رواية عشق المراد الفصل السابع والثلاثون 37 - بقلم نورا رمضان

عشق بخبث: عايزاك تروح تودي سالي الامتحان وتجيبها. اياد بضيق وغضب: أنا يستحيل أوديها أو أجيبها، أنا ماليش دعوة بيها. عشق بخبث: لا ليك. اياد: ليا إيه!! عشق: معلش، اعمل اللي قلتلك عليه. هيا كان باين عليها الإرهاق، أنت هتوديها وأنا هقعد مع بابا. وهي ملهاش ذنب في اللي فوزيه عملته يا أياد. اياد بضيق: حاضر. حاجة تاني؟ عشق بخبث: شكراً يا حبيبي. وباست خده وحضنته، وكل واحد راح أوضته. عشق دخلت لقت مراد قاعد مستنيها. مراد:

اتاخرتي ليه يا حبيبي؟ عشق: جيت بسرعة، متأخرتش. بقولك، أنا هروح أقعد مع بابا النهارده عشان سالي عندها امتحانات. أول ما ترجع من الامتحان هاجي. مراد: ماشي. هوصلك الصبح. عشق: ماشي. يلا ننام. ومراد أخدها في حضنه ودفن وشه في شعرها وناموا. تاني يوم صحيوا ونزلوا فطرو بمرحهم. خلصوا فطار وأحمد راح الشركة ومعاه سليمان عشان الصفقات. زينب قعدت مع روز ومراد أخد عشق يوصلها. واياد قال لعشق إنه هيتحرك بعربيته.

بعد شويه وصلوا وعشق واياد طلعوا البيت ومراد قال لعشق أن هيطلع على الشركة. طلعوا وسالي فتحتلهم. سالي: اتفضلوا. ودخلوا. سالي: عشق، ينفع تقعدي مع بابا عقبال لما أروح وأجي من الامتحان؟ عشق: أنا جايه عشان كده. يلا روحي، وأياد هيوصلك. سالي: ملوش داعي. خليه هو قاعد معاكي وأنا هروح. اياد: لا، يلا يا سالي أنا هوصلك. سالي: شكراً ليك. عشق: ربنا معاكي يا سالي، حلي كويس، ماشي؟ سالي حضنت عشق بحب ونزلت هي واياد.

عشق عملت لعز أكل وصحته ياكل. سالي واياد ركبوا العربية بصمت. سالي بحزن: اياد، أنا آسفة ليك على اللي ماما عملته فيكم. أنا والله ما كنت أعرف حاجة. اياد بضيق: خلاص ي سالي، حصل خير. وأنتي ملكيش ذنب. وياريت نقفل على السيرة دي. سالي: ماشي. وشكراً ليك إنك وصلتني. اياد: ده واجبي. أنتي زي أختي. وأه، هعدي آخدك بعد ما تخلصي امتحان، تمام؟ سالي اتضايقت لما قال إنها زي أخته: ملوش داعي. أنا هاخد تاكسي. اياد:

لا، اسمعي الكلام. مبحبش كده. قلت هاخدك يبقى خلاص. سالي سكتت. وصلوا أخيراً وسالي نزلت. سالي: باي. اياد بشعور غريب: باي. وطلع على الشركة. عند ملك، وفاء صحتها ولبست ونزلت بسرعة لأنها متأخرة على الامتحان. وصلت الجامعة ودخلت تمتحن.

بعد ساعات، اياد نزل من الشركة عشان يجيب سالي. لأنه سألها هتخلص إمتى وهي قالتله. وصل الجامعة وفضل واقف مستنيها. لقاها جايه من بعيد وفي عربية جايه بسرعة جداً. نزل من عربيته جري وهو بينده عليها، بس هي مكانتش سامعاه من الدوشة. اياد لقي العربية قربت عليها، فضل يجري بسرعة لغاية ما وصلها على آخر لحظة وشدها بسرعة ليه. والعربية عدت، وهو كانت هتقع. راح اياد شدها من وسطها عشان متوقعش. والاتنين سرحوا في عيون بعض. سالي بتوهان:

آه على جمال عيونك اللي سحروني أول ما شفتك. اياد بتوهان: آه على جمال قهوة عيونك. فوقوا أخيراً على صوت الناس اللي اتلموا. راجل: انتوا كويسين يا أستاذ؟ اياد: احم احم، آه الحمد لله. محصلش حاجة. يلا يا سالي. سالي بإحراج: يلا. وركبوا العربية. اياد بإحراج: آسف، مكنش قصدي أمسكك كده. العربية كانت هتخبطك. سالي بتوهان: متتأسفش. ده غلطي أنا اللي مكنتش واخدة بالي. بس كنت فرحانة. اياد:

خلاص، حصل خير. بس إيه اللي فرحك انتي الصبح كان باين عليكي إنك مضايقة. سالي بفرحة: قصي قالي إنه هيتقدملي بعد بكرة عشان نكون خلصنا امتحانات. أنا فرحانة قوي يا اياد. اياد بغيره: ألف مبروك. بس مش هينفع بعد بكرة. بابا لسه تعبان. سالي بضيق: آه، الموضوع راح عن بالي خالص. طيب، هكلم بابا ويحدد ميعاد يجي فيه. بس ينفع تيجي يا اياد؟ لما هما يجوا، أنا بعتبرك أخويا وعشق هقولها تيجي. اياد بغيره: للأسف مش فاضي. سالي بحزن: ماشي.

اياد بضيق: خلاص، متزعليش. لو عرفت أجي هاجي. وبكرة هعدي عليكي عشان أوصلك. سالي: شكراً ليك. عند ملك، خلصت امتحان وروحت البيت ودخلت. ملك: يماما، أنا جعانة. فين الأكل يا ناس؟ وفاء: وطي صوتك. الأكل قرب يجهز. عملتي إيه في الامتحان؟ ملك: عيب عليكي. كله تحت السيطرة. وفاء بسخرية: آه، ما أنا عارفة. يلا روحي غيري هدومك. ملك دخلت غيرت ومحمد وصل من الشغل. قعدوا على السفرة. محمد: انتي كلمتي عشق؟ ملك:

لا، مش عارفة أكلمها بسبب الامتحانات. هكلمها بعد شوية أطمن عليها. محمد: وكلمتي أسد؟ ملك: لا، مكلمتهوش من ساعة ما قلتلي مكلمهوش في الفون. محمد: اتصلي على أسد اطمني عليه، لأنه كان كلمني وقالي إنه رايح مهمة. ملك بقلق قامت من على الأكل. وفاء: لما تأكلي اتصلي عليه. ملك بخوف: لا، أنا شبعت. ودخلت أوضتها. اتصلت على أسد بخوف. رد أسد. أسد: ألو يا حبيبتي. وحشتيني أوي. ملك بدموع: ليه مقولتليش إنك مسافر وليه متصلتش بيا؟ أسد:

مالك يا حبيبتي؟ مرضتش أقولك عشان متقلقيش. وقولت أول ما أوصل اتصل بيكي. بس تليفوني فصل شحن ولسه حاطه على الشاحن. وكنت هتصل عليكي. وقلت لعمي يقولك. ملك بعياط: وليه متقوليش؟ أنا، انت عارف إن بابا قالي متصلش عليك لأنك لسه أجنبي عني. بس كنت اتصل انت وقولي. أسد بحنان: حقك عليا يا روحي. بس مكنتش عايز أقلقك وعشان تركزي في امتحاناتك. أنا آسف. خلاص متعيطيش. حقك عليا. ملك بدأت تهدأ:

ماشي. بس هكلمك كل يوم أطمن عليك. انت هترجع إمتى؟ أسد: بعد يومين. وأول ما أرجع هاجي عشان نتجوز على طول. ملك: ليه الاستعجال ده؟ أسد: أنا مش قادر أصبر اليومين دول. أنا هاين عليا نكتب الكتاب وآخدك على البيت على طول. مش هخليكي تقومي من حضني. ملك قفلت في وشه وفضلت تضحك بحب وكسوف. هيا مستنية اليوم ده أكتر منه. هيا بتعشقه. راحت تذاكر بحب. عند سالي، واياد وصلوا البيت وطلعوا فوق ودخلوا البيت. عشق حضنت سالي:

عملتي إيه في الامتحان؟ سالي بحب: الحمد لله كان حلو. عشق: يلا ادخلي اغسلي إيدك وتعالي عشان تأكلي. أنا حضرت الأكل اللي بتحبيه. سالي: ربنا يخليكي ليا. سالي: عشق، في واحد زميلي في الجامعة اسمه قصي. هو عايز يتقدملي بعد ما نخلص امتحانات. فبابا هيقدر يقعد ولا أقوله ناجل شوية؟ عشق: نسأل بابا الأول. سالي: ماشي. يلا ندخله. ودخلوا وسالي قالتله على قصي وهي مبسوطة. بس اياد كان مضايق ومكشر. عز الدين:

أنا بقيت كويس. قوليله يكلمني ونحدد ميعاد يجي فيه. سالي بفرحة: ماشي. اياد بضيق: يلا نروح يا عشق. عشق بخبث: ماشي. سلام يا بابا. سلام يا سالي. هنيجي بكرة إن شاء الله. وأنا واياد هنيجي لما قصي يجي. سالي بفرحة: ماشي يا حبيبتي. سلام يا اياد. وعشق واياد نزلوا ركبوا العربية. عشق بخبث: مالك مضايق ليه؟ اياد بضيق: مفيش. بس انتي مش شايفة سالي مستعجلة على العريس عشان بابا لسه تعبان. عشق بخبث:

لا، ولا مستعجلة ولا حاجة. هي فرحانة بس. وبابا في اليومين دول هيتحسن أكتر. وأنت بقى استعجل عشان نفرح بيك ونجوزك. اياد بحب: قريب أوي. وصلوا البيت ونزلت عشق دخلت الفيلا واياد طلع على الشركة. عشق قعدت بتعب. زينب: مالك يا حبيبتي؟ عشق: تعبانة شوية يا زوزو. زينب: اتصل بالدكتور. عشق: لا يا زوزو، أنا هطلع أرتاح وهبقى أحسن. زينب: استني هجبلك تأكلي. عشق: لا، مش قادرة آكل. زينب بحده: اسمعي الكلام. كلي عشان اللي في بطنك.

وجابتلها الأكل وأكلتها بحب وخلصت. أمل وعشق طلعت ترتاح. بليل، عند سالي، كانت قاعدة بتذاكر. بس افتكرت اياد وعيونه ولما مسكها وخوفه عليها. فضلت سرحانة. بس فاقت. سالي بحزن: إزاي أفكر فيه بالشكل ده؟ ده زي أخويا. وكمان بعد يومين هتخطب لقصي. لازم مفكرش فيه. ابعد عن دماغي بقى. وكملت مذاكرة عشان عندها بكرة آخر امتحان وتبقي اتخرجت.

عند ملك، فضلت تذاكر لأن هيا كمان آخر امتحان وتتخرج. قامت بتعب بعد ما ذاكرت وقامت تنام وهي بتفكر في أسد اللي وحشها. نفسها الأيام تعدي بسرعة ويتجوزوا. عند مراد وأحمد وسليمان، خلصوا شغل وخرجوا من الشركة وركبوا العربيات ورجعوا البيت. واياد خلص شغل وروح الفيلا. وصلوا ودخلوا الفيلا. مراد: فين عشق يا زوزو؟ وحشتني أوي. زينب: طلعت ترتاح عشان كانت تعبانة شوية. مراد بقلق: إيه اللي حصلها؟ زينب:

متخافش يا حبيبي. تعبت من كتر المجهود اللي عملته واللي حصل اليومين اللي فاتوا. أنا أكلتها وخلتها تطلع ترتاح واطمنت عليها من شوية وهي كويسة. مراد: طيب، هطلع أطمن عليها. وطلع جري دخل الجناح لقاها نايمة على السرير وبتتفرج على كرتون. مراد: بتتفرجي على كرتون!! عشق: فيه إيه يعني؟ الكرتون مهو حلو أهو. مراد: حبيبتي، انتي بعد كام شهر هتبقي أم. عشق: أيوه. وأي يعني ده يمنع إني متفرجش عليه. مراد:

خلاص يا عشقي اتفرجي على اللي عايزاه. المهم انتي عاملة إيه دلوقتي؟ أطلبلك الدكتور؟ عشق: لا، اتحسنت. مراد باس خدها: متعمليش مجهود تاني وارتاحي. أنا هدخل آخد شاور وأغير هدومي وننزل عشان العشا. عشق: ماشي يا مرادي. وباست خده. دخل مراد أخد شاور ولبس وخرج. أخد عشق ونزلوا قعدوا على السفرة واتعشوا بمرحهم المعتاد. خلصوا وكل واحد راح أوضته. عشق ومراد، وأخدها في حضنه. عشق: مراد. مراد: اممم. عشق: أنا هروح عند بابا بكرة الصبح.

مراد: لا يا عشق، ارتاحي النهارده. عشق: مش هينفع. سالي عندها امتحان بكرة وده آخر امتحان. هروح عشان بابا ميقعدش لوحده. مراد: ماشي. بس متعمليش مجهود كبير. عشق: حاضر. بص، عايزة أقولك حاجة. وقالتله أن سالي جالها عريس. واياد اللي كان مضايق أنها جالها عريس. وأنها متوقعة أن اياد بيحب سالي. مراد:

لا، اياد معاه حق. أنها مستعجلة. وكمان عشان باباكِ تعبان. واكيد مش هيحبها يعشق. هما شافوا بعض مرتين تلاتة مش أكتر. واللي متأكد منه، اياد مش هيحبها لأنه مش هيقدر ينسى اللي فوزيه عملته في أمكم. عشق بتحدي: هنشوف يا مراد، كلام مين اللي صح. أنا ولا أنت. مراد: كلامي أنا. وخدها في حضنه وناموا. عند اياد، مكنش عارف ينام بسبب تفكيره في سالي. اياد بغضب: نام بقى. متفكرش فيها. دي أختك وبس. ونام بعد تفكير.

تاني يوم صحيوا ونزلوا فطرو وراحوا الشركة. بس مراد أخد عشق ووداها عند عز. واياد وراهم. عند ملك، صحيت بنشاط وفطرت ونزلت عشان تروح الامتحان. وصلوا ومراد حضن عشق وبعدها مشي وطلع على الشركة. اياد أخد سالي عشان يوديها الجامعة بصمت منهم هما الاتنين. وصلوا وسالي نزلت. اياد: هعدي آخدك بعد ما تخلصي. سالي: ماشي. باي. اياد بحب: ركزي وحلي كويس. انهارده آخر يوم. سالي بفرحة: حاضر. باي. ودخلت وهو طلع على الشركة.

عشق عملت أكل وصحت عز واكلته وادته علاجه. وفضلوا يتكلموا. بعد ساعتين، اياد راح يجيب سالي. فضل واقف كتير وهي لسه مطلعتش. اياد بنفاذ صبر: أنا هنزل أدور عليها. ونزل من عربيته. فضل يدور عليها بس لقاها واقفة عند الحمامات واتصدم من اللي شافه.