ليك. وأخذ منه الملابس لها ولأختها. مالك لعشق: هدومك وهدوم أختك أهي. عشق بلامبالاة: طيب. مالك: هو أنا شغال عندك؟ ما تتكلمي عدل. عشق بتنهيدة طويلة: ممكن تسكت وبلاش كل شوية خناق. مالك بسخرية: مين طايق يكلمك ولا يبص في وشك أصلاً. عشق بتحاول تعصبه من كلامه: والله اللي يحب يبص ليا ويكلمني بيدفع كتير.

مالك بغضب: عشان انتي متعودة على كدا، متعودة تبيعي نفسك عشان الفلوس. عشق بوقاحة وثبات: زي ما انت بردوا دفعت عشان أساعدك من اللي انت فيه، وأخلصك من عمك وبنته نيرة. مالك: على الأقل نيرة كويسة، مش زيك على حل شعرها. عشق: وماله، يلا بقي كل واحد بيدور على اللي زيه. مالك مردش عليها لأنه عارف إنها بتعاند فيه بكلامها. عند زين وورد. ورد: الامتحانات قربت وأنا خايفة. زين: متقلقيش، كله هيعدي.

ورد: يارب أوصل لمكانة كويسة عشان أختي مش عشاني. هي تعبت كتير معايا. زين: متخفيش بقي وخليني أركز. ورد برفعة حاجب: تركز في أي؟ زين بضحك: في القمر دا. ورد: زززييين. زين بضحك: أي أنا أقصد على المذكرة قمر مش انتي، لاء. ورد: يعني أنا مش قمر؟ زين: طبعاً قمر، هو حد قال غير كدا. وفجأة رن جرس البيت وظهر...