رواية عشق المراد الفصل العاشر 10 - بقلم نورا رمضان

في صباح يوم جديد، استيقظت عشق وملك ومراد وأسد وزينب وسليمان ونزلوا على السفرة. زينب: "يلا يا ولاد افطروا، وانت يا مراد يلا يا ابني أفطر وروح انت وأسد قابلوا قرايبنا اللي جايين من البلد." مراد: "حاضر." سليمان: "هاتوا قرايبنا وأنا هروح الشركة وبعدها هاجي. وحجزت تذكرتين لباريس لشهر العسل، هتخلصوا الفرح وتروحوا على المطار." مراد: "مكنش مهم يا جدي." عشق زعلت. سليمان: "بس يا واد، ده عشان عشق مش عشانك."

مراد: "على فكرة أنا اللي حفيدك مش هي." سليمان: "دي نور عيني." زينب: "اتعدل يا سليمان." سليمان بخوف: "حاضر يا حبيبتي." الكل ضحك وفطروا وقاموا عشان يتحركوا. مراد: "يلا يا عشق انتي وملك اطلعوا جهزوا حاجتكم." عشق: "أنا جهزتهم، هنطلع نجيبهم ونمشي." عشق جابت الحاجات اللي هتحتاجها ونزلت. ركبوا عربية مراد ومشوا. بعد فترة وصلوا. نزلت ملك وعشق. مراد: "عشق، لو احتاجتي حاجة رني عليا يا حبيبتي." عشق بزعل: "حاضر." ودخلوا.

مراد مشي وراح الفيلا عشان قرايبه اللي جم من الصعيد. عند عشق، كل اللي هناك رحبوا بيها هي وملك، لأن مراد وصاهم عليهم، وكمان مراد من رجال الأعمال المهمين وشركته من أكبر الشركات في الشرق الأوسط. عشق بدأت تجهز وملك بتساعدها. عند مراد، وصل وبعد فترة طلع الجناح عشان يجهز وأسد ساعده. بعد ما جهزوا، عشق جهزت وملك جهزت هي كمان. مراد نزل تحت هو وأسد.

مراد: "يا جدي، أنا هروح أجيب عشق وأروح على القاعة، وانتوا روحوا دلوقتي لأن الناس بدأت تيجي." سليمان: "ماشي يا ابني، أخيراً شفتك عريس قبل ما أموت يا حبيبي." وحضنوا بعض. زينب بدموع راحت حضنته. مراد: "خلاص يا زوزو، متعيطيش." زينب: "دي دموع الفرح يا حبيبي، يلا روح لعروستك عشان متتأخرش عليها." مراد: "ماشي، سلام يا زوزو." ركب مراد وأسد العربية ووصلوا عند عشق وملك. مراد طلع يجيب عشق، دخل وانصدم لما شاف عشق بالفستان.

مراد: "مين دي؟ ملك بضحك: "عشق." مراد قرب عليها: "إيه الفستان ده؟ عشق بخوف: "ماله الفستان؟ مهو حلو." مراد: "الفستان حلو بس دراعاته شفافة." ملك: "خلاص يا مراد، دي مرة في العمر والفستان حلو عليها أهو." مراد: "طيب يلا، وحسابك معايا لما نروح." عشق خافت. نزلوا وهما ماسكين إيدين بعض، وملك وراهم. ركبوا ورا، وملك ركبت جنب أسد. أسد أول لما شاف ملك سرح فيها لأنها كانت جميلة جداً، والميك أب بتاعها سيمبل هي وعشق.

مراد: "يلا يا أسد، اطلع." أسد: "احمم، ماشي." ملك كانت مكسوفة جداً من نظرات أسد ليها. وصلوا القاعة ودخل مراد وهو ماسك إيد عشق. كلهم استقبلوهم وراحوا قعدوا على الكوشة. سليمان وزينب راحولهم. زينب: "ألف مبروك يا حبايبي، وعقبال ما أشوف ولادكم." وحضنت عشق ومراد. عشق ومراد: "الله يبارك فيكي يا ماما." زينب: "خلي بالك يا مراد على عشق ومتزعلهاش، دي طيبة وتستاهل كل خير." مراد: "حاضر يا ماما."

سليمان: "ألف مبروك يا ولاد، مراد مش محتاج أوصيك على عشق." مراد: "متخافش عليها يا جدي، في عيني." جم العملاء بتوع شركة مراد وسلموا عليهم وقدموا هدايا لعشق. مراد وعشق قاموا يرقصوا سلو. عشق لمراد: "بقولك إيه، خليهم يشغلوا شعبي، أنا مبحبش الجو ده." مراد: "أكيد هيشغلوا، بس انتي جميلة أوي." عشق بكسوف: "وانت كمان البدلة حلوة أوي عليك." وفضلوا يرقصوا. عند ملك. "بس بس بس." ملك اتلفتت حواليها. أسد: "أنا اهو." ملك: "عايز إيه؟

أسد: "هعطف عليكِ وهقولك تعالي نرقص مع بعض." ملك: "لأ شكراً، روح اعطف على حد تاني." أسد: "كده ماشي." وسابها وراح لبنت واقفة: "ينفع نرقص مع بعض؟ البنت: "أكيد." ومسكت إيده وراحوا رقصوا. ملك بقت واقفة متغاظة منه. ملك بفرحة: "نور! نور: "إيه ده! إيه اللي جابك هنا يا بنتي؟ عاملة إيه؟ وحشتيني بقالي كتير مشوفتكيش." ملك: "العروسة هي عشق صحبتي الانتيم، والحمد لله انت كمان واحشني." نور: "تعالي نرقص."

وشدها يرقصوا جنب أسد والبنت اللي معاه. أسد اتغاظ لما لقي ملك بترقص مع نور. أسد في نفسه: "يعني مرضتش ترقص معايا ورايحة ترقص مع الواد ده." وبقا يبصلها بغيظ وغيره. ملك بقت متغاظة من البنت اللي بترقص مع أسد. البنت عمالة تشده وتحضن فيه جامد. خلصوا رقص وملك سابت نور: "هات رقمك بقي قبل ما أروح لعشق." خدت الرقم. نور: "هكلمك عشان نبقى نقعد مع بعض، ماشي؟ ملك: "ماشي، سلام." وراحت وقفت جنب عشق.

واشتغلت أغاني شعبي وعشق اتفاعلت مع الأغاني وخلت مراد يرقص معاها. وملك رقصت هي وعشق. خلصوا رقص بعدها راحوا قعدوا في الكوشة. جت سالي وفوزية وعز الدين أهل عشق. سالي بخبث: "ألف مبروك يا روحي." وراحت تحضنها وهمست في ودنها: "على فكرة هاخده منك لأنك متستحقيش كل ده، انتي آخرك تكوني خدامة وهو أساساً مش هيبصلك." عشق بهمس: "لو عرفتي تاخديه، خوديه. مراد ده بتاعي وبس، ده كل حياتي. ومتقلقيش يا روحي، بيحبني ودايب في دباديبي."

ملك: "خلاص يا سالي، كله بتحضنيها؟ فوزية: "أه، مش أختها يبنتي ووحشتها." ملك: "أه، مهو باين أوي أنها بتحبها." وفوزية وعز الدين سلموا على عشق ومراد. ومراد كان بيبصلهم بقرف من اللي عملوه في عشق. ومشوا عيلة العقارب 😂. جت وفاء ومحمد أهل ملك وسلموا عليهم. وعشق رحبت بيهم وكانت فرحانة جداً أنهم جم لأنهم دايماً واقفين معاها. الفرح كان ماشي بسلام وعشق ومراد مبسوطين جداً. بس حصل حاجة خلت الفرح يتقلب.

هايدي: "جاي تتجوز عليا وأنا حامل في ابنك؟ عشق انصدمت.