رواية عشق المراد الفصل الخامس والثلاثون 35 - بقلم نورا رمضان

مراد صحي ملقاش عشق جنبه. مراد بخضه: عشق انتي فين؟ قام دور عليها في الحمام ملقهاش، راح نازل تحت لقاها نايمة في حضن إياد. مراد أخد نفسه: آه قلبي وقع. قرب عليها وكان هيصحيها بس رجع تاني وقال يسبهم يناموا. طلع الجناح واخد شاور وخرج لبس ونزل تحت لقي سليمان وزينب وأحمد وروز. زينب: أنا هصحيهم يامراد عشان يفطروا معانا. مراد: خليكي يازوز أنا هصحيهم. مراد قرب عليهم. مراد بحنيه: عشق اصحي يحبيبي يلا.

عشق بنوم: سيبني يامراد أنا عايزة أنام. مراد: يلا ياعشق قومي افطري انتي وإياد عشان تروحوا لبابا. عشق صحيت: حاضر صحيت. إيه ده إحنا نمنا هنا إزاي؟ ده إحنا كنا بنتكلم. مراد: عليا أنا بردو. أنا عارف إنك منمتيش وعملتي نفسك نايمة، ولما سمعتي صوت عربية إياد قومتي جري. أنا زعلان منك عشان قومتي من حضني.

عشق: خلاص متزعلش مني. أنا مصدقت إن بقى عندي أخ نشارك كل حاجة مع بعض. كنت بشوف الأخوات اللي معايا في المدرسة وهم بيجيبوا الأكل ويشاركوه سوا ويحكوا يومهم وكده. فأنا مصدقت واتعودت على كده. مراد: بقي كده. عشق: آه ووسع بقا عشان أصحّي أخويا القمر حبيب قلبي. عشق بحنيه وحب: إيدو اصحي ياحبيبي يلا. إياد صحي بسعادة، لأول مرة نام بعمق وفرح وهو حاضن جزء من روحه توأمه: صحيت ياروحي. مراد: ولا اتلم. أنا ساكتلك من الصبح وإزاي تحضنها.

إياد: وانت مالك يعم دي أختي وأنا حر فيها. صح يا عشق ولا إيه؟ عشق بفرحة: صح يا إيدو. مراد بغيظ: متقولهاش يا عشقي، هي عشقي أنا وبس. إياد: لا هقول. تعالي يا عشق. وقربت منه وأخدها في حضنه وباس خدها وطلعله لسانه. مراد: هضربك. كلهم ضحكوا عليهم. سليمان بضحك: خلاص يامراد سيبهم براحتهم. يلا يا حبايب جدو عشان نفطر. عشق وإياد: حاضر يا سلومي. وقاموا قعدوا على السفرة. مراد: عشق تعالي اقعدي جنبي. إياد مسك: عشق لا هتقعد جنبي أنا.

مراد: تعالي يا عشق. إياد: لا يا عشق. عشق بأس: أنا هقعد في النص وانتوا اقعدوا جنبي. وقعدوا. سليمان بحنيه: إياد وعشق أنا آسف ليكوا انتوا الاتنين على كل حاجة وحشة حصلت في حياتكوا. ده غلطي إني مسيطرتش على ورد، بس نصحتها كتير وهي معملتش بنصايحي. أنا آسف إنكم بعدتوا عن بعض واتعذبتوا. ومن النهارده انتوا ولادي مش أحفادي. هعوضكم عن كل حاجة. إحنا عيلتكم يا ولادي. زينب: انتوا نسخة من ورد، الله يرحمها. ربنا يخليكوا ليا.

وقامت حضنتهم. عشق وإياد أول مرة يحسوا بالإحساس ده، إحساس الدفء وسط العيلة، إحساس الحب والسعادة والانتماء. إياد آه كان وسط الناس اللي أخدوه بس مكنش بيحس معاهم بأي إحساس. عشق كانت مبسوطة جدا بالإحساس اللي هي حاسة بيه. إحساس حلو من غير كره وحقد وغل. زينب: إحنا عيلتكم يا حبايبي وأي حاجة انتوا عايزينها اطلبوها متتكسفوش. إياد وعشق: شكراً يازوز. وكملوا أكل.

سليمان: عشق إياد. انهارده هجيب المحامي عشان تاخدوا ورث أمكم الله يرحمها. إياد: لا يا جدو شكراً ليك. أنا مش محتاج الحمد لله عندي شركة خاصة بيا وبنيتها بعرق جبيني وإحنا مش عايزين فلوس. عشق: آه يا جدو. سليمان: لا هتاخدوا الفلوس وده آخر كلام. أحمد: عارف يا إياد انت لو كنت بنت كنت اتجوزتك. انت مز. إياد بخوف: ما تتلم ياض انت. انت ألوان ولا إيه؟ روز: بتقول إيه يا أحمد؟ سمعني تاني كده.

أحمد: احم. لا لا مبقولش حاجة. هو أنا ليا غيرك يا روزي. روز: بحسب. زينب: وانت يا أحمد انت وروز هتتجوزوا أمتي إن شاء الله؟ أحمد: الأمور تتحسن شوية وهنتجوز إن شاء الله. وأسد هيتجوز معايا برضوا. زينب: ماشي. ويبقي خلصنا منكم. وانت يا إياد يابني. إياد: نعم يازوز. زينب: دورلك على عروسة واتجوز معاهم. إياد: لا لا يازوز. السنجلة جنتلة. خليني كده حلو. عشق: لا أنا عايزة أفرح بيك. إياد: قصدك تفرحي فيا صح؟

عشق: لا أنا هدورلك على عروسة. ماشي؟ إياد: لو جبتي حاجة حلوة أنا موافق. عشق بضحك: حاضر. أختك مبتجيبش غير الحلو. وخلصوا أكل. وقاموا لبسوا وراحوا ركبوا العربيات عشان يروحوا المستشفى. عشق اتصلت على سالي وقالتلها تروح المستشفى. وصلوا ودخلوا سألوا الدكتور. الدكتور: الحمد لله فاق بس لازم يمنع المجهود لأن صحته مش أحسن حاجة. مراد: تمام يا دكتور. هو هيخرج إمتى؟ الدكتور: هكشف عليه الأول بعدها هنقرر. ودخل كشف عليه.

وسالي وفوزيه وصلوا المستشفى ودخلوا. سالي بدموع: عشق هو فاق صح؟ بقي كويس؟ عشق أخدتها في حضنها وسالي حضنتها: آه يا حبيبتي فاق والدكتور عنده بيكشف عليه عشان يقولنا هيخرج إمتى. بعد دقايق الدكتور خرج. الدكتور: يقدر يخرج النهارده بس أهم حاجة ميعملش مجهود عشان صحته تتحسن. إياد: تمام يا دكتور. ينفع ندخله؟ الدكتور: آه ينفع بس ادخلوا أوضة التعقيم الأول. ودخلوا اتعقموا ودخلوا لعز الدين. عشق وسالي جريوا عليه وحضنوا.

عشق: وحشتني أوي يا بابا. كده تقلقنا عليك؟ كنت عايز تسيبنا؟ سالي بعياط: وحشتني يا حبيبي. عز الدين بتعب: وانتوا كمان يا حبايبي.

عز الدين لإياد: تعالي يا إياد. تعالي يا حبيبي. أنا آسف ليك. أنا ندمت على كل اللي عملته بس كنت مضطر أعمل كده. ورد الله يرحمها كانت مريضة قلب وأنا مكنش معايا فلوس. ولما اديتك للراجل أخدت الفلوس عشان أعملها العملية. قلبي كان بيتقطع لما بعدت عن حضني. كنت حاسس إن روحي راحت مني. وع فكرة كنت بتابعك من بعيد. كنت كل يوم بشوفك، بس للأسف مقدرتش أروح أجيبك منهم. مكنتش قادر أشوف نظرات الكره من بس شوفتها دلوقتي. أنا آسف يا ابني.

عشق بدموع: طب ولما انت بتحب ماما أوي كده ليه كنت بتعذبها؟ ليه عملت فيها كده؟ عشان هي حبتك وانت استغليت حبها ليك؟ خدعتها؟ سابت أهلها واتجوزتك؟ باعت الدنيا واشترتك وانت في الآخر خذلتها؟ ليه يا بابا؟

عز الدين بدموع: خانتني. أنا كنت بعشقها بجد. مكنتش بضحك عليها. قبل ما تتولدوا كنت بعملها كل اللي هي عايزاه. كنت بشتغل وأجيبلها الورد والشوكولاتة اللي بتحبها. مكنتش بعاملها وحش، كانت الملكة بتاعتي. بعد ولادتكم بشهر جالي فيديو وهي بتخونني. أنا الدم غلي في عروقي. روحت واجهتها وقالت إنها معملتش حاجة لأنها مكانتش بتخرج عشان كانت تعبانة بعد الولادة. أنا صدقت كلامها بس اعتذرتلها. بس بعدها بفترة في فيديو تاني اتبعتلي. قلبي كان بيتقطع لما أشوف كده بس مكنتش بعملها حاجة لأني واثق فيها. بس فوزيه جت وقالتلي.

فوزيه بتوتر: ارتاح ياعز الكلام هيتعبك. إياد بشك فيها: كمل يا أستاذ عز.

عز الدين بحزن: حاضر. فوزيه جت وقالتلي إن فيه راجل لقيته طالع الشقة وقعد حوالي ساعة ونزل. وكان بيجي وأنا في الشغل وورتني الفيديو اللي صورته. أنا اتجننت بس قلبي مطوعنيش أعمل في ورد حاجة لأنها كانت تعبانة جدا. فضلت ساكت وكاتم في قلبي. مكنتش متوقع إنها تعمل كده. بعدها بفترة عملت العملية ونجحت. وبعدها بفترة فوزيه قالتلي إنها لقت مع ورد فلوس كتير مع إن مكنتش بديها المبلغ ده لأنه كان أكبر من مرتبى ساعتها. روحت قولت لورد إن

اللي بيديها فلوس خليه هو اللي يصرف عليها وأنا مش هصرف. مكنتش عايزة تقولي مين الراجل ده. بعدها بقت تنزل تشتغل وفوزيه قالتلي إن الراجل مبقاش يجي وبس. بعدها بفترة ورد ماتت. وعشان أنا كنت بسافر كتير اتجوزت فوزيه وكانت معاها سالي لأن فوزيه أرملة.

كلهم كانوا بيسمعوا بصدمة. سليمان بغضب: أنا بنتي مش خاينة. بنتي أشرف منك فعلاً. هيا غلطت لما وثقت فيك. انت ****. مراد بغضب: معاك الفيديوهات دي عشان لو طلعت متفبركة؟ وبص لفوزيه وفوزيه اتوترت وخافت. عز الدين بحزن: آه معايا في تليفوني. ومسك الفون وفتح الصورة. بصوا دي صورة الراجل اللي كان بيجي لورد. كلهم بصدمة: ده ******