رواية عشق المراد الفصل الثاني عشر 12 - بقلم نورا رمضان

في يوم جديد، استيقظت عشق لتجد مراد يحتضنها جامدًا كأنها ستهرب منه. سرحت عشق في ملامح مراد.

عشق: "رغم كل الظروف الصعبة اللي عديت بيها، بس أنت كملت وفضلت واقف صامد زي الأسد. أنا هحاول أعوضك عن التعب اللي أنت شفته في حياتك. أنا آه تعبت كتير في حياتي، بس أنت تعبت أكتر واستحملت فوق طاقتك. أنت جميل جدًا، وأنا مش وحشة، لا هما اللي وحشين اللي يكرهك في نفسك ويدمرلك ثقتك وطموحك وشغفك، واللي يتخلي عنك يبقى بيكرهك. كان لازم تبعد عنهم، بس أنت كنت بتعافر عشان متخسرهمش. أنت جميل جدًا." وضعت يدها على شعره.

مراد: "والله مفيش جميل غيرك يا قمر." عشق اتخضت واتكسفت: "أنت صاحي وعملت نفسك نايم يا مراد، بتضحك عليا؟ مراد: "أنا صاحي من بدري." عشق: "طب مصحتنيش ليه بدل ما تقعد لوحدك؟ مراد: "مكنش ينفع أصحيكي، لآني كنت ببص عليكي وأنتي نايمة عاملة زي الملاك يا روحي." عشق حطت إيدها على جبهته: "إيه ده، أنت مش سخن؟ أنت مالك انهارده يا ابني؟ مراد: "آه، يعني أنا عمال أقولك كلام رومانسي، وفي الآخر تقوليلي أنت مش سخن وتقوليلي يا ابني؟

عشق: "لا، ما أنا مش متعودة عليك كده." مراد: "لا اتعودي يا روحي. وأه، بمناسبة اللي حصل امبارح، أرجوكي متقوليش لحد حاجة من اللي أنا قولتهالك." عشق: "أنا مبعملش كده، لأن دي حاجة تخصنا إحنا الاتنين بس." مراد: "ماشي يا قلبي. يلا نلبس وننزل نفطر." عشق: "حاضر، بس ينفع نروح الملاهي؟ مراد حاول يستوعب اللي بتقوله: "نعم، أنا مراد محمد سليمان أروح الملاهي يا بت؟ عشق: "ومالها يا ضنا الملاهي؟ مراد: "بتاعت الأطفال يا طفلة."

عشق: "ع فكرة مش كاتبين يافطة إنها للأطفال، وارجوك وديني." مراد بقله حيله: "حاضر يا ستي." عشق: "وطلب تاني." مراد: "قولي." عشق: "إننا نلبس زي بعض. أنا هقنيلك تلبس إيه." مراد: "ماشي يا حياتي." واختارت نفس الألوان اللي هتلبسها عشق يلبسها مراد. لبسوا ونزلوا فطروا وراحوا الملاهي. مراد: "هتركبي إيه؟ عشق شاورت على لعبة. مراد: "ماشي، كل واحد يختار لعبة." وراحوا ركبوا اللعبة. مراد: "هنركب دي."

وشاور على اللعبة اللي بتبقى زي كراسي وبتطلع فوق وتنزل تحت مرة واحدة وتروح شمال ويمين. عشق خافت: "لا دي وحشة." مراد: "لا مش وحشة، ولا أنتي خايفة؟ عشق بخوف بتحاول تداريه: "لا مش هخاف من لعبة." وراحوا ركبوا واللعبة بدأت وطلعت فوق بسرعة جدا. وعشق فضلت تصوت وتزعق لمراد عشان ينزلوا. ومراد فطس من الضحك على شكل عشق، كل لما اللعبة تتحرك تصوت وتحضن في مراد أكتر. اللعبة وقفت ونزلوا. مراد وهو بيقلد عشق: "لا مش هخاف من لعبة."

عشق ضربته في كتفه: "بس يرخم، أنت كنت عايز تموتني." مراد: "وأنا مالي يا لمبي، أنت اللي وافقتي. وطالما أنت بتخافي أوي كده، وافقتي ليه؟ عشق: "لا مش بخاف، بس عشان أول مرة أركبها." مراد: "طب اختاري نلعب إيه، بس ونبي مش لعبة للأطفال." عشق: "نينيني، هندخل بيت الرعب." مراد: "أنتي اللي قولتي." ودخلوا. عشق ماسكة في كتف مراد. مراد بضحك: "خايفة ليه؟ عشق: "مش خايفة."

كل لما حاجة تطلع لهم في اللعبة، عشق تصوت وتحضن في مراد لغاية ما خرجوا. مراد: "خوافة أوي." عشق: "بس يا ضنا، يلا ناكل." مراد: "احنا لسه فاطرين." عشق: "احسدني بقي، أنا جعانة." مراد: "طيب يلا." وراحوا كلوا. مراد: "يلا نروح نعمل شوبينج عشان في حاجات عايز أشتريها." عشق: "تمام." وراحوا المول. ومراد اشترى حاجات ليه وهدايا. وخد عشق لمحل ملابس واختار لها كذا طقم، وهي دخلت تقيسهم وتوريه.

عشق بزهق: "يوه، أنا زهقت. كل لما أقيس حاجة متعجبكش." مراد: "مخلينك حلوة أوي، وأنا مش عايز حد يبص على حاجة بتاعتي." عشق بفرحة من كلامه: "حاضر، هقيس الباقي وأوريهولك." دخلت تقيس. في مصر، عند سليمان، بيكلم حد في الفون. سليمان بفرحة ودموع: "أنت بتكلم جد، يعني عشق تبقى*****؟ الشخص: "آه يا سليمان بيه، نتيجة التحاليل ظهرت وكانت إيجابية." سليمان بفرحة: "ماشي يا بني، ابعتلي التحاليل دي على البيت." الشخص: "حاضر." وقفل.

سليمان: "الحمدلله، أنا لازم أقول لعشق وأعوضها عن الذل والحرمان من الحنية، بس لما ترجع عشان أقدر آخدها في حضني، لآني عارف إنها هتنهار." وراح على الشركة. يا ترى التحاليل فيها إيه؟ عند ملك، كانت رايحة من الجامعة. شاب: "إيه القمر ده." ملك نفخت بضيق. الشاب: "تعالي يا عسل، هدلعك أوي." وراح يمسك إيدها. ملك بزعيق: "ولا اتلم يا ضنا، أنا سكتلك عشان مش عايزة أتخانق مع حد، بس هتزيط فيها، هقلع اللي في رجلي وأدعك بيها."

الشاب راح يمسكها، وكان معاه سكينة حادة: "طب أنا هوريكي هعمل إيه." ملك صوتت والناس اتلمت وضربوا الولد، والبوليس جه أخده، وأخد ملك عشان تقول إيه اللي حصل. في القسم، ملك كانت قاعدة في مكتب الظابط. الباب انفتح ودخل الظابط. ملك بصدمة: "هو أنت! يا ترى ملك شافت مين؟ عند عشق، خلصوا ومراد اشتراها اللبس. قاسته وهو قالها عليهم لأ. عشق: "ليه جبتهم، مش هما مش عاجبينك؟

مراد: "مين قال إنهم مش عاجبيني، دول حلوين أوي عليكي، بس هتلبسيهم في البيت، أنا بس اللي أشوفهم وأنتي لابساهم." عشق بفرحة لغيرته عليها: "ماشي." وهما ماشيين، لقوا بنت جت حضنت مراد. البنت: "وحشتني أوي يا مراد، بقالي كتير مشوفتكش." عشق بغيظ: "*****." يا ترى مين البنت دي؟