رواية عشق المراد الفصل التاسع 9 - بقلم نورا رمضان

دخلوا الفيلا. سليمان بخضه: إيه اللي حصلك يا مراد؟ مراد بهدوء: مفيش يا جدّي، ده ضربت واحد. سليمان: وانت من إمتى بتتخانق مع حد؟ أسد: اهدي يا جدّي، ده مجرد جرح بسيط. وقص عليه ما حدث. سليمان: طب كنتوا سلمتوهم للبوليس وخلاص. مراد: لا، كان لازم يتأدب لأنه مسك إيد عشق وخد جزاؤه. وراح لعشق اللي خايفة وحضنها. سليمان: طب انت كويس دلوقتي ولا نلغي الفرح يومين؟ مراد: لا مش هلغي حاجة، دي مجرد غرزتين وخلاص.

سليمان: طيب يا ابني، وانت يا ملك بقيتي كويسة؟ ملك: الحمد لله يا سلومتي. سليمان: لا لا متقوليش سلومتي دي تاني خلاص. ملك: ليه يا سلومتي؟ سليمان: زينب جت. ملك باستغراب: زينب مين؟ سليمان: مراتي. ملك: وهي بتغير عليك؟ سليمان: هتضربك لو سمعتك بتقولي كده. ملك بخوف: لا خلاص مش هقول حاجة. أسد: جبانة. ملك: وانت مالك يا بتاع شوشو. أسد: وانتي متغاظة منها ليه؟ عشان أحلى منك. ملك بردح: مين دي اللي أحلى مني؟ يبابا!

اللي ضاربة شعرها أصفر وحاطة الأحمر والأخضر والأزرق ده! أنا جمالي طبيعي. ده مفيش أجمل مني. ربنا يخليني ليا ويحفظني. ده أنا لو كنت راجل كنت اتجوزت نفسي. أسد: طب ما انتي فعلاً راجل. أووو! قصف جبهة. سليمان وعشق ومراد فضلوا يضحكوا عليهم. ملك: على الأقل أرجَل منك يا ضنا. أسد كان هيروح لملك يضربها. سليمان شد ملك: تعالي يا حبيبتي. وانت يا ضنا ملكش دعوة بيها، دي حبيبتي. أسد يصلهم بغيظ. عشق: كده يا جدو؟ هي بس اللي حبيبتك؟

سليمان: انتوا الاتنين حبايبي. وفتح ذراعيه، جريت ملك وعشق وحضنوه. سليمان: انتوا بناتي القمرات. مراد: والله لأقول لزينب معايا يا أسد. أسد: معاك يا صاحبي. زينب بشهقة: يخربيتك! مين دول يا سليمان؟ سليمان بعد ملك وعشق بخوف: دول يا حبيبتي، دي دي عشق مرات مراد، ودي ملك صاحبتها. زينب راحت عند عشق: إزيك يا حبيبتي، عاملة إيه؟ وحضنتها. عشق: الحمد لله حضرتك. زينب: حضرتك إيه؟ قوليلي يا ماما.

عشق بفرحة إنها طلعت حنينة: حاضر يا ماما. زينب راحت لملك: إزيك يا بنتي؟ ملك بإحراج: كويسة يا طنط. زينب: إيه البنات دي! قوليلي يا ماما انتي زي عشق. ملك بابتسامة: حاضر يا ماما. زينب راحت لأسد: عامل إيه يا حبيبي؟ أسد: كويس يا ماما. زينب راحت لأسد أول لما شافت وحبته: شهقت: يلاهوي! إيه اللي حصلك يا واد؟ ده انت فرحك بكرة. مراد: متقلقيش يا ماما، ده جرح سطحي، متخافيش.

زينب: راحت حضنته. أومال لو مقلقتش عليك انت يا حبيبي أقلق على مين؟ سليمان: أومال أنا إيه؟ زينب: آه، أجي ألاقي بنتين في حضنك. سليمان: يا حبيبتي دول بناتي. زينب: برضه؟ متحضنش حد. حضنك بتاعي أنا وبس. سليمان: خلاص، حقك عليا يا حبيبتي. وراح حضنها. مراد وأسد: الأهه على الرومانسية! روميو وجوليت والله! سليمان: اللي يغير مننا يعمل زينا. كلهم ضحكوا وقعدوا يتكلموا.

ملك: يا عشق أنا همشي، وبكرة هعدي عليكي عشان نروح عند الميكاب أرتيست. عشق: استني يا ملك. ملك: ماشي. عشق لمراد: مراد، ينفع ملك تبات معايا النهاردة؟ مراد: انتي مش محتاجة تسأليني، لأن ده بيتك. بس ينفع طبعًا. عشق: شكراً يا مراد. مراد: بت، هضربك! قولتلك 100 مرة متشكرنيش، أنا جوزك يا ماما! عشق: حاضر. ملك: يلا يا بنتي، قولي عايزة إيه؟ أنا تعبت. عشق: باتي معايا النهاردة عشان بكرة نصحى نروح عند الميكاب أرتيست علطول.

ملك: ماما وبابا مش هيوافقوا. عشق: طب هتصل أقول لعمو محمد. ملك: مش هيوافق. عشق: اصبري، أنا هقنعوا. عشق اتصلت على محمد أبو ملك. عشق: السلام عليكم يا عمو محمد، أنا عشق صاحبة ملك. محمد: وعليكم السلام يا بنتي، في حاجة حصلت؟ عشق: لا يا عمو، مفيش حاجة. بس ينفع ملك تبات معايا النهاردة عشان بكرة الفرح وهنروح على الميكاب أرتيست علطول. محمد: ماشي يا بنتي، عشان خاطرك. عشق: شكراً يا عمو. وهستناك بكرة انت وطنط وفاء.

محمد: حاضر يا حبيبتي، أكيد هاجي. انتي زي ملك بالظبط. وألف مبروك ليكي، وإن شاء الله جوزك يبقي العوض ليكي. عشق: شكراً يا عمو. محمد: العفو يا بنتي. عايزة حاجة؟ عشق: لا يا عمو. سلام. محمد: سلام يا حبيبتي. قفلوا. عشق: باباكي وافق يا بت؟ ملك: بجد؟ عشق: أه. وأخيرًا هنام مع بعض زي زمان. ملك بفرحة: هييييز! زينب: مراد، عشق هتنام مع ملك النهاردة. مراد بضيق: ليه بقى إن شاء الله؟

زينب: دي الأصول يا ابني، وده اللي كان المفروض يحصل من الأول. انت كنت المفروض يا سليمان تعمل كده من الأول. سليمان: اعملي اللي انتي عايزاه يا حبيبتي. زينب: كل بعقلي حلاوة. سليمان: ده انتي الحلويات وكل حاجة حلوة يا حبيبتي. أسد: مخلاص يا جدو، راعي إن في سنجل. مراد: يعني عليك يا أسد، سنجولة. ملك: مش أسد بس والله، راعي برضه إني سنجل. مراد: يعيني عليكوا. ملك وأسد: السنجلة جنتل.

مراد: أه يا تيتا، هو مش انتي كنتي هتيجي بكرة مع الناس اللي في البلد؟ زينب: لا، أنا قولت لجدك إني هاجي النهاردة عشان في حاجات هحضرها. مراد: تمام. بعد فترة من الكلام. سليمان: يلا اطلعوا ناموا عشان بكرة يوم طويل. أسد: أنا همشي وهعدي عليكوا الصبح. مراد: مفيش الكلام ده. يلا اطلع فوق ننام مع بعض إحنا كمان، وملك وعشق مع بعض. أسد: ماشي يا عم، هيسمع كلامك النهاردة بس. مراد: يلا يا ضنا.

أسد ومراد طلعوا فوق، بس ناموا في أوضة غير الجناح. ملك وعشق: طلعوا ناموا في الجناح. زينب: احكيلي بقى يا سليمان كل حاجة من الأول. أرجع ألاقي مراد متجوز، وتتصل تقولي أعزم الناس اللي في البلد، وأجي عشان الفرح. سليمان بغموض: هقولك كل حاجة، بس في الوقت المناسب. زينب: ماشي يا سليمان. يلا نطلع ننام. طلعوا وناموا. عند أسد ومراد، فضلوا يتكلموا كتير جدًا لغاية لما أسد نام من كتر التعب.

مراد: حاول ينام بس معرفش، لأنه متعود ينام في حضن عشق. مراد لنفسه: طب أنا ليه مدايق دلوقتي ومش عارف أنام ليه؟ كل ده عشان بعدت عن حضني يوم؟ طب هو أنا بحبها ولا لأ؟ مش عارف. بس لما بتبقى في حضني ببقى فرحان ومش عايزها تخرج منه. وليه ضربت الراجل بتاع المول بالشكل ده؟ دي أول مرة تحصل وإني أضرب حد بالشكل ده بعد ما تبت. وليه غيرت عليها؟ فضل يفكر كتير لغاية ما تعب ونام.

عند عشق وملك، نامت ملك من كتر التعب بعد ما فضلوا يخططوا هيعملوا إيه بكرة، وكانوا متحمسين جدًا. عشق: هو ليه أنا مش عارفة أنام؟ أنا أول مرة أبقى مش عارفة أنام. أنا كنت بهرب من كل المشاكل اللي حصلتلي بالنوم. لي مش عارفة أنام؟ عشان هو بعيد عن حضني؟ أنا اتعودت إنه يحضني. وليه غيرت عليه من الممرضة؟

مش هنكر إني معجبة بيه، بس لازم أفوق. لأنه أكيد هيطلقني، لأنه مكنش شافني قبل كده. ممكن يكون حد غصبو يتجوزني. أنا لازم أسأله بكرة عن كل حاجة. لازم يحطلي النقط على الحروف. وأنا نمت من كتر التفكير.