رواية عشق المراد الفصل الثامن والثلاثون 38 - بقلم نورا رمضان

اياد اتصدم لما شاف سالي وولد واقف معاها وبيحاول ياخدها معاه وبيشدها وكاتم صوتها. اياد جري عليه ولكمه. قصي: انت ازاي تعمل كده؟ انت مش عارف انا مين؟ انا ممكن احبسك. اياد: مش عايز اعرف. وفضل يضرب فيه بغل لغاية ما وش قصي و بوقه نزفوا. قصي بيحاول يضرب اياد بس مش عارف لان اياد عمال يضربه. سالي بعياط: سيبه يا اياد. هي..موت في ايدك. سيبه. اياد بغضب: مش هسيبه. لازم يتربي. وضربه.

الأمن اخيراً جه وبعدوا اياد عن قصي وطلبوا الاسعاف لقصي لانه كان متجرح. واياد قالهم اللي حصل وأنه كان عايز ياخد سالي. والأمن شاف الكاميرات وعملوا محضر لقصي. واياد اخد سالي في حضنه اللي كانت منهارة. اياد بحنية: خلاص يا حبيبتي. حصل خير. اهدي بقى. متعيطيش. سالي بحزن وعياط: انا اسفة يا اياد على اني سببتلك مشكلة. انا مش عارفة لو مكنتش جيت كان ايه اللي هيحصلي. وحضنته اكتر.

اياد ضمها لحضنه اكتر: متتاسفيش يا روحي. خلاص انتي معايا وبخير. سالي انتبهت انها في حضنه. سالي بعدت بإحراج: اسفة. مكنش قصدي. اياد بحب: ولا يهمك يا حبيبتي. سالي باستغراب وفرحة: حبيبتي!! اياد بتوتر: بـ.. بصي من الآخر كده. انا.. انا.. انا بحبك. سالي بصدمة: بت.. بتحبني؟ ده بجد ولا انا بحلم؟

اياد قرب منها وحضنها بحب: لا مش بتحلمي. انا فعلاً بحبك. بل بعشقك. توهت في عيونك اول ما شفتك. كنت بحس بإحساس غريب. اول لما اشوف قلبي اتكسر لما قولتي امبارح انك هتتجوزي قصي. حاولت اقنع نفسي انك زي اختي وانك هتبقي مع غيري وانك يستحيل تحبيني. حاولت اقنع نفسي بده بس قلبي مكنش قادر يبعد عنك. مكنتش بعترف اني بحبك حتى بيني وبين عقلي. بس كنت بعترف قدام قلبي. انا بحبك يا سالي. وانتي بتحبيني ولا ممكن ترجعي لقصي؟

سالي بدموع فرحة: ده اجمل يوم عيشته. انا بحبك يا اياد. كنت بحاول أوهم نفسي أني بحب قصي بس لا. انا حبيتك اول ما شوفتك. انا بعشقك. اياد بحب وحنية: وانا كمان. وحضنها. بعد عنها اياد: تحبي تروحي فين؟ سالي بفرحة طفولية: الملاهي. اياد: من عنيا. يلا. وراحوا الملاهي وفضلوا يلعبوا. عند ملك. خلصت امتحان ورجعت البيت ودخلت. ملك بفرحة: انا جعانة. وفاء: روحي غيري وتعالي يلا.

ملك: اول مرة ادخل البيت وانا متخرجة. واول مرة اكل واغير هدومي وانا متخرجة. واول مرة انام وانا متخرجة. وفاء: واول مرة تضربي بالشبشب وانتي متخرجة. وحدفتها بيه. ملك: ايوه نسيت دي. واول مرة اقولك سلام يا مرات ابويا وانا متخرجة. ودخلت جري قبل ما وفاء تضربها تاني. دخلت اتصلت على أسد. أسد رد: الو يملوكتي. ملك بحب وفرحة: انا فرحانة اوي يا أسد اني اتخرجت. هيييي. أسد بفرحة وعشق: الف مبروك يا قلبي. عقبال فرحنا.

ملك: شوفتي ماما عملت فيا ايه؟ انت يرضي ذمتك اني اقولها اول مرة اكل وانا متخرجة تروح حدفاني بالشبشب؟ أسد بغزل: عقبال ما تبقي عليها (عشرة من عشرة ونجمة) ملك قفلت في وشه. أسد بضحك: هو انا قولت حاجة غلط؟ كل اما اكلمها تقفل في وشي. بس يلا مش مهم. كلها كام يوم وتبقي عليها ومش هتقفل في وشي تاني. وراح يكمل شغل. ملك فضلت تضحك بحب: هانت يا أسدي وهتبقي بتاعي. وراحت عشان تاكل وسط مرحها. خلصت اكل.

ملك بنوم: اول مرة انام وانا متخرجة. ارجوكي يماما متصحنيش. سيبيني انام براحتي. وفاء بخبث: من عنيا يا حبيبتي. ملك: هتموتيني وانا نايمة ولا ايه يا مرات ابويا؟ وجريت على الاوضة. عند سالي واياد. بعد ما خلصوا لعب. اياد بحب: نروح فين تاني؟ سالي بتعب: لا كفاية كده. ويلا نروح عشان عشق وبابا. اياد بحب: حاضر يروحي. وراحوا عند عز الدين. ودخلوا البيت. اياد بسرعه: فين بابا يعشق؟ عشق باستغراب لما شافتهم بيضحكوا: لي بتضحكوا على ايه؟

اياد: هقولك دلوقتي. بس فين بابا؟ عشق باستغراب: جوه. دخلوا لعز. اياد بفرح: بابا انا عايز اتجوز سالي. عز الدين بدهشة: ازاي تتجوزها؟ قصي جاي بكرة. هقوله ايه؟ سالي: لا. انا مش عايزة قصي. قصي حاول ياخدني معاه شقته بعد الامتحان. واياد لحقني على اخر لحظة. اياد حكلهم اللي حصل. عز الدين: انا موافق يا حبايبي. الف مبروك ليكم. هات جدك وتعالوا بكرة. بس مظنش ان جدك هيوافق. اياد: لا هيوافق. جده طيب جداً. عز الدين: على خيره الله.

اياد: يلا عشان نمشي يا عشق. عشق بفرحة: يلا يا حبيبي. سالي: اقعدوا شوية. عشق بخبث: عشان اياد صح؟ سالي اتكسفت. اياد: بطلي رخامة. واه عشانى. عشق: ماااشي يا اياد. انا رخمة. اياد: خلاص حقك عليا. يلا نمشي. اياد: سالي هاتي رقمك. سالي ادته رقمها وهي اخدت رقمه. ونزل هو وعشق. اياد: تفتكري جدو هيرفض؟ عشق: مردتش عليه. اياد: يابت. عشق مردتش.

اياد: اه زعلانه مني عشان قولتلك يارخمة. المفروض هرمونات الحمل دي تطلع على مراد مش عليا. نكدية على مراد. عشق: قصدك اني نكدية؟ اياد بسرعه: لا. انتي فرفوشة وجميلة. وباس خدها. حقك على راسي يا نور عيني. عشق ابتسمت بحب: خلاص مش زعلانه منك. وجدو مش هيرفض أن شاء الله وهيوافق. اياد بحب: يارب. وفضلوا يتكلموا. وصلوا البيت وعشق دخلت واياد طلع على الشغل. بليل وصل مراد واياد وأحمد وسليمان.

كلهم طلعوا يغيروا هدومهم ونزلوا قعدوا على السفرة. اياد كان متوتر من رد فعل سليمان. عشق قرصته: اياد قول لجدو. اياد: انا متوتر. معرفش ليه. عشق: اقول انا. اياد: لا خلاص. انا هقول. اياد بتوتر: احم احم. جدو انا عايز اتجوز. سليمان بفرحة: لقيت عروسة؟ اياد بتوتر: اه. زينب بفرحة: ومين سعيدة الحظ؟ احنا نعرفها؟ اياد بتوتر: اه. سليمان: قول هي مين يابني. اياد بتوتر: سالي. صمت عم أرجاء المكان. سليمان: ***** اياد بصدمة: ايه؟