رواية عشق المراد الفصل الثاني والثلاثون 32 - بقلم نورا رمضان

مراد كان لسه هيتكلم بس لقي شاب دخل. مراد بغضب: انت مين؟ مصطفى: أنا مصطفى وكنت جاي أشوف عشق. مراد قام بغضب وضربه بالبوكس: جاي امرأتي ليه؟ عشان تعرض عليها الجواز يبن... وضربه. عشق قامت جري وحاولت تبعد مراد عن مصطفى. عشق: ابعد يامراد. سالي بتكدب، مصطفى زي أخويا. وأخيراً بعدتهم عن بعض. مصطفى: يلا يا عشق، هاخدك ونمشي. متقعديش معاه. أنا عارف إنك اتغصبتي تتجوزيه. يلا. وشد إيديها. مراد كان رايح يضربه تاني. عشق وقفته.

عشق: لأ يامصطفى. مراد جوزي وحبيبي وكل حياتي وأبو ولادي. أنا حامل ومش هبعد عنه. هو كل حياتي. سالي وفوزيه شهقوا بصدمة أن عشق حامل. مصطفى بحنية: عشق، انتي لو بتقولي كده عشان خايفة أنا جنبك. أنا أخوكي يا عشق. عشق: لأ بجد. أنا بحب مراد وربنا يخليك ليا. مصطفى: تمام يا عشق. أنا آسف يا أستاذ مراد. مراد بهدوء: خلاص حصل خير. اتفضل اقعد معانا. وقعدوا مع بعض. هايدي نزلت ومعاها شنطة سفرها.

هايدي بحزن: أنا همشي يا مراد. واسفة ليك انت وعشق على اللي عملته وأذيتكم. ياريت تسامحوني. عشق قامت أخدتها في حضنها: خلاص يا هايدي. إحنا كلنا مسامحينك. وأنا اعتبرتك أختي. هايدي حضنتها: شكراً ليكي يا عشق. انتي إنسانة جميلة وطيبة. مراد: متسافريش يا هايدي. ارجعي اشتغلي معانا في الشركة. هايدي: ينفع؟ عشق: طبعاً يا حبيبتي. ويلا طلعي شنطتك وانزلي اقعدي معانا. هايدي: لأ، هقعد معاكم شوية وبعدها أمشي. أرجع بيتي. عشق: تمام. يلا.

وقعدوا. مراد: وانت يامصطفى بتشتغل إيه؟ مصطفى: ... مراد: يابني. مصطفى فاق من سرحانه في هايدي اللي اتشدت ليه أول لما شافها. هايدي ملامحها جميلة جداً. مصطفى: نعم؟ بتقول حاجة؟ مراد وعشق لاحظوا نظرات مصطفى لهايدي وهايدي اتكسفت. مراد: بقولك بتشتغل إيه؟ مصطفى: بشتغل مهندس برمجيات. مراد: وبتشتغل فين؟ مصطفى: لسه بدور على شركة اشتغل فيها. لأني كنت شغال في السعودية وهستقر هنا وأتجوز. قالها وهو بيبص على هايدي وهايدي اتكسفت.

مراد بخبث: طب تعالي اشتغل معايا في شركتي. خد ده الكارت وتعالى بكرة الصبح. مصطفى: شكراً يا مراد. مراد: العفو. وانتي يا هايدي تيجي بكرة؟ هايدي: تمام. سالي: مش هيا دي يا عشق اللي كانت في فرحك وقالت إنها حامل من مراد؟ هايدي دموعها نزلت. عشق: ملكيش فيه يا سالي. وهي كانت مضطرة تقول كده عشان كان في ناس عقارب زيك كده مهددينها. سالي: أنا عقربة؟ عشق ببرود: آه. دي الحقيقة. فوزيه: اتلمي يا عشق. مينفعش تقولي لأختك كده.

عشق ببرود: أنا إخواتي ملك وهايدي ومصطفى وروز. بس معنديش إخوات عقارب. ويلا من غير مطرود. فوزيه بغيظ: بتطردي أمك وأختك؟ عشق: أنا ميشرفنيش إنك تبقي أمي ولا هيا تبقي أختي. يلا مع السلامة. فوزيه بغيظ: إحنا مش قاعدين في بيتك. إحنا قاعدين في بيت مراد.

مراد ببرود: ده بيت عشق. آه أنا نسيت أقولكم إن عشق تبقي بنت عمتي ورد. عمتي ورد اللي ماتت بسبب عز الدين. بس بلغيه إني مش هسكت على اللي عمله وهتندموا انتوا كمان على العذاب اللي عيشتوا عشق فيه. ويلا مع السلامة. وخرجهم. سالي وفوزيه خرجوا وهما مصدومين من اللي حصل. روحوا وقالوا لعز الدين اللي حصل. عز الدين كان مصدوم وخايف. سابهم جري ودخل أوضته ونام وهو بيفكر إيه اللي هيحصل له لو عرفوا سر تاني.

مراد: جبتي الشجاعة دي كلها منين؟ عشق بدلع: منك يامرادي. وحضنته. مصطفى: احم. لاحظوا إن في سناجل قاعدين. مراد: يا عم سيبني في حالي. وبعدين روح اتجوز. مصطفى بص لهايدي وغمزلها: قريب أوي. هايدي بخجل: أنا همشي دلوقتي. وهاجي الشركة بكرة إن شاء الله يا مراد. مراد: تمام. مصطفى قام بسرعة: وأنا كمان همشي. عشق بخبث: طب معلش يا مصطفى وصل هايدي بيتها. مصطفى بفرحة: حاضر يا عشق. يلا يا آنسة هايدي. هايدي بخجل: ماشي.

وخرجوا وركبوا العربية. مصطفى: ااا أنا لو سمحتي أنا أنا بحبك وعايز أتوزجك. هايدي بخجل: لحقت تحبني؟ أنت أول مرة تشوفني. مصطفى: أنا أول لما شوفتك خطفتي قلبي. موافقة ولا لأ؟ هايدي بخجل لأنها كمان أعجبت بيه: موافقة. مصطفى بفرحة: تمام. كلمي باباكي وحدديلي ميعاد. هايدي بحزن: أنا أهلي متوفيين. فممكن تكلم مراد. مصطفى: ماشي. هكلمه بكرة. هايدي بحزن: بس الأول في كام حاجة كده لازم تعرفهم.

وقصت عليه ما حدث واللي هي عملته في مراد بسبب سهير وبس. مصطفى: برضه عايز أتوزجك. أنا هكلم مراد بكرة. ويلا يا ستي وصلنا. هاتي رقمك. وخدوا أرقام بعض. وطلع لها الشنطة ومشي. روح بيته وقال لمامته على هايدي ومامته فرحت جداً. ودخل نام. عند مراد: أنا هروح الشركة وجاي بسرعة يا يعشق. عشق: ماشي يا حبيبي. ومشي. وصل الشركة ودخل مكتبه يشتغل. السكرتيرة خبطت ومراد قالها تدخل. السكرتيرة: أستاذ مراد. أستاذ أياد بره. مراد: دخليه.

السكرتيرة: اتفضل أستاذ أياد. دخل أياد ومراد اتصدم لما شافه شبه عشق جداً. بل نسخة منها. أياد باستغراب: في حاجة يا أستاذ مراد؟ مراد: آه. انتي نسخة من مراتي. أياد: أفندم؟ مراد: آسف. اتفضل. أياد: ليه حضرتك قولت كده إنها شبهي؟ مراد: ثواني هعرفك. ووراه صورة عشق. أياد بصدمة: إزاي كده؟ دي نسخة مني. مراد: ينفع نعمل تحليل DNA؟ أياد بشك: تمام. أنا وافقت عشان شاكك برضه. مراد: تمام. يلا هنروح المعمل. وهاتصل عليها تيجي على المعمل.

أياد: تمام. ومراد اتصل على عشق وقالها تركب مع السواق والسواق هيجيبها المعمل. وقفل بسرعة ونزل هو وأياد وركبوا العربيات ومشوا. وصلوا المعمل وكانت عشق وصلت. شافت أياد واتصدمت. عشق: هو إزاي شبهي كده؟ مراد: معرفش. بس ادخلوا اعملوا تحليل DNA وهنعرف. دخلوا تحت صدمتهم. مراد عارف صاحب المعمل وقاله إنه عايز التحليل النهارده. وصاحب المعمل وافق وقاله هيطلع بعد ساعة. أياد: أنا عايز أفهم كل حاجة بعد إذنكم.

مراد حكاله كل حاجة وقاله إنه ممكن يبقي توأم عشق. بعد ساعة نتيجه التحاليل طلعت. ومراد أخد التحليل وفتحه وطلعت النتيجه أن عشق وأياد توأم. عشق جريت حضنت أياد وهي فرحانه. أياد كان مصدوم إن الناس اللي عاش حياته معاهم كل ده طلعوا مش أهله. بس حضن عشق. وفضلوا يعيطوا. مراد بغيظ: خلاص. هو أنا كيس جوافة؟ أياد: وانت مالك يا عم. دي أختي وتوأمي. وحضنها. مراد: طيب يلا عشان نروح لعز الدين. أياد وعشق: تمام. يلا.

وركبوا العربية واتجهوا ناحية بيت عز الدين. وعشق وأياد كانوا قاعدين في الكنبة اللي ورا وبحكوا لبعض عن حياتهم. ومراد بيبص عليهم وبيبتسم. بس جاله تليفون. ورد أسد: مراد. سهير هانم هربت من السجن. مراد بصدمة: إزاي؟