رواية عشق الملاذ الفصل الرابع 4 - بقلم حور حمدان

اقسم بربي لو جرالها حاجه لاقلب المستشفى عليك. الدكتور بعصبيه: استاذ مصطفى دي حاجه بإيد ربنا مش بإيدي انا عشان حضرتك تهددني. مصطفى بدأ يهدأ وقال بهدوء وراه بركان من الغضب: طب اقدر اخدها ع البيت امتي؟ الدكتور: مش دلوقتي هيا لازم تنحط تحت الملاحظه عشان لو حصل حاجه لقدر الله. قال مصطفى وهوا ماشي: ان شاءلله هاجي اخدها بكرا ومن هنا لبكرا تخلو بالكم منها كويس. ومشي ووراه مازن.

ركب مصطفى العربيه ومازن جمبه وكان بيسوق بسرعه جنونه. مازن في باله: استر ياللي بتستر يارب انا مش عاوز اموت. بعد مرور لحظات فرمل مصطفى العربيه ووقف وطلع فونه اللي كان بيرن ورد ع الفون. ريتاج: الو يا ابيه. مصطفى: ياروح ابيه فيه حاجه ماما كويسه؟ ريتاج: لا يا ابيه كنت عاوزة اخد اذنك بس اني اخرج مع اصحابي. مصطفى بتفكير: هبعتلك مازن يوصلك. ريتاج بعصبيه: لا يامصطفي انا مش صغيره هروح لوحدى. وقفت في وشه.

بص مصطفى لمازن بإستغراب. مازن بتوتر: بتبص ليا كدا لييي؟ مصطفى بتساؤل: هيا لي ريتاچ بتكرهك اوى كدا؟ الكلمة وجعت مازن اوووى قال وهوا بيحاول مش يبص ع مصطفى: يسطا اختك دى هبله ونا مش بطيقها وهيا كذالك يلا اطلع ع الشركه عشان هناك ليا معاك كلام تاني بخصوص البنت دى. شغل مصطفى العربيه وطلع ع الشركه. في مكان تاني.

احمد بيه: احنا عرفنا ان مصطفى المنشاوى تقريبا كدا والاكيد بيحب بت وعملت حادثه انهارده واتنقلت ع المستشفى اي رائيك؟ نرحب بيها بس ع طريقتنا. احمد: اممم معاك حق انا كدا كدا فاضي وعاوز ارحب بيها جدا بس انت متاكد انه بيحبها الاول؟ : يااحمد بيه كان ملهوف عليها بشكل لا يصدق وقلب المستشفى هناك احنا كنا واقفين زي محضرتك طلبت نراقب الشركه وكدا بس لما شوفنا لهفته عليها طلعنا وراه ع المستشفى. احمد: تمام نفذ بليل.

تاني يوم نزل مصطفى ومعاه مازن واتجهو ع المستشفى. وصلو واول مادخل لقيو المستشفى مقلوبه بس تجاهل دل وسأل الدكتور عن حالتها دلوقتي. الدكتور بخوف ورعب: دخلت يامصطفي بيه اطمن عليها الصبح مش لقيناها. مصطفى بعصبيه وزعيق وصوته سمع المستشفى كلها.